Hmun hrang hrangah ka lo tei kual in ka vakkual hnem ve tawh hle a. Thil mak pui pui leh hriatthiam loh tam tak ka lo tawng tawh thin a. Tun tum ka thil tawn erawh hi chu a dan a dan deuh avangin kei misual hi ka buai ta tlat mai. Min han pui teh u.
Nikum atang khan kan khua a cable tv operator pakhat chu an DTH ka recharged sak thin a. Thla khat ah Channel pakhat hi Rs.230 bawr vel in ka recharged sak thin a. Ka lo tih sak ve man ah hian midang chu Rs.30 ka bill thin a. Rs.260 in ka recharged sak thin a. Anni erawh hi chuan min pek an tumloh hrim hrim avangin ka chawi tir ta lo ringawt a. Mahse recharge na fee Rs.230/- atang chuan Rs.30 ka cut sak a, tichuan Rs.200 ka thun sak ta thin a.
Tichuan, nikum chuan pawisa pe lo in a ba in min thun tir ta thin a. An bat hnem tak em avang chuan ka thun sak duh talova, chhuanlam siam in ka hnar ta a. An ba pawh chu an rawn ngaihsak zui tawh lemloh avang chuan cable fee ah ka cut sak ta a(Cable hi an mahni ta kan pawt a). Ka cut zawh sak thei hram a.
Tichuan kumin kum thar atangin ka thun sak leh ta a. Mahse February thla atang khan min ba leh ta tan tlat mai a. Rs.5000/- min bat tlin tak chinah chuan Ka bank account lam ah pawisa a awmloh avanga ka thun theih tawhloh tur thu leh pawisa min pek phawt loh chuan pawisa dah tur ka neih tawh rihloh thu ka lo hrilh a. Tichuan reilote chu midang an tih tir leh a, mahse kan khaw chhehvel ami te ka thun sak tih an hriat chuan min rawn tih tir an tum leh ta a. Pawisa pawh an cable pakhat an hralh na man an la dawn a, min pek tur an neih vat tur thu an sawi takah chuan ka tih sak leh ta a.
Mahse nei tura an insawi huna an neih tak loh avangin ka chhuanlam ngai hmangin ka thun sak duh leh ta lo a. Mahse midang ka thun sak tih an hriat chuan an rawn kal leh a. Hemi tum hi chuan pawisa pawh tlem azawng an rawn keng a. Tichua tuna an ba rulh bang la awm chu Rs.4000 vel a la ni ta ani.
An ba min pe lo leh an ngaihsaklo hi ka buaina a ni lova. Ka buaina ber chu nimin piah lawk khan Rs.1000/- min rawn pe a, an ba rulhna ni turah ka lo ngai a. Tichuan zan ah ka awmloh laiin ka chhungte hnenah DTH tihnun tur number min rawn hrilh a. Mahse ba min pek zawh hma chu tih nun sak ka tum tawhloh avang chuan ka ngaihsak duh talo a. Tichuan, a tuk ah an nu a rawn tir a. Bank lamah pawisa a awmloh avanga ka thun theih loh thu leh, an ba avanga ka pawisa a tan vek thu ka lo hrilh a. An nu chu a haw ta a. Hemi tlai hian khaw thenawm a an hmelhriat te ta ka thun sak a.
Tichuan, tukin(14/7) ah cable neitupa chu a lo kal a, ba rulh nana a pawisa min pek anga ka ngaih Rs.1000 chu ba thin in min rawn thing ta tlat mai. Hei tak hi ka hriatthiam loh lai chu a ni. An ba rulhna tur ni a ka ngaih, pawisa min rawn pek lai pawha thil dang engmah sawi lova ba rulhna ni tur awm tak a min pek kha min rawn dil leh ta anih chu. Tichuan ka buaina ni ta ber chu an ba min rawn pek kha ka ba let ve leh ta tihna em ni? tih hi a ni. Rs.1000 min pek hnu ah Rs.3000 vel ba la nei tur khan an ba min pek zawh hma in an ba rulhna ni a kan ngaih Rs.1000 chu min rawn thing let leh ta tlat mai a. Hei tak hi ka hrethiam lo a ni.
Ka misual dot commers pui te u, KA BA NGE MIN BA tih hi min han hrilhfiah sak teh u khai. Ka buai anih hi. Engtia han tih chi nge ni ang?
Ka lawm e.
Similar Posts:
- Mobile Phone ka nei ve a – II
- Modem buaina. Min pui teh u
- I cham reng thin asin Part-II
- Mipa leh hmeichhe mize maksak
- ATM hmangtute tana fimkhur a tulna
July 15th, 2011 at 8:48 am
kan chhiar phawt chuan komen ang
Report this comment
July 15th, 2011 at 8:52 am
khitiang mi khi ka huat zawng tak an nih khi… I LAKAH AN BA… Chu chu a ni thla-ri-rawk mai..
Report this comment
July 15th, 2011 at 8:54 am
Mizo te hi chuan mi hmai zah hi kan ti na lutuk thin a, aw chu aw, aih chu aih ti ve tawh thin ila a zia deuh tur
Report this comment
July 15th, 2011 at 9:05 am
Sangpuiipa hi palian lam deuh, tha dam duam, phawk ang reng tak leh fiam pawh dawl tak, inih duh hmel. Sumdawng hlawhtling ni tur chuan, a chang hi chuan tih ve deuh fang (mean)angai asin. Chutilochu, i cha der mai ang. Bat tir tur chite pawh hriat a tha. Kan khua a dawrkai ho hi chuan, ka bat an phal khawp mai. “Ka rawn pe ang” ka tih hunah ka pe lo ngai tlat lova.
Report this comment
July 15th, 2011 at 9:27 am
I pawisa Rs 3000/- an la ba. Pe vat che se la intha tlang ang.
Report this comment
July 15th, 2011 at 9:29 am
Pawisa an ba ani tih anlo hre miahlo te hi alo ni ange?
Report this comment
July 15th, 2011 at 9:29 am
Khawvel a pawisa awm zawng zawng hian leiba zawng zawng a rul seng lo an tia lawm
In in ba tawn a nih chu a
Report this comment
July 15th, 2011 at 9:32 am
Ba ngaihsak vak lo chu an nih hmel. Mahse chulam chu tuna i buaina niin a lang lem lo in, misual ngaihdan i hre duh bawka ka han ri pawp mai teh ang
I sawidan dan atang khian Rs. 1000 khi chu ba rulhna tur nilovin recharge-na tura an rawn pek che a nih hmel a, a baa i thun sak theih tawh tak silovah chuan a “cash” an rawn keng ve niin a lang. I lo thun sak tak silovah chuan an rawn thing leh che a nih hmel bawk.
I pawisa an ba a, an ba rulhna anga i lo ngai/pawm hi i tisual hauh lova amaherawhchu an rilru tur hriat thiam puiin, ba rulhna anga ngai lovin an rawn pek chhan ang tak che a, an DTH lo recharge sak mai kha a tha lawm ni ka ti deuh. An ba kha chu ba-in la kal rih mai se! Bat dil lova pawisa an rawn keng ve tang tang pawh a tha tho a lawm .. khawngaihtu nih hi a tha a ni mai lova, khawngaih theitu dinhmuna kan dingte hi a vanneih thlak a sin
Report this comment
July 15th, 2011 at 9:35 am
sangpuii pa hi pa tha tak chu i nih hi maw le….
Report this comment
July 15th, 2011 at 9:37 am
In indawr dan hi ava changkang lo em ve aw… I pawisa an rulh duhloh che chuan Bank a i neihloh thu vel chhuanlam kual lo hian felfai takin sawipui la ri thak mai la hetiang vel hi in thleng lo mai tur. In indawr dan hi a nawi deuh anih hi.
Report this comment
July 15th, 2011 at 9:45 am
Ka rinloh huna ka post a lo chhuah chu a. Recharge na hi ba min pek hma chuan pawisa dah tur ka neihloh avangin ka thun sak thei tawh dawn lo tih ka hrilh tawh a. Mahse min rawn beisei lui tho tho. Post ah hian ka lo ziak chiang lo deuh a ni maithei. Ba min pek hma chuan pawisa dah tur ka neih loh avangin ka thun sak thei tawh lo tih ka hrilh tawh e.
Chuan Rs.1000 min pek hi min pek hma chiah zan ah cable neitupa a lo kal a, an ba kan chhut dun a. Zing ah a rawn kal leh a, engmah sawi loin pawisa hi min rawn pe a. A kal leh daih. Ba min rawn pe ah ka lo ngai hmiah mai. Hemi zan hian ka chhuah hlanin ka chhung te bulah recharge tur an rawn sawi leh.
Report this comment
July 15th, 2011 at 9:57 am
Lol..
A neitupa khawsa zia-ah chuan ba pekna chu ava ang si ve..
An policy chu.. tlem peka bat zui leh an tum a ang riauin ka hria
Report this comment
July 15th, 2011 at 10:03 am
‘chhanna nemin thinur a ti kiang’ an tih kha. dam thlep thlawpin an bat zat leh ba rulhna tur amaw i tih thu han sawi dap dap teh. chuan… Dem lutuk suh.. ‘tiang deuh khi Ka tawng ve tawh. Ngeiawm duh angreng. Ka fanu fee hi hlawh lak tlai deuh leh theihnghilh vangin ka ba pek a, a hnu deuhah form kawrlum man tura ka kentir chu fee ah an lo cut daih mai a, ka ngei angreng khop. Ka dik lo zawk tih chu ka hria. mahse ka fanu hrilhai lutuk leh zak em em a an siam kha… Tuna ka type lai pawh hian ka hnuk a la ulh deuh tlat.. Sob..sob..sob.
Report this comment
July 15th, 2011 at 10:03 am
@(¯`donald`¯), hei tak hi ania ka hriatthiam loh chu. Ba pek a min pek ni ah ka ngai a. Tin, pawisa an rawn lam leh hian ba rulh na atan ka bank account ah ka dah fel vek tawh thu leh ba min pek zawh hma chu ka tih sak theih tawhloh thu ka hrilh leh a. Ngawi reng in a chhuak ta a.
Report this comment
July 15th, 2011 at 10:03 am
Ava hahthlak tak ve maw le.
Report this comment
July 15th, 2011 at 10:06 am
Hetiang mi ho lutuk lakah hian hmaizahna nei miah lova i chet ve mai loh chuan a buaithlak telh telh ang, tawlh reng reng suh.
Report this comment
July 15th, 2011 at 10:09 am
Sangpuiipa@14 — Recharge-na tur ni se chu a rawn pek rual che khan sawi awm tak a ni a..
Annu hriat lohin ba kha a rawn pe che anga, an nu ui lutuk khan rawn recharge tir phet che a tum a ni lo maw
I lo ti duh silova, an pa kha a rawn thin tir leh che a ni ang :rinthu:
“Kha chu ba rulhna.. recharge in duh chuan 1000 dang rawn dah leh r’u” ti ve jaih mai la a tha mai lo maw !
Report this comment
July 15th, 2011 at 10:15 am
Mawng vawm ba ang maia an phet sek a tul anih chu. Nia i pawisa an ba zawk ani. Thing vat rawh
Report this comment
July 15th, 2011 at 10:17 am
Sangpuiipa, in business ah in in mamawh tawn nasa mai si a, thil a hnawk thui hmain pa leh pa hmaichhanah sawifel ran chi anih khi a. Tin, sum fai inpe lova in kawh kuit in tum zel dawn chuan, a hlohtu zawk ini zar zar dawn tih a chiang reng mai. I hriatthiam mai ka ring. In khuaa ka lo kal hunah ka handset front camera thalo hi min siam sak dawn nia. A ba in aw. Haha.
Report this comment
July 15th, 2011 at 10:22 am
Ni e, recharge na tur ringawt ni ta se chu Rs-1000 nilo in a man zat i sawi Rs-230 khi rawn ken awm tak zawk ani si a.
A buai teh nuaih ve
Report this comment
July 15th, 2011 at 10:24 am
@PK Fanai, nia, hmaichhana sai dawn pawhin an inah han leng ila a bo daih zel a, kan ina a lo kal leh tha hluam hian ba min pek theih har lohtur thu a sawi a. A ngaihsak zui lem hlei lova. Tin, hetiang thil hi ka duh reng vanga ti ka ni lova, kan bial huamchhung ami ten min nawr na vang zawk a ti ka nia. An ni hian min dawr lo mahse dawrtu ka nei reng min ba ve ngailo tu te. An ni ina min dawr ve hi ka chhiat pui zawk.
Report this comment
July 15th, 2011 at 10:27 am
+1
Report this comment
July 15th, 2011 at 10:30 am
An inah va kal la an Cooker va lak sak daih mai rawh.
Chaw chhum natur an neihloh chuan an buai ve viau ang. 
Report this comment
July 15th, 2011 at 10:56 am
I mi tawn ang mi hi ka ei loh zawng tak ani …amaherawhchu an mizia i hriat tawh hnuah pawh i tang ngam har lutuk hi chu i thiam lo.. Vawi khat rinawm lo hi chu rin har ka ti tawh ngang mai keichu Sum chungchang ah lek phei chuan. Mi pawisa puk pawh ka peih lo..chutiang bawkin puk tir pawh ka peih lo..status quo hi maintain tum hram hram i la tha ber mai
Report this comment
July 15th, 2011 at 10:59 am
‘ka pawisa a ba..’ ti mai lova ‘min ba’… Keini ai chuan ‘ni chhuahna lam’ i hnaih zawk deuh a nih hmel.. .he he
Report this comment
July 15th, 2011 at 11:15 am
A ba che.. Thing vek la, A pek hma che chuan tihsak tawh suh…
Report this comment
July 15th, 2011 at 11:34 am
Sangpuiipa, thurawn kan pe ve mai mai ang che aw.
Nang kherlo pawh, mi tupawh:
Khawngaih takin hetiang thil emaw sum leh pai kaihhnawih thil reng rengah chuan ziak fel thlapin, witness tha tawk nen (notary lam a remchan loh chuan) tih a tha fo ania. Buai thui theih lohna leh buaina chinfelna awlsam ber hmanraw tha tak ania.
Hetianga tih hnua warning i pek tawh hnu pawh a a buai zel chuan court ah kalpui hmak zel tawh mai tur.
Report this comment
July 15th, 2011 at 11:44 am
Ka hmuh dan chuan cable TV operator te chu an duham hle ani. Subsciber ten tlem lam an pan hmel si lova, service provider te sum pek duh loh chu sumdawnna daih rei lo chi anni.
Report this comment
July 15th, 2011 at 11:44 am
Ba thin hi hrehawm ka tih zawng tak ani……an ba an pek tlaka recharge lehna sum an pek phawt loh che chuan tihsak duh tawh suh……hetiang mihring hi an awm zeuh2 ania….an laka fimkhur ngai chi a nih chu….
Report this comment
July 15th, 2011 at 11:52 am
Simple…ba i inrul tlang ang u, ti mai la, an rs 1000 i bat chu pe la, i rs 4000 an bat chu dil nghal bok la.
Tin, a hlom in dil law2 roh, cutia rs 1000 i lo hup luih sak te cuan a dang 3000 phei cu an pe toh kher lo maithei ce siiin!
Report this comment
July 15th, 2011 at 12:09 pm
An hriatloh a i cut sak anih miau chuan i leiba anga an ngaih chu rul la a thaber mai lo maw, tharuma i chak zawk anih leh an bat chu thinchhuah lo tum keuh zawk la. In inhneh tawk viau anih leh ‘Ban inelh/Insuknawr etc etc’, a tawi zawngin ‘Man-to-Man’ aka ‘Patling leh Palting’, takin in chalrem tum mai ula. Thian inkawmngeih taka in inchhuah thei dawn anih leh lehkhaden ah sum fai phawrhchhuah tawh ngai lemlo in inchawinan in hmang leh thei a.
Report this comment
July 15th, 2011 at 12:15 pm
Mizo pavalai tak, T-shirt hak nuam ti chi, i Bag ah thin ah rawngdum lam ngaina mi, mahni tawka inring tawk inti si..mahse in ringhlela inrintawkna tlachham i ni, i insiamthat a ngai. Keini Misual puihna i mamawh tlat.
In awmnaah hian DTH TV Link ah in hnufumna a lang a, i mize thatna tarchhuakin a tirah phut neivak manglovin i Recharge sak a, a hnulamah i tihsakpa hian i mizia a enin namnul theih mai beiseina a nei che a ni,i mizia tha takah khan mizo tlawmngaihna chu i vawng, mahse tah hian Rs 50 chin manhu ah chuan Case a File theih tih hriain Rs 1000 chuang manah chuan a Cash a i dawn pawn Recipe dil tal tawh rawh, Consumer Forum lamah kal te i la ngaih phah ang e.
Engpawh nise !! Pachang leh pachang chu tha taka sawidun leh han tum phawt ula, hetia Misual kaltlanga i thurawn tarlante hi a lo hriat chhuah chuan a zal loh vek pawhin a Rambo phah thei a, mahse i dik tih kan hriatpui rual chein i thiltih tandan bul a fuh vaklo a nih hi.
“Kei pawn ka demlo va che, kal la, va tisual leh tawh suh”.
Report this comment
July 15th, 2011 at 1:18 pm
Mi pawisa bat ching ho hi tawngkam thiam leh nelawm tak, mi panna lai hre thei tak an ni duh khawp mai. Mi pawisa bat ching ho hian mi pawisa bat hi engah mah an ngai miah lova, an zak lova, lungkhamah an neih lova, midang an tihbuai zia an hre tha duh mang tlat lo. Awlsam takin mi thawhchhuah sa an ba a, a rulh leh lam erawh an ngaihsak lova, chhuanlam dawrawm tete an siam an siam mai thin.
@Sangpuiipa, cheng 4000 hi cable operator te tan eng tham mah a ni lo. Nanga tan erawh, harsataka i thawh chhuah a ni. A thlawnin a luang ral tur a ni lo. I hmuhlet theih nan nasatakin bei la, an rulh hunah che chuan tumah a ba in thunsak tawh suh.
Report this comment
July 15th, 2011 at 1:39 pm
@HV, i thurawn min pek avangin ka lawm e. Tin, ka misual pui te u, hei lo pawh hi ka cheng 3000 kum thum lai min ba tawh an awm a. Cheng 1500 kum thum vel bawk min ba tawh an awm. Heng ho erawh hi chu intiamkamna lehkha kan nei thlap thung. Court ah kalpui dawn ila, a then te chu kan thian te an ni roh si a. A buaithlak khawp mai.
Report this comment
July 15th, 2011 at 1:40 pm
@cari, ka lawm e. Nei mai tura an han in sawi tak tak hi chu awih ve mai zel hi awl tak ania.
Report this comment
July 15th, 2011 at 2:45 pm
Mini-bank kal thei i nih chu..
ngaidam la, bat tir leh toh lo mai roh
Report this comment
July 15th, 2011 at 4:58 pm
Arbawm chhungah thun la..! tairaw tiangin hawlh hrep rawh..!
Anni pawn ba an rul tha lo, an zak chuang lo… Chhuanlam siam lovin sawi phawng ta mai la.. “Aaa.. hei in ba hnem tawh angreng a, Rs 2000 vel aia ba a tam chuan ka recharge sak theilo che u” han ti hmak ta la..!! mahse, i recharge sak avang hian hlep i nei ve ta a, engemaw chen chu i hriatthiam a ngai ve tho..!!
Report this comment
July 15th, 2011 at 6:12 pm
#37 like
Report this comment
July 15th, 2011 at 9:36 pm
Thurawn a tha ber em chu ka hrelo a, a pawisa i ba let nia a hriat chu pe ta la, chumi hnu ah i pawisa a bat chu dil let ve la chu ta a pe duhlo che anih chuan, Lok Adalat ah kal ta la Lok Adalat hi court nimahse a dam thei angbera thu min rem saktu ani a, pan nachang kan hriat hi kan intihhmuh a tha khawp mai.
Report this comment
July 15th, 2011 at 10:06 pm
An va huangtau deuh ve mawle ! I mize thatzia changchawiin an ti anih chu… hetiang ho hi an vanduai duh phian lehnghal…
Report this comment
July 15th, 2011 at 10:35 pm
###
Sangpuiipa… HRILHFIAH VAK ANGAI LO…KHAWVEL AH HIAN MI LAKTLAK LOH LUTUK HO HI A CHHUNGKUA KUA HIAN AN LO LA AWM CHEU ZEL HI CHU BUAITHLAK NIH KHI…AN BA NGAWIH NGAWIH CHE ANI E…
Report this comment
July 15th, 2011 at 11:17 pm
Ho ti hle mah ila-ho ka tihsak lovang che.
A chhan chu nang pawn i zawhna chhanna tur khi i hre sa reng a.
Hei erawh ka hria, ngap deuh hrapa tawng a tul ve chang te, bil deuh hleka khawsak tan a tul chang te, boruak zai deuh hraka tawngkam hriam deuh han chelek a tul ve chang te; a hnawk ang anga han kih belh a tul changte hi a awm ve a RILRU CHHIA PU CHUANG SI LOVIN chu chu i mutan ber a ni zawk-ka ring.
Report this comment
July 15th, 2011 at 11:20 pm
Sumdawng mi tak i ni, i dawhthei hle mai! ka laka thleng ni ta se ka alh pup pup ang.
Hrim hrim ah, sangpuiipa, ba ngaihsak duhlo mihring hi harsatna harsa tak an tawk te a nih lemloh chuan an palzam theih in awm duh miah suh.
:Ling vuuuttt:
Report this comment