- I lo pian theihna tùra i nu tuarna i ngaihtuah ngai em?
- I sên lai zawng zawnga i nu leh pa hahzia i ngaihtuah ngai em?
- I dam loha hmangaihtu i neih hi i ngaihtuah ngai em?
- I hlimna tùra tuartute hi i ngaihtuah ngai em?
- Man lova ni êng i dawn hi i ngaihtuah ngai em?
- Man lova ruahtui i dawn hi i ngaihtuah ngai em?
- Man lova boruak ṭha i dawn hi i ngaihtuah ngai em?
- A man tu nge pe zo i ngaihtuah ngai em?
- Hrisêlna i neih hi i lei a ni lo tih i ngaihtuah ngai em?
- I chunga mite ṭhatna hi i ngaihtuah ngai em?
- I hlim viau lai khân ṭhenkhat an ṭap tih i ngaihtuah ngai em?
- Chaw tui tak i bâr rual khân ei tùr nei lova rilṭâm an awm tih i ngaihtuah ngai em?
- Khum nuam taka i mut lai khân tualchâra mu an awm tih i ngaihtuah ngai em?
- Thawmhnaw ṭha tak i hâk lai khân hâk tùr nei lo an awm tih i ngaihtuah ngai em?
- Dam taka zîng i thawh rual khân thihna tâwk an awm tih i ngaihtuah ngai em?
- Thi thei i ni tih i ngaihtuah ngai em?
- I thih hnu-ah khaw nge i kal dâwn tih i ngaihtuah ngai em?
- I thih hnu-ah i sum leh pai khân i tân hlutna an nei tawh lo tih i ngaihtuah ngai em?
- Ropui takah inngai mah la, chak lohna i nei tih i ngaihtuah ngai em?
- Rethei takah inngai mah la, mite tih theih loh i tithei tih i ngaihtuah ngai em?
- Nun hohzia hi i ngaihtuah ngai em?
- Nun ropui sizia hi i ngaihtuah ngai em?
- I ṭanpuina mamawh ngawih ngawih an awm tih i ngaihtuah ngai em?
- I thlamuanna leh duhsakna ngai ngawih ngawih an awm tih i ngaihtuah ngai em?
- I ngaihsak loh avangin ṭhenkhat chuan nunna hlu tak an hloh tih i ngaihtuah ngai em?
- I hmangaihna mamawh ngawih ngawih an awm tih i ngaihtuah ngai em?
- I kuta i kuangkuah thlahleltu an awm tih i ngaihtuah ngai em?
- Khawvêla hlu ber ‘nunna’ pawtsei theitu i ni tih i ngaihtuah ngai em?
- Midangte tân malsawmna i ni thei tih i ngaihtuah ngai em
I ngaihtuah loh avangin thil tam tak i hre lo a, thil tam tak i chân a, thil tam tak i tisual ṭhin. I ngaihsak loh avangin rilṭâm tuihâlin an awm a, lei chârah an mu a, khaw vâwt hnuaiah an khùr asin. I ngaihsak loh avangin an nunna hial an chân si. Ngaihtuahna nên theih tâwpin i ngaihsak ang u.
Similar Posts:
- Theih ni se..
- I ngaihtuah ngai em?
- Setana’n Evi A Thlêm Dân {Sunday Pual}
- TAP SUH, NGAIHSAKTU I NEI
- TAWNGTAINA
December 7th, 2012 at 3:10 pm
Dawn ti thui post a ni maw?!!
Report this comment
December 7th, 2012 at 6:21 pm
Fanu ka nei neih ni atang khan, ka nu leh pa te lo hah dan tur zia chu ka hre ve tan a, zan mut hman loh a tam zia te pawh ka hre chho zel a.
Post tha tak a ni e !
Nula leh tlangval fa la nei lo tan chuan hriat thiam chu a har viau ang.
Ka tlangval lai leh naupan lai chuan ka lo ngaihtuah ngai hau lo a, nupui ka neih hnu a ka lo suangtuah ngawt ai pawh in a lo rit zawk si..actually !
Report this comment
December 7th, 2012 at 7:21 pm
Ngaihtuah ve fo e mawle. Post ngaihtuah tithui leh tha tak ani e
Khua a vawt ta riau mai. Computer hma a thut pawh a peihawm loh tan ta riau. Kha u lo in ve teh u
Report this comment
December 7th, 2012 at 8:44 pm
Ka ngaihtuah ve nasa ṭhin..a bik takin boruak ṭha khian hmana ka thil ngaihtuah ṭhin min ti hrechhuak…ka zing class kal turin boruak fresh tawk ka hip thei hi chu a va lawmawm tak em tih ka ngaihtuah phei neuh neuh laiin lungalhthei laih chhuahna khura chhungkaw chawmna tur atana thawkte ka hrechhuak mauh mai a, ka pahin ka in ngaihtuah lungpuam ṭeuh mai maw le
Report this comment
December 7th, 2012 at 9:33 pm
Vawi khat chu ka hnamdang thian pakhat Athiest hnenah Pathian a awm thu vel thiam ang tawka hrilh pahin ‘heng mirethei te2 chenna tur mumal pawh nei lo i hmuh te hian lawmna chang te i hria em?’ ka tia.. ‘thenkhat tan chuan mirethei kan nive tho alawm’ tiin min chhang a, ka dang titih der.
Report this comment
December 7th, 2012 at 11:02 pm
@century child, i thian chuan midangte vanneihna a hmu a, a retheihna a inhmu a. A vanneihzia a inhre lo a nih chu. Heti ang mi hi chuan anmahni aia lian, hausa leh thiltithei an thlir tlat a, anmahni chu an rethei tlat a ni..
Report this comment
December 7th, 2012 at 11:37 pm
Report this comment
December 8th, 2012 at 4:29 pm
Report this comment
December 9th, 2012 at 12:29 pm
A tha hlawm kher mai.
Report this comment
December 9th, 2012 at 9:55 pm
Report this comment
December 9th, 2012 at 10:57 pm
A tha hlawmin a bengvarthlak hle mai, FB group thenkhatah ka post chhawng dawn a nia, a link nen hian. Min phalsak ngei ka beisei.
Report this comment
December 10th, 2012 at 7:18 am
Ok @HT Tluanga. Phal e. Thil tha lam te hi chu darh zau se a tha lehzual a ni mai
Report this comment
December 14th, 2012 at 9:27 pm
E… a ni dawn tak maw…..
Report this comment