Tuna ka post ziah hi, ni 20 December 2012 a ka ziah a ni a, khawvelin naktuk, December ni 21, 2012 hian chhiatna rapthlak tak thleng avanga khawvel chhiat vek tur thu leh kan thih vek tur thu an hrilhlawk sup sup a. Kan Pathian hian heng khawvel mite hi a timualpho dawn tih ka chian em avangin RINNA nen ka rawn thai rang hram duh a ni, A ropuina a lo zual zel theihna turin.
Mayan Calendar an ti, Science an ti, NIbiru an ti, khawvel hian engang pawhin hrilhlawkin, lo inpuahchah tum mah sela, Pathianin a hun a tih takah lo hi chuan khawvel hi a tawp dawn lo tih a va chiang em ti rawh u??
Tunah ngei pawh hian, ni 21, December 2012 a lo ni ta a(Rinnaa ka ziah), khawvel hrilhlawkna ropui leh rintlak ber ang hiala an neih, film hialah te an lo siam hmang hian Pathianin khawvel finna a rawn rapbet leh ta anih hi. Tunah kher lo pawh, khawvel finna hmang hian khawvel chhiat hun tur hi sawilawk a lo ni leh fovang, mihring finna Science hmang ngei pawhin an la hrilhlawk ang, mahse a thu danglam ngai lo Pathian hian Bible-a hrilhlawkna a sawite a thlen kim tir hma chuan khawvel leh ni leh thla, van boruak zau takte hi a sawinghing dawn lo.
Engati nge khawvel chu a tawp loh ang? Eleee… Pathianin rem a la ti hleinem… Bible ah khawvel tawp huna thil thleng tur tam tak a sawi a, lirnghing te, tam te, indo thuthang te, tam tak chu a thleng tawh a, a thleng mek zel a, thleng tur a la awm tlat alawm le. Sakawlh betute chauh lo chuan thil lei leh hralh an tih ve theih tawh loh hunah, tuna kan awm dan ang hi chuan kan hlat tawh lo, hetiang hun harsa a thlen loh hi chuan Hrangchhuana leh Chawngmawii te hian an kalkawng bosanin, khawvel hi rawn su mah sela khawvel hi a chhe dawn lo.
Pathian thu a thlen kim a, a thlen dik vek hma chu khawvel leh ni leh thla, van boruakte hi tihchhiat ni dawn miau hek lo le..!! RIngtute tan chuan khawvel finna tihmualphoa a awm hun hi chet lak hun lai tak a ni e.
Similar Posts:
- Universe hi Pathian siam a ni lo! – Stephen Hawking
- Bible Leh Science Hi A Inkalh Em???
- Tripura lam atangin min kherawlai!
- Mihring te hi zawng thlah kan ni em?
- A mal malin chhiar la
December 21st, 2012 at 6:25 pm
Ka pawm khawp mai. Pathian thu lo chuan eng mah a thleng ngai lo
Report this comment
December 21st, 2012 at 7:39 pm
I post that lutuk e,Khawvel tawp lam buaipui mah ai hian,kan nun kan hman lai mek hi minute khat ah pawh a boral thei ani tih ah hian chiang ila,kan khawvel tawp hun chu kan thih hian ani mihring te tan.
Report this comment
December 21st, 2012 at 7:43 pm
Mayan ho khan khawvel a tawp dawn thu khawiah mah an ziak reng reng lo asin. An thil ziak an hmuh theih zawng zawng kha Spanish pachal Pedro em ni kha (?) khami pawlte khan, “ramhuai thil” tiin an tih chhiat sak deuh vek a. Chuta chhe lo awmchhun, puithiam pakhatin alo thuhruk bu 4 emaw lek chu an hmuh theih hmasak a ni ta a nih kha.
Khami calendar-ah khan khawvel cycle hrang hrang a chuang hlawm a, chu khawvel inlumlet dan cycle te chu mithiamte chhut kir danin, thleng dik chat chat vek zel niin sawi a ni. Tun a doomsday an sawi pawh hi mi thenkhat, calendar hmuh hmasak hre chinte sawi chhuah, “khawvel cycle 4 na tawp hun…” an tih chu thu uar thiam ten an thehdarh ta iai uai mai anih kha. Planet alignment an sawi te kha NASA lamin a dik loh zia an sawi chhuak tawh nghe nghe a ni. https://www.nasa.gov/topics/ear...../2012.html
Chuti chung chuan, thu thehdarhtu te sawi awihtu chu an awm tam khawp tho mai a, France ram a tlang pakhat, Bugarach an tihah chuan mi sing tel tak meuh an pungkhawm a. Chu’ng zing ami thenkhatte phei chuan, “space ship-in a chhanchhuak dawn a ni,” tih thute an la sawi deuh deuh. https://video.today.msnbc.msn.c...../#50257119
Ka ngaihtuah hian thaw an ti ipik a, khawvel an ti changel hmun zova, tun hmaa Baptist Evan. 7 Day adventist kalphung intanna hmu chhuaktu, William Miller-an, Bible atanga chhutin, Isua lokal hun tur vawi 2 ngawt a puang a, van a lak chhoh (rapture) an nih beisei a, an thil neihte tiriralin, puan var nen an lo hmuak thlawn ta te kha min ti hrechhuak rem rum a! hairehai
Report this comment
December 21st, 2012 at 7:59 pm
Ka va’n comment sei em em
Report this comment
December 21st, 2012 at 8:35 pm
Chtra nen hian ngaihdan inang lo deuh kan nei thin na a..principle nghet tak inang tlat kan nei.
Report this comment
December 21st, 2012 at 8:59 pm
Keipawh principle nghet tak nei hi ka ngaisang fo
Ni 21 a khawvel tawp tur thu khan min tinghing aih lo. Kan thihni hi kan khawvel tawp hun chu a ni mai. Misual ho pawn kan ring lo nasa aniang Bawm hawn ni ah kan hmang rap. Good post
Report this comment
December 21st, 2012 at 9:26 pm
Simeikhu in Jupiter a sut buaih tum khan khawvel chhiat theihna chance chu a sang viau mai. Amaherawhchu, Lalpa’n rem a la ti lo a, a thusawi a la thleng kim tlat lo a, kan la him mai chauh a ni.
Report this comment
December 21st, 2012 at 9:28 pm
Eng hrilh lawk na mah hi ka ring
hlawm nek love.
Report this comment
December 21st, 2012 at 10:14 pm
#3, Pu Hairehai…
Report this comment
December 22nd, 2012 at 2:02 am
Lalpa vanga thleng engmah a awm lo. I pathian hi a nihna dik tak kan hrilh ang che. Ka zep peih tawh lo.
I biak leh i fak ziah Pathian hi tu dang ni lovin Chite kama Abdula a lawm. Abdula leh i pathian an danglamna pakhat chiah a awm: Abdula khu chu tak tak a ni tlat.
Report this comment
December 22nd, 2012 at 3:30 am
Tu te’n emaw “Khawvel a tawp dawn” tia an puan apianga lo buai ru ve ziah Mizo Kristian inti tam takte hi an rinna a nghet lo a ni. Pa, Pathian chauhvina a hriat, Lal Isua meuh pawh ina a hun leh ni a hriat loh chu, lei vaivuta siam mai mai mihring hian kan hre dawn lo chiangkuang hle a ni tih hi rin hmiah tur.
Report this comment
December 22nd, 2012 at 9:39 am
Religionrama, i phutkhat deuh tan chu a ni lo maw? I tum loh ram ka dai tir mai ang che.
Report this comment
December 22nd, 2012 at 10:11 am
A va dik em!
Report this comment
December 22nd, 2012 at 10:29 am
Mahse, Chemte, Atheist-ho changin an awih lova, ringtu inti zingah pawh awih fe fe an tam a nia. Chhimlama Kohhran pakhat chuan Mayan Calendar-in a sawi Nibiru (Doomsday or End of the world) based hian “December 21, 2012-a Khawvel tawp tur angin” an Kohran chanchin-bu ah an ziak nghek tawh asin!
Report this comment
December 22nd, 2012 at 10:30 pm
‘Pa chauhvin a hria’ tih hi ring ila a tawk reng. Fapa pawhin a hriat loh lo inti hre velte thu leh hla hi a nep thlerh thlerh lutuk, chutiang lo thutak bawl chiam phei chu ringtu inti tlak pawh kan ni lovang.
Very good post
Report this comment
December 28th, 2012 at 9:53 pm
Atheist te pawh an la mualpho dawn chauh. Isua leh A Pa, Kan Pa Pathian kha lo sawisel in lo sawi chhia chhia suh se.
Rinna neiin, nei sang zelin lo awm rawh u.
Report this comment