Mite tawn leh hriat hnu a sawi uartu bik han nih chu ka hreh deuh na chungin ka rilruah a awm ve miau si a, awm lo tak pawh a ni chuang lovang chu.
Fate hmangaihna hi a lo dang hle hian ka hre thin. Ka fapa tereuh hian ‘apa min duat em, min ngai em’ tih hi a ching reuh a; ‘Bawiha, ka rilru hmuh theih leh khawih theih i ni’ tite hian ka chhang thin a, hrethiam lo mahse a lawm ve hle thin tho.
Khawiilo han vah chhuahte hian ka rilruah mitthlaah hian an cham reng thin a, a chang leh ‘kha tah khan a lawn anga a tla mai ang a’ te ka’n ti leh rih thin a. Ka awm a nawm loh zual chang phei chuan ka va be leh nge nge thin. Fate avang hian a chang chuan kan hlima a changin kan lungngai dawn zawng chu a ni phawt mai si a.
Zepnak emaw, tlangval chhung zawng khan ‘Enchim loh’ tia han sawi tur an awm hi ka hre lo. Tleirawl lai atang tawhin ngaihvarungthawn leh chhailai di-te chu kan lo nei ve thin a; mahse lungsi taka ‘ka enchim loh’ tia han chhal tur an awm ka hre ngai lo reng reng. Kan duh a, kan hmangaih a nih pawhin, a ni mai a. Hla phuah hi ka ching viau thin a, lengzem leh zem lo pawh ka phuah ve nual tawh chuan ka hria.
Hostel-a kan awm lai atang tawhin ka thiante bialnu tan pawh ka phuah malh malh hle; chung ka hla phuahah pawh chuan ‘enchim loh’ tihte hi ka hmang nual thin, mahse ka hmang ve maiah ka ngai. Ka fa ka’n hmu chiah erawh chu ‘Hmm, hei ngei hi a nih hi Enchim loh chu’ ka ti ta a ni. ‘En nin loh, en kham loh aia ril zawk enchim loh hi hrilhfiah chi pawh a ni lo, hmuha mahni lama chiang(feel) chi a ni.
Kan hnar chunga kan mit chang ni lo thinlung hmangaihna mit nen kan thlira chu chuan hnuk hi a zen vang vang a chhung lamah hian min tham(thram) bet tlat mai a ni.
Fate han neih takah chuan mi nau pawh hmu ila kan fate kan hre chhuak a; mi nau tap leh nui rite hian kan fate lam min hawitir daih mai zel a ni. Tunah zawng kutdawh rau rauah pawh fate nena kut dawh chungah kher hi chuan ka kut pawh a hlawk ta hle mai, mahni ka inchan zel tawh mai si a.
An chanchin mite tana ngaihnawm miah lo tur pawh kha kan hre chak em em reng mai a. Han tih thinrim palha min han mutthilhsan daih phei hi chu mahni lam hi kan inthiam lo tha leh duh khawp chuan ka hre thin. Chuvang chuan an mu turte hi tihhlim hram hram ka tum thin a, an tan thil ropui leh hlu tak han hlui tur leh han rochun tur ka nei lo tih ka hria a-an tana ka tih engkim hi nin chang awm thin mahse ning anga langa tih hi ka tum lo ringawt a, an tana hun pek hi ka theih tawk ni hian ka hre thin.
Hmeichhe tlan hi ka ko ve zeuh zeuh tawh a; tum khat chu an nu hi a tlan a, an pa nena intithiam lo pawh an ni lo an pa farnu nen an intithiam lo a ni. A haw duh an ring tawh si lo va ko turin min ti a, ka va thawk phei ta a.
Ka kal hmain an in ka va tlawh lawk a, an fate chu khumah an mu rem mai a- a naupang ber phei chu khawhar takin a mu bem a ka fate chu ka mitthlaah an lo lang zawk a ka khawngaih ta em em mai a theihtawp chhuah ka tum a ni. Ka va thleng chu an nu nen chuan kan inngam bawk a, ‘lo kal buai duh suh’ min lo ti a; mahse tlan koh dan hi ka thiam tran chuan ka inhre ve tawh a.
Duh tawk an sawi hnuah thu chung ni lo ding chung hian sawi thauh mai ila min chhang ngam lo va, duh tawk kan sawi thei thin a ni. Chumi tum chuan a hmeichhe chhungte leh ka va koh tur ngeiin an duh tawk an sawi hnu chuan, ‘ka’n ding teh ang ka ti a, ka duh tawk chu ka sawi ve ta a’. Ka thiam zawng zawng sawm khawmin an fate lainatawm zia chu ka sawi ta a, chu nu chu a mittui a hnam tiam mai a-‘I lo haw duh miah loh chuan hun lo kal turah nuhrawn hrawn pawh phalin a aia chan chhe zawkah i dah a i kalsan tihna a ni ang’ ka ti a. Chutah an pa ber, Mizo pa tak chuan, ‘I haw leh ngei tur a ni’ a ti ta a, kan inhruai haw ta chuk chuk a.
Nu leh pa hi kan inang lo khawp mai hi a lo ni. Thenkhatin an fate hi enghelhah an nei lo thiam khawp mai a. A bikin naupang taka nupui pasal neia fa nei zut zut mai ho hian fa hlutna an hre lo deuh em aw ka ti thin. Tlema phan a lo chan hnu leh fa neih hi Pathian thu lo chuan a theih loh tih han hriat hnuah ngat hi chuan kan lo ngaihlu bik deuh em ni aw a tih theih.
Thenkhat chuan an fate ngaihtuah lem lo hian an leng mai mai thei a, an fate lah khawlaiah an tam reng bawk a. Fate tan hian nu leh pa mai bakah hian thian tha hi a lo nih theih khawp tih hi kan mizo vantlang nunah hian chawi lar a hun hle hian ka hre thin. Fate avang hian kan ngaihtuahna pawh kan sen a tul hle reng a ni.
Chhut chhut ila fate lo hi chu khawvelah hian Ro kan neih tak tak pawh a lo awm lo. A dang zawng hi chu kan inkawl chhawk a ni tlangpui. Thenkhat chuan chu chu an hre tak tak lo va, an ro lo zawk kha ro-ah an chhal tlat. Bible-in ‘I ro awmna apiangah i rilru pawh a awm’ a ti a, fate hi kan ro an ni tih kan hriat chian phawt chuan an lakah hian kan rilru leh ngaihtuahna pawh a awm ngei ngei ang.
Fate leh nu leh pa inzawmna hi chu a thuk khawp a, thil dang zawng hi chu kan then thei mahse kan fate erawh chu an dam chhungin kan fate an ni dawn. Nupa pawh hi a inthen theih mai, tum phawt chuan nupui/pasal hlui a ni mai a; mahse fate erawh, ni lo turin a siam theih tawh loh an sual an thatah kan hming a lang kumkhua tawh dawn a ni.
Nu leh pa leh an fate inkarah ka ban ka phar ve fo thin a, ka hlim phah hle thin. Tum khat chu an fapa mal neih chhun khan damdawi a lo ti ve thin a, an han hriat chhuah meuh chuan a lo tlai tawh hle. A nu kha fate tana rilru seng tak chi kha a ni a; a enkawl dan kan zawnga mualpho huamin kan ti tlang zel a.
Pathian khawngaihna a zarah a lo fel tawh hle mai a hna tha tak hmuin tlangval fel tak a lo ni tawh a, ka lawm hle- a nu’n a tana rilru a sen rah a ni a, ka lawmpui hle. Tam tak hi chuan an sual kan ti ringawt a, an tan rilru kan seng peih tawk lo fo hian ka hre thin a, chung mite chu puih pawh a thanatthlak hle thin.
Tum khat dang erawh chu an nu hian a thiam thu a sawi zarh zarh a, a enkawl dan a’n sawi chu tuma tluk loh tur a ni-sawi tur ka hre lo, ‘I lo thiam mah mah a nih chu’ ka ti a, a haw lek lek a, mahni a inpuh phal miah lo a ni. Pathian hnenah ‘A tih ngaihna reng reng ka hre lo va I lam ka lo hawi tawp mai a ni e’ kan tih zawk hi a tul fo, thiam intihna hian Pathian kan punna a dal thin.
Mahni tan mai ni lo, fate avang chauh pawh hian Pathian lam ngaihsak hi a lo va tul em ka ti thin. Khawvel min sutu hi a in-develop chak si a, kan chhungkua kan fanaute a run mek a ni. Upa Hmangaiha tawngkam ka hre reng thin pa-te ve tak a ni a, ‘Ram buai laiin Sardarji palian pui maiin min mana min han hrawm mai chuh kei pa-te a kara ka’n tang tha duh lo lehnghal chu min hneh e’ a ti a.
Khawvel min buantu hian chak takin min buan a, chhungkua kan inhung bingna pawh pawisa miah lovin a rawn tawn pawp pawp mai si a, kan tan viau pawhin min hneh thial a ni a, kan tan that duh loh phei chuan min hneh hle dawn zawng a ni phawt mai.
August 1st, 2011 at 6:41 am
Inhmang thiam lo ber ka ni ta awm e, an duh chu ka tihsak, ka phut ang hmuh kir a awm lo. An mamawh ber erawh ka tipuitling zo lo. Duatsual hi a pawi.
Report this comment
August 1st, 2011 at 6:41 am
i fapa chu van fel reuh ve
Report this comment
August 1st, 2011 at 6:41 am
Fa ka la nei loa, mahse chhiar zo tho teh ang
Report this comment
August 1st, 2011 at 6:51 am
paws tha tiah2 hle mai, a bik takin last para khi dik ka ti lutuk.
Report this comment
August 1st, 2011 at 7:07 am
I ziak ngaihnawmin dik ka ti khawp mai.
Helai erawh hi kan buai deuh dawn a!!? :
“Tum khat dang erawh chu an nu hian a thiam thu a sawi zarh zarh a, a enkawl dan a’n sawi chu tuma tluk loh tur a ni-sawi tur ka hre lo, ‘I lo thiam mah mah a nih chu’ ka ti a, a haw lek lek a, mahni a inpuh phal miah lo a ni.” tih hi tunge/tu nu nge i sawi hi aw?
Report this comment
August 1st, 2011 at 7:18 am
Ka chhiar chhuak dap mai, i ziak thiam e. Fate hi enkawl dan ka va thiam duh tak em!
Report this comment
August 1st, 2011 at 7:27 am
Fa enkawl hi thiam har ber te zing ami anih ka ring
Report this comment
August 1st, 2011 at 7:34 am
A van thra ve..rilru chhungril ber atanga luang chhuak thu ziak reng reng hi chuan min hneh thin…post tha tak a ni e..
Report this comment
August 1st, 2011 at 7:35 am
Vakul nge nge, a thuziakah a chiang a, ama experienced tawh ngei ziakna a ni bawk a, chhiar a manhla khawp mai. Post tha tak a ni e.
Fa la nei lo chuan fa hlutzia an la hre lo maithei. Khawvel rohlu leh sum zawng zawng ai pawha hlu zawk chu fate hi an ni a, enkawl thiam chuan an hlu tulh tulh a, enkawl thiam loh chuanmin tilungngaitu leh min tihrehawmtu an ni thei. Fate an hlim chuan kan hlim a, an hlim loh chuan kan hlim lo ve mai a, an nawrh tlat chuan lung a zing a, an nat chuan a rukin kan na ve em em thin. Kan vanglai hun a rei lova, zawi zawiin a liam mek zel e, fa te khawvel erawh a intan dawn chauh. Fate hmalam hun thlir lawk chang hian, a va huphurhawmin a va phurawm lawi si em.
Report this comment
August 1st, 2011 at 7:46 am
Ka nu ka chhiar rik sak a..thra a ti ve khawp mai
Report this comment
August 1st, 2011 at 7:47 am
Fa la nei lo apiangin fa enkawl dan sawi tur an hria an ti. A nei tawh tan chuan fa enkawl dan tha hi sawi a har tawh thin, hriat ang pawh hi sawi ngam a har thin. Naupang mizia a lo inang vek bawk si lova. Pathian rawn tam a ngai khawp mai.
Report this comment
August 1st, 2011 at 7:48 am
Tlangval laiin sikulah ka zirtir ve thin a, Nupui ka han nei a, fa ka han neih chiah khan, kan sikul naupang, a bikin hostel naupang kum 4/5/6 lek lek hoah khan, ka fate hmel ka hmu ta tlat mai a, ka fate ang deuh chiahin ka hmangaih theih phah ta a ni. Vakul nge nge, post tha hle mai. “I ro awmna apiangah i rilru a awm thìn”, Tih ziak ani a, kan ro hluberte aia ngaihpawimawh zawk, rohlu zawk amaw tih tlat hi kan lo nei thin palh ang tih a hlauhawm teh e.
Report this comment
August 1st, 2011 at 7:52 am
Fa enkawl hi nia har tak a niang, in sawi fo mai, hehe.
Report this comment
August 1st, 2011 at 8:03 am
Van post tha ve o… Ti khan chuan fate pawh kan nei ngam ve tawh ang chu..
Report this comment
August 1st, 2011 at 8:35 am
Fa ka la nei lo a, ka nei chak tawh khawp mai.
Report this comment
August 1st, 2011 at 8:38 am
Post thar chu a chhuak ve ta hram e.
Report this comment
August 1st, 2011 at 8:44 am
rethei tak chhungkua atanga piang, thiante thil ei leh thil neih awt reng2 seilianin fa ka’n nei ve chiah mai chu..thiam a har ngei mai.. a duh leh awh zawng2 bakah ka hlawh tlin bak thlengin, awh nachang a hriat loh ka awh zawng leh thil thar chitin ka’n vur mai a leh..(thiante ta a awh ve hlau tlat hek) min hrechiang apiangin min hau nasa. Ka lo ti piangsual nasa hman teuh ngei mai.. tunah mithiamte nena tangtlangin a siamthat hna hautak zet kan thawk mek. Inchhir2…
Report this comment
August 1st, 2011 at 9:53 am
post tha tak ani
Report this comment
August 1st, 2011 at 10:37 am
Tha hle mai. Khawnge kei pawh fate kianga awm turin inah haw nghal teh ang!
Report this comment
August 1st, 2011 at 10:53 am
#5HV ka sawi awmzia tak chu he nu hian mi zawng zawng aiin fate enkawl tha hian a insawi a, kan hre vek a; chu achhapah thurawn kan han pek ve pawh ‘ka ti vek tawh’ a ti zung zung zel a, tawng elsenna deuh a ni.
Fate tana hun pek hi a har khawp mai. internet/misual.com han luh zin deuh phei chuan thik tham hial a ni. chuvang chuan nuam ti hle mahila ka insum chang a tam thin.
‘Ka thiam’ ka ti hauh lova mahse hei erawh ka hria ‘ka ngai pawimawh’ tih hi. Fa enkawl hi zawng a har a ni. Thiam lo chunga kan tih tur a ni si.
Thanks for all the comments.
Report this comment
August 1st, 2011 at 10:57 am
Tha hle mai, hriat kar tur a nih hi
Report this comment
August 1st, 2011 at 10:59 am
A ngaihnawm a,a post tu hian a dinhmun a pholang thiam hle mai.Kei pawh upat lamah fanu ka nei ve a,ka duat hle mai.He thu ka chhiar lai mek pawh hian ka fanu te chuan min rawn phone lauh lauh mai.Sikul an chawlh vangin in lamah a awm a,an chawl rei ta mah mah a,tih tur em em a neih siloh vangin ina awm a cartoon ;eh film dang engemaw en ngawt ngawt hi a ning bawksi a,kei lahin tihngaihna ka hre bik mai si lo va,hmanni pawh ka hnathawh lai dah in weekend khan Zoo ah te ka kal pui ta ngawt a,a nuam ve phian mai.Fanau enkawl hi Pathian tanpuina tello chuan pakhat enkawl ringawt pawh hi kei chu ka huphurh a,nitin zantin hian Pathian hnenah a hming lamin ka hlan thin.Chu chuan vawiin thlengin ka fanu chungah hian rah tha a chhuah thin a,chu chu Lalpa a ka lawmna belhchhahtu tak pawh a ni e.Fanaute hi Lalpa kuta hlan chungin i enkawl thin ang u,a inchhirawm hauh loh a nia.
Report this comment
August 1st, 2011 at 11:23 am
fa chu ka la nei ve lo na a…a ngaihnom reuh emai..kan chhiar zo tengzz…..
Report this comment
August 1st, 2011 at 11:34 am
Dik khop mai, mahse Kan ramah hi chuan Nu leh PA te mahni inlum kan chhuahsan nasa lutuk a, hei vang hian fate enkawlna ah hian na fail deuh a ni lo mo?
Report this comment
August 1st, 2011 at 12:04 pm
Theory leh practical hi a inang duh lo khawp mai.’Pathian rel dan dan a ni e’ tih hi ka pawm dan a ni ta deuh.
Unau pianghmun, enkawlna thuhmun hnuaia seilian pawh an inanglo thei viau mai dawn a lo ni.
Report this comment
August 1st, 2011 at 12:16 pm
#23@Tete-i: kei pawh kala neilo ania
Report this comment
August 1st, 2011 at 12:18 pm
Report this comment
August 1st, 2011 at 12:39 pm
E khai.. i thuziak chuan min vel mai dawn alawm le.Nu ber tlansan a fa mu bem mai chu ka mitthla ah ka hmu, ka khaw hmuh a phe deuh tlat mai.
Khawvel a commission No.1 chu fa enkawl FATHERHOOD hi a ni, a aia pawimawh Kohhran emaw, khawtlang emaw,eizawnna,adt,adt engmah reng reng a awmlo.(hei hi a nawlpui a ni, mi bik, koh, erawh an dang).
Hmanni a naupang kum 11 mi inawkhlum te kha…. a pa a ni ka dem ni, chutiang in tunlai ah chuan naupang rethei bakberh te te ka hmuh hian an pate hi ka zuk haw hlur zel, an thatchhiat leh zawmthawt tuhrah chu tisual ve reng reng lo an faten an han tuar daih mai hi ka run em em mai thin.
Report this comment
August 1st, 2011 at 12:41 pm
Mi tamtak chu an fate’n thilsual tiin, midang tana hnawksaka awmin emaw, dawt sawi thin pawh lo ni tehreng se an thiamlohah an puh phal chuanglo chu a nih hi… Thiante vang, mawl vang leh tihpalh ah an ngai tlangpui zawk … An fate thiamloh chantir ai chu nuber leh paber kha an thiamlohnaah an inpuhtawn nghal mai bawk a, a tawpah an chhe vek thin a ni… Fate mizia hriatchian hi ava pawimawh dawn em…. Kan neih ve hunah a tihdan tha deuh te pawh ala awm mahna
Report this comment
August 1st, 2011 at 1:11 pm
“A bikin naupang taka nupui pasal neia fa nei zut zut mai ho hian fa hlutna an hre lo deuh em aw ka ti thin.”
hei hi a dik khawp in ka hria, thenkhat chu mahni fate awmna chin pawh ngaihtuah lem lo, zan ah rei tak tak an leng a, Nu leh Pa te erawh chu tui takin an muhil suk suk thei mai te hi.. Khawnge an awm a, enge an tih tih tal hi hriat sak a pawimawh khawp mai.
Report this comment
August 1st, 2011 at 1:53 pm
https://www.youtube.com/watch?v=nvW6nuQ2B0s
Report this comment
August 1st, 2011 at 2:15 pm
A va tha ve.
Report this comment
August 1st, 2011 at 2:39 pm
A dik hle mai, fa enkawl hi a lo har dawn khawp mai
Report this comment
August 1st, 2011 at 2:45 pm
neih ve ngei tur anih chu
Report this comment
August 1st, 2011 at 3:36 pm
Nei ve hrih lo phawt ila a him ber anih dawn hi a.
Report this comment
August 1st, 2011 at 6:51 pm
La khelh loh game ah chuan ball ka pet lo mai ange
Report this comment
August 1st, 2011 at 9:27 pm
Tunah hian fanu kum 8 mi leh fapa kum 5, kum 3 leh kum 1 ka nei a, ka enkawl mek. Fate enkawl thiam chu mamawh mai mai tak ka ni. In thawhkhawm a hlu hlawm e.
Report this comment
August 1st, 2011 at 9:53 pm
I thusawi ber theihnghilh dawn thaw a i thu thiamna lamin min hneh riau mai chu le!
fanaute hi Lalpa laka kan rochan an ni a, vanramah hian Pathianin ‘Khawnge fanau rochan ka pek che kha?’ tiin min lo zawh ka ring tlat.
Ka fate, an tihdik lohva ka hau emaw ka hrem hial hnua thlamuang taka an muhil lai hmel ka thlir hian ka inchhir leh ziah a, ka ‘enchimloh’ ngawih ngawih thin. Enkawl dan tha ber erawh ka hre hauh si lo.
Report this comment