Ka KVP (Postal Saving Certificate) ka hmu zo lo a, ka mangang hle mai. Lakchhuah hun a thleng tep tawh a; a rim ara pawh ka la hre thei si lo. Ka room singsaknaah ka tibo ni ta berin ka hria. Tihdan ka ngaihtuah a, a tawpah kan pu recomment-na ziah tir ila a tha berin ka hre ta a.
Pawisa lakchhuah hun a lo thlen chuan kan pu lehkha kengin dak in (sub-post office) ah chuan ka va kal a. Sub-Postmaster a lo awm lova, a aiawhtu (in-charge) Mr. R hnenah thil awmzia hrilhin kan pu lehkha chu ka en tir a. Mahse, ka beisei ang a lo ni awzawng lo mai.
Aizawl chhimlama awm ka ni a, ka thiante chuan Kuk-i tiin min ko thin. Aizawl hmarlam school (Adhoc aided) pakhatah ka thawk ve a. Hlawh kan lak hian KVP hi hlawh aiah min pe tel thin. Pawisa chu a hmin tak tak hma; a lakchhuah theih an tih hunah dak in atangin kan la chhuak mai thin. Dak in chu ka hnathawhna kawng Aizawl hmarlama awm a nih avangin, tun tumah pawh school kalpahin ka han lut zawk a ni a. KVP pekchhuahna office (Aizawl chhimlam)-a va kal leh a, dak in (Aizawl hmarlam) -a han thehlut leh tur chuan traffic jam nen hmeichhe tan thil awlai a ni hauh lovang le!
Chutia ka inngaihtuah buailai chuan kan LDC (ka thawhpuite KVP lakchhuah tum) chu a lo thleng hlauh mai a. An inbuaipui lai chu inthlahrung takin ka va en ve dek dek a. Ka hming leh ka KVP number chu ka thiante hming nen a indawtin a lo awm ngei tih ka va hmu ta… Chutah zet zawng ka sa ta phat mai. “Hna buai em em pawh ni si lova, a theih loh min tih khum chu, engvang nge??” Mahse, ka chhuahchal ta lem lo.
Zah theihloh ka chhuah a, “Kha, ka number chu a awm ve reng kha, min pe la complain chu ka thehlut nghal ang,” ka ti ve ta ngat a. Engmah sawi lovin tha tak chuan min pe ve mai a, complain chu ka thehlut thei ve ta hram. Lawm lo hmelzetin min en a, “Re-issue dilna chu kan pu awm hun kar lehah i thehluh a ngai,” a ti leh ta mauh mai. “Awi ka rei! Nghahrei a va la ngai dawn em…”
Karkhat a liamhnu chuan dak inah chuan ka va kal leh ta a. Sub-Postmaster chu a lo awm ta ngei a. Re-issue dilna ka thiam ang anga ka chhutchhuahsa diam chu ka han entir a. Pu ber chuan ka dilna chu a han en vang vang hnuah “Re-claim form bika thehluh tur a nia. Form chu Dak inpuiah i va la chhuak ang a, chutah i thehlut nghal mai dawn nia,” tia min han hrilh chiah chuh! “
A va mak ve aw.. Re-claim form hman tur tih te, Dak inpui atanga lakchhuah tur tih te chu a tirah khan (Mr.R khan) min hrilh se, heta lo kal buai leh kar khat khat nghah hi a ngaiawm si lova. Office hnathawkte hi an inan vek chuan a dawrtuten hun leh tha kan va seng thlawn nasa dawn em!”
Atukah dak inpuiah chuan ka va kal ta a. A khawihtu tur a chhuah lawk avangin a bula mite’n lo nghak turin min hrilh a. Tihfel vat vat chakin nghakhlel takin ka thu ta ran a. Ms. M chu a lo thleng ta. Nghah rei a ngai lo hlauh a; ka lawmkher mai. Ka va pan a; thil awmzia pawh ka sawizawh hma hmain “Ninawm lutuk! Hetiangte chu tih bo chi a ni hlei nem. Buaithlak deuh asin! Form pawh kan nei tawh lo. Chu e, kha e…,” tiin a ang ta chiam mai. “Awi awi, hei zet hi chu sakawlh a ni hial lo maw?? Mr. R nen chuan an inang lo. Mahse, a rapthlak ve thung anih hi,” ka ti a. A hnuah reclaim form chu lo la chhuakin “Hei hi va xerox mai rawh, ” min ti a.
Xerox tura ka chhuah pah chuan “I chungah tihsual ka nei em mi? Tih bo theih anih vangin reclaim form te pawh a awm ve thlap hi! Heng buaipui hi i hna a ni a, i hlawhlakna asin! A reng reng thuah indaihlo leh buaichhiava pawh i nih loh kha!!. Thil han zawh chian ngam chi pawh i ni lo, ” tia han chhan ve nghek mai hi ka chak a. Mahse, ka chhang ta lem lo. Ka ngaihtuahna erawh a vakkual nasa khawp mai.
Ka xerox zo a, thehluh nghal mai ka han tum a. “Police verification leh court affidavit i la thil tel lo. Chubakah form kha hetah ni lovin i complain-na Sub-Post office-ah i thehluh a ngai,” a han ti chu le!! “Sawlamin helamah thehlut rawh an ti a, helamin sawlamah thehlut rawh min ti leh bawk si. Thu a va saisa teh nuaih ve,” han tih hrep mai hi ka chak.
Ka rilru tete chuan “Police-ho leh Ukil-ho pawh hi hetiang an nih vaih chuan, ka duai duh bik tawh hauh lovang; a ling hian ka ling hlar ve tawh ang. Mahse, hmelhriat pahnihkhat lo awm hlauh se ka va ti em…”
July 10th, 2011 at 6:01 pm
🙂
Chhiar ang…
July 10th, 2011 at 6:07 pm
Post tu chu lungawi lo ve deuh ni maw? 😉
July 10th, 2011 at 6:12 pm
Sawrkar hnathawk ho hna a lawm, midang te tanpui aiin Midang te harsatna siamsak hi an tum ania, i hrethiam hram dawn nia. Mizoram ani miau sia, i tawrh tlawk tlawk angai hrih tlat. ;-(
July 10th, 2011 at 6:27 pm
Post office lam hotu lal tak, chhangte_ll kan neih kha. Shillong a thleng thla tawh lawm ni, han sawifiah sela aniang chu mawle. 🙂
#3 sawrkar hna hi enge, an hrelo. Tamtak chuan i ntih championna hmun emaw an ti ani ber. (N)
July 10th, 2011 at 6:43 pm
A va buaithlak tak ve mawle. Court ah khing hmiah rawh. :-S
July 10th, 2011 at 6:58 pm
Khing khi alawm ka huat keipawh. Tum khat pawh kan thianpa pakhat doctor lehngal kha a PG tihna tur Education Loan lak tumin SBI, MSV Br. ngeiah khian a han zawt chiang a, a zawh pa ber kher chuan, ‘ninawm hetiang hi min zawt sek su’, alo ti zek mai a. A lawm lo teh asin..
July 10th, 2011 at 7:00 pm
KingJulien #6 min ti velo anih chu mawle, ka hrawk let hrep ani mai (Y)
July 10th, 2011 at 7:09 pm
Office ka dawr ve thin changin…hetiang ang deuh hi ka tawng ve tawh thin…public servant zingah mahni tih theihloh ah pawh a kawng zawn sak aia a harsat dan zawng phet tum ho hi…ka sa ve thei teh mai ania.bank ang chi ho te hi dawr an hrehawm tlangpui. Pathian malsawmna ka dawn ve ani ang…ka tih fel theih loh pawh hi..a kawng awlsam tur hi ka ngaihtuah pui thin. Amaherawhchu thil ni lo lutuk mi pal zam tum tlat ang chi hi an awm ve tho…heng ho hi chu ka pui duh bik der lo. Pachhunga College a kal tawh ten in hre mai thei Pu Kianlova ang te kha a dawhtheihna leh mi tanpui thin dan kha ka theihnghilh ngai tawh lo ang.
July 10th, 2011 at 7:12 pm
Heng ho hi kan ram thanmawh bawk an nia lom.. An zung chawpin kan la phoro dawn nia.. Tuar hram hram rawh, a fawng lam kan dawm hun a la thleng ve maithei a nia.
July 10th, 2011 at 7:15 pm
Heng ho hi kan ram thanmawh bawk an nia lom.. An zung chawpin kan la phoro dawn nia.. Tuar hram hram rawh, a fawng lam kan dawm hun a la thleng ve maithei a nia…
July 10th, 2011 at 7:32 pm
I lungawilo ve hle mai maw 🙂
A awm hluah2, Mizorama mizo, kristian biak ina inkhawm ve fo te hetianga mi dawr ching hi an awm fur nia. Thamna an beisei ah ngaihsak mai tur, thamna erawh pek hlek loh tur.
Hetiang ho hi siam that tum aiin mahniin a kawng dang zon mai a fuh tlangpui. An deptt. Rules te hi han hre hle mai ila, an tenawm anchhuah veleh nem deuha sawikhum ve sak hian a dan a dang deuh. Thinrim engphiar/mood off over pawn min lo dor mahse, tawngkam nem deuhin, beidong duh chuang miah lova dawr hi a fuh phian bawk a sin.
Thirim x Thinrim a intawn toh chuan a kal dik lo tual tual zel.
July 10th, 2011 at 7:34 pm
Ka chhiar chhung zawngin ka lo thinrim tun mai. Khawlum lai a nih phei chuan ka khawngaih lehzual che. Sorkar hnathawk biak nuam leh nuam lo kar hi a van hla tak em.
July 10th, 2011 at 7:39 pm
Va lungawi loh thlak teh nuai ve …Office hnathawh hian in lak a awl a niang e…Chawhnu tlai lama dawr a ngaih chuan kei chu lo nam thur thur tawh ho hi ka dawr zaih a…An fel duh phian..Hmel fel tai tak ho hi chu an vin duh riau in ka hre ve mai mai.. 😀
July 10th, 2011 at 7:47 pm
Thinrim thlak viau ang,
Pathian zar ah hetiang hi ka la tawng lo hlauh,
July 10th, 2011 at 7:49 pm
I dinhmun ka hriatthiampui che. Kei paw’n Office dawr hreh deuh ka nei reng maiah, ka dawr thin lai chuan ka hman lo em em bawk sia, an thu ka awih thei khawp mai… Mahse i ziak thiam reuh lutuk a. Ngaihnawm lamah a kal daih alawm. SAKAWLH emaw itih chu ka hmu ve chak. 😀
July 10th, 2011 at 7:53 pm
va vanduai ve o.. Kei chu mi rawn chaldelh nghal deuh ran te, mi polite lo lutuk te, hre ziktluak silo, rawn inti hre deuh te, thil hre lo nih hreh tlat te, in ti hre awm deuhva a tira mi zawt duh miah si lo, hna dang khawih san hnu a hai sak leh chiam ngai chi te leh adt. Hrawk chiam ka ching: kei misual ve te hian.
July 10th, 2011 at 8:02 pm
A buaithlak awm hle tak mai a! Sawi chhuah i chak rilruk, i sawi chhuah tak loh khi sawi chuak ta la tha ka ti zawk daih mai. Sawisel tul, sawisel phu hi chu an hmaichhana sawisel ngam mai hi thil siamthatna kawng pakhat a ni ngei ang.
July 10th, 2011 at 8:02 pm
@saint sammoo, anih chu ani ve thei khawp ang. Thenkhat chu polite lo leh ngaihsam tih hriat taka mi dawr nghal hi an awm ve bawka. Mahse a sual ve hrim2 chuan nem deuha va dawr pawn min lo welcome tha ngai lem lo.
July 10th, 2011 at 8:24 pm
RE :HV… Amah hi mifel ve tak mai a nia. A thinrim ve khawp mai. Keipawh ni ila ka ter khawp ang…
July 10th, 2011 at 8:26 pm
Tenawm hlawm ve le dakpu ho chu.
July 10th, 2011 at 8:30 pm
KVP a hlawh lak bawk, Pre-mature withdrawal duh bawk, ti bo bawk…Aizawl venghlun ber Treasury Square (Vengah chhiartel ila) leh Venghlui inkarah sawn Director Pu Joseph Lalrinsailova Chhakchhuak leh Head-Postmaster Pu Lalhuliana Hlawndo, mi fel tak tak pahnih, an thut ve saw mawle. misual dawt kawmah rawn sawichiam lovin i vuihmuiputna an hnenah ZIAK NGEIIN i thlen tawh dawn nia. Cheng khat lek a phone hi heta internet bill i senso aiin a tlawmzawk ang.
July 10th, 2011 at 8:35 pm
Hrehawm thin deuh ani Office ah te thut hun kan la nei ve anih chuan kan piangthar emaw thar lo emaw inkhawm thin emaw mi eng poh lo ni ila Kan mihring pui te lak ah hian kan tih tur Duty tha takin hlen zel ang u adawr tu tan a ahrehawm thin zia leh bangbo thlak zia hi kan lo tuar tawh anih chuan.
July 10th, 2011 at 8:38 pm
Nia.. a post tu hi ka tan khawp e. Kei pawh hi hetiang sorkar hanthawk ho induh hi ka ngaithei tawp lo thin mai. Ka tawng ve ta zeuh zeuh.
Thil pakhat, hman deuh (Kum 6 vel a liam ta) khan SBI Aizawl branch pakhat ah hian transaction tih ka duh a, ka account number ka theihnghilh avangin a rang thei ang bera ka hriat mai theih dan tur ka zawt a, ka ATM Debit card atang te hian a hriat theih lo maw tiin ka zawt ta a, min chhangtupa chuan mawl min tih thu leh ATM card chu pawisa lakchhuahna chauh ani tiin leh min deuhsawh deuhvin ring deuh tak chuan min hau titih ta ul ul mai a. Kei, duai duh bik lo chuan ka khak ta hrep anih kha. Chuan, a hnu deuh lawk ah ka awmna thin (Dehradun, CLEMENT TOWN BRANCH, kan sawi lang kher ange) ah chuan tumkhat ka pawisa deposit duh avangin ka account number hre mai lo chuan a thawk pakhat chu a hriat dan rang thei ang ber ka han zawt leh a, chu pa (OFFICER PAKHAT) chuan dam deuh leh tha deuh mai hian ” ATM booth ah khan va kal lawk la, cheng 100 emaw chauh la chhuak la, tichuan slip ah khan i account number chu a lo lang mai ang” tih hian min hrilh thlap nia. Kan mawl leh mawl loh chu thuhran, mihring hi kan va inang lo em.
July 10th, 2011 at 8:38 pm
@Silver Oak, Mizoram sawrkar hian tullo ah buaina min siamsak hnem ve tawh khawp asin. A bik takin ADA vanga Staff Quarters kan sak theihloh leh Luangmuala kan ram ngeiah LSC nilo deuha mi tamtak an lo siamsak chungchangah hian helama kan hotute nuihzat bur kan ni. Miozte hi mahni tawka induh leh chapo ar vek kan ni, Aizawlah ka Fapa Taxi chuan chak avanga taxi pu min be thaduh manglo ka tawng teuh lehnghala 😛
July 10th, 2011 at 8:44 pm
chhangte_ll, hairehai 😛
Mizoram Post office a thawkah chuan BTS-a (LPS retired) nupui khi biak anuam ber an ti fo mai. A nui hmel pu sarh reng mai te khi a nelawm hrim hrim. Khitiang zel khi mipui dawrtu nei chiah hi chuan thawk thei sela chuan mood a fuh nileng thei mai ang. 🙂
Hmun danga an tih ang hian , mipui dawrtu nei chi leh lo chhang/dawngsawngtu te hi chuan hetiang lam hi training nei thei zel sela a that ka ring.
Nang an boss i ni bawk a, lo train tir thin la a tha lawm ni Boss 😉
July 10th, 2011 at 8:47 pm
Nge maw i rawn Hairehai chiam le…lewll…ST Certificate ka siamtir lai pawhin la min phiarsan ve tho alawm le 😛
July 10th, 2011 at 8:50 pm
An pu ber i nia, mipui phunnawina chu hnial ngawtlo khan ngaithla la, a positive zawnga thil awmthei tur ngaihtuah ta che. Pu neih man in awm hian kan chhuang che u ania hairehai 😉
Ramtea camp ah, “Tlawmna nun,” ngaithlak a tha mai thei hairehai 😛 hihiii
July 10th, 2011 at 8:52 pm
Chhangte_II chuan a naute thlavang hauh dan tawk a thiam hle mai! 😀
KVP chu 60% in ka hralh hmiah zel mai
July 10th, 2011 at 8:55 pm
chhiar a va hahthlak teh nuai ve 😀
helamin sawtah,sawlam in hetah.. 😛
July 10th, 2011 at 8:55 pm
25.Pu Hv a chu, keimah chauh amaw hria ka inti deuh a, i lo hre leh rin ran tawh a ni maw?!
July 10th, 2011 at 8:58 pm
PKfanai, Hre ve e mawle.. ka dawrna lamah rilru hlim sarhin min chhuahtir a, midang kianga ka sawiin min tawmpui fo reng asin.
Ka chunga fel ka theihnghilh ngailo, mi kiangah ka fak hreh heklo. Chutiang bawkin a lehlam pawh 🙂
July 10th, 2011 at 8:59 pm
Hairehaiiii…A ziak ngeiin thehlut sela, a hming leh address nen, chumi bak chu hotute kutah..
July 10th, 2011 at 9:02 pm
chhangte_ll sawi hi ni e, hriat reng chi a ni. Phun phun emaw, rel rel emaw lovin, kan sawisel duhna chu ziakin kan thehlut fo tur a ni.
Chutih karah sawrkar hna emaw, bank a thawk emaw, post office e love, dawrkai sumdawng anni emaw mipui chhawn chi reng reng hian training fumfe takin nei thin sela ka ti khawp mai. Inlama an rilru hahna te hi an hnathawh naah hian an rawn chhawm emaw tih mai tur anni. An vin ter tur hlawm mai a. Hetiang tur anilo reng reng.
July 10th, 2011 at 9:05 pm
#30 Pk, Pu HV-a hi chuan mi hriatloh vak a neih pawh ka ring lo. In sawi insawi i la keipawh min hriat ve mai ka ring 😀
July 10th, 2011 at 9:08 pm
ninja #34 i tih rawk rawk, BTS-a nupui chuan “Puia” ti ngatin min ko asin 🙂 😀
Ka hre maithei che asin 😉
July 10th, 2011 at 9:14 pm
Lawks, chhangte, kvp hi loneitu(kisan) te loan pek a tana a duan a ni em? :hrechakmaimai:
July 10th, 2011 at 9:14 pm
HV, khi a thil ziahkur nguaiah khian Post Office hming a ziak tel hauh loh khi. A tak nge dawt tih fianfiahnan han ziak tel sak sela, Aizawla an hotute zanin la la hian ka phone sak ang.
July 10th, 2011 at 9:17 pm
POSTTU PA:
#37 khi a thil ziahkur nguaiah khian Post Office hming a ziak tel hauh loh khi. A tak nge dawt tih fianfiahnan han ziak tel sak sela, Aizawla an hotute zanin la la hian ka phone sak ang. i hmu maw?
han ziak lang teh comment ah tal hian. Thil in sawia, in sawi chiang leh thin lawi silo, tan ngaihna vak inawmlo. Mi relpui atan min duh mai in ang fo tak2 ania. 😛
July 10th, 2011 at 9:19 pm
Aizawl Post awfit-a thawk pakhat, Electric veng kohhran upa ( dik lo mai thei 😉 ] in ka pawisa dawn tur tlemte……… :-[
Hotupa, chhangte_ll, ZINDABAD ! 🙂
July 10th, 2011 at 9:21 pm
HV, nizan khan Matluanga s/o Kapchawla, Serchhip a boral, amah hi i hriat zawng niin ka hria
July 10th, 2011 at 9:21 pm
A hming hmerh a in complain hian thil tha a chhuah teh chiam lo. Chuvang chuan kan insawiselna hi a hotute in lo awm anih chuan inzilhna ah pawm a tha khawp mai. A hming hmerh a in sawisel a incomplain in duh zawk a mi?
July 10th, 2011 at 9:22 pm
ninja #40 ka thianpa alawm… Liandailova te nen kan inkawm tlang. Avan zialo vele 🙁 vangchhia@gmail.com ah min lo hrilh chiang thei em aw?
RIP
July 10th, 2011 at 9:25 pm
Pu (?)Chhangte II, he ka thuziah hi hmeichhe pakhat thiltawn a ni a. KVP premature-a lak tih kha chu an duhthu ni lovin office lamin a lak theih an tih hunah an la mai thin a ni awm e. Nia, kei hi kan society-a hetiang thilthlengte hi thawnthu ang renga ziah hi ka ching ve hran pa a. Ka hnena a lungawi lohthu a han sawi khan ziah chakna ka nei ta tlat mai a, a phalnain ‘Misual titi’ ah ka rawn tarlang ta mai a ni e. Tu Dept emaw sawichhiat tumna lam a ni lo nia. Tunlai thil awmzia ka rawn tilang mai a ni. Office dawrtu kan ni emaw, a dawngsawngtu kan ni emaw kan inenfiah nan leh insiamthat nan hmang thei ila a lawmawm ngawt ang.
#Comment puitling tak tak thawntute chungah lawmthu ka sawi e.
July 10th, 2011 at 9:26 pm
Joseph-a chhiartir ve ngei tur ani, defamation lawsuit file nghe nghe sela a tha ang 😈
@sekibuhchhuak, Electric Veng Kohhran Upa ka hriat chu Pu Lalhuliana Hlawndo, Head-postmaster ni lai hi ani mai 😉
July 10th, 2011 at 9:29 pm
@ Hotupa chhangte_ll : (I)
😉
July 10th, 2011 at 9:29 pm
Pu HV, ka lo hmu e. Mahse, kei chu ziakmi mai ka ni a. Post office awmna hmun te em em lo sawi chu a changtu phalna tel lo chuan a chi nang le. A tak behchhana ka ziah chu ni turah ngai ila.
July 10th, 2011 at 9:35 pm
Aizawl Post office ah thil thleng toh :
Dawr tumtu mipui sei tak kan in line toh a(a then chu pawn ah an ding), counter pakhat chiah dawr theih in an hawng bawk sia,Staff thenkhat te an thu mai mai. Chung hun lai chuan Vai (phailam an pu ni ngei tur a ni) hi a lo thleng a, a ni chuan SAP tawngin STAFF ho chu a hau, Post office staff te an hawi hu hu mai, an hlau lem lo. Chu Vaipa chuan tawnglet turin STAFF awm mai mai hote PU chu ava ko chhuak,An Pu chuan chu Vaipa thu chu a awih khop mai, mizotawng in a hau veta, chu tah le … TUM BUR CHUNGIN HNA AN THAWK CHAR CHAR. Line pakhat sei dauh kha line 3 vel ah kan siam a, line a tawi sawt.
😀
July 10th, 2011 at 9:38 pm
The Biz: Behchhan mai mai a ziak maw? A ho mai mai e a. Kan lo la thutak ve em em a. Thil chuangtlai tak a nih hi mawle…..
July 10th, 2011 at 9:40 pm
HV, check mail
July 10th, 2011 at 9:42 pm
Chu Mizoram Health Scheme Scam aiin a ropui zawk eloa, Khai Ho…ehhh…hiho…lewll…Pute hautu tur awm bawk lo, hau thei lah ni hek suh tiraw 😀
July 10th, 2011 at 9:49 pm
Ignatia, ka mizo tawng thiamin a tlin lo nge ni le? Behchhan tih lemah mihring hming zawng zawng kha chu a lem vek a ni. A hmun ka tarlanho kha a bawr vel chu a ni a. Chuan.. thilthleng kha a tak tak a ni e. Tichuan, ka sawifiah ta em aw? 😀
July 10th, 2011 at 9:50 pm
@44, Pu Lalhuliana Hlawndo, Electric veng hi Kohhan Upa a ni lo, SS Zirtirtu chu a niin ka hria.
July 10th, 2011 at 9:53 pm
Go and dream on Sonny Biz… (H)
July 10th, 2011 at 9:55 pm
ni ngawt mai, hman ni admin pakhat sawi kha alo dik dawn a nih hi.’engemaw a thlenin a post tu te hi an bo leh daih zel’
July 10th, 2011 at 9:59 pm
saint sammoo, ka la vil reng a ni aw. 🙂
July 10th, 2011 at 10:03 pm
Ekhai a!! Keini thingtlangpa te chuan, Aizawl khawpui a awfis hnathawkte dawr nawm theihzia leh hmelthatzia hahipin kanlo rinsawi ve thin ania.A lo ni vek bik chuanglo ani maw?
July 10th, 2011 at 10:16 pm
The Biz, ziak chhan ziah lan siloh/ngam loh chuan hei Post office hotu hian chhan ngaihna (help) a hrelo a ni e. Chhan a tumna thu pawh a rawn sawi a, a ngaihna a awmlo anih chu.
Chutianga sawi chhuak leh ngam silo, “Dawih aw” chu ka tan peih der lo mai. (N)
changte_ll tih ang deuhin, “Dream on”
July 10th, 2011 at 10:28 pm
@biz: misual a thil post avanga lungawilo leh case file tum te pawh an lo awm tawh thin.. ‘Tiang lam chu a nia ka sawi, post vil lampang ni lovin. “admin ho hian kan mawhphurhnaah ngaiin ngaihdam kan dil pur pur fo mai” a ti tih thu vel mai2 ma le.
July 10th, 2011 at 10:29 pm
Pu Hv, nia i sawi dik khawp mai. Ka be chhin a. Tuna thilthleng kha June thlaa thilthleng a ni a. Reclaim form kha a la thehlut leh hman lova. Engngemaw harsatna a tawh a hlau deuh a ni. Hmeichhia te an ni ve si a. Kei chuan ka tih tur chu ka ti zo tawhin ka hria.
July 10th, 2011 at 10:35 pm
Mipui vantlang tan atha kan duh chuan, sawi chhuak ta vek2 ah a hmun nen lam sawi thin tur. Chutilo chu, “Mi ka rel duh a, min rel pui teh u,” ti ang lek nihna a ni. A puitlin loh thlak khawpin ka hria.
Hmeichhia ani e mipa ani e lam pawh anilo, a rei tawh nge tunhnai pawh anilo. Hei an hotu a awm reng a, han vuipui a hrehlo. Kan saiw leh ngam silo anih chuan.. tu tihdan takah emaw, A phawvuak…” mai ani thin. NOI
Puitlin hi a har ani e. :-S
July 10th, 2011 at 10:46 pm
aaa…Mizo chauh lo pawh hi dawr an lo hahthlak khawp mai..sawrkar hnathawk ngat( :-S )hi chu..!!
July 10th, 2011 at 10:52 pm
saint sammoo, a lo ni maw. Thil awm thei tak chu a ni. Admin ho tan harsatna siamtu nih chu ka duh lo khawp mai. Mahse, tuna mi hi mi rintlak tak a ni. Ka ring ngam bawk. Admin-hovin ngngemaw harsatna an tawh chuan ka inpeih reng e.
July 10th, 2011 at 10:54 pm
beethugs2 #61 Hindustan ah chuan a dik viau maithei a ni :-S
Mak ka tih ve thin mai mai chu, Mizo te hian mifel kan tih te hming hi sawi kan hreh lemloh lai hian mipui tana tangkai thei tur mi diklo/ram hnuk khawih pha chin leh chin lo pawh an hming emaw, hetiang post office hming emaw pawh kan sawi hreh viau zel mai aw. Mahni hian dik lohna kan nei ve anga, chumi chu min puan chhuah sak ve kan hlauh vang nge mawini dawn le!!???
Ka ngaihdan ve mai mai chuan, mimal inkheina pawh niin ka hrelo. Mizoram mipui te tan anih ngat chuan personal taka thulak niin ka hrelo. Sawi ve niah nuah.
Biz fuihna hairehai 😉
July 10th, 2011 at 11:04 pm
@post tupa, keipoh hi ka hawng anga post office chu ka dawr ve don alawm, ka graduate certificate an ti bo daih mai a,a thleng ngei si a,kan pe an tia kan hmu lo re2,dawr an hrehom vaih chuan nang ai hian ka sa hma zak maithei a ni,keichu ka dawhtheilo viau ang,a rei toh viau na in an haichhuak tur a ni zi ri throh mai ani….
@pu Hv,han tihdantur tlem min hrilh keuh thei m,kum khat kal ta vel a an tihbo toh kha a nia….
July 10th, 2011 at 11:05 pm
A khai aw, Pu HV chu sawi ka tum laiin i post ka lo hmu a, min karchhuak tak tak ka ti. Mr. R kha Pu Ruata an ti. Chanmary Sub-Post Office; Ms. M kha Maa-i an ti. Dak inpui, Treasury Sq. A changtu chu ka be tawh lo naa, ka thuin ka rawn post tawp mai. Chuan a bak zawng chu Pu Chhangte II kutah a awm e.
July 10th, 2011 at 11:05 pm
@biz: ngati nge chu ti si.. aa.. phone ka hmanga ka type leh peih lo… HZL (hmin zan lo)
July 10th, 2011 at 11:08 pm
Friday khan Certificate pakhat attest ka ngai a, L/O tibuai kher lova tih ka tum mawle, ka zawng rei khawp mai..!!
July 10th, 2011 at 11:11 pm
Pu HV, A changtu nu chu in veng Upa tunu ka tih phei chuan i chhungte pawh a lo ni mai thei asin!:-P
July 10th, 2011 at 11:11 pm
Tren tren, CHHANGTE II a chet a hun ta, an hming leh office kan hre ta sia le.
July 10th, 2011 at 11:13 pm
#40..pa matluanga RIP (W)
July 10th, 2011 at 11:13 pm
Le, @pu Hv, keipoh i soi hi ka thlop, anmahni soi ngamloh a dawih aw chu ka tuipui peih lo,mahse hei a rawn chhawpchhuak ta rup e,a ropui hle mai….mi(sual) te ai sual hi an awm ve zel a nih hi 😛
#chhangte II voice i nghak phot teng….
July 10th, 2011 at 11:17 pm
Dawr an va hrehawm hmel tak ve aw!! Ngati nge ni an hlawh lak chhanah pawh an teu hlar le….
July 10th, 2011 at 11:17 pm
TMB, nang chu i vannei bik mai thei. I kal hunah chuan pu Chhangte II thenfaisaah i kal tawhin ka ring. 😀
July 10th, 2011 at 11:21 pm
(@) Aizawl Dak In puia foreign ticket ka leina thin kha hmeichhia a nia, biak a har mai mai! Khi Dak Inah tho khian ka unaupain hmanhmawh thil thuah speed post-in thil a thawn a, a thawn man kha Rs 560 vel ni tain ka hria, a thawktupa khan ka unaupa hnenah chuan ‘pawisa i nei em ni?’ a lo ti a ni awm a, ka unaupa chu a sa mai mai…A hmanhmawh pheleng khan vawthlep bunin kekawrbul leh tawnzau nen a lo va dawr kher bawk a, a hmel lah zah phu hliah hliah hmel a lo pu lo bawk nen a awm ve tho e 😛 😛 😛 …,kan in atangin Dak In khi hmanhmawh lo taka kalin minute 15 vel a ni. Post-tupa zam reng reng suh.
July 10th, 2011 at 11:25 pm
#73, a vannei pol a kan tran tak leh tha hlei2 alom,in sut kuak sa ah tihna ni mai a…dikna tran a an hming nen lam a in rawn au chhuak ngam hi a ropui hrim2 (Y)
post tupa kan tran vek che #74 poh tiam in 🙂
July 10th, 2011 at 11:28 pm
a hot chho viau dawn e maw tia? 😀
July 10th, 2011 at 11:29 pm
#74 &75, (Y)
July 10th, 2011 at 11:31 pm
#76 ninja, a hot teh alom le, a vo hot tu angai hranpa tohlo re2 😛
July 10th, 2011 at 11:53 pm
Kei pawh kum 10 dawn liam ta khan ka KVP certificate ka tibo palh tlat mai a, a number lah ka lo chhinchhiah si lo. Aizawl kal remchanah tiin Dak inpuiah sawn ka va thlithlai a. Mahse a thawktu ka biak khan ‘ KVP bo chu tih vak ngaihna a awm lo, a secure lo bawk si, a chhartu khan a la chhuak daih thei lehnghal a’ a lo tisam et a. Kei lah chu han buaipui zui turin ka cham hman tawh si lova, a sum a lo tam lem lo bawk a ‘ a lo nih tak chu’ ka tiliam ve ta ngawt a. Chuta tang chuan KVP tih hi mi sawi lo chu hriat pawh ka tum tawh lo.
July 11th, 2011 at 12:01 am
Pu Muante, tuna KVP chu Cheng singkhat chuang a ni a. Mature hunah a let tur a ni lehnghal.
July 11th, 2011 at 12:47 am
Dan ang a office thawk ten min lo dawngsawng hian kan thin a rim leh zawk thin a.Tin Mizoram office kal phung system hi tih danglam a ngai ho te ah file put up ek e bale kan pu a chhuak tih a pui a tam .Adealing clerk khan ti fel mai theiin siam chi.
July 11th, 2011 at 12:50 am
The Biz, #68 anih phei chuan hauh hrep tlak anih chu. (N)
Mizo te hian engemaw thil thalo kan hriat chuan insum leh rel (gossip) mailo vin, a thehluhna tur ang chiah report thehluh hmak hmak hi i hreh lovang u. “Mizo theuh kan nia/Kristian kan nia,” tih hi sawi pawh zahthlak zawk niin ka hre ta.
July 11th, 2011 at 8:00 am
1. I thilneih pawimawh (lehkha pawimawh te ho) scanned la Computer ah file tha hmiah zel rawh. Thil hi tihbo theih a ni a, ‘Sebo hnu-a se kawngkhar’an tih kha. A awmzia chu, ‘prevention is better than cure’
2. Office te hian dan leh dun an nei ve a, tawngpawng dem ngawt chi an nih bikloh laiin, Office staff tamtak manner hi chu a ngei awm ve thin. In tanpui a, thil tha taka inhrilh fiah aiin, a negative zawng a ‘bung zet’ a in chhan an hrat viau.
3. Hman ni khan kei pawh, ka hman lai Bank account ah pawisa alo la awm ve em tih hriat tumin, Apex Bank ah ka kal a, reception ah ka han zawt a a dealing clerk hnenah min tir a, ka passbook ka entir a..”ngawi lawk rawh aw” a ti a, ka nghak ta a, a buai viau ni ngei tur a ni, a thil tihlai ah a concentrate tih a hriat hle. Paper a print tawh sa leh computer a han en mil thin, a buai hmel map map hle, lo inrawlh chhenin, ka ti buai duh bik lova, ka lo puih theih thil nise puih ve hian ka chak kher mai. Pawnah taxi in min nghak na chung a buaizia ka hmu a..ka nghak ta char char a, minute 20 vel ka nghak ta…”Ka pu, mi dang minlo pui mai thei an awm em, i buai nasa mai si a” ka ti ta a. Phak deuh chap a min rawn en pah chuan ” khawngaih in tahsawn lo tih tir mai ta che, a zia lo kher mai, minlo hrethiam mai teh” a ti ve a. A piah countera a hman deuh ber awm chu ka va rawn ta a…awlsam te in, minute 2 vel chhungin min enfel sak ta a..
4. Tunlaiah thangthar a piang biak an nuam, an hmel a that phei chuan, tih tur tih zawh tawh pawh a la din vung vung a awl…. 😛
5. Biak duh te, biak an nawm loh chuan, thingpui leh a hmeh, chow te an order sak ila….a hnip sut duh, thinrim mai lovin, tactic thlak ve mai tur. 😛
July 11th, 2011 at 9:55 am
#83, A dik khawp mai. Hman ni Bank ka dawr pawh darkarkhat vel ka nghah hnuah inchung leh inhnuai v 3 mi han tir kawi zak zak a, a tawpah a titu pa (Vai) chu a counter chhuah tawh pawh ka va pan a, a thutnaah kir lehin min tihsak ve mai. Chhel erawh a ngai a ni. Khatiang mizia nei lo leh deplomacy game play thiam lo tan erawh a buaithlak ve a ni.
July 11th, 2011 at 12:31 pm
Ka lo tel ve lawk…
Nikum khan ka Post Office RD, office lam atanga min siamsak ka tibo va, vanneihthlak takin a number ka lo chhinchhiah thlap a. Duplicate ka dil a, chawlhkar 2 vel hnuah a duplicate ka va lam a, min lo pe ve mai. A number chhinchhiah thlap chuan thil harsa a awm loh ka ring.
2007 kuma KVP ka fapa tana ka siam sak mai mai erawh, ka tibo va, a number ka lo chhinchhiah si lo, a tlem tham bawk nen, ka ngawihsan ta mai.
Chhinchhiah thlap thlap hi a lo pawimawh khawp mai.
July 11th, 2011 at 5:03 pm
Engvanga an hming rawn thup nge maw i nih le…An hming hriat tum la..Chiang fek fawk tak maiin han thai lang tel vek mai la, ka va ti em!!! aw…Min hmachhawn ve ang tih pawh ava hlauhawm em em ve le…
Keini ang mimawl phunglung deuh te hi min ti ve na se chuan sim vang vang emaw zah ngawih ngawihna tal chuan kan kheng hlak mai tur ania..An mahni chuah chu Office ah thawk emaw an in ti ani lo maw aw…
Tin , tun lai chhanah chutiang mihring chu an awm tawh lo emaw kan tih laiin Post Office ah chuan an lo la awm ani maw…Engdang vang ni lovin an mawl hmuar em vang leh an thin Kulmuk lutuk vang ani hrep chu a.
July 11th, 2011 at 5:06 pm
Engvanga an hming rawn thup nge maw i nih le…An hming hriat tum la..Chiang fek fawk tak maiin han thai lang tel vek mai la, ka va ti em!!! aw…Min hmachhawn ve ang tih pawh ava hlauhawm em em ve le…
Keini ang mimawl phunglung deuh te hi min ti ve na se chuan sim vang vang emaw zah ngawih ngawihna tal chuan kan kheng hlak mai tur ania..An mahni chuah chu Office ah thawk emaw an in ti ani lo maw aw…
Tin , tun lai chhanah chutiang mihring chu an awm tawh lo emaw kan tih laiin Post Office ah chuan an lo la awm ani maw…Engdang vang ni lovin an mawl hmuar em vang leh an thin Kulmuk lutuk vang ani hrep chu a. :-S