A kum hnih nan Outlaw Jam, Rock Fest’ chu kan chenna khua Frederick a Fairground ah chuan July ni 30 leh 31 hian neih ani leh ta. Tunkum chu, “Khawnge mahni chenna meuha min lo pan chu…” tiin en zai ka rel ve ta a ni. July ni 30 alo ni a, an thil duan dan angin chhun dar 12 ah tan tur anni. Chumi nang hman tum ranin motor dahna, chhuahlam awlsam na tur tha thlangin ka kal hma phian nghe nghe.
Chhun dar 12 tlema ala rik hma deuhin ka thleng thla ve a. Mipui an lo zi mur mur tawh a, dawr tam tam te chuan dawrtu an lo ngahin bawrtu an lo tam hman tawh hle mai. Kal phei ve zelin, stage pahnih awm zinga stage no. 2 zawk, a Fest’ hawnna hmun tur zawk lamah chuan ka phei ta a. Stage hmaah chiah, a lai takah ka ding vang mai a, an tan hun ka nghak a ni. Dar 12 an ri chiah chu Baltimore lam 98 rock station (radio) neitu chuan hawnna thu second tlemte sawiin Baltimore, Maryland rock band lar tak, “Korupt” chuan an hla nalh tak mai chu tang atin an rawn thlawh chhuak ta; pui nghal mep mep tak a ni.
Band hrang hrang, New York Dolls te leh Poison te an che vel chuan mit a ti tlaiin beng a fah kher mai. Poison pawh kum 25 a upa alo ni ve reng tawh tih te ka hriat phah ta bakah Motley Crue pawh kum 30 lai anlo ni ve der tawh tih ka hriat phah nghe nghe. Hetih lai hian Frederick Fairground chhungah hian intihhlimna leh dawr chi hrang hrang a awm a, “Strip Dancer” te thlengin hmuh tur an awm. Dawr tam tak te hi custom build motor cycle (choppers) te an ni furin, zawrhlai leh zawrh loh pawh motor cycle mit ti tlai khawp a awm bawk.
Tlai dar 8 a pelh hnu chuan mipui nghahhlelh ber “Motley Crue” an lo chhuak ta a, thawm chu a ring thuai thuai kher asin. A thu hrimah an rimawi te hi ring viau e tilo chuan an sound engineer te thiam vang pawh ani anga, bengchheng ani miahlo mai. Hla nalh tih lemloh pawh a ri han huat ngawt tur ka hrelo a ni ber e. Thawhpui hlui te pawh ka hmu nual, a hlimawmin a khamawm loh a ni ber e. Chhun dar 12 a tan tur chu a hun takah tanin, ban hun awma ngaih dar 10 ah chuan Motley Crue member te chuan mipui chibai bukin July ni 30 atan chuan Fest’ chu a tawp ta…Motley Crue in “Home Sweet Home” an sak te chuan Adventure sports ka inhman ve zual lai, kan zin haw lam, bus ah emaw Vairam rela kan sak rual tham tham thin lai minti hrechhuak chiang ngei mai!
Stage 2. Korupt:
Stage 1.ka hnunglam mipui tlem:
Motley Crue:
Nikki Sixx & Mickk Mars:
Poison:
Hetiang te pawh hian kil khatah an lo ti ve nghawl nghawl bawk a:
Chung lamah helicopterin fakna alo ti eng zawr zawr:
Chopper…:
In tur chi hrang hrang zawrhna pakhat:
Chaw dawr:
BONUS:
:-D
August 2nd, 2011 at 9:03 pm
LR_rengsi #50 khi video (#40) ka lakna hi a chhe lulai em alawm mawle. Sound tha pawhin a chhuak thei love. Ni e, a vir kual vel a ni. Khimi hnu khian mipui atangin nula pakhat a virkualpui leh nghe nghe. A hmuhnawm viail vual khawp mai hairehai
Report this comment
August 3rd, 2011 at 12:12 am
@51-Mit leh beng a tlai,Motley Crue leh Poison te hi hranghlui chang tawh mahse, an music erawh ngaihthlak nuam ka la ti reng. I vannei bik khawp mai. Thanx 4 da post.
Report this comment