Aizawl 1st August, 2011: Prism chu MLA Election lo awm leh tur atan a inbuatsaih tan tawh a ni tih vawiina ‘5th Prism Day’ lawmna inkhawmah kan President Vanlalruata’n a sawi a.
Lawngtlai District bak Mizorama District 7-ah Branch hrang hrang kan neih tak avanga District Capital 5-a Sub-Headquarters hawn anih tak thu President hian a puang nghal a ni.
‘5th Prism Day’ lawmna inkhawm hi Secreatry Lalthuamliana’n kaihruaiin Pu C Pahlira sunnaa hun bul tan a ni a. H Lalhmingthangi’n hunserh hmangin General Secretary RL Liantluanga’n hruaitu te a hmelhriat tir a. Treasurer HK Liansawta’n pawl din tirh atanga kumin July thla ral thlenga Prism in Rs 17,00,063/- kan hmanral tawh thu a sawi.
Kan President chuan kan hmalakna rahchhuah hrang hrang sawiin, “Kan hmalakna dang zawng zawng tel lova public money riral tur kan chhanhim ringawt en pawh hian Re 1 kan hmanin public money Rs 9,999.62 vel kan humhim zel tihna anih avangin kan hmalakna hi kan ram leh hnam tan a hlawk hle tih a chiang,†a ti a.
Kan hmalakna avanga corruption chungchanga case lian tak tak nei tur 287 an awm tawh thu te, public money Rs 1,700 cr. chuang humhim a ni tawh te, dik lo taka lak bana a thiam leh tling ngei 57 lak an awm thu te, chanai eiruk sak tawh pek let 39 an awm thu te, leh RTI hman kawnga mi 1,000 vel kan tanpui tawh thu te kan President hian a sawi a. “Kum 5 zet hma kan lak chhung hian vauthaih te, sum leh pai leh therhlo dang hmanga thlem vawi tam kan tawk a.
Vauna avanga hlauva kan khurh chang leh kawngka leh tukverh hnungchhawn ngam lova kan awm a, thin thi pawha kan mut theih loh chang a awm chungin hlau leh khur chungin tun thleng hian kan la dingtlang ve zel a. Thlemna thlipuiin min len pai chawn chawn a, kan tluk titih chang a awm rualin kan tho ve leh zel bawk,†tiin harsatna hrang hrang kan tawh chungchang a sawi bawk a.
“Kum 2013-a MLA inthlan lo awm hma hian party te tana a pumpuhluma hman tawp theih tur khawpa tha kan ram kaihhruai dan tur leh hmasawnna hnathawh dan tur ruahmanna siam chhuah a, party zawng zawng te chu ruahmanna chu election manifesto-a hman tir kan tum a.
Kum 2013 MLA Election thlan lo awm turah khian candidate scrutiny-ah nasa taka inrawlh a, false affidavit file apiang dangthla thei tur khawpa hma lak kan tum,†a ti bawk a ni.
Prism hian Lawngtlai District tih loh District dang zawng zawngah Branch nei tawhin khaw 59-ah Branch kan nei tawh a. Chak zawka hma kan lak theihnan – Champhai, Kolasib, Mamit, Saiha leh Serchhip-ah te Sub-Headquarters kan hawng ta a ni.
‘5th Prism Day’ lawmna inkhawmah hian mi 30 rual kan pungkhawm a. AMFU, FOMTU, MPF, MUP leh MZP hruaitu ten he hun hi min hmanpui bawk a ni.
Hei aia detailed duh tan www.myprism.org-ah en theih a ni.
August 2nd, 2011 at 6:15 am
Inbuatsaihna hmasa ber ( first ) aniang maw..?
Heading-a ‘Mla’ tih khi ‘MLA’ tih-a ziah/chhut tur a nih hmel…
in comment duh lo em a, ka comment ta maiAugust 2nd, 2011 at 6:28 am
Chhiar ang…
August 2nd, 2011 at 6:58 am
paws tupa chu va inla PRISM deuh ve, KAN PRESIDENT…,,hehe,NOI, MISUALHO chuh, van komen tha duhlo hlawm ve, chhui ve in hlau em ni le aww, hihi, PRISM ho hi an thawk tha ka ti khawp mai,
August 2nd, 2011 at 7:15 am
Pawl tha leh tangkai tak anva nih hmel ve. Han ti tang tang teh u, ka tan lutuk che u.
August 2nd, 2011 at 7:40 am
PRISM hi an tha a nia, mipuite á¹awngchhan leh innghahna ber pakhat a ni, Pathian hnathawhpuitute ti pawhin a sawi theih ang chu
August 2nd, 2011 at 7:47 am
PRISM kal zel rawh u..politics tui nu tifim leh nang che u.
August 2nd, 2011 at 7:53 am
Ve hlawl mai a, k rawn zuang lut ve bawr mai, tlahlum em lo ang chu maw!
August 2nd, 2011 at 8:27 am
Hma lam panin, huaisen takin, fimkhur tak siin, kal zelin lo thangduang zel rawh se. PRISM kan ram tan
August 2nd, 2011 at 9:02 am
Hma lak tawh na te a Tha khawp mai . Election manifesto party zawng zawng te hman tur ram kaihhruai dan in ang vek duan chhuah a nih chuan .mipui ten a eng ber a tang in nge party tha ber kan hriat theih ang ?
August 2nd, 2011 at 10:02 am
Kei pawn PRISM hi ka tan e.
August 2nd, 2011 at 10:15 am
Prism hian an thawk tha hle mai. An kal zelna turah duhsakna ka hlan a. Chutih rualin, Prism hi pawl dang nen inzarzawm lem lovin anmahniin kal zel se ka ti. An pawl function a MZP lo lang ve pawh khi ka duh chiah lo. Kan nau pakhat MZP hruaitu zinga a tel ve atangin keini chhungkua chuan MZP hi kan ngaihdan a dang daih mai. Anna Hazare kal dan hi a tha ka ti a. Baba Ram Dev erawh hi chu BJP, RSS tih velte nen platform an intawm tlang kha a ni a. Mipui rilru a an tlak dan a dang daih mai. Hetiang kawngah hian Prism hi kal fimkhur se, Prism chu Prism ni tawp reng rawh se.
August 2nd, 2011 at 10:29 am
Pawisa humhim chungchang khi ka va man loem!
August 2nd, 2011 at 10:30 am
He post chu mi mita khanchhuk hmu ho chungchang a ni maw? (N) 😛
August 2nd, 2011 at 10:31 am
eng pawl pawl emaw anga donation khawn ‘luih’ ching ang khan ka lo hre thin a, chutiang ngawt chu an lo ni lo a nih dawn hi.
August 2nd, 2011 at 11:11 am
mizoram ah hian ‘pawl’ engzah tak awm maw!!
August 2nd, 2011 at 11:14 am
A thupui khi…. min bum ….. PRISM report emaw, Prism day kan hmang te ti mai la, PRISM ka sawiselna erawh a ni law…
Ti ti na na na chuan tihthat chu an nei e.. (Y) MNF term tawp lam ang a kal fur fur erawh CONG term chawhma lam ah hian a awm ta lo, enga ti WHY? Cong hi chu a felfai ta em bik em ni? Show me the result first..
August 2nd, 2011 at 11:43 am
Mr. G, welcome to misual.com. Hei hi ka lo khilai ang che (B)
August 2nd, 2011 at 12:26 pm
Eiruakna do bur duh ho kha inva reh ve.
August 2nd, 2011 at 6:30 pm
Eng atan nge an lo in buatsaih ve a ? MLA seat an chuh ve dawn ami ? MLA thlan ah hian chanvo an neiin an in hre deuh em mi ? Mizoram kalsiam siamtha tur a pawl din an ni lawm ni enge MLA thlan ah chuan lo tih ve an tum le ? Politics khelh an tum tihna jokes em ni ?
August 2nd, 2011 at 11:53 pm
Post Tupa Tan: In sum hmanral zat khi rin aiin a tam zek mai a, sum in dawn dan, source, audit ngai em? Financial Management policy felfai tak in nei em?? – Heng zawhna te hi min chhang thei la ka va ti ang reng em ve awwwww