Pathian hruaina in, June 15 (YMA day) 2011 khan, Kolkatta lam atangin Aizawl kan thlawk lut ve a. Mumang te pawh a ang dawn dawn. Kan lo chuanna Air India chu, rin aiin thlawhna chhung an enkawl failo ve hle..
Lengpui Airport kan lo thlenga, Kan airport pawh “Tuirial Airfield” te ngaihtuah chuan hma kan lo sawn ve ta viau. Mahse thlawhna atanga Airport chhung panna ke a kal tur a thui mah mah, ruah a sur lo hlauh a, kan vannei hle. Ruah sur ta se, passenger te an huh vek mai dawn nge? tiin, ka ngaihtuah neuh neuh a. Kan building sak dan han thlir-in, Pawn chhuah ngai lova, thlawhna chhung atanga airport chhung luh nghalna angte kha kan la hlat hmel hle. Ruahsur nikhua a passenger te lo phur tur Bus te kan airlines te hian anla nei ve lo nge. Engpawhnise, Dimapur Airport ai chuan kan zia-awm deuh reng reng e.
Tun tum zawng Zoram mawina leh danglam bikna, ngaia kan lo neih avanga, tunhma a kan lo chik lemloh leh a hlutna kan hriatloh ka hmu thar nasa hle. A than theih dan dan in kan thang chu a ni ber e. Thang theilo pakhat a awm a, chu chu KAWNG PUI hi a ni. Kawngpui pawh a thang lo chauh chu a ni e, mahse hmun a awm ngang lova, a thanglo mai chauh a ni e.
A boruak te hi a lo va nuam em ! Pi leh put e khan khua hi anlo va zawng ‘ZO’ nuam tak em ! Mahse tunlai atan chuan, a tlang a zum a, mual pharh tha kan neilo deuh e tih mai a ni. Mahse, a mawi danglam reng reng e.
Kan kawngpui pawh a lianlo na-in, kan buainuaih lo ve, taxi driver tamtak te hawihhawm (polite) na azarah, kal inchuh buai lovin, midangte zai ngaiin, dawhthei takin an tlan a, ‘kan Mizo zia hi a lova mawi ve aw’ ka ti thin. An rate te lah duhamna leh in ei tum na awm lovin, beisei ai a tlawmin kan kal duhnaah min hruai thin. (Mahse vawikhat chu taxi driver pakhat in Rs.80/ turah, Rs 150/- min dil a, kan pek fel hnu-in, a hnu-deuhah kan han sawiho leh a, a mak kan ti deuh. Mi tha tak tak karah, Mizo hmel tibal thei anlo awm ve leh zauh thin. Traffic Police pawh an hawihawm hle in ka hria. Dawrkai te pawh an hawihhawmin dawr an nuam hle. Kan lo changkang ve ta hle mai.
Amaherawh chu, kan Zoram thang zel turah, kan kawngpui hi chu a iai-awm tan ta chu a ni e. Engtinge kan hotu te leh mithiam ho ten an ngaihtuah ve ang aw? Heti reng hian min kalpui zel dawn nge? Ruahmanna thar an siam dawn nge, an nei reng tawh zawk. Traffic Jam alo nasa ve ta, ngaihtuahna a buai map ta mai. Mi ram ten an traffic jam thin, sut kian nan fly-over an siam mai thin. Kum 2003, Bangkok kan kal khan traffic a jam ve hle mai a, mahse Kum 2007 a kan kal leh chuan, fly over hmang in a zualpui chu an lo su kiang daih ta mai a, an awh awm hle. Aizawl khawpui ah erawh chuan fly-over siam a huphurh awm lam chu a ni. A ban phunna tur a awm lo, lo phun theih in, kawng ti chhawng ve dawn ila, kawngbula awm ten in an sa arh ( a chunglam a lian tual tual) zel mai si. Khawpui thar kan mamawh a ni ber e.
Kawng tamtakah mi ram ang ve theilo mah ila, kan theih ve tawk, kan Zawl khawpui kan lo vawngfai ve hle. Kan bal hranpa bik love.
Hetiang kan sawilai mek hian, khawi khawi Office building chhungah erawh chuan, ‘chil chhak suh’ tih antar na bulah kuhva ei te chil chhak ‘sen tler tlurh’ ala awm ve tho bawk a.
Hmasawn zel duh tan a na chuan, duhthu han sam ta ila, samah sam luat a awm love,
.. helai thirhrui ban bul vel te hi hetia awm tir tawp ai chuan, tlem han chei deuh ta ila, pangpar te han dah ve mai mai ila, Chutiang vel mai mai chu a lawm Singapore danglamna.
Bara Bazar atanga Upper Bazar chhohna hi a rei ve tawh ngaituahin, a la danglam lo hle. A kum thu ngaihtuah chuan, han chei that a, step tha tak leh hahdam deuh, emaw, elevator emaw han tawlh chhoh theih ni tawh awm tak a ni.
Mizote hi kan lo huaisen ber mai, insak te thleng in, hetiang a In sa huai hi khawvel an tam lovang.. Lal Isua lokal hma hian Aizawlah in kan sa ve hrim hrim teh ang ti pawh kan ang e. Lirnghingte mai mai chu kan hlau lo reng reng a ni ber e. Vawikhat a min hun ah kan harh ve deuh ang, kan la vannei rih a, Pathianin min la hum him rih a ni e, tawngtai zel ang u.
(End of part one…..)
Similar Posts:
- Traffic jam hi!
- Traffic jam loh dan tur, ka ngaih ve dan
- Traffic hi..
- Mumang han ni teh sela aw!
- Hmasawnna tak hi chu aw!
July 8th, 2011 at 10:02 pm
Report this comment
July 8th, 2011 at 10:05 pm
Photo Essay tha tak anih hi a
Report this comment
July 8th, 2011 at 10:07 pm
Report this comment
July 8th, 2011 at 10:10 pm
Ngaihthlak nawm khop mai. ‘Kawngpui’ harsatna sukiang tur chuan kawng kama in awm zawng2 nawr darh vek ni mai.., chu lah compensate tur a awm hmel si loh
Report this comment
July 8th, 2011 at 10:14 pm
Report this comment
July 8th, 2011 at 10:24 pm
hmmm…
Report this comment
July 8th, 2011 at 10:29 pm
mr Duhlova chu i lo thleng thla leh tawh ani maw? thlalak ho chu i la nalh hlawm khawp mai! Aizawl poh a lang fai ve sur a lawm!
Report this comment
July 8th, 2011 at 10:35 pm
Thlalak hmuhnawm leh fiahfai tha tak2 karah, dawn tisei thei tak2 thu i belh zeuh2 a, thlir a manhla hle mai. Hei hi ram hmangaìhtu awka chu a ni e.
Report this comment
July 8th, 2011 at 10:49 pm
Hmuhnawm hlawmin.
Report this comment
July 8th, 2011 at 10:55 pm
Damdawiin lamah min luh pui emaw ka’n ti hman dawn a. Rawn hawlkim tawi thain a hmuhnawm khawp mai.
Report this comment
July 8th, 2011 at 11:21 pm
Kawngpui zim chu maw..Hrutzau raw pip..loll
Report this comment
July 9th, 2011 at 12:15 am
Traffic Jam khi- kawngzim te a, an in tlar thrap mai khi a nalh dang dai khawp mai– Vairam hmun tam zawk leh kawng zau zawk ah pawh, akara rawn in rawlh ve phet a, TUT TUT vak vak ai chuan kan changkang fe zawk-
Hmuhnawm khawp mai
Report this comment
July 9th, 2011 at 12:47 am
Hindustan thlawhna, NE lam thlawk chu an va han uluklo bik em em vele. Tumah sawisel tu (An hotu te hnenah) kan awmlo ani mahna. Airpui Lengport vel i sawi khi ngaihven awm tak a ni.
Kanchha, ka pianna Zawlkhawpui khawlai kalphung tlangpui i rawn sawi chuan haw min va han tichak zual tak em! A negative zawnga thlir loh theih loh tam tak a awm lai hian hetiang thu positive tak2 han hriat te hian thinlungah hlimna min pe nasa thin hle mai.
London khawtual pawh hi an kawngpui a zim laklawh tawh, mahse Aizawl ang em2 in an buailo tlat! Motor khalhtu (driver) ten traffic rules/traffic manners an hria a, an zawm tha deuh ani mahna. Mizoram chu license inpek kan awlsam em a, dan leh dun leh traffic kalphung kan hre nep deuh anih hmel. Traffic manners hi Vairam copy lo ilang chuan chuhhelh leh kara inzep tih vel a tlem anga kawng chep viau mahse a jam nep ngeiin ka ring.
Kei Mizo 100% hian kan khawpui thlalak thlir nuam ka va han ti tak em!
I July lo zin chu Aizawl lamah daih ani maw
Report this comment
July 9th, 2011 at 12:51 am
Thlalak a hmuhnawm thuziak a ngaihnawm
Report this comment
July 9th, 2011 at 1:24 am
pu duhlova… i pic hi a nalh viau mahse a size ti te deuh phawt la rawn post tawh zawk thin la :D. ka hau che mahse thu tha ka hrilh duh vang zawk che ania!
Report this comment
July 9th, 2011 at 1:28 am
Traffic rules tam zawk hi driver politeness ah a in nghat .. Air Deccan ah han chuang ve la chu aw! Ka chuan ve thin lai chuan ei tur pawh in lei chawp vek a ngai thin.Tui intur chiah min pe thin mole!
Report this comment
July 9th, 2011 at 2:20 am
Good Post sawisel tu ni ringawt lova faktu ini tel hian ati ngaih nawm zual,Picture bonus ala awm zui
. Tun atang kum reilo te ah kan khawpui hetiang reng anih chuan kan la buai hle ang,Kan Capital Thenzawl a insawn hi thil har tak buaithlak tak tur nimahsela ka Support keichu mahsela …… Enge in ngaih ve dan le??
Report this comment
July 9th, 2011 at 4:02 am
Mangtha vek ule. Mut kan tum ve tawh ang e.
Report this comment
July 9th, 2011 at 4:42 am
A mawi hlawm hle mai … kan MI hman ta si lo. Ban bul hnawk laia pangpar chin chu MHIP lam kum puan han ni ta mai se.
Report this comment
July 9th, 2011 at 5:29 am
Kalkota
I post hi ka yasi e.
Report this comment
July 9th, 2011 at 7:38 am
13
Pu Hv # Hyderabad kal pahin Zoram kan han chuang chhuak ve zawk a lawm, kan let leh tawh e.
Lokal chu kan la tum…a hun ka la rawn hriattir leh dawn che nia.
19
Pu chawnghilh # Tuntum zawng hun kan nei tlem deuh em a ni, kan lo lang leh thuai ang. Chutah chu nge ngei in MI, a duh apiang sawm bawk ila…tren.. tren
Report this comment
July 9th, 2011 at 8:06 am
3
Pu Hv # In in bulah khan kan va tlan zuai a sin…han awm la a tha tur. Kan thenzawl kal tum, leimin in World Bank kawng a lo hnawh si a, kan let leh a….Kulikawn ah kan leng ta vel a
Report this comment
July 9th, 2011 at 8:23 am
@ Mr.Duhlova chu i ti mai mai lo hle mai a..nia sin kan anpui Shillong te pawh khu heti tehchiam chiam hian Traffic jam a awm ngai ka hre mang hauh lo mai a..han Jam ve zauh chu nei thin mahse,,Kawngsir ah khuan Motor park thut thut ang pawh hmuh tur tam lo tak ani…
Eng emaw a rel fel ngai deuh chu aawm ani..motor lah hi a pung chak em em mai si a..mangan thlak tak ani…i thahnem ngaihna a ropui e..A photo nena en kawp thei thlap a tih hian chiang leh zual ngei mai…
Report this comment
July 9th, 2011 at 8:49 am
Rangvamual lam chanchin iva sawi tello ve, in kal kawng a nih kha.
Report this comment
July 9th, 2011 at 9:20 am
24
Pc-a # Kan sawi tawh kha…Post hmasa lamah, Kan kal lai khan a lo fai thulh mai si a, MLTP an hlip ta a, RV lam kal tur pawh an awm ta lo emaw ka ti deuh a.
Sava rual rah tlan pawh hi, an rah tlan ai a thar lam leh tha a awm chuan, an insuan dial thin a ti.
RV lam hian i lung a len deuh em ni aw?
Report this comment
July 9th, 2011 at 9:56 am
mr.Duhlova #22 kan inah te han chawl ula tha tur.. Mizo zawng2 lenna alawm
Ka chhungte kha an phawk viau asin 
Report this comment
July 9th, 2011 at 10:00 am
Mit a tlaiin a va ngaihnawm ve.
Report this comment
July 9th, 2011 at 10:05 am
YMA Chanchinbu a ‘Dawn ti sei’ tih column te pawh min ti hre chhuak rum rum e.
Report this comment
July 9th, 2011 at 10:17 am
Mr. RV hi ka paltlang ve fova,engmah ka hmu ngailo keipawh.
Report this comment
July 9th, 2011 at 10:41 am
Rangvamual kal tur paw’n ‘Airport Road-ah ka kal dawn’ an ti tawh zawk.
Report this comment
July 9th, 2011 at 10:38 pm
Thenkhat hmun danga kum hnih khat awm te hi Mizorama an rawn chuan chhuah leh hi chuan an rawn ‘ZIN’ tlangpui tawh thrin. An awmna mawizia sawiin ka’n ram riangte hi an rawn hmu balin an rawn hmu nep em2 tlangpui.. A solve na tur hre mang silova tawngpawng sawichhiat a deuh leh vak mai chin hi sim a hun. A thring uih top!
Mahse he post hi chuan a thra lam te a rawn tarlang a.. Good post..
Report this comment
July 10th, 2011 at 4:21 pm
Post thra hle mai, chhiar pawh a nuam e.
Report this comment
July 11th, 2011 at 2:50 pm
Mizote hi kan huai tih khi ka duh tawp. Hmana sap pakhat Mizoram lo kalin a soi ka hre reng, “mizo naupang hi an huai e, kawngte tak te a hnaui lam lum palh a thihna mai thei tura langah football hneh deuhin an pet ngam a” ati.
Report this comment
July 11th, 2011 at 2:59 pm
wow!! (mizo = uiiiii!!) pawst tha hle mai ….v v like,,my city!
Report this comment