Kum sawm vel ka nih lai ni tain ka hria. Tum khat chu kan khuah ah hian mi pakhat- khawngaihthlak deuh mai hi a lo zin a. Han en ringawt pawh hian mi pangai pha chiah lo a ni tih a hriat khawp mai. Amah chu kawr pawh ha lem lo. Puanin a inbat tawp a. Bag pahnih leh a tiang ken lai kha a thil neih a ni deuh mai. A bag-ah chuan a hmanrua ang chi hi a khung khawm ve a. Mahse thil eng tham mah a dah lo.
A upa tawh viau. Kum 70 vel a nih ka ring. Kea lo kal a ni bawk a, a chau khawp mai. Kan khaw daipawna ka Sava veh haw lam nen kan in tawk hlauh mai. Ka pawh duh chiah lova, a hnung lam metre 30 ang vela hlaah ka zui zel a. Ka pu tar chak lo tak a nih laite nen ka khaikhin vela rilru a nuam lo duh hle.
In a hmuh hmasak berah tui in a dil a, mahse amah kha a tawp deuh avangin inchhunga a luh an rem ti lo.
A kal chak thei vak lova ka kalsan ta a.
Kan in awmna hi kan khua tawntirh lam a ni a. A lo luhna lam atanga teh chuan khaw tawp a nih mai chu. Khaw tawpah hian Theihai buk lian deuh mai a awm a. Chumi hnuaiah chuan naupang leh puitling an phu luai luai mai a. Hemi hun hi zanriah ei hun dawn lai vel a ni. Enge vanga pungkhawm nge an nih tih hriat tumin ka chhuak phei ve ta a.
Ka va thleng a. Ka putar hmuh kha a lo ni reng mai. Naupang thenkhatin an lo chhaih vel mek bawk a. Ka hawi kual a, thilhre deuh tura ka ngaihte thil chingchang ka zawt ta a. An ni chuan dawithiam emaw ram-enthlatu angah emaw an ngai tlat a. A thil neihte mi khawih a phal miah lova. A mah hnaih a duh lo viau bawk. Vai tawngin a biak theih a, mahse engmah thui tak a sawi pui theih loh niin an sawi bawk. Mi inah thlen tumin a dil a mahse tuman an thleng duh lo an ti bawk a.
Hmanhmawh takin ka tlan haw vat a. Miin an ina thlentir an duh loh thu leh Theihai buk hnuaia a chawlh mai thu chu ka pa ka hrilh fai ta kel a. Ka pa chuan “Rang takin in unauin va lam rawh u, kan inah lo thleng rawh se” a ti a. Kan va lam ta a.
A inbual duh lova. A tawng miah lo bawk. Chaw nem kan pe a. A ei ve nasa viau. Vai tawng kan thiam loh avangin tuman kan be thei lo. Tuma en leh biak kan phal lem lo bawk.
Zan dar sarih leh a chanve velah chhungkaw inkhawm kan nei ta. Ka pa chuan a tih dan pangaiin Bible a laa Mathaia 25: 41-46 chu a chhiarchhuak ta dap a. “….Heng mi te berte zinga mi pakhat chunga in ti lo chu ka chunga ti lo in ni,’….. tih lai tak a hi a sawifiah ta chiam a. Chumi zawhah thawnthu sawi lamah a lut phei leh ta a.
Liandovate unau Lersia’n a zawnchhuah dan kha ngaihnawm takin a sawi a. An khaua tuma mikhual duh loh mahse anmahni in an khawngaih leh lainat avanga an mikhual tak dan leh Lersia avanga khawsak a lo zia phah thute a sawi a. Chutah tak mai chuan ka pa chuan ‘Tuna kan mikhual hi Lersia dik tak, Pathian tirh a ni. Liandovate unau aiin a let tamtakin kan chhungkua hian malsawmna kan dawng dawn a. Hausakna dik ber Isua avanga hlimna leh lawmna, malsawmna diktak Pathian atangin kan dawn belh leh bawk dawn a ni. ’ a ti a. Engmah ni lo mah ila keia berh ve leh chhawngte dinhmun ka ngaihtuah leh puih ve chang hian ka pa thusawi hi ka hre chhuak fo thin. Ka inchhir ngai lo.
‘Damchhung mi hmuaktu apiang i tirh nise’ kan tih hian kan chunga natna leh harsatna chauh ni lo tanpui ngai emaw pawh lo thleng sela i tlan chhe loving u tihna lam ni thin se ka va ti em! Lersia dik tak hi kan lo hai palh hlauh ange. Lei malsawmna kan dawn theihna turah chauh hian kan khawngaihna, lainatna leh hmngaihna hi i lantir lovang u. Mi harsa leh chan chhe zawk i puih avang hian hlimna dik i nei deuh deuh ang.
Similar Posts:
- Lersia Chanchin
- Lersia Chanchin – II
- Kan khuaah ‘Istiri Kap’!!!
- I ngaihtuah ngai em?
- Thlasik Malsawmtu
July 13th, 2011 at 12:36 pm
A va tha kher ve.
Min rul leh thei lo tu tih hriat reng te puih hi Kan Lalpa duh dan ani e. Aman rulh min tiam a, min rul dawn lo mahse amah hmangaihna avangin kan ti tur ani.
Report this comment
July 13th, 2011 at 12:39 pm
Tin, puih phu ni a kan hriat te chauh puih hi ringtu tih tur anilova. Kan puihna an appreciate thiam emaw, thiam lo emaw, a hlut zia hre lo tu te pawh kan puih a ngai ani.
Lalpa’n pui thei zawk dinhmuna min din tir hi kan theihna vang ani lo tih kan hriat reng a pawimawh.
Pu Ignatia te Pa ang an vang ta hle tunlaiah,,,
Report this comment
July 13th, 2011 at 1:03 pm
A tha ka ti khawp mai. Fate hnenah hian thu leh thil tih ngeia entirin Pathian zirtirna dik kan tuh tur ani reng a ni. Ignatia pawh Pathian rawngbawltu ila ni daih mai thei a nia. # Tun sunday liamta khan kan nupain Fellowship kan kal a, kan fate inah an lo awm a. Kan fapa upa ber chuan freezer a vur khawn nasa lutuk tìhthlak tumin chemtein alo chhun khawk a, compressor alo chhun tlang a, a chhe ta a ni. A nuin, ” In inkhawm duh loh vang anih kha” a ti a. Kan fapa, Pathian rawngbawl tura kan hlan tawh chuan, “Ka nu a dik chiah mai, Ka puitlin huna Pathìan thu ka sawi hunah, ka sawi thin ang” a ti ta reuh a, min ti lawm khawp mai.
Report this comment
July 13th, 2011 at 1:07 pm
In ti tha hle mai inchhungkua chu…
Report this comment
July 13th, 2011 at 1:07 pm
va tha dap dap ve,pulpit a au dum dum ringawt ho ai chuan ngaihsanawm tak i ni
Report this comment
July 13th, 2011 at 1:10 pm
Ka rilrem zawng tak sermon tha tak a ni e. Good post!
Report this comment
July 13th, 2011 at 1:13 pm
A dik hle mai.
Report this comment
July 13th, 2011 at 1:15 pm
tha hle tak mai a!! a ril raih mai.
Report this comment
July 13th, 2011 at 1:23 pm
Dik chiah…
Report this comment
July 13th, 2011 at 1:26 pm
Ignatia pa chu Kristian dik dak, Isua hnung zui tu ani. He article hi YMA hovin chhiar se ka va ti ve. Bru ho leh Myanmar lam unaute hnawhchhuah kha “Kristian nun chawi san” na ani em ?
Report this comment
July 13th, 2011 at 1:27 pm
Rinna diktak nei chhungkua, thil tih a lantir thin Pu Ignatia te chhung ang hi a lawm zoramin a mamawh chu. Komen tam lo mai ang thu tha sawi dawn chuan mi rel a awl e mai.
Report this comment
July 13th, 2011 at 1:29 pm
A tha hle mai
Report this comment
July 13th, 2011 at 1:31 pm
tha lutuk! ignatia tun kara ka sermon chhiar duhawm berte zinga mi a ni. chauh chang ni a va’n tam em! chung zawng zawngah chuan min ti chak turin hetiang lam sermon a awm thin hian min ti lawm thin!
Report this comment
July 13th, 2011 at 1:44 pm
A ngaihnawm raih raih hle mai. In hausa hle pawhin ka ring e, ka lawmpui nghal bawk teh ang che.
Report this comment
July 13th, 2011 at 1:50 pm
Rilru a khawih e.
I pa hi pa tha tak a ni chiang e. Tanpui ngaite tanpui dan ah pawh hian a tlachawp leh phur hluai lai ai pawh in systematic deuh a kan thian, laina leh thenawmte khaichhuak tur a project leh target siam hi a hun chho ta e.
Chutih laiin, hmelhriatloh mahni in a lo luhtir ringawt hi tunlai ah zawng a dik vek theih tawhlohna chen chu a awm tho bawk. Vai ho hi eng ang pawn inkawmngeih mah i la, an mahni an awmloh hlan, a nupui fanau te chiah awm hlan chuan an in a len loh tur. An ti ngailo, an duhlo. A chhan pawh a awm bawk.
Tunlai ah phei chuan hmeithai pitar pawh pawisa tlemte it vang in lo luhchhuah a, pawngsual duh tawk an awm tawh a,kan tuallai a kan fanu kum 5 mi infiamte pawh sweet ilo hmang in an hruai bo a, an pawngsual a, an that zui duh tawh bawk nen. Hmai tuam, tuboh a inchhut, kan inchiahpiah chho ta zel a, kan duh emaw, duh lo emaw, kan chep chho zel dawn a ang e.
Mikhual hmelhriatloh aiin, I thenawm, i vengte ah tan hmasa rawh tih hi a la Biblical zawk mah mah em, Ignatia? ( Min hmuhdan ang chiah in ka comment leh ta.
)
Post tha a ni e.
Report this comment
July 13th, 2011 at 1:59 pm
@Ignatia (33-115 AD) : CHUTICHUAN, kha pa, vai tawng chauhva biak theih chu malsawmna in chhungkaw tan a ni ta chiah em? A la dam em? Enthlatu chu a lo ni reng em? Se-bawng fem deuh in va kai ve em? In chhungkuaah chuan a tu ber nge Tuaisiala? Nang Liandova i ni em?
Analogy hi a inhmeh deuhva sawi tha ka ti. I thil post hi tha tak ni mah se.
Lersia, Liandova, Tuaisiala tih deuh duah hi … a chuang liam! Liandova-te khaw mipui sualzia kha … in khua pawh in sual chiang hle mai.
(Fiamthu mei nei).
Report this comment
July 13th, 2011 at 2:02 pm
Thumbs up.
Report this comment
July 13th, 2011 at 2:06 pm
A tha mang e. Mi tanpui theitu zawk dinhmuna din a lawmawmzia hi ngaihtuah fo a ngai a ni.
Mahni tana ‘inconvenience’ emaw ‘risk’ emaw a awm miah loh chauha mi tanpui duh chu a ropui lutuk lem lo. Chutiang pawh pawisa lo-a mi tanpui thin te hi an ngaihsanawm a ni.
Report this comment
July 13th, 2011 at 2:07 pm
ka phak tawk sang mah suh se; tanpui theitu nih nuam ti mi ka ni.
Tunge ka zawt lova; eng mi nge ka chik hek lo.
An nundan ka thlir lova; an mizia ka thliar hek lo.
Tanpui ka bat; a bak an bat…
Report this comment
July 13th, 2011 at 2:13 pm
A lo chhuak der mai a. A lawmawm e. Rilru thar leh ngaihtuahna tha min siamtu ni mawlh rawh se.
#16: I fiamthu hi ka nuih a za deuh tlat. Ka pa nen hian in inhriat ka ring tlat bawk.
Zoho: Min zawhna ka chhan dan tur che chu- Kohhran leh khawtlang avang hian kan khua tereuhte lirthei pawhin a tlawh that mang lohna hi kan pemsan ve thei lo a ni e. I sawi dik bawk.
Report this comment
July 13th, 2011 at 2:20 pm
A van thain in va fakawm chhungkua ve aw. Mihring hi sual deuh kan tih pawh hian thatna mual kan nei vek. Hmangaihna nena tanpui phei chuuuuuu, thil a workout zel, a rei lam erawh kan hre lo a. Kan hmeichhiate hnamdang kawp ti a sawi vak2a, mifel ho zing awm ngamlo khawpa sawi vel ai chuan hmangaihna nena kan enkawl tlat chuan Zoram nuam a par chhuak ang. Ka rilru a a awm ang pawn ka sawi thiam chiah lo.
Report this comment
July 13th, 2011 at 2:25 pm
misual.com a zoho leh Chawnghilh te lo awm kher kher hi chu an hlu mang e. Emotion tuipui hian a len duai duai ve ringawt lo tih a chiang a, an conscience hi a clear tha han reng bik mai a.
Report this comment
July 13th, 2011 at 2:32 pm
Ka naupan lai in kan khua Thingtlangah hian Vai in kan in a thlen min dil a ka chhungte an awm loh vangin ka hnar ta ringawt a ka hlauh deuh vang ani a, tun hnuah hian ka inchhir leh thin.
Report this comment
July 13th, 2011 at 2:38 pm
Hei chu(h)…
Report this comment
July 13th, 2011 at 2:39 pm
Post tha thawkhat a ni. Mahse….. i han sawi pawr talh tho teh ang. Pathian thu anga ‘tanpui ngaite tanpui’ thu kan sawi dawn a nih rau rau chuan ngaihdan nghet tak ka nei. ‘Pathian thu hi a hnai tial tial a, a har tial tial’ an ti thin. (He thu hi chu sawi dan tamtak a awm ngei ang a). A dik ka ring. Hla tak ami te leh hmelhriat loh tanpui hi kan phur viau thin a, rau riauvah kan ngai pawh a ni mahna. Tsunami tuar, Orissa, Dampa Rengpui etc.tih vel leh kan hmelhriat mang lohte kan buaipui a, a tha tho ve. Thenawm hnai taka kan hmelhriat ngeite tanpui ngai ngawih ngawih kan en khum daih anih chuan a fuh ka ring lo.
Report this comment
July 13th, 2011 at 2:45 pm
Joyce Meyer thusawi ka la hriat reng chu kan emotional feelings in hnehtir hi Pathianin a phal lo tih hi. A dik chiah reng ani.(Post tu pa te emotional feelings in a hneh vang ka tihna niloin, an tih tur dik tak Lal Isuan hmangaihna neitura min tih kha an tihlawhtling ka ti.) Pathian hian chhia leh tha hriatna tu pawh min pe a chu min pek chu Amah rawn kher lo a, a tha a ni tih kan hriat tawh reng chu keimahni pawn kan tih ve hi angai. Entirnan tanpui ngaite tanpui hi Pathian lawm zawng tih hre reng tawh a, Aw Lalpa ka tanpui angem tia zawt2 lo va kan tanpui nghal maite.
Report this comment
July 13th, 2011 at 2:57 pm
Zovel: A dik khawp mai. Lersia diktak hai a hlauhawm. In venga miin an in atanga an hnawhchhuahte, ruihhlo ngai te,ldt. kha Lersia ang chi tho an nih ka ring.
restored: Christian Preacher- Ravi Zakarias chuan ‘We cannot worship God without emotions, because He is born of love’ tiin sermon sei tak a nei ve tlat thung. Mahse rational taka rawngbawl leh zawm hi a consistent zawk fo thin.
@Lersia….
Report this comment
July 13th, 2011 at 3:08 pm
Ignatia, nia tiraw, thil reng2 hi chu sawi dan leh pawm dante a tama, emotional chhia leh tha a awm aniang ti mai ang aw. Kan dawnsawn dan pawh a in ang lo phengphung hlawm anih hi khawvelah zawng. Pathian hmangaihna a tanga chhuakah chuan mi ka va hmangaih anih pawhin kha khan rah tha a rawn chhuah hmuh tur a awm thin, chuti lo a kan emotion control anih siloh chuan ramri chin a pel thin.
Pathian thlarau hi chu nuphut a nih ring lo leh fim deuh kar mai tur anih ringtu ka nia. Mi pawite ka sawi angem aw.
Report this comment
July 13th, 2011 at 3:11 pm
Post leh comments a tha hlawm hle mai. Ka thinlungah Sermon thar a rawn piang tan e.
Report this comment
July 13th, 2011 at 3:19 pm
Post tha tak a ni… Mahse ka hul riau mai..
Report this comment
July 13th, 2011 at 3:39 pm
Ignatia pa
.. Post tha tak a ni e.!! “Humanity” a la thi lo tih Ignatia pa hian min hriatchhuah tir leh e..!!
Mi zawng2in Humanity kan ngaihpoimoh hunah chuan khawvel hi a fai thlap ang..!!!
Report this comment
July 13th, 2011 at 4:32 pm
Kan khuaah chuan lokal ve se la, in chhungkua ang hi an tam lutuk a, keini chuan kan chang ve teuh lo mai..
LERSIA tam deuh lokal se chuan kan chang ve ang a, i pa sawi ang khian kan chhung inkhawmah ka sawi ve ngei ang.
Report this comment
July 13th, 2011 at 5:16 pm
Comment number pariatna ami kha i reh em mai. Lo lang zing deuh rawh. Zoho paw’n a ngai tawh lutuk che.
#32: Nia lo ti ve ngei ngei rawh. Kan chhungkua hi engmah kan ni lo. Mahni chanchin insawi mai bakah mi nek deuhna lam thuziak a nih avangin rei tak tlangzarh lovin ka dah tha (Nikum lama ka ziak a nih hi). Ka paih then teuh leh nghal.
Khaw awmna hmun a zir hi a ni deuh pakhat a. Tin, in 50 vel lek kan nia a hahthlak duh phian. Kan khua hian Mikhual chi hrang hrang chanchin kan ngah khawp mai. Chhungkaw thenkhat ti sual ta viau nia in ngaite pawh an awm bawk.
Report this comment
July 13th, 2011 at 5:59 pm
Ignatia@33 deuh vel kher chu(h), i tihdan a thik a niang.Kei pawh ka nick hi ka thlak ve daih nang a….Arian inti ta ila
(:risk fiamthu:)
Tak tak a, a ngaihawm khawp mai,a buai a niang, hman ah pawh thla 1 chuang a bo tawh.
Nia, teaching ang a a kal dawn chuan a universal tur a ni si a, in 50 khua a relevant deuh, Mumbai a applicable reng reng lo tur hi a tam asin, chutiang a inteh pawh a sual duai thei fo.
Kei ka vei ve em em chu Israel hnam Jubilee hi a ni pek a, Kristian hausa tak thenawm ah kristian retheite an awm thiang lo, an awm chuan a hausapa kristianna chu ka Q nghal der.I hrethiam in ka ring.
Report this comment
July 13th, 2011 at 6:27 pm
Naupan tet ata tun thlengin i pa thinlung ang (pha chiah lo maithei e) pu mi niin ka inhria. Niminpiah maiah khan rilru na tak chungin hetiang mi pakhat nen hian kan inthen ve ta tlat mai le.
Hmeichhe Hostel ah warden-in ka awm a, Bru kutdawh, kan venga vak kual reng mai thin hian ka nauteho hnenah ka hmuh lohvin chaw ei a lo dil a, an lo eitir a, an ti tha ka ti hle. Mahse, tunlai thil awmzia han thlir hian chutia patling thankin pui mai hmeichheho zinga a lo tei fo dawn chuan a fuh ta tlat lovin ka hria a, ka rilru a insual fe hnuah tun hnu ah chuan rawn tei lut tawh lo turin ka hrilh ta a nih chu.
Note : He pa hi kei, ka pa, ka unaute leh ka fate ngei pawhin vawi hnih/khat theuh chu buhfai emaw pawisa emaw pein kan lo tanpui tawh thin a, piansualna a neih loh avangin inhlawhfa tur pawhin ka thlem tawh a, a duh miah lo. Mahse chu chu ka thiamchannaah ka ngai thei lawi si lo a nih chu.
Report this comment
July 13th, 2011 at 7:35 pm
@Zoho(#34): Ania lawm, a reh daih a. Nangmah hi HUIVA iangin koh turin va kal tawh….
Teaching tur ang zawnga post pawh ka ni hran lo. In tuaitharna mai mai. In postah hian logos, rhema, smiley, hyperbole, metaphore, symmetry, greek, hebrew et al tih vel a ni nuai tawh thin a(fiamthu, mahse ka hlawkpui ania). Hetiang lampang thuziak chhiar a ngaih chang a awm thin alawm.
@35: Ka hrechiang che. I thusawi khi ka pawm thlap.
Report this comment