Chanchinbu ah leh News atang ten kan hriat tlan vek a rinawm a, T.Romana College leh two wheeler parking chungchang kha.
Traffic SP lamin an thu chhuah tawhah tawlh an tum loh thu a sawi bur mai a. chutiang bawkin T.Romana college lam pawn theihtawpin an nawr ve bawk a, mahse an hlawhchham anih hmel a, zingkara class an neih thin chu tihtawp an tum ta ringawt mai ani. Zirlai ten an va tuar leh nasa dawn em tih hi ka ngaihtuahna hmasa ber ani lo thei lova, zirna ngaipawimawh chhungkua atanga seilian lo nih ve na ah.
Ti hian ka ngaihtuah zui ta mai mai a, saw lai kawngah sawn ka tlan ve ta zauh zauh a, ka hmuh dan chuan Traffic police duty saw duhthusam an awm thin lo a ni; kan traffic SP in eng motor mah hun phal lohna dan a chhuah hma hi chuan.
T.Romana college chhak lawkah sawn kawng kawi em em mai inthlep hnawp mai a awm a, sawlai zawna motor intlan pelh dawn chuan tlan na inthlak thleng daih a ngai  ngei ngei thin ani. chuvangin rush hour lai chuan saw lai kawng sawn traffic police duty a mamawh hnem bik ani. Chuan a kawng saw a kawi satliah lova a thlep in a in thlep kual chhoh avang sawn motor lian deuh hlek city ride, 407 etc chin chunglam tan chuan in her rem vcl chhung a rei hle dawn tih a hriat bawk.
T.Romana College ho sawn kawngpui dungzui in lane khatin kawngsirah two wheeler an dah chho ve thliah bawk a, two wheeler parking hmun dang ang nilovin anih chu.kawngah rawn pawng chhuak zawng, a he zawng pawh nilovin. Mahse sawlai chho ah sawn rush hour ( 8:30 am – 10:00 am)lai hian traffic a jam nasa thin ni tur a ni.
Traffic SP chuan eng motor mah hun a phalsak ta lova, veng hla tak tak atanga zingkara class kal tur an ni hlawma student pawh zirtirtu pawh. two wheeler takngial pawh keng thei lo dinhmuna an han indah in hreawm an tia na an ti ve a ni tih chu chanchinbu ah te pawh kan hmu in a rinawm.
Awle, Traffic SP pawn chanchinbu hmang vekin a thu sawhsawn a tum loh zia kan hmu bawk a.zawhna leh rawtna ka tilang ve duh a ni.
1. Sawlai kawng traffic ti jam tu saw T.Romana college ho two wheeler park vang ani tih zir chianna an nei reng em?
2. Ni engzat chhung nge an zir?
3. Engvangin nge a chhehvel veng hruaitute an lo inrawlh ve ringawt? thuchhuah hial an lo neih ve hmanhmawh?
ka rawtna chu, hetiang ang mitam tak nunphung leh zirna hial khawih buai thei dan leh thupek siam dawn chuan a tlem berah kar 2/1 tal lo zirchian hmasak ni sela. tichuan T.Romana college ho pawh hian rilru dam takin an pawm theih ngei a rinawm.
Chu mai bakah a chhak kawng awl zau lai khawimaw laiah an two wheeler park na tur te pawh chu siam fel sak nghal thlap bawk sela. zirlai lehkha thiam rual tan hriat thiam loh tur a awmlo reng reng.
Chumi tih chu sawiloh, Traffic SP hi T.Romana college zirlai hruaituten an va hmu a, ahmuna enfiahsak turin an ngen a, an two wheeler park in traffic a tih jam lohzia an hrechiang a, va hmu ve sela, tichuan Traffic SP pawhin a thuchhuah tidanglama T.Romana College tan two wheeler lane khata park phalna a pek leh duh hial an ring ani. Mahse, Kan Aizawl Traffic SP hian zuk ngaithla tha duh miah lova!
T.Romana college hi Republic veng chhunga awm a ni a. Reupblic Veng leh an veng thenawm veng pasarih vel chuan thuchhuah intawm lo siam veleh in, Traffic SP thuchhuah chu an tan tlat thu an chhuah! Mizo te hi kan inrawlh lohna turah hian kan inrawlh peih khawp mai a, kan sawiloh tur pawh hi kan sawi peih kan hre vek.
Hetia veng chhung hruaitu ten an fate rual tuma sawm loha an lo khing ve ringawt hi a hniam ka ti ngawih ngawih keichuan, ram inrel bawlna a kan inrawlh dawn anih chuan two wheeler parkna tih vel chungchang mai maiah nilovin eirukna te hi do ngam zawk sela, diklo taka vawiin thlenga sorkar hna lak chungchang te hi, sawipuitu neilo tan chuan sorkar hna pawh dil ngam ani tawh lo a nia. Contractor te hna thawh chhiat thin zia te pawh kan hmuvek khawi veng VC mahin an khin ngam ka la hre lo.
Kan traffic SP hian a thuchhuah hi khawngaih tlat lo sela, va enchian sak a peih ngang lo anih pawhin a nau teho tal enfiah tirin zir chian tir ve sela. Tin, eng pawlin emaw an sawisel tur leh an dodal nghal tur ringawt dan leh thupek chhuah hi sawrkar tan leh officer tan hian a zahthlak ani tih hi hre ve tawh ila, zirchian hmasak phawt ni thin ta sela, phuailuai lutuk a thil tih hi kan MIZORAM sawrkar hian SIM mawlh teh se.
Vengchhung hruaituten thu rem zawng leh a tha tur ngaihtuahpui tak aruanga zirlai te leh college zirturtute rilru ti na thei zawnga thuchhuah an nei ve ringawt hi pawi ka lo tihpui khawp mai. Tun atang chuan T.Romana College leh heng vengho inkarah hian khi a awm reng tawh dawn tihna a nia.
An tu leh fate engemaw zatin he college hi thiamna leh degree neih nan an lo hmang tawh awm si a, an la hmang leh dawn chauh tih pawh a hriat a ni zrina in hi khar a nih ngawt loh chuan.
August 18th, 2011 at 6:39 am
a va reh ve….. A hmasa berin College lam an dik a, vengchhung leh Traffic Police lam an thiam zawk a nih hi…
August 18th, 2011 at 6:43 am
“Change” kan ti ta sa sa, change hman hun a ang riau…
August 18th, 2011 at 7:08 am
a post tupa hming chu(h) attractive ve.. :-D.
chuan # 1 sawi ang khian (Y)
August 18th, 2011 at 7:11 am
Traffic lam hian zirchianna hi chu an neih hmasak tawh kan ringve ringawta. Zirchhianna nei lovin ‘Thhu chhuah’ an neih ngawt ka ring lo. A chhehvel veng hruaituten harsatna an awm takah chuan moral support an lo pe ve hi chu awm khawpin ka hria- he kawng hmangtu ber te an ni si a.
A thuhrimah Traffic SP hian a nau te hi hemi kawng enfiah tur hi chuan a nau te ho a tirh fo a rin awm.
Tin, tunah saw chuan two wheeler ho saw fel thlapin an rem tawh nain a hma deuh kha chuan kawng an tih chep ve viau thin kha maw le…
August 18th, 2011 at 7:41 am
College leh school hla tak taka ka kal thin lai min va ti hre chhuak ve aw!! Khatih hunlai khan two wheelers te lo neive ila… Dawn ti tamin…
August 18th, 2011 at 7:43 am
ka se velo 🙂
August 18th, 2011 at 7:49 am
thuneitu in phal loh a tih chuan thuawih takin ti lo mai se, zirlai pawl nih vanga duh duh a sorkar thutlukna ti danglam thei amaw in tih hi a diklo…college te hial din tur hi chuan campus mumal deuh neih te hi a ngai reng asin (H)
August 18th, 2011 at 7:53 am
Zirna lam hi chu a poi moh a sin le. 🙂
August 18th, 2011 at 7:59 am
#7 (Y)
August 18th, 2011 at 8:09 am
College leh Thuneitu lam – an tanna a dik ve ve thei ang. A bulpui ber chu kan kawngpui a te lutuk, town plan awm mumal lo khawpui, kawngkapui kan hawng a, kan kawtlai chu kawngpui! Tihngaihna awm heklo. Khawihmun pawh a tawt em em vek. He thu sawi takah chuan Sorkar in motor tlan dan a siksawi hi kei chu traffic jam a nasat phah in ka hria. Zing dar 9 atang chuan kan tang phei luih luih ringawt. Millenium hrula tlanchhoh phalloh te hi – Zodin ah kan va inhnawh tawt ani ber e. Damlo Civil Hospital pan tur tan pawh Zodin a va thlen a ngai hrim hrim. Buaithlak@
August 18th, 2011 at 8:27 am
College naupang ho park na kha college ram ni se ka hrethiam. Kawngsirah an park fur mai a, college thlanga Local council 8 huam chhunga awmte tan a hnawksak em avangin trafic police ten ruahmanna an siam chu pawm ve mai se.
Parking area tharah chuan park ve mai se. Hetianga agitation an siam hi a tha lo asin mawle (N)
August 18th, 2011 at 8:40 am
Mi ramah chuan an zirna Institution-in parking area an nei a, chutah chuan an lirtheite an park fel thak thin. Keini Institution ho hi chuan public place-ah lirthei kan park. Chuvangin, College hi an thiam famkim bik vek lovin a lang. Thuneituten parking area an tihah chuan park ve phawt se, a harsat ngang chuan an lamah kan tang vek mai ang.
Chutih laiin College hmunah hian Police Office hi awm ta se chuan a bul kawngpuiah hian an motor leh bike chu an park ve nasa teh ang chu aw!!!
August 18th, 2011 at 8:41 am
Lirthei in lawm teh hiam hlawm em a nih kha. Kan feh dawn pawn KM tam tak tak keiin kan kal a, class kalnan mai mai lirthei tihzel mai.
August 18th, 2011 at 8:43 am
campus neilo a college din rahchhuah a nih hi.
August 18th, 2011 at 8:46 am
#10 (Y)
Pathlawi Virgin chu TRC mi leh sa a ang hle mai. A hmun saw ka la hmuchiang vak lo va, han sawi vak tur ka hre lo. A veng thenawmte hial an lo auchhuak a nih chuan an hnawksak deuh a nih hmel. Chutih rualin post-a a inziah ang deuhvin, TRC leh Police inkar a ni a, a veng leh veng thenawmte lo inrawlhna tur niin ka hre lo. Nizana K’u Kawlpuia post ang deuh khan, a inrawlh lo tur hi kan lo inrawlh tam mah mah, kan inrawlh peih lutuk hi a khamawm khawp mai.
College SU-te’n an college thuneitute hnenah chhun lama class kal an ngên a ni awm a, a hlawhtlin pawh an beisei a. A hlawhtling a nih chuan zirlaiin an tuar ngawtin a rinawm. Chhuna class kal hman loh, chhuna inhlawh duh avanga zinga kal an ni hlawm a, thiante ngei ngei pawh an awm a. Chu’ng ho chu an khawngaihthlak ka ti mang e. Aizawl-ah hian zing class kal theihna hi T. Romana College leh J. Thankima College, Bawngkawn-a mi niin ka hria a. T. Romana College hi chhuna class kal tawh tur a nih chuan Aizawl-ah chuan J. Thankima College chiah hi zingkara class kal theihna awmchhun a ni tawh mai a. A hmun a laili lo ropui mai si a, veng hla deuh tan a buaithlak awm mang e. Huis.. Luangliam ve’ nih hi.
August 18th, 2011 at 9:01 am
an lo dah than tawhna a nia an ui mai2 maw le.. A dahna tur an tihah dah ve mai rawh se. Over hlawm lutuk.
August 18th, 2011 at 9:16 am
Awm miah lo ai chuan scooty pakhat pawh a hnawk. Kan veng chhungah buaina a awm a, VC/Local council an inrawlh lovang maw..? An area/ vc huamchhungah chuan thu ve deuh an nia.
August 18th, 2011 at 9:28 am
@Saint Sammoo: A chhehvel veng a tih khi mawle.
August 18th, 2011 at 9:44 am
hman deuh kha chuan fiamthu in PUC ah chuan eng cell phone nge i hman antia,HBC ah chuan i pheikhok kha eng company nge antia, T Romana ah ve thung chuan tute inah nge i awm anti, anti, NOI
SP meuhin kawngpui rapin motor dah phalloh kawngpui ati chep atih chuan dahloh ve mai tur alom, campus area poh ni hleilo, parking lot tur a bul hnai ah ngaihtuah ve se ni mai lom, college meuh 2 wheeler dahna neihloh te chu a, DAN leh THUPEK hi zawm hram i tum tlang ang u
August 18th, 2011 at 9:58 am
Traffic ti jam tu anni lovah an inngai. A dik na chen a awm. Zarkawt lun lai takah TMB pawh ding ruau mahse a dang an din ve loh chuan traffic a jam phah lem lovang, chumi awmzia chu, thil pakhat te mai pawh hian traffic a ti jam thei tihna a nih chu. Two wheller pakhat bak mi pakhatin an nei lovang, chutiang bawkin motor dang pawh. Anmahni pakhat ta mai avang khan traffic a jam phah hauh lovang. Mahse, pakhat hlir hi tam tak a awm chuan hnawk (jam) a tling mai dawn a ni. Hei hi college zirlai/teacher-te hian an hrethiam chiah lo niin ka hria.
August 18th, 2011 at 10:00 am
Thawk a phita ‘eirukna te hi do ngam zawk sela’ tih thlakzen mai hi chu ka kham ngawt mai.
August 18th, 2011 at 10:03 am
Mizo te hi kan inrawlh lohna turah hian kan inrawlh peih khawp mai’ tih leh ‘kan sawiloh tur pawh hi kan sawi peih’ tihahte hian vengchhungho an thiamlohna ka hrelo. Chubakah, an veng a lo thawl phah tur chungchangah sorkar lakah lawmthu an sawi mai niah ka ngai. Khi chu a awm phah em lo’ng chu maw.
August 18th, 2011 at 10:57 am
21@ keitak hian a ni kham. Kham ngawih ngawih an tih ang hi ka ni.
August 18th, 2011 at 11:11 am
Motor kawng reng reng ah hian man chawi lova park hi khap vek mai zawk sela, tih nak alaiin. Park na nei lo chuan motor neih loh emaw, motor hawl chhuah loh mai tur. Tin, park man pawh hi tih san deuh tur. Tichuan parkna tur building te sak a manhla tawh ang a, traffic a kal tluang anga, taxi leh bus te tan sumdawnna a tha zawk ang a. emergency vehicles (ambulance, fire engine leh police car) te an kal chak tawh zawk ang a.
August 18th, 2011 at 11:40 am
Sikulpuikawn to bawngkawn kawngpui sir zawng zawngah hian motor eng chi mah parking phal loh nise. A bikin treasury square leh chandmary inkar phei ah hian ham strict zual se, traffic jam chu a tlem khawp ang.
Police lam leh TRC lam chu inrem thuai se a va tha em
August 18th, 2011 at 3:26 pm
No comment
August 18th, 2011 at 4:16 pm
a lo nih tak chu maw le. Keini chhung hi kan bengvar lo lutuk a, chutiang thuthang pakhat mah kan lo hre hleinem.
Ti jam lo tawp chu a ni bik lo vang a, ti jam bur pawh a nih loh hmel. A chanve ve veah ka ring deuh.
August 18th, 2011 at 4:35 pm
A post tupa i thusawiah hian i chiang chiah maw? Pi pangi peng ah mai hian a nilo, T.Romana college two wheeler dah hian a dal khawp e. An dah nawmnah chang phei chuan he college zawnah hian maruti car inpel tak ngial pawh harsat chang a tam khawp mai,ka kal zeuh zeuh pawh nilovin tuktin ka chhuahna kawng a nia ka hmu ngun ve viau a sin. PUC, ITI, MZU, Police bus ho a rawn tlan chhoh phei chuan a sirah two wheeler tlanna pawh awm lovin a rawn khar mup thin, kawng tet vang a ni mai lova T.Romana college in kawng dal dawn dawn a an park vang a ni zawk.
Zirna a pawimawh zai chhuanlamin an nawra, he college pakhat avang hian zirlai dang tam tak ten he kawnga an park thin avang hian hun khaleh chen kha harsatna an tawk a ni. Veng thenawm mai bakah hian college leh zirna in he kawng zawh thin dang te an au chhuak lo hi chu an dem awm lek lek zawk hial in ka hria.
Mimal he kawnga motor dah thin te paw’n mipui tana an hnawk zia hriain engmah sawisel lovin an motor park na tur an ngaihtuah mai a, engvangin nge T.Romana college hian an inngaihtuah ve mai loh? an college flat khat pawh parking atan hmang se, an ni ang kawngsir college te reuh te, lo bawr ve leih leih te chu an in park leng vek ang chu. Hetiang college hi kan sawrkar pawh khan engti tih a Govt college a hlangkai thei chiah nge maw an nih le? 😉 😉
August 18th, 2011 at 5:16 pm
Taxi intlan chhawkte pawh kha a buan a hma khan an kherh hlut a ! A lo tha phian a ni lawm ni?
Park loh tur an ti pawh a ni lo va, rush hours lai chauh an ti mai a ni lawm ni. Thuawihna hi kan va tlachham sawt em!
Han enchhin se, achhan dik tak anih loh chuan dah an phal ve leh mai ang. Thuneitute pheikhawk bun ve chhin pawh hi a tha e.
August 18th, 2011 at 5:26 pm
#12 TRC chhak lawkah hian ACB office a awm a, an vehicle zawng2 a opposite mi ram ruak ah an park thlap, kawng dalin an dah ve lo
August 18th, 2011 at 5:30 pm
Parking phalloh an tih hma deuh khan post ka tum a, ka submit a a chhuak ta lo. Tuktin a ka kalna a nia, ka hre chiang ve viau. Helai traffic ti jam tu te chu:- kawngsir a motor dah leh veng chuan hnuai lam pan a bus lian tlan. Parking phalloh hian TRC bul chauh ni lovin, kawipui thleng a huam. Phalloh a nih hnu hian traffic jam a ziaawm ta hle mai. Bus lian tlan ho hian a la ti jam zeuh zeuh, a hma ang em em chu a ni ta lo, a tangkai hle mai.
August 18th, 2011 at 6:45 pm
kawngpui zim nge kan tawrh motor pung chak? parking area mumal lo nge kan tawrh traffic duty indaih lo? dawhkana thil tihfel mai ching nge kan tawrh politician eiru? contractor hnathawk chhia nge hnawksak party worker? kan thupui nen khian a in relate lo viau em? lo inzawt ve chhin teh un… :-[
August 18th, 2011 at 7:31 pm
Kawngpui chu motor tlanna tur, sawrkar ta, mahni compound lo ah chuan dah luih theih ni heklo!!! Compound mumal nei lova University/College/School din ve ringawt te hi tihchi anilo reng dawn asin…
August 18th, 2011 at 7:50 pm
Republic leh an thenawm veng te an inrawlh lohna tur a inrawlh ang a charge vak tur hian zirchian deuh chu a tha ka va’n ti em! Nitin a harsatna tawktu te au aw hi tawngpawng hnawl a lo ni palh hlauh dah ang e. Chuan TRC thawktute leh zirlaite hi fuihpawrhtu awm an ang thei em?
August 18th, 2011 at 7:52 pm
A hmasa in nang pawh chu khawtlang ho an inrawlh lohna tur ah an inrawlh i tia, i topic lo ah contractor, eiruk vel ah in rawlh se ti a iva buaipui vak kha a á¹ul chuanglo T.Roman col tan i oneside lutuk 😉 I vuavang te kal mek an awm vang ani lomaw…..noi
College kawtkai ah kher kher park lovin tlema hmun thawl deuh, a chhehvel ah a awm lawmni. Veng hla annihna pumpelh tawk vela an park theih chuan a tawk mai alawm…
August 18th, 2011 at 8:01 pm
Parking na hmun an duh chuan an College building floor khat tal kha Parking area ah siam se ni mai lawm… midang tih buai buai ngailo.. Veng tih buai ai chuan mahni a chin fel tum mai tur a nia.. Motor kawng hi motor dah na tur a siam a nilo a.. motor kal na tur a nia.. Kallo a an ding thrup chuan thil fello awm tih na ni mai..
August 18th, 2011 at 8:14 pm
Thu neituten a kan that tlan zawk natura an ti anih chuan iak iak lovin zawm ta mai thin ila kan tha tlang zawk ang mawle. 😀
Hetianga thil engemaw an han tih hian eng pawl pawl emaw emaw chuan an mahni hamthat natur chauh ngaihtuahin (midang ngaihtuah ve lemlo in) an lo do ve hman ziah. 😀 A mimal mai pawh nilo, hu ho a mahni hmasialna ani thei angem aw… 😛
August 18th, 2011 at 8:15 pm
He post chu…… thuawi kan zir a va pawimawh em.
Helai kawng a traffic ti jam tu dang leh chu Pachhunga College bus, ITI bus, Police bus te hi an ni bawk.
August 18th, 2011 at 8:38 pm
In thu vuakthlak a fing hlawm hle mai. (Y) Helai kawng hi ka kal ve ngailo, chuti a lo ni maw? Zingkar class an tihtawp chuan, chhun ah kal an tum tihna ami? Chu chuan enge an harsatna a sutkian ang? Chhun a class kal hmanloh avanga zingkar class kal hram hram tan a va buaithlak dawn ve? SU hruaitute chu ram hruaitu atan chuan an tha dawnlo tawp mai.
August 18th, 2011 at 8:49 pm
No Comment.
August 18th, 2011 at 9:16 pm
He thil hi an ron post har ka lo ti khop a … a ron chhuah lai in ka la awmlo zui … Enge an college building bulah kher park an tum ??? Treasury square ah poh park se ke in kal mai roh se !!! Thatchhe hlom lutuk …
August 18th, 2011 at 9:26 pm
Tun hi chu a ve lek a la nih hi, Aizawl khawpui hi chu traffic jam leh motor parking ah hian a ni tel in a buai tulh tulh ang. Sorkar in theihtawp chhuah in solve chu a tum mek niin a lang a, mahse lirthei pun chak zawng hi a control theih mang siloh.
Lunglei lam pawn hetiang buaina hi kan hmachhawn har dawnlo, kan khawpui chhung kawng a te si, DTO Office an lun em em reng bawk si!!
August 18th, 2011 at 9:35 pm
I thuziah hi ka chhiar chhuak peih lo, traffic S.P in a sawi ang deuh khan a chhak lawk ah parking na hmun an siam a, thalai tan chuan khami atanga tlem han paidal lawk kha a har viau ka ring lo.
Kan khawpui kawng chep tawh lutuk ah hian a zia awm na turin i tang tlang ang u. Thalai, zirlai te hi hmahruaitu nizawk ang u.
August 18th, 2011 at 9:37 pm
Ngawi teh u, Mizo te hi a bikin Aizawl a chengte hi an hausa em ani e. Lirthei chhuakthar apiang an lei thei a, Sorkar atangin engmah controlna awmin a lang si lova, kan kalkawng a lian chuang lova, siam belh a awm bawk lova, kan buai tulh tulh dawn. Nakinah kan tu leh fate’n min la dem ang. Khawsak ngaihna awm hlawllo in kan khawpui hi kan siam tawh anih hi.Rualawh a na mange. Huiha…..
August 18th, 2011 at 9:41 pm
sheldon170 #44 ngawi rengin hmui pet fun chungin ka type mial mual hairehai 😛
August 19th, 2011 at 1:37 am
thiante u, comment thenkhatah khian T.Romana college hmusit in ang tlat, a post tupa khian a ngaihdan a post ve mai anih hmel. chuti khawpa traffic police SP MAI MAI THUPEK pawh zawm tha in tih chuan kan LALPA ISUA KRISTA, SUAL LAKA MIN TLANTU thu chu in awih hle ka ring..in FEL hlawm ngawt ang. in piantirh ata thil la tisual ngailo leh rilru sual pawh la pu ngailo ang ka ring….mithianghlim in nih ka beisei…..
August 19th, 2011 at 1:55 pm
Khawpui kawng a chep tiin kan sawi kan sawia, tlema kan awlsam deuh natur anih chuan midang ngaihtuah lovin ti chep belhchhah tu nih kan hreh chuang silo ava ang ve. 😀
August 19th, 2011 at 2:12 pm
Hei hi sawi sawi tawh teh suh u…”Dah loh tur an tih chuan dah loh mai tur” Bike neilo pawhin college a kal theih….
August 19th, 2011 at 11:32 pm
TRC SU ho hian an inrawlh lohna turah an in rawlh zawk mah2 niin ka ngai. A veng neitu leh threnawm vengten thuchhuah an siam hi chu an tih ngei2 an tih tur ah ka ngai bawk. Helai kawng hi ka zingtin kal ve na ani a, zing dar 9 velah hian puc bus leh police bus te rawn luh hun ani a, tin veng chhung leh vengthrenawmte mi hrang2 ofis kal hun lai ani ve bawk a, henglai kawng chho ah hian kawngpui sirah 2 wheeler emaw a aia lian emaw alo in hun khup hi chuan a buaithlak duh in, darkar chanve dawn2 te traffic a jam thrin reng ani. Traffic lam tan hi chuan zirchian leh em2 poh angaih ka ring lo, kum chuang hetiang a thil lo awm toh hi a ni reng a. Bakah zirchianna hi chu an nei ngei bawk ang.
TRC bulah ringot hian anilo a,republic veng chhung kawipui thlengin heihian a huam a, chuti chung chuan a veng chhung mi tunhma a kawngpuia kum chuang lo dahtoh te pawn vawikhat mah an sawisel ngai lo, an hun tiam chhung hi chuan hmun dangah buai chung2in an dah sawn ve mai thin. Heng te hi TRC lamte hian an hre lo amaw ni. An duh te chuan 2 wheeler tr chu a chhak deuh upper reublic lam kawngpui sirah te pawh dahna tur a awm alom, 2wheeler 10 vel len na tur te chu.
Hetiang a thil kan ti zel dawn anih chuan … hma kan sawn mawhhh ngawtt anggg 😉