Thalai Kristian Pawl (Diamond jubilee 1951-2011)

July 26th, 2011 6:00 am by Xonas

Mizoram a kohhran hrang hrang zinga thalai pawl piang hmasa ber(?) ni turin Thalai Kristian Pawl chu 30th ,July, 1951, 7:00 PM khan missionary te uapna hnuaiah Serkawn ah din a ni. Thalai Kristian Pawl tih hming hi BMS (Baptist Missionary Society) missionary zinga pakhat, Mrs. F.J.Raper phuah chhuah a ni.

TKP hruaitu hmasaber te chu heng te hi an ni:-
President : Lungruala
Vice-President : Vanlalkunga
General Secretary : K.Lalliana
Treasurer : T. Ropianga

Senior Advisers :-
1) Rev. H.S. Luaia
2) C.Saizawna
3) Lalmama
4) Mrs. F.J. Raper te an ni.

Pathian kaihhruaina in TKP hi kum 1951-a din a nih atang khan tun thleng hian Mizoram hmun hrang hrang leh ram pawnah te in zar pahrh zel in member pawh an thahnem ve tawh hle. Pastor Bial 69-ah TKP unit 364 dingin member 34970 an awm tawh a ni.

TKP kum 60 tlin lawm tur hian rampumah leh ram pawn TKP awmna ah te inbuatsaih chhoh mek a ni. Ruanhman dan tlangpui ah chuan July 29 Zirtawp zanah hian Unit tinin Jubilee meidet tur ani a; a tuk inrinni zing karah Social work neiin, chawhman dar 10:30 ah Jubilee dar vuak tur a ni.

Inkhawm Programme MTKP atanga siam sa angin chhun lamah hman ni se, zan lamah erawh chuan unit tin te remchan dan anga hman mai tur a ni. Thupui tur atan hian “Min Hruaitu Lalpa” tih hman ani dawn a ni.

TKP chanchin hi kimchang zawk a hre duh tan hetah hian en tur a awm e

https://www.mizobaptist.org/Youth%20Fellowship.php

25 Responses to “Thalai Kristian Pawl (Diamond jubilee 1951-2011)”

1
chawnghilh Says:
July 26th, 2011 at 6:06 am
Hmasa ber pawh an hnuhnung zawk thei (within TKP and KTP). Server chhe lulai em a! MIn chhawmtu, paw bahlattu Lalpa hi ka mamawh viau a ni.

Report this comment
2
PKfanai Says:
July 26th, 2011 at 6:58 am
Thalai Kristian Pawl (TKP) tih hming hi chu, Sap (English) pachalin sap tawng (English) tawng kalphung mila a phuah tih a chiang reng mai. A ulh deuh tlat. Young Lushai Association hi chu English ani Law law a. “I vanglai hian, i Siamtu hre reng rawh” tiin Lawmpuina biahthu ka’n hlan ve ang e.

Report this comment
3
PKfanai Says:
July 26th, 2011 at 7:02 am
2. Oh! A phuahtu khi Sap Pachal ni lovin,Sapnu alo nih zawk khi. Chhiar hma a comment tak hi chu a.

Report this comment
4
Raltepa Says:
July 26th, 2011 at 7:04 am
Kum 60 tlin lawmnan ruai tih lam pang a awm dawn lo mi?

Report this comment
5
Ozima Says:
July 26th, 2011 at 7:44 am
PKfanai: TKP tih leh KTP tih hi an buk nasa a lawm, an inbuk tawk viau a ni awm e……..Mahse, heti zawng chuan ‘Vs’ lamah a kual dawn tlat…… sawi zuilo mai teh ang.

Report this comment
6
Chhuaklinga Says:
July 26th, 2011 at 8:08 am
Hmeichhia hi an lo pawi mawh a nih hi, bawhchhiatna lamah leh thiltha tih kawngah pawh.

Sap ho ngaisanna rilru hi mizo thinlungah hian engtikah tak reh ang maw.

TKP Pathian rawng chauh bawl a tluang taka kal zel turin duhsak na ka hlan e.

Report this comment
7
bk Says:
July 26th, 2011 at 8:34 am
Ava ropui ve! In rawngbawlna tluang taka a kal zel theih nan duhsakna ka hlan a che u.

Report this comment
8
chhana Says:
July 26th, 2011 at 8:47 am
Hlim taka hmang turin member-te duhsakna ka hlan e.

Report this comment
9
RenghangMan Says:
July 26th, 2011 at 9:20 am
A hming hi a ulh ka ti thin reng a, sap phuah a lo nih vang a nih dawn khi. Ka lawmpuina ka hlan e, lawmna ruai awm ngei se.

Report this comment
10
troxx Says:
July 26th, 2011 at 9:41 am
Nuam leh hlimawm taka hmang turin duhsakna ka ron hlan ve keuh !

Report this comment
11
ngaihdan tha a Says:
July 26th, 2011 at 9:48 am
post tha tak ani

Report this comment
12
Xonas Says:
July 26th, 2011 at 10:20 am
Kum 60 tlin lawmna ah hian ruai buatsaih theih ni se a hlimawm duh phian ang mawle. Misual ho hian theh thei vek bawk ila

Report this comment
13
awmawmpuia Says:
July 26th, 2011 at 11:26 am
Inrinni te a ni dawn bawk a, ruai nen tih mup mup chi anih hi a.

Report this comment
14
keimah Says:
July 26th, 2011 at 12:37 pm
TKP member zawng zawngte Diamond Jubilee hlim taka lawm tur leh nasa leh zuala Lalpa rawngbawl zel turin duhsakna ka hlan a che u.

Report this comment
15
b_reza Says:
July 26th, 2011 at 6:37 pm
Diamond Jubilee min hruai thlengtu Lalpa chu fak in awm rawh se…’Krista leh Kohhran tan’

Report this comment
16
doc_lib Says:
July 26th, 2011 at 8:54 pm
TKP thuthiam kha han in sawi siak ila, a ziak en awih lohin. Misual.commer TKP member zingah sawi chhuak thei lo kan awm nual ang a

Report this comment
17
ruatruatapa Says:
July 26th, 2011 at 8:58 pm
Hun a lo rei ta e…

Report this comment
18
b_reza Says:
July 26th, 2011 at 8:59 pm
doc_lib… kan han ti dawn m? Mahse nitin Pathian ka pawl anga, …hnathawhna ah ka tel zel ang tih lai vel hi PAWR taka sawi hi a har ve det…

Report this comment
19
doc_lib Says:
July 26th, 2011 at 9:25 pm
18 b_reza, kei poh ka sawi hunah poh zawi sapa ka sawina lai tur tak a niin ka hria

Report this comment
20
doya Says:
July 26th, 2011 at 9:48 pm
A van ropui tak em!TKP vul zel la,i siam tu hrereng ang che.He post kal tlang hian ka thalai pui zawng2 te jubilee chibai vek ule..

Report this comment
21
b_reza Says:
July 26th, 2011 at 9:48 pm
HAHhahaha….19 doc_lib

Report this comment
22
muantea Says:
July 26th, 2011 at 10:12 pm
Kan TKP ve vanglai a ngaihawm ta mang e! Hruaitu hluiten Jubilee dar vuak tur an ti a, damten awm ila vawi khat na reng reng chu TKP hmingin dar ka vaw ve leh ngei dawn e.

Report this comment
23
Xonas Says:
July 26th, 2011 at 11:37 pm
@muantea e lo vaw ngei2 ang che, hlim deuhin i hmang ang u, misual ho hian ruai te lo theh ho thei nghe2 i la

Report this comment
24
mr-f Says:
July 30th, 2011 at 2:41 am
Thianpa,nuam deuhva hmang tur in duhsakna sang ber kan hlan ang che.Pathian leh a ram tan chauh i thawk xel don nia..

Report this comment
25
Ignatia (33-115 AD) Says:
July 30th, 2011 at 10:43 am
Tukin Jubilee social work chu ka tel vei ngawt a, tar lamah ka kawng ka’n herh chu le!

Pu Lalmam leh Pu CS Zawnate khi ka ngai riau mai thin a. An chanchin miin an mamawh takin ka hriat ang ang ka’n lo hlui ang che u.

Pu Lalmama hi a hming tak chu Lalhmingthanga a ni. SapUpa leh PuBuanga bula seilian, zosapte’n saptawng thiam an tih em em kha a ni. Sapram inkhawmpuiah pawh theme speaker atan an ruai ngat tawh.

Mizo thu leh hla than chhohnaa dai ngai tawh lo tur- SERKAWN CONCERT hi ZochhawniPa(HW Cartera) nena an tihchhuah a ni. Kristian hlabu hluiah khan- Nos. 2, 11, 27, 91, 164, 295, 453, 526 leh 527 te hi a siam(phuah/lehlin) a ni. A hlaphuah sawichhuah ka chak deuhte chu- Kristian Chhungkaw hla, Kawlhawk mualliam, Haudang Leng, Virthli Leng, Chhura Sangha Vua te hi a ni.

‘A saw raltiang tlangah’ tih leh ‘Zanthiang reh’ tih hla phei hi chu saptawng aia awmzia zawkin mizo tawngin a dah ni hialin ka hre thin.

Robinson Crusoe, Mizo ti ti, Mizo Idioms and Phrases te leh a dang a ziak/letling bawk.

Kum 8 vel chauh a TKP pui hman a. 1959, december khan a boral ta a ni.

Pu CS Zawna erawh hi chu Durtlang leh Aizawl Boys Middle School atanga zirchhuak a ni. Ziaka thil vawng tha mi a ni. Kohhran leh Pawl thil reng reng kutziakin ani hian a lo vawng tha kiau thin. Ama zara inhaikua Degree eng emaw nei ta te pawh an awm thluah tawh ngei ang.

Lehkhabu 10 aia tam a ziak hman a. Mihring lo dinchhuah thu, Primary School thuvawn, Middle School Goemetry Bu, Middle Sikul Hygiene bu, Mizoram Chanchin(for Class I), Mizoa Grammar, North East India Chanchin, Pipute thurochhiah, Baptist Kohhran Ban Pathum, Puitling zirtan bu te hi sawi hmaih atan chuan ka ui lua e!

Serkawnah hian Ruahtui tla a tehna- Rain Gauge pawh a faten an rochun a. Pu C Rokhuma aia dik zawkin anla teh reng a ni awm e!

Reitak min dampui a. Kum 1993 khan muangte’n Pa hnenah a chawl ve ta a ni.

Vawiin Thalai Pawl dinchhuahna ni hi Mizoram pumpui tan nise ka ti hle mai. KTP, SAY, PYD, ldt., hi hran lovin han awmho dial dial ila a nuam leh zual ang le. Mahse a har tawh si a ni.

TKP Diamond Jubilee Chibai mawlh mawlh u!

Report this comment