Aizawlah chuan………

December 27th, 2012 8:33 am by VaiVa

He post hi Special Reports (Facebook) atanga an delete tak, a post tu ka dil a ka rawn copy/ paste a ni e. Author: Athana Chhangte

1. Hmunphiah cheng 20 man pawh zanlama a bo hlaua kan seng luh hram hram laiin, car nuaih 3 chuang mante chu kawngsirah kan dah zankhua thin.

2. Kawngpui hnaih thei ang bera insak hi kan thupui a ni ang, kawngkam in thenkhat chu kawng/footpath atangin doorbell a hmeh theih.

3. Khawlaia nula tlangval thawmhnaw man tam tak tak leh handset changkang ber ber nena i hmuhte kha, a tuk lawkah BPL buhfai laknaah I hmu thut mai thei. Kan incheina atanga judge chi kan ni love.

4. Retheihna chhuanlama mi thlai ru a zuartu chu Pathian hminga kan ngaidamh theih lain, retheihna chhuanlam ve tho hmeithai zu zuar erawh vuak hrep zel kan duh thin.

5. Zu khap burna khawpui a ni a, zu man erawh khap anih atang khan thil dang man angin zuk sang ve vak thei miah lova. Antam tel hnih khat manin zu a inruih theih.

6. Taxi hmangtuin a hman ngaireng pe a, taxi driver-in passenger dang side income atana a lakbelh thinna khawpui a ni.

7. Hrisel nan a thingpui sen kan in thin laiin, vawksa erawh dul hmul khat phuarin kan ei leh lawi thin.

39 Responses to “Aizawlah chuan………”

1
Chhuaklinga Says:
December 27th, 2012 at 8:51 am
Dawt pakhat mah a tel lo mai ni lovin thu dik tak hlir lah zuk ni a.

tren tren
2
Dr Mahminga Sailo Says:
December 27th, 2012 at 9:15 am
Mi fate hian thil hi an va ngaihtuah kim bik tak em!

A hua hua, sih hlawkahhh..
3
TuaiSialA Says:
December 27th, 2012 at 10:05 am
A va han tha kher em ve leh!
4
bucko Says:
December 27th, 2012 at 10:35 am
Tha latak, Engvangin nge SR atang chuan an delete chu le….
Chhiar ngam lo admin zingah an awm a ni ngei ang…
5
CyberThug Says:
December 27th, 2012 at 11:41 am
Post tha tak a ni
6
saint sammoo Says:
December 27th, 2012 at 12:29 pm
han phuah belh vak teh u…..
7
XaiA Says:
December 27th, 2012 at 2:09 pm
A van dik thei iam iam!
8
ulawng Says:
December 27th, 2012 at 2:16 pm
Antam tel hnih khat manin zu a inruih theih.
9
Borat Says:
December 27th, 2012 at 3:31 pm
Aizawl CITY ah chuan VILLAGE Council in ro an rel.
10
johnny_ralte Says:
December 27th, 2012 at 4:00 pm
Ngatinge No Vehicle John tih khu ka chhiar ve theih miah loh, read more..
link click khuan bo vek zel
11
Dr Mahminga Sailo Says:
December 27th, 2012 at 4:09 pm
@.johnny_ralte.. A hre tlem ber hian ka lo chhang ang che, thlalak ho khu a lian lutuk a, a inload thei lo a ni mai thei.. (Trekkerboy comment atangin)
12
Hriatpuia pa Says:
December 27th, 2012 at 5:13 pm
Hihi! Eng vanga SR atanga delete ni tak maw?
13
Lamji Says:
December 27th, 2012 at 5:54 pm
Darthlalang hlai tha tak anih hi le.
14
century child Says:
December 27th, 2012 at 5:58 pm
Tinge an delete ang le?
15
H.Vangchhia Says:
December 27th, 2012 at 6:00 pm
Dik hmel fek fuk hlawm ve
16
sheldon Says:
December 27th, 2012 at 6:11 pm
A dik viau vek in ka hria. Mahni theuh in en nana hman chi. 3 na, 4na, 5na, a….a vai khian thudik tak vek ani. Thui zet zet a sawizui a chakawm.

E taka! Vawksa kher khi chu dul hmul khat phuar in ka ei ngai lo thung…lol
17
hlatekhua Says:
December 27th, 2012 at 6:58 pm
Thlai zuar leh zu zuar hi chu an inang vak lo bawk a ni! A ei/intu tan a inṭhat hleih deuh bawk sia.
18
vakul Says:
December 27th, 2012 at 7:38 pm
taxi rate sang filawr tak mai..duh duh zat an inchhiar chu thuhran uchuak taka an tlan khi a ngam lohthlak ka ti.

lei leh hralhah control a awm lo.

a dik tlang em em e.
19
VL Hminga Says:
December 27th, 2012 at 7:52 pm
SPECIAL REPORT atan chuan a awm ka ti hran lo khawp mai. Mizo Poetry kan siam a, hetah hian sermon eng engemaw lo post teuh teuh se, thu tha tak tak hlir pawh ni sela, kan lawm in ka ring lo. Chuvangin a thu ah hian sawiselna awam lo mahsela a post na hmun tur a hre lo a ni. A thu hrim hrim hi chu . A delete tu a thiam a ( Special Report anih ang in. ). A post tu hi a dik a ni ( thudik tak hlir a post avangin ) hehe……
20
H.Vangchhia Says:
December 27th, 2012 at 8:15 pm
Mizo te tan, inhriattir nawnna, “Special Report” a tling ka ti.
21
blackmagicwoman Says:
December 27th, 2012 at 11:01 pm
6. Taxi hmangtuin a hman ngaireng pe a, taxi driver-in passenger dang side income atana a lakbelh thinna khawpui a ni.

He thil hi ka haw rapthlak. Hmanah ka taxi hire driver in Rs 100 fare kan fixed kha a, passenger dang min rawn miah lovin a la a, Rs 30 in a phur a. Ka chhuk dawnah 70 ka pe ta a. Cheng 100 kan tih kha, a tia…ti reng e, mahse midang la ang che, chuan 130 i hlawh mai dawn lawm ka ti hlei nem, ka ti ve tlat a. ka pe duh bik thrak lo. Min hau nasa lutuk, mahse ka pe chuang lo.

Tuman pe suh u, chuan an sim mai ang. Kan hire chhung na na na chu kan car ania. Saw dawr kawtah sawn ding lawk rawh, kan tih chuan ding mai tur. Khi kan thenawmnu khi ka phur ve duh, ka tih chuan, ka fare chawi tur khan a cover nghal bawk ( thenawmnu chuan bungrua a neih treuh te nih loh chuan).
22
H.Vangchhia Says:
December 27th, 2012 at 11:05 pm
#21
23
Mama_B Says:
December 28th, 2012 at 8:19 am
Post tha tak a ni. Kan mizo society-ah hian thil inkawlkalh tak tak hi a tam lutuk. Nih loh anga lan tum kan tam a, a der/a lem hi kan inpel suau suau NI BERIN A LANG.

Misual ho hi chu BELHCHIANDAWL tak nih i tum teh ang u….
24
Awmtea Leo Khiangte Says:
December 28th, 2012 at 11:59 am
A dik hlawm phian mai
25
zonumay Says:
December 28th, 2012 at 1:57 pm
a tha viau hlawm na in kan sawi ve zuai,Pali na khi,kan retheihna emaw kan hmeithaina chhuanlam vang a zu zawrh emaw,dan in aphal loh thil tih hi kei ka ngaihdan ani lo bur mai,a rethei emaw , ahausa emaw, danin a phal loh tih luih chu hrem hmiah hmiah mai tur ka ti.
26
chenkual Says:
December 28th, 2012 at 4:45 pm
thenawmte ngaih thei si lova ramthim ve thei hnam kha kanni tlat a
27
chhangteval Says:
December 28th, 2012 at 8:48 pm
Zu man chungchang khi chu ka lo hre ve maih lo va
28
SHauzelSailo Says:
December 28th, 2012 at 9:25 pm
7na Vawksa a thratloh zia, mahse kan heh zia tihna.

Achang chuan, taxi leh auto chu hetah poh ni thau… Vaiho = Indian kan chhun ta mah mah

I posi chu van thra kulh kulh veee
29
Lairawk Tumbu Says:
December 28th, 2012 at 9:25 pm
30
Athana Chhangte Says:
December 28th, 2012 at 11:12 pm
Thiante u, ka post min chhiar sak a, komen ngaihnawm tak in ziah avangin ka lawm e.. Hei misualah ka rawn in registered ve ngawt mai a, min lo haw em lawng chu.. VaiVa chungah ka lawm a, ka post fahrah ve tak min publish sak avangin. Aizawlah chuan tih hi ka vei ve em avangin point 22 thlengin ka ziak ve a,misual admin ten rem an tih chuan chhuah min phal sak zel mahna…SR atanga an remove nachhan khi chu special report vak lo an ti a ni ang..hehehe..
31
Dr Mahminga Sailo Says:
December 28th, 2012 at 11:20 pm
@ Athana Chhangte… SR aia nuam Mi(sual).com-ah kan lo lawm a che. Rawn post zel teh khai…
32
Ruata Pachuau Says:
December 29th, 2012 at 9:53 am
Dik lutuk, tunge hetiang post te lo remove reng reng le.
33
dolly dollz Says:
December 29th, 2012 at 1:49 pm
A tha bawn tawp tawp.
34
bbney Says:
December 29th, 2012 at 3:14 pm
Tha hlawm hle mai. Point dang pawh han publishh zel teh khai.
35
Maisek Says:
December 29th, 2012 at 9:02 pm
post tha ka ti bawn top top!
36
suaka Says:
December 30th, 2012 at 7:55 pm
A dik khawp mai.. Aizawl nula ho pheikhawk man to zia, puan man to zia leh an nalh si zia hi chu aw… Kan kawng te hian an mawina a kap … Chumai a la ni nem, kan kawng zim te a car man to tak tak tlan det det te hi aw.. A chhunga chuangte lah an changkang chungchuang a sin…
37
Zorema01 Says:
December 31st, 2012 at 11:47 am
Dawt zuk ni hauh lo va…(Y)
38
lushai_er Says:
January 3rd, 2013 at 4:09 am
Seventhday ho post a ang hle mai, thingpui sen leh vawksa chu kei ka duhzawng tak a ni …. an ni hian an tih loh lam a nia
39
Dr John Says:
January 21st, 2013 at 5:02 pm
BVT, Dik Bawk Si