Hun thawl neih lawk loh avangin part-2 na ka rawn chhunzawm har ta a ni e. Part 1 a comment hrang hrangte kha a ngaihnawm kher mai. Thil lang chiang tak awm chu- Kan awmna hmun a zira kan thil hming vuah a inang lo tih hi. Engpawhnise, kan tawng hausaknaah kan ngai mai a niang chu. Thlalak rawn tarlan ho hi chu a sample/model chauh a ni tih hre bawk ila. Part-2 naah pawh hian i han inkawm ho leh ang u hmiang.
1. Hmui
2. Kaiten
3. Khanchhuk
4. Khum
5. Paiper
6. Rapchung
7. Rawtfung leh Rawtlung
8. Sahdal
9. Rap
10. Saumbur leh Khelawk
Tun atan chuan duhtawk leh phawt ang. A hming dik zawk nia kan hriatte sawi leh ila. Hei erawh hria ila- Thlalak ho hi a model/ sample mai chauh a ni a. A tak leh kan lo hman thinte nen a inang kilh kelh lo maithei.
Chhunzawm tur.
July 19th, 2011 at 7:01 pm
tha khop mai … hriat ngailoh k la nei nualanih khi …
July 19th, 2011 at 7:05 pm
post tha tak ani
July 19th, 2011 at 7:11 pm
A ṭha hle mai a. Rawtlung khi thing a va ang ve maw le!
July 19th, 2011 at 7:15 pm
Post tha a ni e.
July 19th, 2011 at 7:26 pm
Post tha leh hlu a va tling em!
July 19th, 2011 at 7:29 pm
sahdal khi enge? eng atan a hman nge?
July 19th, 2011 at 7:34 pm
6 Maisek, sahdal chu vahrit te, Ramar te awhna thang a ni. Kan naupan lai chuan kan kam nasa khawp mai. Kan antam huan ah ar an nghal lutuk a, sahdal buhfai tawktarhin kan kam mai a. Tlai ah kawmthlangte arpa sualhuai a lo in khai zan mai a, Sorkarin archhuah a khap lai a ni sia, min hau ngam der si lo a
July 19th, 2011 at 7:36 pm
Ava lunglen thlak hlawm ve aw
July 19th, 2011 at 7:36 pm
Paiper khi hmuh tur avang tawh viau ang a. Khum pic. Ah khian mizo thil hlui dang lang a awm nual a. Han sawi teh u. Khawi khi nge Tungchaw? Kum 40 hnuai lam ho khan han ring teh u lem.
July 19th, 2011 at 7:48 pm
@doc_lib, ka lawm e… anih rap hi enge?
July 19th, 2011 at 7:52 pm
#10 rap chu negro ho in an thiam em hi
Rapchung hnuai khi rap chu nimai dawn lawmni
July 19th, 2011 at 7:54 pm
10 Rap chu asteric a negro ho thiam rap ni lo hian, thuk, meichhem na chungah thil han dahna mai tur leh, eng eng emaw mei a han ur na tur an siam thin a chu chu rap an ti.
July 19th, 2011 at 8:02 pm
Pkfanai, tungchaw chu khumkil a, khum ban ni awm tak, mau, hmun hnih a sah kuak khi a nih khi. Khi tah khian tui bur te, meizial te pawh a niang, a tul tul an dah thin. Kum 30 hnuai lamah chuan mizo thil ka hre ve fu em
July 19th, 2011 at 8:02 pm
@ Asteric & doc_lib, ka lawm e… ka beng a var leh ta sawt mai! A dang leh loks…kaiten khi step tihna mi?
July 19th, 2011 at 8:03 pm
9@ 40 ka la tling chiah lo bawk a kan chhang ang nge, khum ban a an hman rua, an reh kuak thliah2 khi a ni a, hmanraw nepnawi deuh leh naupang hoin an thil thenkhat dahthat nan an hmang thin. Chuan kaiten piah a lo lang khi buh pho nan leh nilum ai nan leh thlaeng lawm nan te an hmang thin, a hming chu leikapui/luhkapui tiin a ni. Ka insawithei mah2 em o.
July 19th, 2011 at 8:08 pm
14, nia keini world ah chuan step ti ila a sual bik chiah lo e. Luhkapui lawnna tura an dawh ve ania, kaiten an ti ta a, tunlai tawng chuan step ani ber ang chu. I verandah thlenna tur a kawng a tang a step ang deuh a i rem chhoh nen khan a in ang reng
July 19th, 2011 at 8:15 pm
Leh lawks, rapchung chung chiah khi rappuichungsang an ti a, pate te, dawrawn te, paikawng te, emping te, kurtai te, chikhawn te, behlawirep te, anthurrep te, zu bel(a thlumtha bik)
leh thil dang dah nan an hmang thin. Post tha tak a va ni em. 
July 19th, 2011 at 8:18 pm
Kum 50 chuang tawh chu ka ngawi hmak mai dawn ania.
Khawvel hi a danglam ta hle mai. Lunga a ti leng vel vek e!
July 19th, 2011 at 8:38 pm
doc_lib chu ka rin aiin i hre daih mai. Chhuaklinga phei chu i hriat deuh vek hmel riau mai. Tungchaw an tih tak hi chu, khum ban leh lam, rual tak a rawpui tan bun khi ani a, pa ber vaibel leh tuibur an dah deuh ber. Chhuaklinga sawi Leikapui khi a nuam ka ti thin. Adi thingtlang khua a zin changin sumhmunah nulain puan an lo tah dang dang a, Leikapuiah pitarin herawtin La an lo her a, tualah putarin hnang an hlai loh pawn thang hrui an lo hrual han hmuh chang chuan, Lung a leng ve ringawt zel.
July 19th, 2011 at 8:40 pm
Paiper hi buh tuh lai a buh chi dah na a tan an kawng a an tai vawn kha a ni em kha.
July 19th, 2011 at 8:50 pm
Awithaw ka hriat hnu vek, ka lung a ti lengpha tlat mai kan naupan laiin tungchaw ah hian lipstick te powder dip tih vel hi ka dahkhat tan zel. rapchungsang ah hian kanu hian zufang thlum tawk hian a siam a a dah thin. kanu hriat loh hian thutthleng kan chherchhuan a kan la thla a kan hawp ru thin.ka va han ngai tak.
July 19th, 2011 at 8:53 pm
Ekhai,ka hriat hnu a van tlem ta ve,mahse lung an ti leng riau, mizo thil te hi hmuh phak ve kher lem loh pon rilru a ti noriau xel,post tha khop mai
July 19th, 2011 at 8:54 pm
Ekhai,ka hriat hnu a van tlem ta ve,mahse lung an ti leng riau, mizo thil te hi hmuh phak ve kher lem loh pon rilru a ti no riau xel,post tha khop mai
July 19th, 2011 at 9:05 pm
Pkfanai, tungchaw ah kher kha chuan ka tawm pui miah lo che hehe.i awmna ram rawn tlawh hi chu a a bat a ka bat ni ta in ka hria. Keimahin nge chhungkua in fanau te nen lolzzzzzzzzz
July 19th, 2011 at 9:29 pm
Kaiten leh Rap khian lunga a ti leng…Tha e.
July 19th, 2011 at 9:46 pm
Pu pk, tungchaw ka rawn sawi khi pawlruk kan nih lai(85)a mizotawng a kan zir dan a nia, kha mi bu a khuailui ral leh turnipui tih phei kha chuan ka lung a ti leng zual bik thin.
July 19th, 2011 at 9:48 pm
khelawk khi a hming chauh ka lo hre thin a ka hmuh vawi khatna ani awm e.he2. Saum a bur atanga an suahchhuahna/pir chhuahna ani maw..
July 19th, 2011 at 10:04 pm
Ka phur riau, vawikhat chu kan khawthenawmah(tunah chuan town area a ni tawh) hian zawlbuk te, mizopain te hi khawtlangin an sa a, an en nasa thin khawp mai a. Vawikhat chu kan thianhoin kan va en ve a, mizopa in kan en chu ngampa tak mai hian kan tlan lut a, thil awm ho chu kan dap kual zung2 mai a, ka thianpa phei chuan an chawhmeh bel te a lo hawng hman, ani a lo en ve e maw kan tih te kha inluah tur neilo khawtlangin an lo luah tir chu niin… Hnar a lian duh ngei mai. OT mah2 em ooo..
July 19th, 2011 at 10:45 pm
Post tha tak a ni e. Pi Maiseki chu ka rinaiin i hre lo daih mai a, nge..i hre lo der zawk?
July 19th, 2011 at 11:07 pm
Kawnga, ka chian loh ho an ni….
July 19th, 2011 at 11:12 pm
doc_lib leh chhuaklinga, “In dik lo” ka ti lo. Tungchaw in tih khi a dik a lawm. Ka sawi pawh khi a dik tho. Doc hi, ka fapa rual tur lek si hi, mizo thil hlui i hre riau mai. I background chhui that leh deuh angai tlat mai. Khawland yard Inspector Sangpuiipa, hruihrual herhfìp ang maia sek phiar fat mai leh, tha za at reng mai kha lo chhui tha turin thirhrui ka thawn nghal a, Naktuk fehrehsan velah chuan a hmawr kan bawk thei tawh ngei turah ka ngai.
July 19th, 2011 at 11:13 pm
@Maisek, a awm ve tho e, in la naupang deuh em a..
July 19th, 2011 at 11:21 pm
31 Hei kan in hnial bap bap reng hi. Mizo ah ka chiang leh lutuk hi kan buaina ani reng ani..tu emaw ni nen pawh hian.. a thinrim chang phei chuan, mi zawng zawng aiin mizo hi superior ah i ngai em ni min ti fo. lolz
July 19th, 2011 at 11:23 pm
sumhmun ah ar chhiar a intar a, sum leh suk, thingkhawn a awm ngei bawk a, rapchung bakah rappuichungsang thlengin kan nei, leihkapui ah vaihlo leh buh kan pho ngei bawk a
July 19th, 2011 at 11:25 pm
Sahdal vavalh atan hian thangtrung hi ka hmang ber thrin, kan ar vulh ho ka awk nasa thin hle!
July 19th, 2011 at 11:36 pm
Mizo thang hrang2, thang chep, thang thleng, sahdal, Beai, vaithang tih vel te pawh rawn ti lang ula, thangthar tan a tangkai ngawt ang
July 19th, 2011 at 11:42 pm
Vaithang hi dai theu loh tur, a per fuh ngailo an tia.. tak tak ni maw!!
July 19th, 2011 at 11:44 pm
Saitawk,tak tak lo, vawikhat chu dai ka theu lui a, zupawl ka awk tawh. Mahse chu pawh chu ka runluih vang hrim hrim. Tum dangah phei chuan daitheu suh min tih avangin ka ti lui ngai chuang lo.
July 20th, 2011 at 12:18 am
@doc_lib, vaithang hi ka kam ve hman lo, thal kah nan ka it tlat zel a!
July 20th, 2011 at 12:21 am
Ku Saitawk, naupangte mah ni ila, mizo thil kha chu ka ka ti ve nasa khawp mai. Aiawt chiah te pawh nuam ka ti thei rap
July 20th, 2011 at 12:30 am
@doc_lib, kan khua ah lo zin la, hmawngva lui ah aiawt kan chiah dun dawn nia, a chaw chah tur vaimim rep pawh eveready! hehe.
Taka hmani chu Kelasairawpip thur ka hmu teh nawlh chu! Ka chal ka dawm vawng2!
July 20th, 2011 at 12:32 am
41 Ku saitawk, ka chak lutuk. Chakai sa tui ka tih ai mah chuan aiawt han hawn a, bawppui hrawl tak tak an lo tla treuh zel mai kha..a va han nuam thin em. Vaimim a awm loh pawn mai tai tha tawk hi a chah chi lutuk
July 20th, 2011 at 12:48 am
lung a tileng hle mai…
July 20th, 2011 at 1:33 am
cfl nge2
July 20th, 2011 at 7:30 am
“Sahdal-ah tla ri pem, tla ri pem …” tih a awm thin em kha? Sahdal hi thang a nih si chuan … ka va hrethiam ta lo em!
July 20th, 2011 at 7:34 am
Saitawk : Kelasairawpip i rawn tih khi, a hming ka hre thei tawh ngai lo va, mi tivar hawk mai. US-ah lianpui pui ka hmu thin a, a hming sawi ka tum ngial thin a … ka thei lo chhiava a … ka sawi thei leh ta!
July 20th, 2011 at 7:40 am
A khaia, ka post chu vawiin chhun lamah a chhuah chauh ka lo ring a; nizan lamah a lo chhuak ve hman a nih hi a. Post ka vil hman lo chu a pawi mange.
Engpawhnise, comments petute chungah ka lawm e. In comments pawh a bengvarthlak leh e.
July 20th, 2011 at 8:21 am
45. Pu Chawnghilh, Sahdal hi ramngaw dur tha, Sava lian e.g.Ramar, vahrit, Varung,adt. Tam na hmunah, dai theu zuiin, khan tha lai laiah kam ani thin a. A ngul neia kam chi hi chuan, Sava mai bakah Sakuh te pawh a awk hlum thei a ni. A thang ngul a rinawm that chuan Zawng leh Sakhi te hial pawh awk hlum thei tura ngaih ani a. (Nghawng (neck) a awk thin anih avang hian). Mahse, Zawng a awh chuan, thang ngul khan a khai kang vah zo chiah dawn lova, a han zuang-tal vel kha a tla ri pem pem thin a nih hmel. (Bible thu har deuh lai hrilhfiah tum a va ang em)
July 20th, 2011 at 8:48 am
48, a va nih duh hmel ve, sahdalah tla ri pem, zawnga kal threuh threuh. (R ka hmang tel mai a lo hrelo in an chhiar sual palh ang. hehe)
July 20th, 2011 at 9:39 am
@ 48 & 49, A va bengvarthlak tehlul em. Nangni ang thil hre tam comment hi alawm manhla chu.