mi(sual).com

AIZAWL FOOTBALL CLUB

Aizawl Football Club (AFC) chu Football khawvel atanga kum 13 zet a thangbo hnuin kohkir a ni leh ta.  AFC hi Mizo Football Management Group (MFMG) te hmalaknain, kum 1984 a dintu thenkhatte leh hruaitu hluiten an kaitho leh a. Mizoram atang ngeia India ram top flight football khel ve thei turin huaisen takin an rawn pen chhuak ta a ni. Mizo mipui tawiawmna nen hmalam panin kal a tum dawn a ni.

Hma lo hruai hmasa tute hmathlir tih hlawhtlin tuma din thar leh a ni. Pu Benjamin Laldinpuia, Pu Dengchhuana [L], Pu Thangtinkhuma [L], Pu Zoramsangliana, Pu K.S. Thanga, Pu Thanhlira, Pu Lalremsanga, Pu, VL Ruala,  Pu Ngurdingliana, Pu Laldingngheta [L], Pu Thanhlira, Pu Lalthankima [L] te leh mi dang dang ten hmathlir thui tak nei chungin AFC kha an enkawl a.

Player zingah  Zomuanthanga [L] te, Chhakchhuakvunga [L] te kha aw. An va hmuhnawmw thin tak em! Hun hmasa lama AFC enkawltute khan India ram chhunga football club inelna sanga champion nih  tumin theihtawpin hma an la a. Khatih lai khan All India Football Federation hi mumalin a kal loh lai a lo ni ve bawk nen, A.F.C hian Mizoram pawna an tum ber India ram champion nih an tum chu an ti hlawhtling thei ta lo a ni.

Hun eng nge maw tichhung chu AFC hian Zoram football ah chawlh a la zawk a. Chumi hnuah Pu Lalthankima [L] kaihhruaina hnuaiah kum 1996 kha thar tawh leh a ni a. An inpekna a thuk tehlul nen harsatna engnge maw vangin kum thum hnuah a tawp leh ta a ni. Tichuan kum 2011 july ni 13 khan Mizo Football Management Group tia hming invuahin Aizawl Football Club muhil tawh chu kaih thawh a ni leh ta a ni. AFC – Mizo mipui ta.

HMATHLIR

1. Club enkawltute in thukru a, Mizo mipui zawng zawngin neitu nihna an neih theihna tura hmalak.
2. Mizo mipui tam thei ang ber AFC club member ni tura membership drive neih.
3. India leh Mizoram-in a phak tawk anga club changtlung tak ni tura hmalak.
4. Club management, administration, technical leh marketing lamah kan phak tawk ang zela mumal taka kal.
5. Club office, training ground, youth team leh academy neih tum a ni.
6. AFC in club colour leh crest a lo neih tawhte hman chhunzawm zel.
7. State pawn, foreign club leh management group te nen a theih anga tama hmalakho leh thawhpui.
8. India ram chhung leh ram pawn atanga sum hmuh theihna tur kawng zawn.
9. Youth Developement ngaih pawimawh.
10. Kristianna leh Mizo hnam chawisang tura hmalak.
11. Asian Football Confederation (AFC) in club criteria a duan zawm.

AFC  Hlawhtlinna te

1988    :    Independence Day Football tournament  – Champion
1988    :    Sanjay Gandhi Memorial Football Trophy – Champion
1989    :    Pachhunga Memorial Football Tournament – Champion
1996    :    Independence Day Football tournament  – Champion

Similar Posts:

• Independence Day Celebration Football Tournament
• A vawi nga na atan Mizoram champion thei a ngem?
• Aizawl F. C in Website an nei ta
• Zanah inkhelh theih nan Lammual-ah êng dah a ni ang – Lal Thanhawla
• Sheffield FC – Kolkata , Shillong & Guwahati ah

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Friday, July 22nd, 2011 at 2:00 am and is filed under Sports & Games. You can follow any responses to this entry through the RSS 2.0 feed. You can leave a response, or trackback from your own site.