Ka thlahlim chu :-
Ka dinga; a lo ding ve a,
Ka thruin; a thru ve,
Ka tlanin; a lo tlan ve a,
Ka lama; a lam ve,
Ka zuanga; a lo zuang ve leh a,
Ka eiina; a eiin a lo in ve,
Ka mutin; a a rawn mu ve leh a,
Ka hringchan kumte a lo rala ka ruang, thlan chhunga zalh a nih hunah chuan a ni pawh zalh a ni ve ang. Thlankuang chawpa lei chhungah phum ka nih hunin a ni pawh phum tel a ni ve nghal. Mahse mihring ang ni siin taksa leh ruhrel a neih ve loh avangin ka lei taksa a tawihral hunah erawh chuan a ni chu a tawihral ve dawn lo.
Lei chhung hmun thim tak chu a chatuan hmun tur a nih loh avangin a chung thu rela a chatuan hmun tur rama hruai turin mi pakhat a lo kal leh ang.
Chu mi lo kal tura, lo kal niah chuan kaihthawhin a awm ang a, chutih hunah chuan tih danglamin a awm ang. Thlahlim ni tawh lovin Thlarau tih a lo ni tawh ang. Rorel niah chuan a lei taksa dam laia a thiltih zawng zawngte phurin mitin an thiltih angzela rorel sak tutur hmaah chuan a thringthritpui ang. Chutih hunah chuan inchhir a sawt tawh lovang, tawngtai leh inthawi a sawt tawh hek lovang. A lei taksa dam lai ngeia thiltih zawngte chauh chu Agenda a ni dawn si a. Rorel sak a nih hnuah chuan chatuan chatuana a chenna tur hmunah hruai luhin a awm tawh ang.
Aw ! A chantuan ram chan tur chu eng ram/ eng hmun zawk hi nge ni ang le ??????
Similar Posts:
- chuan…
- KUMHLUI THLAH NAN
- Chatuan (Golden Post-na!)
- Inhalral ve tawh mai ang u
- Kan inphum zel dawn em ni ang – Engtin nge thlanmual?
(Y)
July 13th, 2011 at 6:38 am
mi zawng zawng kan thiltih ang zela rorel sak kan nih hunah chuan inchhir a sawt tawh dawn silova, chuvang chuan kan nunkawng hi uluk tak a hman a va pawimawh em!!
Report this comment
July 13th, 2011 at 6:40 am
Eng awm lohna hmunah hlim (shadow) a awm lo.
Report this comment
July 13th, 2011 at 7:04 am
Posttupa, “Sawi theih i nei lo” ka ti ve dawn miah lo ania aw. Hetiang lam vei pawl in lo la awm zel hi, a thlamuan thlak e. “Laisses Faire!?”(Let anyone live as he/she like) tih ngawt chu Setana duhthusam ani ngei dawn si a. Tu SAHUAT emaw chu a khawih ang tih ka hlauh pui deuh che.
Report this comment
July 13th, 2011 at 7:26 am
Ka bo ta map mai le. I sawihmang ah hian “Thlahlim” hi shadow (hlimthla/thlahlim) a niin a lang a, chu chu thih hnu ah THLARAU ah a chang anga maw ?
Ka thruin a thru ve a I tih pawh hi “Ka thutin a thu ve a” tih tur ni awm takah ka ngai. (“t” hi a hnuai ah ka chhunhang thiam lova a nih tur ang a ni lo deuh. Chumi avang erawh chuan “r” ka belhna chhan tur ka hre lo)
Report this comment
July 13th, 2011 at 7:59 am
gud morning phots u.. : ka commet lo mai ang: zoho kutah ka dah e..
Report this comment
July 13th, 2011 at 8:04 am
Thu emaw hla emaw pawh nise a hman tawh phawt chuan i post zel mai ang u….aw…
Thlahlim tih hi ka lo hre ngai lova Hlimthla tih hlir in ka Pi leh Pu te chuan min lo hrilh thin ani a…A dik tho alom kan tih chuan Dekchi pawh hi Chidek ti ila..Ketli pawh Liket ti ta ila dik vak lo ang a…Keichu ka ka bo deuh tlat…Enge Pu HV lam ngaihdan chu ka hre law…
Report this comment
July 13th, 2011 at 8:04 am
Thu emaw hla emaw pawh nise a hman tawh phawt chuan i post zel mai ang u….aw…
Thlahlim tih hi ka lo hre ngai lova Hlimthla tih hlir in ka Pi leh Pu te chuan min lo hrilh thin ani a…A dik tho alom kan tih chuan Dekchi pawh hi Chidek ti ila..Ketli pawh Liket ti ta ila dik vak lo ang a…Keichu ka ka bo deuh tlat…Enge Pu HV lam ngaihdan chu ka hre law…
Report this comment
July 13th, 2011 at 8:08 am
II Timothea 1:9 Ani chuan kan thiltih ang te ni lovin, ama ruat leh khawngaihna ang zawkin min chhandam a, kohna thianghlimin min ko bawk a, chu khawngaihna chu leilung pian hmain Krista Isuaah chuan min pek a ni tawh, (Vanram kai chung changah khan mosia te kha sawi kai lo lek lek te kha kan awm a, khi Bible chang khi Pathian rawn chungin i chhiar chiang ang u)
Report this comment
July 13th, 2011 at 8:29 am
Hetiang post controversial tak tak hi tunlai chu tam riau mai. Sakhaw lampang post a rawn phur tak tak kan awm ve nual bawk si.Huiz.
Report this comment
July 13th, 2011 at 8:49 am
Pu Rokunga chuan HLIMTHLA hi thlalak sawi nân a hmang thung, poetic diction mawi tak a ni thei tho mai —
I hlimthlate mai maw kan chan tàwk
I ànkâ biak leh mi chhâng si lo;
Ka thlîr ang che awmkhàwhar min hnèmah
Ka ngai che, bawihte ka ngai èm che,
Min hnèm an awm lo nang lo chu.
Report this comment
July 13th, 2011 at 10:33 am
As a poet and as a writer ang chuan kan zalen e, i ngaihtuahna i phochhuak thiam.
Hnam sakhua kan vawn lai a kan zeldin ram Kristianna a tlem kan thuamthat leh kan herrem hi a DIK TA tihnaa ni lo. A la diklo tluang zel zawk a ni.
Heng avang hian alawm literature hi ka HAW thin ka tih fo thin chu ni. Miin a thinlung a luangliam chu HLA ah a phuah chhuak a, chu chu THU ah kan letling ta pek a, a phuahtu rilru nilo baksak DOCTRINE behchhan ah kan han hmang ta mai thin a nia…
Report this comment
July 13th, 2011 at 11:17 am
Thlahlim hi thlarau maw a lo nih a???
Keizawng ka bo map mai.
Report this comment
July 13th, 2011 at 12:03 pm
bawihte min hrethiam ang che
Report this comment
July 13th, 2011 at 12:20 pm
thihhnu khawvelah chuan zoho te nen kan lungrual thei si lova.. “Tun damlai la la hian kan tuhrah kan seng.. Chi tha i tuh chuan he lei hian rah tha a chhuah ang che” tih lampang hi a ti mi deuh khan han post teh u.
Report this comment
July 13th, 2011 at 1:16 pm
I va han thluai thlum thiam em em ve.. dek nalh vel khawp mai a.. Mahse maw kan ti teh ang ‘thringthritpui’ tih tak hi ka va ngaimawh em. A chhiartu mizo vek kan ni tho a’thingthitpui’ pawh ti la, kan hrethiam vek tho ang..
Report this comment
July 13th, 2011 at 8:48 pm
Ka thuziak mi comment saktu zawng zawngte chungah ka lawm e. Thlahlim( shadow ) leh hla thua Hlimthla kan tih thin hi a inang chiah lova ka hriat vang a ni. Thlahlim/ thlimthla chu thlarau a ni lova, thlarau tehkhinnan thlahlim ka rawn hmang mai bawk.
‘t’ hnuaia chhutdet dah dan ka la thiam ve loh avangin leh mi dang thuziaka ka hmuh ve fo avangin ‘r’ ka rawn telh ve mai ta bawk e. Ziak lama inzir chho ve tan chauh ka nia, tun hnuah chuan ti tawh lo vang..
**** Vawih hi Ek thlarau an ti**** khaw pakhatah chuan…lozz
Report this comment