Julius Ceasar-a te hun hma lamah chuan, Rome hi Mimal Lalna hnuaiah a kun ngai lova, Senate hovin a huhovin ro an rel thin a ni.
Amaherawhchu, mi danglam bik hi chu an awm a, Chakna , Finna, Huaisenna , Hmangaihna leh Midangte tana mahni inpek zawhna lam kawnga Fak tlak leh entawn tlak, Rome tana hnehna ropui chang a, Ram leh Rallak sum chhiarsen loh Rome khawpuia rawn seng lut thin tu, General Ropui Ceasar-a chu Mipuite chuan an Lal (Emperor) turin an it ta tlat mai si a.
A Senator puite ngaih a ngam thei lova, an itsik a, an thik a, Dah bo zai an rel ta a ni. Senate Meeting a akal tur,a Nupui Calpurnia in theih tawp chhuah a dan a tum chungin, amah phiarrutu thenkhat ten, Thaibawih ang dawn dawn a an tih elna chu ngai ngam lovin, “Cowards die many times before their deaths; The valiant never taste of death but once” tih thu hming thang sawi chungin a kal lui ta a.
Senate Members ho amah phiarru tute chuan, Ceasar-a thian rinawm ber Mark Antony an thlim te te a, Ceasar-a, “ Dan kuai kul ve ngai lo, Ni chu ni, nilo chu nilo” ti tlat thinin a ngaihdam theih reng reng loh tur misual a hnawh chhuah, Publius Cimber-a ngai dam turin an dil ta a. An zavaiin tangrual mahse, Ceasar-a a nghing eih lo.
“I could be well moved, if I were you;
But I am as constant as the northern Star”
A ti mauh mai si. Casca an, “Speak, hands, for me” ti pahin a vit ta hrawih mai a. Chutah an lo ruahman lawk ang ngeiin a thian dangte pawh chuan an rawn vit ve ta thliah thliah a. A tawpah, a thian rinawm lutuk ni a, alo ngaih leh amah chhan a, a vittute pawh bei let tura alo bei sei, ‘Marcus Brutus’ ngei mai chuan diriam takin a rawn vit ve ta tlat mai a.
Caeser an mak ati lutuk a, “ET TU BRUTE” (Nang leh zel pawhin maw Brutus) ati chuai raih a, a thi ta a ni. Mark Antony phei chuan, “Brutus-a vihna hmuamhma kha mi dang zawng vihna hmuamhma aiin a zau bik a, diriam tak a kar ani tih a hriat a, Ceasar-a rilru ana lutuk a, a thinlung khauh em em pawh a puak keh zo a ni” ti hialin a sawi.
Kan Lalpa Isua hnung kan zuina kawngah pawh hian, Engatinge Pro Pastor Nula rim leh ngaihzawng nei an sawi duh em em bik? Engatinge Pastor leh Kohhran Upa fate sual han ti ve zeuh a lansarh em em thin? Engatinge Lal Davida vawikhat Uire heti em a a lar bik a, Khati em a Pathianin a hrem mai? Engatinge Gospel Singer te chet chhiat a lansarh em em bik le? Engatinge Camping chhuak Piangthar da leh te kan hmuhsit em em thin? Chhan zawng a awm a ni.
Mi Piangthar lem lo Rui ve fo thinte Hlep ruk chu mak kan ti lem lova, an tih awm tak an ti ni maiah kan ngai. Mahse, Kohhran Upain a hlep ruk ve vaih chuan a danglam daih a ni. Pathian khan Joba kha a chhuang em em mai a, Setana lakah pawh a uanpui ngam a, a nunna chiah zuah saka a duh tawka a nghaisakna hmanga fiah kha a phal tlat a ni. Pathianin a rin ang lo deuh khan, Joba khan a Lalpa kha sawichhiain phatsan thuai ta mai se, a rilru ava na dawn em. Setanan a han uan khum ngei bawk ang a.
Lal Davida’n a sipai tha leh rinawm Hit mi Uria nupui Bathsebi a uire khan Pathianin Zawlnei Nathana a tir a, Tehkhin thu hmangin a han vehthlem hmasa phawt a, Lal Davida lahin amah a sawina ani tih hre hek lo le. “Lalpa nunna chhalin ka sawi e, Chu thil titu chu tihhlum mai tlak anih chu” a ti ta tun tun mai.
Nathanan amah chu ani tih ahan hrilh meuh chuan, “Lalpa chungah thil ka lo tisual ta a ni” ati chuai raih ta mai. Nathana khan, “Lalpa pawhin I sual chu a dah bo ve ta e” a ti na a, “Amaherawhchu, he I thiltih hian Pathian sawichhiatna remchang tak Lalpa hmelmate tan I siam avangin naupang I laka piang chu a thi ngei ngei ang” a ti ta hmiah a. Lal Davida tuarna zo zaite kha a rapthlak e ti rawh u maw.
Krista zuitu Kristian intite, Kohhran enkawltu leh hnar kaitute, Kohhran Upa leh Pastor te, Gospel Singer, Evangelist leh Missionary zingah te pawh hian, Midang tana sual anga ngaih lem loh thil mawilo hi a awm hma em em mai a ni. Missionary Field khata awm kumpui linglet inngaizawng te hi, buaithlak duh deuh an nia, insawi rethei a, insawi khawngaih thlak a, pawisa khawn thiam riau te hi kan lo awm palh ang e.
Midang tana thil pangai mai, Nula rim te hi Pastor tan chuan hmingchhiat theih tawp theih ani tlat a ni. Gospel Singer Lar nihte hi aman pek tur a sang asin. Vawikhat hmingchhiat tawh chuan, an lar poh leh a ser a reh har tawh mai a ni. Chhiahhlawh fel Joba anga Lalpa pawhin Setana hmaah pawh a chuan thin nih tum ila, Lehlama tangte tana Lalpa leh a Kohhran Sawichhiatna remchang siamtu nih loh theuh I tum ang u. Lalpa hian, “Nang leh zel pawhin maw” (ET TU BRUTE) min ti ve hlauh palh ang e.
August 7th, 2011 at 6:01 am
chhiar dawn ang hmiang..
Ziak tha hle mai… Good post ( Y ) Pathian hi a mi-te ah hian a thikthu hi a chhe bik em aw..te pawh a tihtheih a ni.
Hei vang hi nia..mi lar/celebrity ka nih duhloh na chhan !…lolz
August 7th, 2011 at 6:32 am
Zephenath chu tho zing hle mai a.
August 7th, 2011 at 6:45 am
Good post, min ti harh sawng sawng mai
August 7th, 2011 at 6:48 am
Ku Pk paws chu chhiar a nuam leh hle mai, a bak chu kawmen hrihlo mai ang, ka hul tlat. PT (paws tha..)
August 7th, 2011 at 6:48 am
very very good post… (Y)
August 7th, 2011 at 6:49 am
A va ril em! Kan mithiam leh missionary-minded mi rilten Zoram kalsan a, Adi-ho in zu chàwm ta daih mai hi chu … in vawi hnih khat sermonette kan lo chhiar ve zauh ringawt pawhin, kan chân hnem tih a hriat mai!
Teihawina a ril poh leh, analogy mak dangdai in chhar chhuah phah dawn bawk si, ethne (singular ethnos) tin-a rawng bawl tura in penchhuahna hi Lalpan malsawm mawlh rawh se.
Thuthmun rawngbawlna hetianga PKfanai-in min rawn neihpui zauh zauh hi kan nihlawh phah hle bawk.
Celebrity ka lo ni ve chai lo hi —mi dangte tana malsawmna Pathianin ka kova a nghah a ni ve tlat! Mi dang tana chance … kei celebrity ni ta ngat ila, chung lam atanga hrin ka nihna pawh hi chen da tur khawpa pa lungmawl, sawngnawi, hnute tuia chawm ngai reng ka ni si a.
PKfanai hian inspiration tharin min chawm tak zet a ni, veneer christian nih reng mai hi zawng —ngaihthatna a siam chawp theih lohva, thlamuanna phei chu KAHA?
Post tha tak a ni!
August 7th, 2011 at 6:50 am
Avan ngaihnawm char char vele (Y)
August 7th, 2011 at 6:51 am
A ngaihnawm em mai alawm nan:
http://www.youtube.com/watch?v=3grSSc4OrGc&feature=player_embedded#at=251
August 7th, 2011 at 7:03 am
Post tha hle mai. Inenfiah nan leh fimkhur nan a van tha em! Chawlhni tuk harh hlim veleh thlarau lam chaw tak min hlui a, a lawmawm e.
August 7th, 2011 at 7:04 am
Tha hle mai (Y)
Lalpa’n, “Nang leh zel pawhin maw” (ET TU BRUTE) min tih ve lohnan fimkhur a tul hle mai maw. (Y)
Kha le.. zing thingpui (C)
August 7th, 2011 at 7:27 am
Tha hle mai. Misualho pual camping neih hunah speaker atan ka hual e.
August 7th, 2011 at 7:31 am
I kuai lut thiam hle mai.
Vawi tam tak he thu hi zawhin ka awm tawh awm e. Chuti a nih avang chuan Casca ang leka ngaih theih ka ni. Mahse, Brutus ang mai pawh ni lo, Mark Antony ang hial zawkin, a aiawhtu atan min la thlang fo zawk thin hi a va mak em !
August 7th, 2011 at 7:32 am
Ziak tha hle mai..Pathian rawngbawltu ni a inchhalte tan phei chuan in enletna tur thu tha tak ani e. (Y)
August 7th, 2011 at 7:42 am
#13 amen (Y)
August 7th, 2011 at 7:59 am
Tha hle mai a (Y) (Y)
August 7th, 2011 at 8:33 am
Post tha tak a ni e. (Y)
August 7th, 2011 at 8:49 am
a manhla e
August 7th, 2011 at 8:51 am
Post tha e. Thuchah tha tak a ni. Julius ceasar-a thonthu…ka lung a ti leng..
August 7th, 2011 at 8:57 am
(Y)
August 7th, 2011 at 8:58 am
Post tha tak a ni satliah mai lova, post ropui tak a ni, Pathian ropui nan.
August 7th, 2011 at 8:59 am
Ramthim misionary teacher rai pawh ka hre ve asin.Khawvel a ni e..et tu brute
August 7th, 2011 at 9:05 am
PKFanai(Y) ‘Happy friendship day’ vek ule..
August 7th, 2011 at 9:11 am
Khawnge he post rilrua ngaihtuah veng veng chungin inkhawm turin ka han liam tawh te’ng.
August 7th, 2011 at 9:16 am
Comment tu te zawng zawng, in zavaia chungah Lawmthu ka sawi e. Vawiinah hian NERIST Christian Fellowship (NCF) ten, Kal tharte Lawmna inkhawm an nei dawn a,(Freshers 100 vel an awm a, Mizo pawh 30 dawn an ni) Senior Adviser ka nih angin min sawm ve a, ka han inkhawm ang. Ka han tlak leh duah mai thei a ni. Pathian thu tak lem loah pawh, Naga leh Khasi ho inti Saptawng thiam lutuk hma a, han in tìh theih ve reng reng pawh hi nuam ka ti ve hranpa ve reng reng thin. See you soon.
August 7th, 2011 at 9:21 am
(Y)
August 7th, 2011 at 9:22 am
I rawn chhep chhuak nalh kher mai @PKfanai, a ngaihnawm lutuk (F)
August 7th, 2011 at 10:14 am
A tha hle mai. I chhep nalh khawp mai……A ropui e.
August 7th, 2011 at 10:19 am
A ropui e ti ve ngawt ang. (Y) Mahse, ka hul thin helam topic ah chuan a chhiar tur hi han thawh zel u la. Kan tih ve theih tawk lo chhiar erawh kan hmaih biklo a nia
August 7th, 2011 at 10:35 am
‘not that i love caeser less, but that i love Rome more- i slew him’-Brutus a’n a tih ang deuh khan, khawvel hi ka thlahlelh miah loh vang ni lovin Pathian kan ngaihpawimawh vang zawkin khawvel hi khengbet ve ngam tur kan ni. Khawvelin min khenbeh rual hian keini pawn khengbet ve tur kan ni si a.
‘An chhinchhiah bik che
i chetzia an thlir
i sawi apiang an ngaithla.
Chhandamtu chu nangmahah en chhuahtir la,
A thu thuin nitinin awm rawh.’
Good post. (Y)
August 7th, 2011 at 10:38 am
(Y)
August 7th, 2011 at 11:27 am
Hei zet zawng ngaihtuahna a ti thui raih,tha tak ani tha tak (Y)
August 7th, 2011 at 2:36 pm
a thuchah chu sawiloh, i chhehchuhah dan hrim2 khi a va mawi em!
August 7th, 2011 at 5:00 pm
very good post..
August 7th, 2011 at 10:33 pm
A va ngaihnawm ve hei chu (Y) (Y)