Hman ni deuh khan, ‘Pathian ni tlai a ni nghe nghe e’, ka fapa a dam loh avangin damdawiin lam pan in hmanhmawh em em leh thin phu dep dep chungin kan tlan a, Bazar Bungkawn ah khian sunday tlai te a ni bawk a, traffic pawh kan tih buai phah lovang a, ti in,hawihhawm tak in traffic police lo duty chu zodin lam a va kual tlai leh ai chuan kan tia kual kan dil a,imergency light pawh kan on nghe nghe a,a thian te, bike a fawr vel mai mai a biak lai a ni a,kual chu min phal ta lova, zodin lam pan chuan kan tlan ta a ni.
Kan sawi duh chu, thenkhat pawimawh lem lo pawh an kual tir an kual tir thin tho sia, kei ni te kha chu dam leh thih inkar vel kha kan ni toh si a, thin chu a sa ve duh khawp mai.
Dan ang thlap a kal hi chu a tluk tu a awm chuanglova mah se pawisawi miah lo nunna hlauhthawn awm a a awm chuan he khawvel dan te chu an pawt rem ve mai a ni lawm ni mi ram ah pawh.
Chuvang chuan kan hmel hriat loh an nih vang ringawt in emaw, kan zah loh zawng te an nih vang in emaw a in ngaih pawimawh loh rikngawt hi chu a dik lo a, tin, a kristian lo em mai a!. Keini kher lo pawh hian an tawng ve tawh ngei in ka ring.
An hna te hi chu a hahthlak a lawm, dik pawh a dik, mahse, he ti chung chung pawh hian, he ti lo deuh hian O kan ti hram a ni e…..!
Similar Posts:
- Ragging by Traffic police..
- No Vehicle, John!
- “Ka pu, tlem back la”
- Traffic hi..
- Chief Secy. Car leh Bike insu
July 28th, 2011 at 6:34 am
Pengthuam Referee! An tangkai teh a nia! Saron Veng lam atangin in rawn tlan chho a ni maw?
July 28th, 2011 at 6:50 am
a dil dan i thiam lo a niang chu mawle,…
July 28th, 2011 at 7:09 am
I sawi pawimawh tawk thiamlo amawni aw? 2008 kuma Furlough ka hman tum khan, Treasury square bul Depo a petrol ka thun zo kha, Dakinpui lam kawngpui panin ka tlanchho pawp mai a, traffic police duty in min tiding a, Aizawla motor ka la khalh ngai loh thu leh, ‘No entry’ tih intar ka hmu si lova, kal phal amaw ka tih thu ka sawi a, min hrethiam ve mai. Lungleiah pawh, Tlabung bial ka fang haw lam pang, one way ah a ultra zawngin ka tlan leh pek a, Police Thana bulah min lo tiding a, O.c kha alo fel riau mai a, tlan phal leh phal loh dan min hrilh thlap a, min chhuah mai. Polite taka indawrin kawngro a su thuiin ka hria.
July 28th, 2011 at 7:09 am
Emergency Light hi VIP light chhit ai pawhin a lal daih zawk alawm, dan angin in tlan lo zawk a nih chu.
July 28th, 2011 at 7:21 am
Van poi ve o..!!!
July 28th, 2011 at 7:30 am
In fapa chu a va khawngaihthlak ve aw, mahse in va tlankual chhunga eng em a tih loh chuan a tha ni chu..dan zawmtu i ni a, Pathian hnenah lawmthu sawi mai rawh.
Police te pawh hi dan bawhchhe tur ni lo, dan kengkawh tu ni tur a mipuiin kan puih te pawh an ngai ve a lawm….ti raw (Y) (C) hei hi in rawh.
July 28th, 2011 at 7:33 am
Traffic police te hi fel tak tak an awm laiin, mawl fe fe in ti thu satliah hi an awm ve tho a, chutiang mi chu i tawng anih chu. Hazard light i tih en te chuan phal ve mai awm tak anih chu maw le.
July 28th, 2011 at 7:33 am
Engtin nge a phalloh thei zawk a…..! Traffic tight lai pawn an phal ziah sia…emergency on chuan…
July 28th, 2011 at 7:34 am
Bazar Bungkawn kawiah bawk hian traffic police ka tawng ve a. Tlai lam thim thet thet a ni a, Durtlang Hospital ka kal duh si a, duty chu ka dil ta a, polite takin ka dila min kual tir ve mai.
July 28th, 2011 at 7:41 am
Kei pawh, tunhma khan, helai hmunah hian min man ngun tawh a nia..Police belthum habal deuh tawh nen kan intawng thei lutuk a…a tawp lamah phei chuan kan nui dun leh ringawt thin…min kualtir ta vel mai mai..kan inhmel hriat phah zui. 😛 😛
Lung i ti leng ang reng.. (W)
July 28th, 2011 at 7:46 am
Emergency light ‘on’ te chuan dil kher a ngai hlei nem. Tlan tlang pawp mai tur alawm. I dil avanga phal lo a ang khawp mai. Dil lovin tlan tlang la, a enliam mai mai ang che.
VIP light on ho pawh an duh duh naah an tlan tlang zel alawm le.. (Y)
July 28th, 2011 at 7:47 am
I fapa chuan dam lam apan zel ka beisei e.
Miin an tih vangin tih ve tur ani kherlo thei. Dan leh dun (Rules & regulations/law) a awm chuan traffic lam angah te pawh han zawm tha ila, keimahni leh midang tan thil tha zel alo ni thin.
Dan kengkawhtu te leh mipui/vantlang hnathawk ho reng2 hi mahni hnaah rinawm taka nikhata darkar 8 thawk peih hi engzat tak awm ang maw?!!!
Thubelh:
A thu hrimah Aizawl kawng chep takah hian traffic rules hmangin leh traffic manners hriain hmang hlawm ilang chuan tun ang em em hian a chepin ka ringlo. Inlehpelh tum leh chuhhelh te avang hian traffic a jam ngun em asin.
July 28th, 2011 at 8:03 am
Awm bosan hlan lekah pawh lirthei tlan dan hi Aizawl-ah hian a lo danglam hman chawk a. Ludhiana-a hun engemaw ti chen ka awm hnuin, Sikulpuikawn – Republic – Treasury Square lam zawngin ka tlan pek a. Treasury Square-ah Traffic duty-in hamrik ham ri tuar tuarin, “Mawl lutuk …” tiin min au khum hrep tawh. Miin min thlir thuap mai a. An lo tidanglam tih hre lo na fam chu KA MAWL bawk lah tak a ni!
Pengthuam vela tlan dan a lo dang nual a. Mahse, Traffic Police-te ka rawn hmasa zel a. An fel tawh khawp mai.
Tum khat chu Sikulpuikawn atangin Sabinga Lung panin ka tlan a. Inchai chak Duata motorcycle khalh nen kan intawk a. Kei lahin ka nu leh ka pa ka phur a. A tlan dan dik taka tlan a pawimawhzia chu ka nu leh pate ka hrilh phei mawlh mawlh a.
Duata a rawn tlan kual pup a, mi rawn um a. “Engati nge a dik lova i rawn tlan?” min ti a. Dika ka hriat avang khan ka tang kawh ve nasa mai a. “A tlan dan tur pawh Traffic SP Lianmawia nen kan duang dun alawm maw le …” ka la ti fan a. Ani lah a tang kawh, thinrima inti kan ni lo va. Inhre chiang dun inhnial kan ni a.
Aizawl City Traffic Bu ka’n en nak chuan —Duata a lo dik zawk a, ka lo hriatsual hi a ni a. Ka nihlawh a ni ber ang, Mobile Check an neih pawh hian Traffic-ho hian min check ve ngai ta lo. Document leh Driver License vawng reng turah min ngai a niang, ka vawng thlap reng bawk a.
Tum khat motorcycle ka khalh chhuahin, ka helmet an lo ru daih mai a. Traffic SP, Mr Thapa ka’n call nghal a. Ani lah Kolasib a zin thlak lai a lo ni … helmet tel lovin Aizawl khawpui ka’n suar tluan vek mai chu, ka sam hi a sei thei hnuang hnuang bawk si a —mipuiten min hmu duh daih zawk. Traffic Police-te hi information/communication lamah an lo tuan thain an lo changkang hle tawh tih min ngaihtuahtir vawng vawng.
July 28th, 2011 at 8:07 am
chawnghilh, ka nau Sangtea’n ka helmet hma lamah “Til lip” tih alo ziak a, hmanhmawh lutukin ka khum chhuak. Kalna lam apiangah an nui thu zel mai mawle. Tumkhat chu chawhmeh kanna thirbel khumin ka patan tawh 😛
July 28th, 2011 at 8:12 am
#12 ami khi Dan leh hrai* niawm zawk tak ani e a 😛
July 28th, 2011 at 8:15 am
Khi traffic police khi a mawl ve deuh hrim hrim ang a, post tupa pawh hian i dil thiam tawk lo ve bawk anih ka ring 🙂
July 28th, 2011 at 8:40 am
Zarkawtah police belhnih in Rs.2000 vel min chawitir a tum a, Thà-na ah ka chawi zawk dawn ka ti a, Rs.200/- ka va chawi a, receipt kengin ka document ka va dil leh chu a hawi lawl2 mai alawm. A ui ve khop ang, a zak fu bawkin ka ring.
I fapa chu dam thuai teh se.
July 28th, 2011 at 8:51 am
Traffic police ho hian an pawisa duh aleiah inhriatthiamna an nei lo tlangpuiin ka hria..
July 28th, 2011 at 8:59 am
(N)
July 28th, 2011 at 9:17 am
I fapa a dam thuai ka duhsak., hmanni ka hnathohna bula damlo damdawi in pana ka hruai pawhin emergency light ka chhi a, traffic min hui hmain ka tlan tlang a, a ham tuar.. A side glass atangin ka en a, emergency light a hmu a.. A dang a hui leh nghal he he..
A hnulawkah dan bawhchhe chhinchhiahna lehkha anlo bel.. An office ah ka kal a, ka insawi fihlim hram… Midangte harsatna hrethiam hi mifel anni chawk..
July 28th, 2011 at 9:40 am
Thla tawp lamah phei cuan trafic ho chu an den thei raps…….. 😉
July 28th, 2011 at 10:36 am
Emergency light chu a hrethiam lo a niang
July 28th, 2011 at 10:52 am
No. 17 (jpaite) tih dan khi ka duh khawp mai. Field a thawk thamna pek ai chuan office lam kher pek, recepit nen thlap traffic fine kan pek vek pek chuan engemaw chen corruption a ziaawm phah ang.
July 28th, 2011 at 11:14 am
I fapa chu a dam vat nan duhsakna ka hlan a che.. Kei hi hmanni lawkah ka wallet ka tibo a,nimin khan motor ka khalh chhuak a, kan wrong-side peka… Guwahati Traffic police lah khan min han hmu chiang mai2 khawpa,license hi kan thenawm Arunachali pa ta ka keng ve tawp kha nia,a en vung2 a tha takin min pe ve leh mai. Mahse wrong side vangin ‘ekso’ chu min laksak tho
OT loks admin, ‘Chammanator’ chu Ghy IIT alo thleng thla ta a, tun Pathianni khan biakin ah helaia misual hovin kan chibai liam2 kha..
July 28th, 2011 at 11:34 am
Khawnge comment khat tawh e mai!!
Traffic Police sawi tak ah chuan,2004 kum nita in ka hria.Dak In pui bulah sawn Bike ka dah lawka reilo te,Dak In-ah luh zawk tum kha, ka Bike Traffic Police in an lo man ni in.
Ngaihdam ka dil ngial a,thingtlangah ka awm bo rei deuh hleka ka tihsual ani…kan ti ngial thin.Man na tur Paper a phawrh zuk2 a ziah tum deuh si ziak duh chiah si lo khan. Ka hahkhawp mai…i bike hi ka nawr hah khawp mai a….ti deuh sek mai bawk si a.
Nakin deuh ah chuan khi kan pu (bel thum bel)khi han dil rawh min ti a,ka han dil ta a.A ni lah khan a mah khu dil la ati bawk si,ka kual ka kual hnu chuan mi man tu khan kan pu thu2 a ni mai a tih angin an pu hnenah chuan helmet min pe let a min kal tir mai turin ka ngen a.
An pu(bel thum bel) chuan kuva man pe la ni mai lawm a tih angin ka ipte kan en chu! Rs.5 tlang a lo awm kher bawk a pek kan tum mai chu!!!!
A hmel leh a meng phawk nasat zia leh thinrim kha….ka ngaihtuah leh hian ka nui a la za reng. Ngahnge kan pu thu2 a tia,a ni lahin kuva man pe la a tia lawm ka ti si. Enge Rs. 5 te chuan kuva hring pack khat a lei theih daih a sin!!!!lol
A tawp2 ah chuan Rs 20 ka pe thei ta hram…hahahah…ngaihawm letling ta hle mai
Post tupa chu!! i van duai hle mai,Traffic Police zingah hian fel tak2 an tam khawp a sin,i tawng vanduai deuh ani e.
July 28th, 2011 at 11:38 am
hman deuh khan mawl muk deuh kan tawng ve tawh. I kual ang chiah hian kan kual a, min ti ding ve a. Doctor a nih thu leh damdawiin ah ’emer’ a neih thu a sawi pawn pawm duh hek lo. A hreh deuh chung2 motor ah kan luh tira ofis ah kan sawifel ang kan tia. Ofis ah Kan han sawi mai chu(h). an pu in a bengah a pawt nawk2 mai maw le. I delay vangin Rs. 100 tal pe rawh a la ti zui. Kan la duh ta em lo va.
July 28th, 2011 at 11:58 am
Tu emaw ang deuhin chu traffic pa chu i su ve chawrh mai lo anih chu mawle. 😀
July 28th, 2011 at 12:34 pm
Traffic police zawng2 poh hi an lo tha famkim lo ve tho ani … profession dang ang tho ani … A thalo in tawngfuh ve palh anih chu … keichu khilai ah khian kual hi sunday lo poh thimhlim velah poh kual ka dil fo toh a , phal loh voi 1mah an la nei lo … Chhunah traffic enganga tawtlai pon taxi in emergency light on chuan dil poh kan dil ngai lo , kan kual pop jel … hauh kan tong ngailo
July 28th, 2011 at 1:05 pm
Aizawl N lam tan hian Emergency-ah ACH pan hi a buaithlak thin a, tunah hian a ziaawm nep deuh tawh em aw? Millennium Bld. kawmchhaka lo chhovin, Casualty hlui hnuai atanga luh chhoh theih tur kha a nia.
Mahse chhuah lama atanga Saron veng atanga rawn chho i nih chuan Pu Vankhama/ Pu Gohain-a te inkawtah khan Sunday angah chuan va in her zawk a harsa lo khawp mai ! I phunna a ho ka va’n ti.
July 28th, 2011 at 1:36 pm
Emergency light i chhit a, damlo serious i phurh leh chuan horn pe la,i kalna tur signal la, kual tawp la, tuman an man lo ang che..! Dil buai kher duh toh suh. Thih leh dam kar a nih toh chuan chu chu dan a ni ve tho e..
July 28th, 2011 at 1:37 pm
Hazard warning light hi damlo phurh nan kan hmang nasa hle a . Motor control theih loh thulha hman tura siam niin ka lo hria a.Aizawla kan hman thin dan hi a dik chiah loin ka lo hre ve a. Emergency a hman tur anih dan hi damlo phurhna lam nilovin vehicle condition lam zawk a niin ka hria .
July 28th, 2011 at 1:43 pm
Trafific police pawh chu ’emergency’ tih pahin i su thawi hlak lo anih chu… Emergency pawimawhzia a lo hriatthiam ve theihnan.
Traffic police ho hrim hrim hi chu an che tha viau chuan ka hria. Dam zel rawh u.
July 28th, 2011 at 1:45 pm
Thih leh Dam inkar a nih si chuan eng dan mah pawisak loh tur! 😀
July 28th, 2011 at 1:51 pm
Emergency nih chuan kual dil an ngailo.. I fapa damdawin thlenpui hmanloh nge i hlauh, aizawl traffic rules.. Mahse fimkhur tluk a awmlo..
PUC kan zir lai in, ihkhelh na ah kan thianpa achal ati kak palh a.. Taxi ah emergency light on in wrong side in kan tlan pur2 a.. traffic police ho pawn motor dang lo kian tur in anlo ti zel.. Fel pawh an awm sual pawh an awm.. Khovel ti famkim tu ani e..
July 28th, 2011 at 1:55 pm
Ka á¹an khawp mai che. Traffic dan hi kan zavaia tana á¹ha leh awlsam zawkna ngaihtuaha siam a ni mai a. Emergency thilah, midang a tihbuai dawn miah loh chuan, han bawhchhiat zeuh pawh hi pawi vakin ka hre love tlat pek.
Tasmania-a kan zin á¹umin kea kal harsat deuh mikhual (MP) kan phurh avangin kan car driver chuan motor luh phal lohnaah min tlan luhpui a. Eng vanga chutianga ti nge a nih ka zawh chuan, Australia-ah chuan tumahin a chhan á¹ha tawk nei lovin hetiang hian an ti ngai lo a, chuvangin kan tlan luh luih hi chuan a chhan á¹ha tak a awm tih an ring nghal mai á¹hin a ni, tiin min chhang.
July 28th, 2011 at 2:15 pm
polite tak a dil te chuan phal ve mai awm tak a sin mawle Emergency lehnghal , Trafic Police fel tak tak an awm a , then khat chu mipui te rawngbawl tu an nih hre miah lo a ,man tur leh mi tihsual chang ringot emaw tih tur an awm zauh zauh . Police thenkhat ‘ civil mai mai ‘ tih ching an awm , (an rank a sang vak ngai lo) . mipui , civil venghim tur leh rawngbawl sak tur a sorkar in mipui te tan a chhawr leh hlawh a pek an ni tih hi in hre teh se ,
July 28th, 2011 at 2:31 pm
Maya@36, police-te hi India ram danah chuan civilian an ni. (Military ni lo zawng zawng hi chu civilian kan ni vek mai). Anmahni hian an inhre lo mai mai thin a ni.
July 28th, 2011 at 2:50 pm
Hazard/Emergency light chhit tawh chuan motor condition vang pawh nise, thih leh dam inkar vang pawh nise, engvang pawh nise kawngdan ang thlap in a khawsak thei tawhlo tihna a ni a, traffic police chu sawiloh, motor dang lo tlan ve te, mipui ke a kal chenin a theih ang2in kawng an clear tur a ni. Kan kal duhna lam kha a theih ang2 a lantirin kal mawp mai tur, tih hi ka hriat ve dan a ni. Chuvangin pawimawh feah lo chuan chhit loh le le tul.
July 28th, 2011 at 3:11 pm
Hazard/Emergency light i chhit chuan dil kher a ngai tawh lo.Tlan tlang pawp la,i ti dik ani mai. Nge i dil vei daw daw? Tin Hazard/emergency light hi tul tawp ah lo chuan hman mai mai tur a ni lo thung.
July 28th, 2011 at 3:40 pm
Comments tawp lampang ho hì an tihtlak hlawm fu mai a. Bengvar thlak zel e.
July 28th, 2011 at 3:54 pm
Ka hriat sual loh chuan miin Hazard/Emergency light a chhit tawh chuan traffic in hnawhtawt karah pawh kha motor kha tlang tir hram turin traffic police te pawn an pui tur a ni. Kha light hmang khan a khalh tu khan traffic rules a zawm thei tawh lo tih a entir ani. Vehicle control theih loh vang chauha hman tur an tih pawn,mi thih leh dam in kar a mi i phurh a vangin i vehicle i control thei tawh lo a, a rang thei ang ber a hospital thlen pui i tum tihna ani mai. Law a awm reng reng hian a bawhchhiat theih dan hi zu han awm ve zel a maw le. Post tupa khatiang chhit ngai dinhmuna i awm leh chuan dil a ngai lo, tlan miah miah tur. Amaherawhchu tul uk lova i hman a an man chhuah vaih che chuan an chawitir hrep loh che leh an vaw hrep ang che nga a ni mai 😛
July 28th, 2011 at 4:04 pm
@37 hlatekhua ka var uarh mai , civil an lo ve tho a ni maw , leh ta nghal a . tawngkam chapo tak a in luling riau hi an awm leh zauh thin a , Thang khiu
July 28th, 2011 at 4:46 pm
Mr f hetiang hun hi thlen chang a awm ve thin ania. In dam tlan zel ka beisei
July 28th, 2011 at 5:17 pm
a piah lok hmuh theihlohna laiah hoi vung2 a kual thut mai tur lom..sunday kher lo po 😉 n k kual ziah..
July 28th, 2011 at 12:16 pm
’96 kum khan scooter a Lunglei ka phei tur Civil Hospital thlang kawng sirah ka park a. Khami ni kher khan Prime Minister a lokal avangin kawngsirah eng lirtheimah park an lo phal lo chu niin. Kei lah ka kal bo rei bawk si a. Ka scooter chu Thana bul Recovery Van-ah an lo hlang daih mai a. Hrilh a hai duh khawp mai. Pawisa mi chawitir an tum lahin ka haw phei dawn avanga Rs 150 ka puk bak ka nei si lo, ka pukchawp em chu min laksak an hreh si. Hreh tak chungin chabi leh helmet min pe hram a, scooter hlangthla tur erawh chuan mutia ka rawih chu a la ngai ta hram a.
July 28th, 2011 at 3:37 pm
Pu-a, Nula chu nila i kual ching khawp ang.. Tihngaihna dang vak an awmlo hetiang ho hi.. Ruah sur hunah chil per vak mai tur..
July 28th, 2011 at 4:39 pm
Traffic Police atan hian Graduate tal hi qualification ni thei se tih rilru ka putna hi a rei tawh.
July 28th, 2011 at 9:57 pm
Damlohna emaw eng vang poh nise dan bawhchhiat tum tlat mai hi a dik ber lo.
Sunday ah pawh dan chu in zawm zel tho tur a duan anih ka ring chu vangin police an awm emaw awmlo emaw dan chuzah a zawm zel tur.
helamah chuan junction ah zing dar hnih velah pawh niseng red light a awm chuan peng dang ho atang khan lirthei lo tlan lo sawm sarih pawh niseng green light a nih hma chu nghah a ni mai SUNDAY leh Day lo ah pawh.
Dan chu dan ani top VIP e Ip lo pawh.
Niminah kan bus chuan pawh safety belt kan hren loh vangin warning min pe.Khawilai ah pawh hreng lova min hmuh leh chuan chawi ani mai.
Rampum police car computera ka ID number leh hming an record fimkhur a ngai khawp mai.
July 30th, 2011 at 4:33 am
Police hi dan kengkawhtu an ni mai a, dan a awm chuan, zawm mai tur a nia, in hriatthiam kan uar a,kan beisei hi a sang mah mah thin. Dan kengkawhtu te lu kan ti hai ve thin khawp.
Singaporea ka han tei ve lai khan, zan kan vak chhuak hi khua alum bawk nen kan let leh chuan zan dar 12 vel te a lo ni ve thin…Red light a lo en chuan, ke a kal mi pakhat lek pawh nise, green light a nghak mai…tumah an awm chuanglo tih kha a awm ve lo.
Keini chu, Police an awm leh awmloh kar a hlat chu thu-hran, police duty pawh dan bawhchhetu zawk ang hrim in, kan haw hlur zel mai chu a nih hi….in enfiah a ngai..Kristian mi entawn tlak nih i tum zawk ang u.
July 30th, 2011 at 5:03 am
#49
July 30th, 2011 at 10:43 am
Singapore , USA , Delhi tih vel khopui lianho hi keini mizoram khawpui Aizawl chep ve tak hi tehkhin ve sek suh u ! Khawpui thar te kan neih ve hunah in tehkhin don nia …..
July 30th, 2011 at 11:12 pm
Khawpui kan teh khin lova, mihring rinawmna lam a ni kan sawi khi. Ram a changkan na chhan chu mihring rinawmna avang leh dan zawm thatna a vang a ni.
Aizawl a chep a vangin, mihring hian dan zawm loh tur tihna a mi, zawm ngai hlei hlei kan ni zawk lo maw?
July 30th, 2011 at 11:45 pm
Hmanni deuh tawhah khan chaltlang dawrkawnah tlai lam ah ka kal a,trafic duty 3 zing a police pakhat chu a rui a a pawr khawp mai, a mitah ka en a i rui hle mai ka tia midang 2 chuan a zialo khawp mai an lo tia, engpawh chu ni se a motor khalh tu ten dan kan zawm peih loh rualin, trafic duty taima tam tak karah hian dawngdah ve tak2 hi chu an tam a ni…
July 31st, 2011 at 8:30 am
53
jemi # A dik ang, duty laia rui hi chu hrem hmak hmak tura complaint ve a tha khawp ang.