2004 kuma film chhuak Troy kha kan en vek tawh awm e, David Benioff-a ziak niin Wolfgang Petersen’n a direct a nih kha. Trojan War hmuhnawm tak kan hmu a.
Brad Pitt kha Achilles niin Myrmidons hruaitu ber kha a ni a, Orlando Bloom/Paris khan Sparta lal fanu Helen kha ngaizawngin an han ru chhuak a, Troy khuaah an hawn a, kha vang khan indona nasa rapthlak a rawn thleng ta a nih kha.
Trojan Horse
An han indo a, Trojans lam khan kulh an neih that em avang khan Spartan tan khan luh a harsa, chuvang chuan an tlawm titih ta a nih kha. Mahse fin phakar chhuahin an hawng der a, Trojan Horse kha an hnutchhiah a, Priam, Troy lalpa khan ngaihhruihna thilpek emaw a ti, chutih laiin Paris erawh kha chuan hal darh vek turin a ti a.
Mahse apa chuan Troy khuah chuan a lalut ta tho thova, Chu Trojan Horse chhungah chuan Achilles te chu an lo tawm a, zanah an inrin loh laiin an run ta thut a nih kha, tichuan Sparta chuan Troy chu rapthlak takin a hal darh ta a !!
Trojan Horse Setana hmanrua !!
Hetiang chiah hian keini Kristiante pawh hian hmelma pa beihna kan tawk thin. Kan nitin khawsakna ah hian setana hian thil duhawm leh lawmawm tak tak min rawn tawktar thin.
A then chu sum thianghlimlo a nih laiin a then chu zu hmun hlimna leh mipat hmeichhiatna hman khawlohna te a ni bawk a. Hengte hi han en mai chuan an itawm thin em em, kan nuna lakluh a chakawm ngawt thin bawk.
Kan ban phak maiah a rawn dah ta a, lakluh kan duh ta, chutah keimahnia Thlarauthianghlim awm Paris-a khan hal darh vek turin min ti, mahse ngaithla duh lovin kan lalut lui ta a, tichuan nuam kan chen a, kan hlim a, nileng thak thakin kan lam hual ve ta a. Chutah kan thil thalo lakluh chhunga Achilles-a leh a hote (setana leh a hote) chuan kan rinna a pan ber lai chuhin, kan inrin loh lai chuan min rawn bei ta thut thin a ni.
Tichuan nasa takin min ching phar ta a, keimahnia Pathian In kan lo din te pawh chu an hal darh ta a, kan thinlung chhung leh keimahni chu nasa takin mei anga halin kan thinlung chhung chu na takin min hliam a. Thlarau thianghlim thurawn kha lo ngaipawimawhin kan inchhungah khan lalut lo ta ila chuan kei leh ka nupui fanaute kan him tur a ni a !! Tunah chuan a tlai zo ta a ni.
Chuvang chuan heng setana free gift lak chakawm tak takte hi i thliar thiam ang u, chuti lo zawng Troy film ang khan ka thinlung TROY chu hmelma pain luhkhungin a hal darh ve palh ang e.
July 24th, 2011 at 1:09 pm
He post hi tha ka ti khop mai … Naupangho hnena sermon atan kan dahtha ker teh ang !
July 24th, 2011 at 1:19 pm
HEI HI KA CHHIAR TAWH A THA KHAWP MAI…..
July 24th, 2011 at 1:28 pm
Like (Y)
July 24th, 2011 at 1:37 pm
A va tha em.Ka ngaihhlut leh hmangaihte hian min ti chhe fo thin…
July 24th, 2011 at 1:52 pm
A tha e.
July 24th, 2011 at 1:54 pm
A van tha tehlul em! A chhung ka chhiar hma khan virus lam turah kan ngai ngawt pek ah!
July 24th, 2011 at 2:05 pm
Digimalt ka fak em em na pakhat chu thu bengverh zet hmanga tanin ngaihnawm kan ti ta maw tih hnuah mawihnai takin Pathian thu lamah min kai lut ta thin hi a ni. A ngaihnawm khawp mai.
July 24th, 2011 at 2:38 pm
A tha hle mai. Tehkhin thu tha tak a ni.
July 24th, 2011 at 2:53 pm
A ngaihnawm mange…tehkhin nalh khawp mai (Y)
Troy thawnthu hi tak2 ani em tih in hriat duh erawh chuan:
“The suggestion is that Homer knew that the city he was describing had been destroyed by an earthquake,” Cline said. “But that’s not how you want to end your monumental saga—with a whimper. So he concocted this idea of a Trojan horse.”
http://news.nationalgeographic.com/news/2004/05/0514_040514_troy.html
July 24th, 2011 at 3:38 pm
Ka rin loh dan deuhin rawn tih kual vel chu le.. tha phian mai (Y)
July 24th, 2011 at 3:41 pm
Spartan nge Greek aw?
July 24th, 2011 at 3:49 pm
Sparta hi Greek rama khaw pakhat a ni a, khaw chak tak a ni a, ka google lawk 🙂
Sparta (Doric ΣπάÏτα; Attic ΣπάÏτη SpartÄ“) or Lacedaemon, was a prominent city-state in ancient Greece, situated on the banks of the River Eurotas in Laconia, in south-eastern Peloponnese.
Given its military pre-eminence, Sparta was recognized as the overall leader of the combined Greek forces during the Greco-Persian Wars.[2] Between 431 and 404 BC, Sparta was the principal enemy of Athens during the Peloponnesian War
July 24th, 2011 at 3:51 pm
A tha pek khawp mai. Hei hi Digimalt special-na.
July 24th, 2011 at 3:51 pm
Hmelmapa fin phakar zia hi chu awww…. i van ziak tha kher em. Zirtirna tha tak nen i conclude thin hi ka fak ngawt mai che… (Y)
July 24th, 2011 at 3:53 pm
Pkfanai leh Zoho te pawl i ni maw! (Y)
July 24th, 2011 at 4:08 pm
naupang sunday school zirtirtu i ni chiang mai.. Tha hle zel e.
July 24th, 2011 at 4:16 pm
(Y) , reilote sualnawmna hi kan thlahlel thrin si,REILOTE a tan a ni tih hrereng mahila, NAWMSAK hi mihring hian kan va thlahlel tak em!!
July 24th, 2011 at 4:19 pm
Sunday school naupangte hnenah ka la hrilh ve ang. I thu ziak hi a tha lutuk. A ngaihnawm na phen a, thu tha tak i zep thiam em em mai hi i fakawm ngawt mai.
July 24th, 2011 at 4:21 pm
Tin, troy thawnthu hi tiang tak hian ka lo la hrechiang ngailo a.
July 24th, 2011 at 5:17 pm
Sunday Sermon tha tak ava ni em. Darkar chanve chuang chuang sermon aiin hetiang short sermon hi ka rilruah a cham rei zawk…
July 24th, 2011 at 5:20 pm
7 a caribou sawi ang khian, internet a, boring lo taka Pathian thu tak sawi i thiam e. 16 a detective Sammoo sawi pawh khi a pawm awm viau. Thalai chanchinbu/phek eng weekly enkawl lai emaw ineih hmel ka ti mai mai. Good post.
July 24th, 2011 at 5:23 pm
Pkfanai chu i inkhawm nange?
July 24th, 2011 at 5:39 pm
doc, chawhma khan Golgotha kohhranah thu ka va sawi a lawm. Chawhlui min lo siam sak lehnghal. sunday zan inkhawm kan nei ve lo. Misual zuah zuah mai ang.
July 24th, 2011 at 5:56 pm
Hai hai nia ka himalaya kham kar sathar no te lah a awm si lo a, misual zuah zuah ila ani mai.
July 24th, 2011 at 6:53 pm
Admin online an awm em aw? Post comment an khar daih !
July 24th, 2011 at 6:56 pm
ngatinge mawni ka lo tia … chhiar ve hrim2 tur atan admin tn an tia nga , comment a gailo an ti mawni le 😀
July 24th, 2011 at 6:59 pm
@Lushai_er: I post a ngaihnawm khawp mai. A comment theih mang si lo va, hotute’n an lo tisual palh a ni ang e.
July 24th, 2011 at 6:59 pm
Khawi post comment nge an khar? hehe kei hi chu ka hrethiam ve leh pek tawp nang 😛
July 24th, 2011 at 7:48 pm
A va han tha tehlul em. I chhepkhawm nalh bawk si
July 24th, 2011 at 7:57 pm
Zirtir tha hle tak mai a, ka hel ka hela alo that phian si hi.
Tichuan, Setana chuan MLTP Act. hi hlip ula, ramdang zu tha inla lut ang a, chuan tax inla ang a, toutrist te in hip ang a, inlo hausa dawn nia ati a.
July 24th, 2011 at 11:57 pm
Va ziak tha mai2 e! (Y) Chuan Troy movie kha Troy story tak atangin an modi ve nasa khop in ka hria..
July 25th, 2011 at 2:52 am
Ka let mawihnai thiam dawnlo tlat :-S
The word “antinomian” means “against the law” and refers to the treasonous doctrine that grace releases the Christian from the obligation to keep God’s law. But as Rushdoony states: “Lawless Christian is a contradiction in terms: it is anti-Christian. The purpose of grace is not to set aside the law but to fulfill the law and enable man to keep the law. If the law was so serious in the insight of God that it would require the death of Jesus Christ, the only-begotten Son of God to make atonement for man’s sin, it seems strange to God to then proceed to abandon the law!”
——————–
Was Paul a legalist when he said that the law of God was holy, just and good, and that he delighted in and served God’s law? No! The love of God’s law, the teaching of God’s law, the use of God’s law is no legalism. Is the wrong use of God’s law that constitutes legalism! Legalism is keeping the law with the wrong motive; it is teaching the law without understanding; it is adding human traditions to the law.
—————————
~ From A Conquering Faith by William O. Einwechter
July 25th, 2011 at 2:22 pm
Ziak tha hle mai. Kan duh leh it zawng tamtak te hian zawi zawiin sual lamah min hip thin a, a mal te te a hneh theih tura PATHIAN chakna kan lak a pawimawh khawp mai. A lian deuh deuh anga a tawpah chuan hnehlo hun kan lo nei ang tih a hlauhawm a ni.