Tum khat chu Serchhip Hmar vengah ka lenna thin pangaiah ka leng leh alawm mawle. Mikhual, N.Vanlaiphai lam mi (ka hmelhriat sa) an lo nei nghe nghe a.
Ani chuan a bialnu a rim duh thu min hrilh pah chuan, a pheikhawk a theihnghilh avangin ka pheikhawk bun hawh chu min dil ta pek alawm mawle. Kei lah chuan, “lo kir har lo la,” tiin ka bun hawh tir ve mai bawk a (ho angreng).
Zan a rei tulh tulh a ruah lah chu a sur nasa ta tawlh tawlh mai a. Ani tlangval leng lah chu lo haw tih reng a awm thei ta silo. Zing dar 2 thleng ka nula rim te choka ah chuan kan thu dun a, kan nui ker ker a, thingpui te lumin kan ti ti mai mai a.
Chutah leh a u (upa ber) a lo lut hlawl mai a, ani chuan ring tha leng lawng tak mai hian, zan tin inleng an neih thin thu leh kei anga leng rei an la awm ngailoh thu te, haw na chang ka hrelo chu mawl min tih zia a rawn sawi ta bawrh bawrh mai a.
Ka haw tlai chhan kan sawi ve ngial pawn, “tinge i bun tir teh ei,” min ti fel et mai si. Kei lah ruah sur tuihawk karah kelawng chuan thlenna lam ka pan duh bik der silo, kan kiangah chuan ka awm chhung chu a ding ve ta char char a 
Ka haw dawn chuan an pal ka thiah sak vek a, a tukah chu nula nen chuan kan siam tha leh.
Aizawl lamah vawkchaw lak tur te avan tak em avang chuan Serchhip lam hi ka pan fo mai a. Zapan hlo te kawng sirah a tam thin bawk a chung chu ka la thin a, thianpa Matluanga te bus in ka phur haw leh mai thin. PWD staff ho hian tlai dar 3 hnu hi CRY TIME an ti mai thin a.
Tum khat chu ka va tel ve a dangdai ka ti khawp mai. Zu litre 5 bur an in chhawp a, an in liam liam a, an rui deuh ta tihah chuan an in ti lungchhia a, an tap hluam hluam ta mai a, an tap chu an in thlem a an tap zual sauh sauh ta thin a. Chumi chu nuam hi an ti em em mai ,a cry time ah chuan an Qtr pakhatah an lut a an tap tliar tliar thin.
Serchhip IB awmlai kha a ni a, tleirawl chhelo deuh mai hi ka hruai lut ve e ka tia. Nakinah chuan a u mipa hian a rawn zawng ta pek alawm mawle. Khumhnuai ah rang fe hian a tleng lut vel zuk a. Chuta tang ngei mai chuan a u chuan a samah an kek chhuak a nih kha a nuihzatthlak si, a zahthlak deuh bawk si, pum na urhin ka nui ru char char.
Tum khat pawh Oasis bar awm laia thawk thin vaipa ka hmu nawlh mai a. Ani lah chuan min ngai der hrep a kan leng dun ta a. Kan lenna hi Serchhip bazar thlang lane ah khan a ni nghe nghe. A rui ta deuh chu ka zai tir ta a, a zai lai em em mai lehnghal.
Kan chhuak chu bazar sazawrhna hmunah chuan nichin a sazuar lo awm ve, vai zai ning lutuk pakhat chuan min lo tibuai ta. A sa zawrhna dawhkan te chu a pherh ta pheng phung a,a sa zawrhlai pawh a bal zo ta vek a, a hlawk lo khawp ang le. Nakinah chuan fiamthuah hmangin kan inkawm ho leh ta tho a, hoh theih fia fia.
Serchhip Chhimveng tawng tlem:
1.Thuamhnaw hring (green) ha hi “Ha hel” an ti a, thuamhnaw sen ha hi a “Ha hmin,” an ti thung. Eg: Excise constable ho hi an chhipchhuan hel an ti (lukhum hring) Kawr sen ha ho hi, A”A ha hmin tek tek,” an ti leh mai.
2. Hakuh hi “Hûng pawn,” an ti. Eg: Saw nu chu a hûng pawn ve hle mai a…tiin pal (fence) ang maiin an sawi thin.
3. Mut chhuak hi “Chhingmit kawpza rul” an ti thin. Eg: Ka chhingmit kawpza a rul ta raih mai.
4. Bike khalh hi, “Per rûm” an ti thin. Eg: Bike in ka leng dawn tih aiah, “kan per rum teh ang”.
5. Ke a kal hi “Hringnun tawlai hawl” an ti thin. Eg: Ke in ka kal mai ang, tih aiah, Hringnun tawlai kan hawl mai ang e.
6. A rualin nula an rim a, an haw dawn hian pakhat a ding hmasa a, “Zi thawlh,” an ti a, midang zawng chu an ding rual suau thin.
August 7th, 2011 at 10:59 pm
sam kir te hi “chhuang chu pe kir e”
Report this comment
August 7th, 2011 at 11:04 pm
carrom pen chang a han luh mawi deuh te hian “thawlh mawm e”
Report this comment
August 7th, 2011 at 11:43 pm
Zu in tap hluam hluam sawi takah chuan khaw pakhat ( A hming sawi lo mai teh ang) a an zu rui sual pawh khan an kut tang an intan bun tam siak mai a nih kha. An harh fim hnua an inchhir zia kha aw……
Report this comment
August 7th, 2011 at 11:44 pm
Post tupa hi Serchhip ah han kal leh ta se ‘ka pa’ an lo ti sup sup mai angem :logout nghal:
Report this comment
August 7th, 2011 at 11:49 pm
1986 bawr vel khan Serchhip khua Hahdamna fiiling station ah khan zu rui tawkin kan thian te .Pump neitu fa te nula ho nen ar kan kang kan thianza ho rui kan tap hrep tawh a nuam tak tak a sin.Rui lungpuam lungchhe vankai a han tap a ia nuam hi a vang ka ti hahaha
Report this comment
August 7th, 2011 at 11:49 pm
#54 kan sawi ngam loh i rawn sawi a, min tlanchhiatsan zui—
Report this comment
August 8th, 2011 at 1:00 am
As_Khiangte #54 mai mai che hian hairehai
Report this comment
August 8th, 2011 at 7:44 am
Ngaihnawm, hlimawm hle mai
. post tupa i thil tawn leh hriat te hi i sawi ngaihnawm thiam thin bik ngawt mai 
Report this comment
August 8th, 2011 at 8:08 am
Serchhip ho tho hi a mi an motor chuang tur leh chhuk tur “i motor ah ka lo inthiat lutlak ve ange, (an chhuk duhna hmun) ah min chhuah dawn nia” ti thin an tih kha?
Report this comment
August 8th, 2011 at 8:09 am
xela #59 in van hre hlawm ve a hairehai
Report this comment
August 8th, 2011 at 9:10 am
Serchhip zing bus a awm lai pawh khan Seling, Tlungvel leh Thingsul ho chuan serchhip bus a tlan liam hma chu an fate an chhuah tir ngai lo an ti
Report this comment
August 8th, 2011 at 9:15 am
Lukawlh hi “zuah filh ve”, pheikhawk thawlte hi “ka luah zo lo”..kan risk belh lawk, nghawng hi lu ban, thlangra hi buhfai lammual
Pu HVa post anih tawh chuan ngaihnawm ti takin ka chhiar thin
Report this comment
August 8th, 2011 at 9:31 am
61chhangteval@ a post tupa thiante, Matluanga, Liandailova te kha an tlan chak thin em a lawm le. khaw dang Bus te pawn kan in tawh hma chu ralmuangin kan tlan theilo an ti. ka lung aleng vawng vawng.
Report this comment
August 8th, 2011 at 9:56 am
Serchhip nula inla zei ve tak pawh khan a thiante hnenah, ” Vawiin chu Bus bangah bet, vawksa thau tlang hnih ka chhar a, a hmui tui tawp..” ti vel.
54
As_Khiangte # Serchhip chauh pawh a ni nang, khawi khawi emawah pawh a niang chu maw le…..(logout ve nghal)
Report this comment
August 8th, 2011 at 11:43 am
kan thianpa pakhat pawh hi, a meng zim lutuka,’chhingmit kawpza rula’ kan ti ve tawp alawm,, min ti hrechhuak zawk mai
Report this comment
August 8th, 2011 at 3:31 pm
Serchhipah khian nula pakhatin min tah nghek tawh… ka zak mai mai
Report this comment