1. Anchhe lawh mahni chungah a tla thei.
2. Bawlhlo tih nawmnah loh tur.
3. Buhtuh a ramriah loh tur.( Buh lukhama riah loh tur).
4. Chakai ramhnuai a chawhmeh a tan a hman.
5. Chirhdiak laiah hma phel loh tur.
6. Do loh thah chu chhuanthum thlengin sihsar a chhuah thei.
7. Farnu te nupui a innneih thleng.
8. Favah inneih a chhawm.
9. Hmeichhe manah dar hman loh tur.
10.Hmeichhe thah ruang a zangthal a dah loh tur.
11.Hnam leh samkhuih inhman tawm.
12.Huan mawngtawlh chu nu thihna.
13.Huanpal leh lo ri an sawn ngai lo, a lu hawn loh chuan a beng hawn tur.
14.In ngawidawh a sak.
15.In dinglai chhung khung a in sak.
16.Inpui luah dawn a chhungkaw kim loh.
17.Kalkawng sira thinglian tlu chu lenglai thihna.
18.Kawr karkalak a In sak a thiang lo.
19.Keptuam hmuh a tha lo.
20.Khawtlang awmni serh loh chu vanni chhalna.
Source: Mizoram General Knowledge 3rd Edition. Chhunzawm leh tur….
NB: Heng thu te hi kan hriat ve zel hi thain ka hria. He lehkhabu hlu tak mai hi kawl liam mai mai atan chuan a pamhmai luain ka hria a.Ka misual.com memberpui te hian in lo hriat ve ka duhsak em em che u bawk si a. A bu hi lei ve ngei pawh a tha khawp mai. Hetia rawn post hian a bu buatsaihtu pawi ka sawi a nih chuan ngaihdam ka dil nghal bawk e.
Similar Posts:
- Pipu thufing leh serh leh sang – II
- Pathiannia infiam lo turin ngen
- Ruang chhar ani
- Hmeichhe naupang pawngsual hnuah that
- Mipa Serh
:-D
August 10th, 2011 at 8:03 pm
P1 leh Pu-te thusawi tam tak hi dik pawh a tam a ni.
Report this comment
August 10th, 2011 at 8:03 pm
Ka awoh vek hran lo
Report this comment
August 10th, 2011 at 8:13 pm
dead hlom tawp…ka ngaina lo :@[
Report this comment
August 10th, 2011 at 8:14 pm
5. Sawntlung pawnga hmaphel zawk emaw ka tia.
14. In ngawidawh a sak tih awmzia ka hre hauh lo mai a!
20. Van ni chhal nge van ni sal?
Report this comment
August 10th, 2011 at 8:14 pm
Post hlu tak a ni, kan pi leh pute hi fing deuh an ni.
Kan naupanlai a kan hlauh em em thin, sephung laih laiin a lu lam a awm chu meihawlah a chang duh tih te kha, kan incheh palh an hlauh vang a lo ni reng a. A lu lama awm suh u in inchek ang chu ti se kan hre reng dawn der silo a.
Report this comment
August 10th, 2011 at 8:15 pm
Ka hriat ngai hlawm pawh ka hrelo e
Report this comment
August 10th, 2011 at 8:22 pm
13. “…….a lu hawn loh chuan a beng hawn tur.”
‘a beng’ ni lovin ‘a lei’ a ni zawk lomaw ka tia. Eng a sawina nge ni reng reng le?
Report this comment
August 10th, 2011 at 8:26 pm
In ngawidawh a sak tih awmzia ka hriat dan: mualdung tawp a mual lu lam hawi cho zawng a in sak.
Report this comment
August 10th, 2011 at 8:28 pm
Zu tha lo tihna lam a awm miah lo mai a! Part 10-na hnu lamah chuan lang ve mahna!
Report this comment
August 10th, 2011 at 8:35 pm
Nia VAI leh ZU sawisel na awm miahlo
Report this comment
August 10th, 2011 at 8:37 pm
9 Ignatia (33-115 AD)
Min nuih chhuah tir huk chu le. I thluak kha ka like e. 
Report this comment
August 10th, 2011 at 8:45 pm
tlangval zurui chu phungin a keuh duh…., te lo ti vel ila, lol lol
Report this comment
August 10th, 2011 at 8:50 pm
Hriat ngai loh a va tam ve… Bengvar nan a tha e.
Report this comment
August 10th, 2011 at 8:54 pm
3. Buhtuh a ramriah loh
tur.( Buh lukhama riah loh
tur). Tih hi enge awmzia, ka van hrethiam lo ve,
Report this comment
August 10th, 2011 at 9:09 pm
14 Telphawka@ buh lukham a ramriah loh tur tih ka hriat dan: buh tuh tawh hnu buh la to hma si ruahtui tlak hnu a ram riah sawina niin ka hria, hetih lai a ramriah chu sikserh (malaria) kai awl lai tak a nih vang a nih hmel.
Report this comment
August 10th, 2011 at 9:12 pm
5. Chirhdiak laiah hma phel loh tur. tih hi kei pawh ka hre thiam chiah lo
pipute puithuna hian kawng tam takah awmze thuk tak a nei, thil mawi leh mawi lo lam a ni zawkmahin kei chuan ka lo ngai thin
good post
Report this comment
August 10th, 2011 at 9:24 pm
#15 Buh chi lukhama ramriah chu thisenin a theh duh damlohna an ti niin ka hria. Thlam dap bang tharah khan; ramhuai hlau ta reng reng chuan thisen awm ang an lo hmu emaw teh reng dawn ni. Nia, sikserh avanga damloh tam hunlai a nih vang an ti.
#16 ‘Hma phel’ khi chu hlothlawha tumkhata thlawh chin tur hmazawn an cut sawina.
Report this comment
August 10th, 2011 at 9:43 pm
Ka hriatthiam map loh te:
3. Buhtuh a ramriah loh tur.( Buh lukhama riah loh tur).
5. Chirhdiak laiah hma phel loh tur.
12.Huan mawngtawlh chu nu thihna.
14.In ngawidawh a sak.
A dang poh khi hriatthiam, mahse hriat ngai loh ka nei nual…
Zohte dumin kan kawng kal lai min cross deuh sak hi anduh lo vaiu thina (hnam hrang2 te hian).. enge a chhan niang le?
Report this comment
August 10th, 2011 at 9:59 pm
Buh/chaw sawisa suh, anchhia leh ṭam a ko.
Report this comment
August 10th, 2011 at 10:33 pm
Lily Parmawia #18: Ka thiam danin ka han chhang ve chhin mai mai che, dik tak maw!
3. Buhtuh a ramriah loh tur.( Buh lukhama riah loh tur).
= Buh chi leia a mut laia ram riah loh tur tihna mai a ni a, tunhnua ngaihtuah hian sikserh tam hunlai a ni tlat.
5. Chirhdiak laiah hma phel loh tur.
=Ka hriatdan chuan ‘sawntlung’ a ni a, chirhdiak/sawntlung zawnah tak khan a phel ngei turin hlothlawhin hma lak loh tur.
12.Huan mawngtawlh chu nu thihna.
=Huan mawng lam tawlh fual/zauh thlak loh tur
14.In ngawidawh a sak.
= Tlangdung/mualdung khar zawng taka insak
A dang poh khi hriatthiam, mahse hriat ngai loh ka nei nual…
Report this comment
August 10th, 2011 at 10:35 pm
Buhtuha ram riah a ni lovin ka va hre e. Buhtuhte chuan tunlai thlengin an riak luai luai a lawm. ‘Buh chi phurh luh nia riah a tha lo’ an ti zawk lo maw aw? Chu chu Buh chi lukhama riak an ti bawk.
A chhan ni theiawm ka post tawh nghe nghe:
“Buh chi thlak ni hmasa bera riah a tha lo: Hei hi buh chi lukhama riak an ti, an duh lo. Ti hian ka’n zeldin teh ang- Hmanlai chuan Lo tin engemaw zat hmun an vat a, buh chi ringawt pawh phurh tham tak meuh a ni. Buh chi phur lut chung chuan ram riah thawmhnaw leh tul dang a ken hleih theih loh. Chuvangin an riah paw’n buh chi an lukham mai mai ang a, chu chu buh chi tan a tha lo a ni ang. Buh chi hi a hum a keh chuan a tiak tha thei bawk si lo. A chi dah ni atan an ngai anih a rinawm.”
Ka post-na link ka’n dah ve mai mai ang e
https://misual.life/2011/04/.....a-thlirna/
Report this comment
August 10th, 2011 at 10:41 pm
@Pu muantea..
Ka lawm lutuk e…
Duh vang reng nilo hian hriat loh theih ve tlat. Tiang khi kan zir ngai pawh ka hrelo Mizo subject ah khan.
Report this comment
August 10th, 2011 at 10:41 pm
Report this comment
August 10th, 2011 at 10:43 pm
‘Chakai ramhnuaia chawhmeh a hman’ hi a rawh hmin an ti kher thinin ka hria. Chakai hrim hrim hi chu kan hmeh ngun tlang khawp mai ramhnuaiah pawh aiawtte kan chiah a, Thlama chhum tumte pawh a awm-mahse upate khan rawh-hmin an duh ngai lo-min hrilh thin.
‘Sawntlung pawngah hma an phel ngai lo’ tih hi a dik zawk ka ring.
Hlo thlawh hun lai hi fur lai a ni ber a. Sawntlung hi furah a nal hle bawk. Lawn reng hi tluk sual a hlauhawm bakah a hnahnih ve a, hma phel nana hman loh kha a finthlak ber.
Post hi tunlai thlirna atanga han analyse ka chak mange.
Ka hriat loh pawh a awm.
Report this comment
August 10th, 2011 at 10:45 pm
Naktukah keima chung chang bik a thil mak ka tih leh ka Puithu riauna rawn post ka tum ang. Mak ve deuh a ni.
Report this comment
August 10th, 2011 at 10:48 pm
Pu CFL chu thruist khawp mai a…a tha e.. GUD POST..:):D
Report this comment
August 10th, 2011 at 10:57 pm
Kan pi leh pute Puithuna hi Kristian kan nih hnu pawha kan la buaipui chiam mai hi chu ho ka tih zawng tak a ni, ka ngai thutak lem lo e
Report this comment
August 10th, 2011 at 11:04 pm
Buh chi lukham a ni ka hriat ve dan chuan; Buh chi lukham a riah chu thisenin a theh a, chakai a mita thlam hnuaia khai pawh thlam a sawi ngei ngei an ti.Ramhuai tih/hlauhna nen a zeldin a nih hmel.Thosi in puar taka mi ramriak a seh khan, dap banga a han fu khawm kha, a luak nge/a ek zawk, thlam bang dap tharlam takah khan a lang hma ta bik em em a, chu chu ramhuai hlauhna nen zeldinin ramhuai thisen thehah an ngai ta thin a, hlauh sa nak a laiin an han damlo zui phei chuan huai anti lungawilo ngei niin an in ngai bawk…..tiin upa sawi ka hre tawh.
Report this comment
August 10th, 2011 at 11:48 pm
A khawi mah khi a hlauhawm loh khi a! A hmasa ber khi chu rilrua vawn reng atan a tha viau.
“7. Farnu te nupuia inneih thleng” tih khi ka hrethiam miah lo.
Report this comment
August 10th, 2011 at 11:57 pm
Chaw tak khuka khuk pui thamah ka ngailo. An thukhuh dan hi an fin zawh loh vangah ka ngai. Thutakah (thiangloah)ka ngailo hrim2 tlangpui.
Report this comment
August 11th, 2011 at 12:17 am
‘Tlung leh’ pawh an duh lo an tiin ka hria
Report this comment
August 11th, 2011 at 12:34 am
Chaw eitam chu puarna..
Report this comment
August 11th, 2011 at 1:20 am
la hriat miah loh leh a awmzia hriatthiam loh ava tam ve
Report this comment
August 11th, 2011 at 1:41 am
A tam zawkte khi chu tunlai khawvelah chuan thianga ngaih tawh chi a nih khi a.
Report this comment
August 11th, 2011 at 2:32 am
Ka hriatloh a awm zauh2 mai a..
Report this comment
August 11th, 2011 at 3:24 am
Zawhte in i kawng kal laia a lo kan ve chuan, Zawhte kha kawng lehlam atangin kawng lehlamah a kal duh tihna ni mai!
Report this comment
August 11th, 2011 at 4:46 am
eng pawh chu lo nitase.. Kan pi pu ten an lo serh kha chu a zahawm ka ti hrim2.. Mizo kan nih chuan kan pi pu te serh leh sang hi chu kan ngaipawimawh tur ah ka ngai…a diklo pawh a awm ang mahse a diklo a vek miahlo ang.
Report this comment
August 11th, 2011 at 7:09 am
29. Hlate khua, ‘Farnute inneih thleng’ tih awmzia chu, i nupui a nuta(unaupa) khan, i farnu(unaunu) nupuiah nei ve leh ta se; chutiang chu a ni.
Report this comment
August 11th, 2011 at 7:56 am
Engah mah ka ngailo tih ngawt chi niin ka hre lo, an hunlai a piang a awm ve ni ila kan ngainep hauhin ka ring lo.
Tin, tamtak hi chu tunthlenga pal zut mai mai loh chi a awm tlat a nia.
Chakai chungchang khi ka hriat dan chuan, ramhnuaiah chakai rawh loh tur sapui/sakei a hnai duh tih a ni. A rim nat vang pawh a ni maithei.
Report this comment
August 11th, 2011 at 9:41 am
Pi pu tena thianglo an tih hi awih chiah lo mah ila, a ti luitu nih erawh an duh lo tlangpui.
Report this comment
August 11th, 2011 at 9:49 am
Tamtak hi chu kan zawm tawh lem loh annih hmel…
Report this comment
August 11th, 2011 at 9:50 am
@ Pu Muantea…
11.Hnam leh samkhuih inhman tawm.
=> hrik inkai a awl vang a niang a? Hmanlai kha chuan hrik a tam awm sia..
7. Farnu te nupui a innneih thleng.
= chi loh ve hrim2 lol
Report this comment
August 11th, 2011 at 10:31 am
In comment a ngaihnawm in a then chu a nuihzat thlak hlawm khawp mai. In ti lawmawm e. Kan pipute’n thiang lo an tih thenkhat scientific explanation in sawi thei khi in fakawm khawp mai. Post tu hriat dan leh in hriat dan inmil lo a awm nual a. A chhan nia ka hriat chu khaw hrang hrangah hriat dan leh sawi dan a dang hret hret a. Kolasib vela an hriat dan leh Biate (Tuichang ral) lama an hriat dan chu in an ngaihna a awm lo reng ani.
Report this comment
August 11th, 2011 at 11:05 am
19.Keptuam hmuh a tha lo.
Enge keptuam chu? A hrim² in hei hi a van fair lo bik ve! A dang te khi chu thil avoid theih a nia, hei hi chu kan hmuh thut tawh chuan hmu a ni der tawh….hmuhloh der theih tawh si loh!!
Report this comment
August 11th, 2011 at 11:43 am
Ozima #4, “van ni chhal” ni lovin “van ni sal” tih zawk tur a nih khi! “Van ni chhal” tih khi chu chhechham tawngkam a ni a, tih leh tih loh tur thu-ah “Hei hi ka tih or tih loh chuan niin min tlakpui rawh se,” tih na a ni. “Van ni sal” erawh chu “vanduai, hamtha lo, dam rei lo” sawina a ni. “Buh lukhama ramriak” tih pawh khi buh tuhni ni hmasa ber sawina mai a ni. Buh tuh ni ni hmasa berah hian an riak lut ngai lova; a hnuah chuan an riak lut thin tho. Chutiang bawk chuan lo an vah ni ni hmasa berah hian an riak lut ngai lo bawk. Riah luh chu sawi loh chaw pawh fun lovin chawhma chauh an thawk a, chawhnu lamah chuan an haw daih zel. A zanah an mumang lam an ngaichang thin a, an lo pawm turah chuan thiang lo a awm em tih an hriat theih nan. Chu chu “mangchhal” an ti thin. “Chakai ramhnuaia chawhmeh atana hman” tih pawh khi a that lohna an sawi ka hre ngai lem lo va, “buh par laiin thlamah chakai an rawh ngai lo” tih erawh hi chu ka hre thin. Buh hi a vuih hnuah a rah lo insiam turin a par a. Hetih hun lai hian thlamah chakai rawh se la, a rawh rimin a huam chim zel ami buh chu vui thei lovin a ro titihin a chhe vek thin a, chakai rawh rim chu buhin a haw hle tih rual loh hian buh chu hek thamin a chhe thin a ni. Chuvang chuan upa-in an duh loh leh thil thianglova an ngaih a ni a, min mi dang thlamah chakai lo rawh ta se la leikuai tlinga ngaih a ni. Thlama ui talh pawh hi an duh lo hle bawk. Buh leh bal thar tam lohna-ah an ngai thin a, a hming ui a nih avang pawh hi a ni mahna..
BMW #44, “Keptuam” chu phengphehlep chi khat a nia, rang rek ruk leh lian deuh tak chi a ni a, rapthlak lam lek lek a ni. Keptuam hmuh te, thing saihrua te, lei ruangtuam te leh thing zungkai hmuh te pawh hi an duh lo hle bawk. ‘Chirhdiak laiah hma phel loh tur’ tih pawh khi ‘sawntlung’ tih zawk tur a ni ang. “Laizawn te tiang tunna-ah tiang an tung ve ngai lo” an ti thin bawk. Chumi awmzia chu laizawnte monaah va lawi kha an duh lo hle a ni awm e. Raicheha thi taivawn hman hnu hi hman an duh lo hle bawk.
Post tha tak a ni e.
Report this comment
August 11th, 2011 at 11:51 am
Ozima@ 17 Like.
Pi pu te khan puithu na chi hran hran an nei a, tuna kan hmuh (ka hriat ngai loh tak te pawh a awm) te khi chu thil logical deuh leh tangkaipui theih chi deuh te zinga mi an ni zawk turah ka ruat ve ngawt a.
Ramhuai an hlauh avang leh Sakhaw (Hnamsakhua
) puithuna avang erawh kha chuan thil tul lo leh nun ti khirhtu puithu na an ngah em em a.
‘Chanchintha in kan ram ah Ramhuai a um bo ta’ Pu Rokunga’n a lo ti hi chu a dik ani. Tun hnu ah te hi chuan leh khawvel changkanna hian superstition hi a ti reh ve tawh mai2 zawk a. Rinna pawm hmasa tute leh kan nu leh pa te generation phei kha chuan hemi kawng ah hian chanchintha laka bat an nei bik hle in ka hre ve.
Report this comment
August 11th, 2011 at 12:03 pm
A bengvarthlak e, ka hriat loh ka hriat belh leh ta, good post and comments
Report this comment
August 11th, 2011 at 4:17 pm
Hmanlai pi leh pu te ai chuan, tunlai pi leh pu te hi an fing toh zawk lo ang mo aw ka ti deuh a!
Report this comment
August 11th, 2011 at 4:20 pm
PKfanai@38, min hrilhfiah a, ka lawm e. Inneih thleng ti lovin “inneih tawn” emaw ti ta se hriatthiam a awl deuh zawk awm e!
Report this comment