Zofa Society of Emirates ten Summer Meet hlim awm tak mai chu July 30, 2011 khan Dubai Investment Park, Dubai ah kan hmang a, a hlim awmin a kham loh thlak khawp mai.
Kum 2008 atang khan mi thahnemngaiten UAE ram chhunga awm zofa zawng zawngte chu huikhawmin insuihkhawmna pawl an din a, a hming atan Zohnahthlak UAE (ZNUAE) an lo ti a, tichuan kum tin tum hnih, Summer Meet leh Winter Meet tiin inhmuh khawmna neih thin a ni.
Kumin Summer Meet-a kal khawmte chuan kan pawl hming hi kan unau thenkhatte tan lam rik a har deuh avangin I tidanglam deuh ang u tia rawtna a awm avangin kan pawl hming chu Zofa Society of Emirates (ZSE) tiin kan thlak ta a ni.
Kan Hun Hman Dante
President Malsawmhlua Ralte in hunhawna a neih pahin Summer Meet hmang tura lo kal khawm zawng zawngte hnenah lawmthu a sawi a, tumah intek bik kan awm lova inthlahrung lo leh a neitu chan chang theuh turin min sawm bawk. Tin, kan zingah hnamdang, min rawn hmanpuitute leh mizo tawng hre lo an awm avangin English in welcome speech tawi a sawi bawk.
President in a hun a hman zawh hian member zawng zawngten mahni inhmelhriat tirna kan nei theuh a, kan hlim tlang hle. Memberte hi Abu Dhbi, Dubai, Sarjah, Fujairah leh Muscut (Oman ram) atanga lo kalte kan ni a, kan zain mi 30 tha zek kan ni. Mipui kan zaa dingin KHB-16 “Aw Pathian Nang Lal Ber I Ni” tih hla kan sak hnuah Ex.officio member Jonathan Tonsing an bible chang a chhiara kan hun hman turte Pathian hnenah a hlan.
Secretary Lalawmpuii Sawnset in kan pawl din chhan te, kan thiltum te, kan inkhaihruai dan tlangpui te leh memberte hriattur pawimawh hriattirna a neih hnuin Special Guest Pu Vanlalzuia, Muscut, Oman atanga lo kal chu tul atih apiang sawi turin a sawm nghal.
Pu Zuia hian Bible hmangin thuchah tawi a sawi hmasa a, “Islamic sakhaw zuitute zingah khawsa in, kan hnathawhnaahte pawh Kristian dang awm ve lo mahse kan Pathianin min awmpui reng a ni tih hriain Krisian kan nihna chu I lan chhuah tir zel ang u” tiin memberte min fuih.
Pu Zuia hi Italian Embassy of Oman ah staff pakhat niin Muscat khawpuiah hian kum 30 dawnlai chhungkuaa lo khaw sa tawh a ni a, “eng tik hunah nge zofate hian heng lai ramte (Middle East ram) hi an rawn tlawh pawh ve ang a, Mizo tawng ngeia I dam em, in tha em tia biak tur ka neih ve ang” a lo tih thin chu tunah a taka a lo thlen tak avanga a lawmzia thu a sawi chuan memberte rilru a hneh hle a ni.
Advisors atanga thusawina hun hawn a ni a, Pi Parpuii Gangte Shaw (British Embassy, Abu Dhabi) sawm hmasak ber a ni a, Pi Parpuii hian kan pawl kalphung a sawi bakah zofate tana a theih tawpa a inpek zia thu a sawi. Lekha thiam tak, he lama hna thawh tur zawng leh lo kal tum tak takte an awm chuan a theihna zawng zawnga lo puih a inhuam thu a sawi a, kan thlamuan pui hle. Advisor Pu Let Kho Gin Haukip (British Embassy, Abu Dhabi) sawm chhunzawm a ni a, election chugchanga a ngaihdante a sawi bakah Pathian thu hmangin fuihna thu a sawi bawk.
Hruaitu inthlan tharna kan neih hmain Advisor Pu Vanlal Zawma (Qatar Airways, Abu Dhabi) in fuihna thu a sawi a, “Middle East ram hauhsaknate hi Zofaten a tam thei ang bera kan purhchhuah theihna turin kawng kan dap theuh a tul a ni. Mizoram, Manipuri, Chin state leh Kale-kabaw phai lamahte kan unau hna nei lo, lehkha thiam tak tak an awm teuh a, an lo kal ve theihna tura kawng hawn saktu nih i tum theuh ang u” tiin min fuih.
Pu Zawma hian election min kaihruai nghal a, President Malsawmhlua Ralte hi kan pawl din tantir atanga lo thawk tawh a nia mi dangin chhawk ve tawh tura a ngen avangin Asst. Secretary thawk mek John Laldinpuia chu President atan thlan a ni. Malsawmhlua Ralte hi Vice President ah thlan leh tho a ni. Ti chuan Asst. Secretary chu President a nih tak avangin Asst. Secretary atan Jonathan Tonsing kan thlang a, mawhpurhna dang chelhtute chu tihdanglam a awm lem lo.
Ruai Ropui
Zohnahthlak chi peng hrang hrang kal khawm kan nih angin zofate ei thin, chawhmeh chitin reng siam a ni a, a ropuiin kan tlai hle a ni. Chawhmeh tam tak zinga kan lung tileng ber leh kan ngainat tlan berte chu Vawksa bai, Antam tlak, Hmar bai thak tawk, Khanghu, Zawngtah mu den, Sa-um bawl thakte, Tawkte te an ni. Chawhmeh chi 20 dawn lai mai siam a ni a, mizo chawhmeh kan lung tilengtu zawng zawngte chu tum khatah kan ei kim vek a ni ber a, kan tlai hle a ni. Lo kal remchang lote chu lenlai chan an ni ringawt mai.
Chawhnu lamah Information Secretary Lalmawizuala’n min hruai a, hun hawn nan “Kan Zo Tlangram Nuam” tih hla kan sa a, kan tuiin kan hlim tlang hle. Amaherawhchu a hla thu kan hriat vek loh avangin chang khat leh a thunawn kan san awn awn awn mai a ni. Pu Zuia hovin upa deuhte chu ding mai mai thei lovin an lam a, thlaler ram atanga “Kan Zo Tlangram Nuam Hi Chawlpial Run I iang e” han tih dup dup mai chu a thawh dan a dang hle a, tu emaw dan takin “sung a khawng hle a ni”.
Tv. Lalmuanpuia kaihhruaina in infiamna chi hrang hrang hmangin kan intihlim a, tlang hrang hranga lo kal ni mahila unau paingtlang ang takin kan inngainain kan inlawm hlawm a, ni khat chauh chu kan kham lo tlang hle a ni.
Mahni seh seh mual hranah tih ang main kan nitin hnaah kan tul theuh bawk si a, Winter Meet kan neih leh hma chu kan inhmu khawm leh thei dawn si lova inngai ngawih ngawih leh inthlahlel em em chungin kan in then darh leh ta hlawm a ni. Lung a leng vawng vawng a nih hi, Pu Zuiate chhung hawng tur min thlahlel lutuk leh min kham lo lutuk hmel kha ka mithlaah hian a cham reng mai.
Kan awmna hmun hrang hrang lama kan liam hnu pawha, lungleng leh tap chung a rawn phone an awm te khan lung a ti lengzual in, kan hlim tlan zia leh Mizo te kan van neih bik zia alan tira, ‘Kan zo tlangram nuam’ tih hla vawi li, vawi nga lai mai kan han la nawn leh lamtuala kan han lam mup mup mai khan, khawi hmun ah pawh hian awm ila, engtiang anga rei pawh mizoram ah hian awm lo in emaw, engtianga hmun hla ah pawh awm mah ila, kan nun ti hlim tu ber chu Mizo hla, Mizo mizia, Mizo te chawhmeh, Mizo hnamlam te hi ani fo thin a ni tih min hriat chhuah tir ani.
Min mikhual tu Pi Mawii Chhakchhuak chungah lawm namem lohvin lawm thu kan sawi mawlh mawlh bawk a ni.
More pics @ http://znuae.weebly.com/gallery.html
August 5th, 2011 at 12:04 am
kan in daihzai ve toh eeee
August 5th, 2011 at 12:04 am
Nawm hmel khawp mai.
August 5th, 2011 at 12:15 am
E…a lo nih tak hi. Zofate tan meichher chhi engtu leh ti hmelthatu lo ni zel ang che u.
Welcome speed????
August 5th, 2011 at 12:17 am
In hman nawm/hlim hmel hle mai (Y)
A lai taka thu tur khan a model deuh an hmang che ani maw hairehai 😛
I jaz die 😀
http://i54.tinypic.com/wtaxio.jpg
http://i53.tinypic.com/aw3kfd.jpg
August 5th, 2011 at 12:23 am
awi ka rei…in hmeh tui lutuk beeeek!
August 5th, 2011 at 12:28 am
Welcome speed chu ngaihthlak ve a chakawm hle mai. He2. Lalpan awmpui zel che u rawh se.
August 5th, 2011 at 12:37 am
hlim tak zelin o…
August 5th, 2011 at 12:42 am
(Y) GP !
August 5th, 2011 at 12:45 am
a nawm mai bakah in hlut hmel ngawih ngawih (Y)
August 5th, 2011 at 12:59 am
Mizo nih hi a nuam tial tial dawn. Tan han la sauh sauh teh un.
August 5th, 2011 at 1:04 am
Hmelhriat an awmnual amaw kan tih chu le 😉 Khawhar tham in awm a nih khi…in ti á¹ha hle mai, Mizo nih hi nuam (Y)
August 5th, 2011 at 1:18 am
Ka mitthla cheu a lung in ti leng tak2 hle maia 🙂 Thlalak khi a hnuaiah an hming á¹heuh (Caption) pe thei la chu á¹ha viua awm a sin ka lo ti deuh a.
Winter Meet in neih leh dawn hunah chuan “Kan zo tlang ram nuam” chu a Lyrics google aá¹ang la lawk tawh la á¹hat dawn chu. Keini Mizo inhmuh khawmna reng reng ah chuan hla sak tur lo buatsaih lawk hi thil fin thlak tak a nia, zai mi kan nih avangin zai lo hian kan á¹in mang mang lo a nia.
August 5th, 2011 at 1:30 am
A laia mi khi nangmah mo? A sira kawr uk ha khi ka hre chiang, nawm hmel hle mai a. Inlungrual takin Zofate tan kawng hawnsaktu nih han tum zel teh u.. (Y)
August 5th, 2011 at 1:47 am
Ka rawn kal ve thin lai ni se ka va ti em! Dubai, Abu Dhabi leh Fujairah chu ka rawn kal ve tawh. Muscat lam daih te hruaitu inneih a. Muscat, Sohar leh Shalalah velte pawh lung an ti leng e.A nawm hmel khawp mai (Y)
Shalalah khawpawn a magic road an tih mai kha a mak ve ngawt mai. A slope ulh lutuk chu a ni lem lo a. Motor kha an ti thi a, a mahin a let zawngin a chho thei nia. Car vel phei kha chu steering ven ngai khawpin a chak ve. Beer um ka dah ve a, mahse a lum let chho ve lo 😛
August 5th, 2011 at 1:48 am
thlalak hi tam deuh lo dah ula, en ve in chakawm teh reng nen aw
August 5th, 2011 at 1:54 am
Fredy M Ralte in hria em ?
Kei chu a mah chiah ka hrelo nangin a thlalak atang chuan ka hria.
A zia e ram hla tak a thawk thei leh thawk tlak a inawm hi a hluin midangte hmahruaitu niin kal leh zel tur te kawng sialtu lo ni zel turin duhsakna ka hlan a che u.
Tun hma lam khan kan Thian pakhat Saiha nula pawh a awm thin 1997 bawr vel khan.
August 5th, 2011 at 1:56 am
darkhuanga #15 an thu ziak hnuaia khi, “more pics” tiin link click theih tur an dah khi click khut teh khai hairehai 😉
August 5th, 2011 at 1:57 am
Hmeichhia khi in indaihlo anih khi…hnamdang te kha lo neih tir reng2 suh u aw 😉
August 5th, 2011 at 3:40 am
In hmel pawh a tha e … in SPEED a tha tlang tlat! In va ngaihawm hlawm ve le!
August 5th, 2011 at 4:34 am
Pu Zawm-a nge nge, tiang hian Yangon lamah YZPT i huaihawt puia, Arab ramah Zofate in lungrualna tur kawng i dap chhuak leh zel a a va hlim awm tak em, ka chhuang nge mai che. Holiday hmangte’n vawikhat tal chu i awm lai nge a lo zin ka va chak em, Zohnahthlak te ramdang danga awmte tan hmala theitu nihzel tum teh nangtal. Hna tha tak i chelhbawka, midang tan tangkai theitu a nih nge ka beisei tel bawk. Peace be with you all.!!!
August 5th, 2011 at 9:32 am
In ti tha hle mai,chhunzawm zel chi a va ni em!
August 5th, 2011 at 9:33 am
Dubai khu a lum deuh thin nachungin khaw nuam tak ani. Thil a awm kim riau. Global economic recession hma phei kha chuan Asia rama khawpui ropui ber (Sanghai, Hong Kong leh Singapore te nen) a tling pha hman a. Mahse recession hian a pawt hniam ve fu an ti.
August 5th, 2011 at 9:46 am
A nawm hmelin in lung a leng tlang hle tih a hriat mai. Hlim takin lo awmtlang zel rawh u
August 5th, 2011 at 10:10 am
Keini, he ram- kham rang leh tlang chhengchhe pui2 awmna atanga “burma mi… mizoram mi” tia kan lo intai fek2 lai leh, tawng hriam tak2a kan insah sawk2 laiin, khawi chhuak nge tih pawh inthliar lo va, inenhranna pawh awm lo va, thlahtu thuhmun – thisenna inzawm tlat in nihna hria a, mizo/ zofa nihna atanga hetia zaikhata in luang thei thin hi alawmawmin, in hlim lai thla te hi hmuh a va nuam thin em!
Khawchhak (burma) lam unaute hi an inzarpharh nasa a, an awmna apiangah an mizo vian zel a, ram tinah mizote huikhawmtu an ni chho ta zel mai, a lawmawm e. Sap rama lehkha zir kan MLA pakhat fanu ka kawmnaah “burma mizoho an awm chhung chu ka thla a muang… engkimah an felin an tlawmngai mm a ni” a ti.
Ka han sawi duahna chhan chu : keini helai tapchhak kila tawm kukho hi kan rilru a lo te em a ni…
August 5th, 2011 at 11:54 am
Speed / speech auto correct,
Kan in lungrual in, kan hlim ania
Ka tho ve chiah, ka rawn reply a enge in zawhna vel, ha nawh zawhah, khanghu leh zawngtah rim ka la nam LOL
August 5th, 2011 at 12:11 pm
@HV, I pic rawn tarlan ber kher khi ..dislike, chemtanrawta lem ah min chan tir an tuma, mahse khi ka lo thu lang lo anih khi he he.
Invai in ZSE hmingin, kan meet leh huna min lo tel pui tur ka sawn duh bawk a che u
August 5th, 2011 at 12:12 pm
admin online in awm chuan speed tih khi speech in min lo thlak sak u..ka lawm e
August 5th, 2011 at 12:15 pm
DXBFreak #26 I pa hmel hnip hnep em alawm hahahaha 😛 I pian ala dik zeih zawih khawp mai.. keini chu dul zuah lam kan hnaih tan tawh hairehai 😉
August 5th, 2011 at 12:26 pm
Tun July/2011 chhuak Pu Vanneihtluanga Lengzem thlakip bu ah chuan ANTI tih huangah chuan”Kan Burma mi awmpui thin te khan ram dangah chuan min awmpui tan tawh anti” tih hi a awm
August 5th, 2011 at 12:27 pm
Ti daih ila tawkte hi enge a sap hming aw. tawkte pickle hi ka nei a, thiante bulah engtinnge ka sawi ang aw… tih kalo ngaihtuah mai mai. 😀
August 5th, 2011 at 12:33 pm
Tawktes ti mai rawh,an hrethiam chuang lovang…..lolzz
August 5th, 2011 at 3:02 pm
A lawmawm e. Inlungrual taka in awmzel ka duhsak a che u. (I)
August 5th, 2011 at 3:56 pm
Nula ho zawng zawng kha minlo biak. Avan nuam dawn em, nuam dawn em.
August 5th, 2011 at 5:32 pm
@28 HV, yiala, kum 30 nih hi chuah dul lo hi zuah tur awnm tawh hek lo he he..
@CFL thankx
@PC-a ka lo biak mawlh mawlh ang che