Khawvel hmasawn mek ah hian kan mamawh a tam tial tial a, hun kan mamawh hnem tual tual a, kan hun neihin kan hnathawhna atan min daih tha ta meuh lo.
Hetih lai hian, Kohhran lamah Programme atam ve tial tial a, Khawvel sualna sang zel leh pung chho zel avang hian Kohhran lam leh Rawngbawlna kawng hrang hrangah hma nasa zawk a lak angai ve bawk si.
Hei hian kan mihring nihphung leh eizawnna kawnga nghawng tel mek niin ka hre thin.
Hna thawk tak tak tur chuan Kohhran leh Rawngbawlna peng thenkhat a programme tam tak hi chu hriat loh leh theihnghilh luih angai ta fo mai hian min ti buai thin ngawt mai.
Kan hnathawh hun chhung hi dar kara chhut phei chuan a reilo em em a, zan lamah leh tlai hun tha thenkhat hi Rawngbawlna Programme chihrang hrang hian a lo dip dal fo thina. hetah hian eng kawng nge zawh ila tha in tih ve le?
Ka ngaihdan chuan Ringtu chu a hnaah a rinawm tur ni a, kan hna leh kan eizawnna ah theihtawp kan chhuah thin tur ni a. Tin, Kan theih ang tawkin Rawngbawlna kawng dangah kan in hmang bawk turah ka ngai a, mahse, heng thil pahnih kan hnathawh leh rawngbawlna hian indip chang anei fo thin.
Chu hun alo thlen chuankhawi kawng nge zawh zawk tur tih hi hriat thiam a harin, thliar hran thiam ahar thin. Thenkhat chuan kan hna tul zawng zawng kalsanin kan thawk tur a ni tiin an sawi thin. mahse, Sawrkar hna thawk chuan a hna a kal san chuan a dik kan ti ngailo, mahni a sumdawnna thawkte hian an kalsan loh a, an sum dawnna an buaipui hian kan sel leh si em?
Hemi chungchang hi i sawiho teh ang u.
. hairehai
August 14th, 2011 at 7:15 pm
A inkhawm tha peihlo ho zawng khan zoho-a sawi hi in thlawp a ang. heheh
Report this comment
August 14th, 2011 at 8:52 pm
@50, H.Vangchhia, dik ka ti khawp mai. Inkhawm hun darkar chauh sawilangin, a tam lo kan ti leh ngawt thin hi a diklo a. Inkhawm taima te hi Committee hrang hrang, zaipawl etc leh YMA ah te chhuah tam ngai an lo ni tlangpui si a a buaithlak ta anih hi. Keini chhungkua ah pawh hian kan thalaite hi Bial zaipawl, Kohhran zaipawl, group commitee etc ah an han tel a, zanah hian kan inhmu mang ngailo chu a ni e. Nakumah chuan in tel tawh lovang ka ti tawp mai. Tuna kan dinhmunah hi chuan lehkhathiam tak mi pakhat hi KTP leh YMA hruaitu/committee member ni se kan activities zawng zawngah (an college kal chhung)hian tel regular hle ta se, IAS a inziahtlin chuan thilmak tawpkhawk a ni hial ang. Kan inngaihtuahchian a tul tawh khawp mai.
Report this comment
August 14th, 2011 at 10:26 pm
Eng kohhran mah hian inkhom hrim2 chu kan ngah lo ve. Presby terian bik soi ila…sunday chawhma,chawhnu leh zan, Monday ktp pual, tuesday hmeichhe pual, wed’day leh sat’day ni leh mai. Ktp leh hmeichhia ni lo tan chuan zan thum, darkar 1 vel theuh inkhom a ni mai. Titi mai leh TV en nen khaikhin chuan inkhom hun a tlem hle.
Pawl,NGO, etc,etc vela kan inhman nasat leh tel tam lutuk hian min tibuai a, committee member 2/3 vela tel chauh ila (thenkhat chu commtt 10 chuangah te xuk tel a..) phat ngam a tha khop ang.
Inkhawm hun laia hna nei tlat chu an tam lovang, tum se an inkhom thei ag, banah an chhunxom thei ang
Report this comment
August 14th, 2011 at 10:37 pm
zoho
Report this comment
August 14th, 2011 at 10:38 pm
Kristian kan nih angin kan tihtur pawimawh tak chu Inkhawm hi a ni a. Ringtu chuan a thlarau nun chawm nan Kohhran a bel ngei2 tur ani. Amaherawhchu Inkhawm bak committee,hnatlang adt ah chuan hun kan neih dan a kan insiam rem a tul a. Engkima telve vek kan tum erawh tha ka tiber chuanglo. Mahse kan hriatsual fo chu heng activities leh Inkhawm hi kan ngaihfin thin a. Inkhawm hi activities pakhat ang lekah kan ngai ang tih a hlauhawm ani. Phailamah pawh hian hnathawk tamtakin Inkhawm ka hmanlo an tih hi dik tho mahse an peihloh chhuanlam ani theitho. A chhanchu tlema thawkrei te phei chu sunday Inkhawm tura leave dil theih tho ani a, sunday tin an theihloh pawhin akhat tawk chuan an puten an phal ve khawp ania. Tamtak hi chuan leave dil an tumlo ve hrim2 bawk a. Sakhuana lam thil hi chu anpu te pawhin an ngai pawimawh tlangpui ang Inkhawm an duh tak2 anih chuan. Kan thiante pawhin chutiang chuan anti maithin ani. Tin, sunday Inkhawmna tura pawisa hman hi i ui lovang u. Pawisa min petu, min siamtu leh thiltha engkim min tihsaktu be tur a kal dawn a min pek pawisa han ui tlat kha mi pangngai ngaihtuahna a nitheilo hrim2 mai. Kohhran hi thlarau lama inchhemalhtawn tura duan a ni.
Report this comment
August 14th, 2011 at 10:52 pm
@53:Dik chiah.Kan zawh tawk ang zelin Kohhran/NGO ah in hman thiam a poimoh khawp mai.
thenkhat chu khawi mah mah a inhmang hman lo tawk chiah hian nihna nei te an awm.Kan unaupa pakhat poh Kohhran a in hmang deuh hi awm a, zan tin a chhuak a mon-sunday zan., holiday in kohhran thil ah a chhuak ziah bok.A chhuanlam zawk emaw ni.Mak tak a ni.
Report this comment
August 14th, 2011 at 10:54 pm
Inkhawm pangai hi tel ila, KTP tih ang vel hi chu huau huau leh chutiang lam ngaihven chi ho tel sela a tawk der
Report this comment
August 14th, 2011 at 11:13 pm
Hna kan ngah a kan buai poh leh pathian hnena tawngtai tam a poimoh leh xual tih hi ka’n zep hram ang e. Inkhawm ngai miah lo/inkhawm tlem ringtu tha a awm theih loh(pian phunga rual ban lo/mu deuh top toh a tar chhia emaw hrisel lo an nih loh cuan, mixoram chhung bikah) inkhawm thulh thak2 a hnathok char char ni ta ila vanram kan kai nguar ang. Work is worship tih changchoi inkhawm loh chu worship em em in hremhmunah an kal dawn…inkhawm hi vanram kalna ka ti lo, vanram kal tum tan chuan inkhawm ngaipoimoh a tul khawp ang. Ringtu chuan inkhawm a ngaipoimawh tur a ni. Inkhawm kan thulh phah fo don ai chuan kan eixawnna thlak mai tur a ni. Setana thuak hi man thiam a ngai a nia…pawisa hi vanramah emaw hremhmunah emaw kan keng don si lo…!!
Report this comment
August 14th, 2011 at 11:28 pm
Mi dang kohhran focus deuh ranin ka’n sawisel ve dawn maw ni le.
Thil chu ka tlin tawk leh a tul hunah a rawn inherchhuak ve leh mai a nia.
Report this comment
August 14th, 2011 at 11:51 pm
Christian Taliban comment a rawn lang tan.
Report this comment
August 14th, 2011 at 11:56 pm
#60awmawmpuia, ” Keini chhungkua ah pawh hian kan thalaite hi Bial zaipawl, Kohhran zaipawl, group commitee etc ah an han tel a, zanah hian kan inhmu mang ngailo chu a ni e. Nakumah chuan in tel tawh lovang ka ti tawp mai. ”
Tunge Kristian Taliban zawk chu?
Report this comment
August 14th, 2011 at 11:58 pm
vakul, i Taliban hmel ta ber in ka hria…
Tak tak a, i comment zawh chiah a ka comment vang hian ka tihchhan che a ni kher lo ania.
Report this comment
August 15th, 2011 at 12:03 am
ka taliban(taliban hi conservative i sawina a nih chuan) loh ka hlau zawk.
Thawkaphita engkim sawisel zia hi ka pu ve lo. A that tawk lohna chu a awm ang engkimah- a tul chuan a hunah an thlak ve mai ang chu…i liberal a ni zawk lo maw?
Report this comment
August 15th, 2011 at 12:07 am
63, liberal phian zawk anih hi. I comment khi a tawi lutuk a ka lo chhiar kan daih anih hi.
Report this comment
August 15th, 2011 at 12:14 am
#60
Report this comment
August 15th, 2011 at 12:19 am
#64awmawmpuia Tak taka ka legalist lutuk em aw chu ka ti thin ve tho. Zu chungchangah pawh ka vei ber chu dan an bei vak vak hi a ni daih a. Kohhranah pawh a ni tho-kan kalphungah tha lo a awm a nih chuan Pathian Kohhran a ni a, a rawngbawltute kaltlangin Pathian vekin a siamthat hi ka ring tlat a, chumi hmaa lo sawisel vak kha kan kalphung(regulation) hi ka zah ve bawk.
Ngaihtuah ngai tam tak hi chu a awm a; hmasawnnain a kentel tam tak change ngai a awm fo bawk a. Mahse ‘rebellion against establishment’ ideology hmanga kohhran kan bei fo hi ka tha a lo na ve mai mai thin, engmah ni lo hian-kan upa ve ta emaw ni
Tin, kohhran member ni miah loten(specific) kohhran kalphung an rawn sawisel ve hian mi thahnemngaite sawisel ai chuan ka lai a lo na bawk-
I sawiselna #52 khi chu ka hrethiam khawp. College ka kal laiin pastor a lo leng a ‘kohhran leh khawtlangah inhmang ve suh aw, a la hun lo, zir vak mai rawh’ min ti a, ka pawm thlap. ka motive chu a lang ang-dim deuhin sawisel ila ka ti mai thin chauh. Kohhran leh organisation kan sawiselna tawngkam kan hman duhdah dan inang reng hi ka haw ru ve deuh a ni.
Report this comment
August 15th, 2011 at 12:31 am
Kohhranah chuan lo inhmang vak vak teh u, a thei thei chu. Tichuan in faten an mahni zir zirin khawvel nunphung an zir anga, sex education leh engkim maiah an mahniin an inzir zel dawn nia. In control theih loh hunah “Mi ramah chuan…,” emaw, mifa te inchei dan te kan sawisel chhunzawm zel dawn nia.
In lama kan chhungkua Pathian hminga kan din hi kan duty hi kan duty Pathian laka enkawl that kan bat ngawih2 an ni. Duty first.
Report this comment
August 15th, 2011 at 12:31 am
Kan Boss hian hna lak dawn hian inkhawm ziah ho chu lak loh tur a ti bur zel, a zawt ziah bawk
Report this comment
August 15th, 2011 at 12:38 am
Hv-Kohhrana inhman leh hman loh hi fate enkawl puitlin tehnan hman vak chi emaw ni dawn aw!!? Generalise chiah ka ngai lo. Inhmang tak fate tipuitling em em an awm a, tipuitling miah lo an awm a, enkawl an mawhphurhna a ni tih chu phat rual a ni lo.
Rual u zawkten buluk leh bawplawka thu inlak vut hi a mawi em ni?
Fate enkawl chungchang kherah chuan theihtawp bakah theih bak chhuahin ka inhre ve bawk.
Report this comment
August 15th, 2011 at 12:40 am
vakul, KTP/YMA leh hetiang lama inhmang nasa ho hian an fate leh an chhungte an buaipui/awplum hman thei tak taklo. Kohhran a inhmang tih ai mah chuan Kohhran behbawm vel leh NGO etc etc a inhmang nasa ho ti ila a dik zawk awm e.
Report this comment
August 15th, 2011 at 12:43 am
#70 belh hlak: Zarkawt leh veng thenkhata ka hmelhriat, vantlangin mifela an ngaih (ti tawp teh ang) te ho hi an fing khawp mai. Fel takin KTP hotute emaw an hman loh tur an hrilh mai thin.
edit theih loh:
Report this comment
August 15th, 2011 at 12:45 am
Hv-Tak taka in motive chu ka man a lawm. thahnemngaihna luagliam han intawklawi hi a awm ve reng reng a nia. @awmawmpuia pawh ka’n chhang kher a, a rilru chu ka man tho va.
Report this comment
August 15th, 2011 at 1:08 am
vakul, enge motive chu
Report this comment
August 15th, 2011 at 2:26 am
Tawite in ka han sawi ve ange. Mihring ah a in nghat:- College 3rd yr ka zir laiin kum 1 chhung Sunday chhun leh zan hi ka inkhawm kim vek (a tuka exam ka neih pawhin). Nilai zan leh thawhtan zan pawh kum khat chhunga nilai leh thawhtan awmzat hmun thum a thena hmun hnih aia tam ka inkhawm ang. Chutih lai chuan kan Subj. bik ah Mizoram puma ti tha ber ka la ni thei tho.
Amaherawh chu ka inkhawm bak programme min rawn siamsaka, zan dang chhuah ngaia hun min rawn rek sak hi chu ka haw thei khawp, ka ṭap lo chauh zel. YMA ah ka in hmang tamlo thung, khawhar in ka kal aiin ka thlan laih a tam zawk ang. Hnatlang bak YMA thiltih ah ka tel tamlo khawp mai.
Congress unit youth Secy. ah ka phat chung chungin min dah luia appoinment niin ka kal lo chiang khawp mai. Ka in hmanna tur chin felfai takin ka ruahmana a bak chu pelh ka hreh em em vek a ni.
Mizoram ah chuan Social activities a tam lutuka in hman ral thak theih a ni, amaherawh chu a zawng zawnga Kohhran kan phungvawm hi chu a diklo ka ti ve thin khawp mai. In tehna scale te chu a dik hlawm maithei, mahse zawmthaw leh huau huau nan nilova Pathian biaknan tak taka kan inkhawm chuan hun hi chan ah ka ngai lo. Hnamdang karah inkhawm ngai miahlovin a hma aia hun ngah fe zawkin lehkha ka zir a, ka ti chhe daih zawk. Fate thunun nan inkhawm loh tir nilo in inkhawm dan dik kawhhmuh zawk a pawimawh
Report this comment
August 15th, 2011 at 8:26 am
Nakinah chuan ‘Lalpa, itan hun ka va lo hmang tlem em! reilote hun min lo pe leh teh’ tiin tap chungin kan la dil ngei ang!!
Report this comment
August 15th, 2011 at 10:43 am
Hv motive ka’n tih teh hluah pawh in thahnemngaihna mai kha ania.
Report this comment
August 15th, 2011 at 5:03 pm
Inkhawm thin leh ngaipoimoh te ka fak a che u. Hmasonna tur tam tak a la awm xel e, inkhawm fan2 ula, in inchhir don lo tih k beng tlukin ka chiang e. Tin, inkhom ngai lo leh ngaipoimoh tok lo te pawh tan la thar turin ka fuih ve tawps che u (ka fuihna mawl tak hi a mawl ang angin inhnawl mawl thei ang), chuan, chuan, tumah insoisel lovang u. “Ka nun atan inkhawm ka ngaihpoimoh a tul” tih ka han soi mai2.
Report this comment