Damdawi lam hriat bikna kawngah engmah lo ka ni a. Tun dinhmuna Mizote’n NATNA kan neih tlanglawn tak ni ta te hian achhan zawn chhuah tir chakna min neih tir a, ka tan tih theih a awm si lo a, chung ka rilru luah fo thintu chu ka han puah pui ve teh ang :
Anganwadi-ah “meizuk sim rawh, cancer-na” tih hla an zir tir thin a, an sa rual ve thap thap thin. A dik ngei ang. Zu in te, kuhva leh sahdah etc.-te hian cancer chi hrang hrang a thlen thei tih ka chiang. Mahse, kam fai tak, zuk leh hmuam a fihlim, ruitheih thilin an nun a khawih buai ve hauh loh cancer vei leh boral ta an tam tial tial tlat si. Heng zuk leh hmuam te hi pawi khawihtu an ni ngei a; mahse, mizote zingah hian (a bikin aizawl-ah) kan tui tlan leh kan thil ei thinah hian engemaw fel lo leh him lo a awm a ni lo maw le ka ti thin a ! Thiamna tak tak neia a chhan zawn chhuah hi a chak awm ta mang e.
A la rei lo, aizawl bikah chauh pawh hian kum hnih thum kal ta atang khan Nerve lam that lo avanga buaipui ngai an pung nasa ta em em mai hian rilru a luah tlat bawk a. Zuk leh hmuam avang te, exercise lak that tawk loh avang te etc. hian nerve lam harsatna hi a awm thin niin ka hria a; mahse, mi kam fai tak, nun vawn uluk tak ni a ka hriatte pawh nerve lama harsatna nei, buaipui ngai an pung ta thut mai hian ngaih a ti tha lo a. Mizo-te zingah (a bikin aizawl-ah) hian kan tui tlan leh kan thil ei tlanglawn takah hian engemaw felhlel deuh a awm a ni lo maw le ka ti thin a, ka ngaihtuah thin.
Nula tlangval, tleirawl rawlthar-te zingah sam tuak nei an tam ta em em mai hian ngaihtuahna min sen tir bawk a. A chhan enge ni ang le, hnathawh nasat vang, vitamin tlakchham vang, rilru hah vang etc. te hi ka ngaihtuah thiam chhun chu a ni mai a. Mahse heti taka thalai sam tuak nei an tam ta hi kan tui tlan leh kan thil ei-ah felhlel a awm avanga kan neih a ni thei angem tih hi ka ngaihtuah tel fo thin.
Naupang te te, zun kawng tha lo nei hi an pung thut bawk a nia aw. Thalaite zingah mai pawh ni lo, naupangah pawh a pung tlat nia. Hrileng chu a ni hauh lo chungin engemaw avang chu a ni ngei ang. Tin, kal, mit, zunkawng -a lungte awm zai ngaite hi tun hma kha chuan a serious thin khawp ! Tunah erawh chuan a tlanglawn ta hle a nih hi …
Kan tui tlan (a bikin aizawl-ah)-te hi PHE tui a ni tlangpui tawh a, a tih thianghlimna tur atana bawlhlo an telh tam dan a zir te hian a tlan tute taksaah hian engemaw a thlen zui thei a ngem le khuareiah hian ? A tui tam dan a zirin a bawlhlo pawlh dan tur tawkah kan fimkhur em tihte ka ngaihtuah thin a. Nitina kan chawhmeh tlanglawn te hi kan hriatchian lehzual a tul ta em ni le ? Mizo chhungkaw tam zawk te hian kan eirelna bungbel enkawl thianghlimna kawngah hian hma kan sawn lehzual a tul phah angem le, mei hmanga eirel kan ni a, kan thianghlim tawk loh chuan carbon tam tak kan ei phah thei si a ?
Khawpui rau rau ah chuan boruak thianghlimna pawl tak kan la nih hmel a; hrileng ni si lo, heti taka natna tlanglawn rawn piang ta hian ngaih a ti tha lo a. Vawi leh khata awm thut ni si lo, zawi zawia pung ni si natna kan nei tam ta te hian awm a ti nuam lo a. Helama mithiam te hian ngunthluk takin zir chianna (zir bingna) han neiin, kan tui tlan te, kan chawhmeh te leh thil dang awm thei te hi dawh thei takin han khurbing pui ta se la, engemaw chu hmuhchhuah an nei mialin ka ring thin.
Engpawhnise, ka sawi thiam ve dan hi a mawl a, ka hriatna nen a intluk chiah thung. Ngaihdan chu a sawi ve theih tho a nia, ngaihdan a nih chhung chu inthlahrung lovin han sawi ho ve ang u hmiang. Mizote-a han in lak bing hi a awm duh thin a, engpawh ni e, heng kan sawite leh a bak la awm theiah te pawh mizote hi “kan ni bik em le?”.
Similar Posts:
- Pizawn leh Puzawn Koh Dan : Ka Nu/Ka Pa or Ka Pi/Ka Pu?
- Suicide Rate Shoots Up
- Egg-Rice ah thu inziak !!!!
- Tiger Census 2011(Dampa Tiger Reserve lam a tel velo)
- Hnathawh hi
a tha khawp mai
August 19th, 2011 at 1:15 am
Aw, ni bik e..
Report this comment
August 19th, 2011 at 1:20 am
ni e tiro,mahse kan tui tlan te hi a thianghlim tok lo ti ringawt dawn ila,phai tui al puat ai chuan zotui thiang ngei mai hi a thianghlim hmel zok sia.a reng rengah mizo te hian thil rep leh um kan ei nasa lutuk a..
Report this comment
August 19th, 2011 at 1:27 am
No Comment.
Report this comment
August 19th, 2011 at 1:34 am
Tete-i #2 sawi ang deuh khian, kan tui tlan hi chu, Phai tui ai ngawt chuan thianghlim fe zawk lo maw ka ti ve mai mai.. a in tuihlieh dan reng reng ah hian!
Thil rep leh um, Burma thil, uih kan ei nasa lutuk hi ani lo maw te ka ti ve mai mai!
Report this comment
August 19th, 2011 at 2:38 am
Amaherawhchu kan tui in (PHE supply) hi chlorinated an ni a, a hlauhawm thei ani. Nu nau paiin in nasa ta se, a naupai khan a tuar thei dawn ani. Tin, thil rep ei kan uar lutuk hian cancer a tisang viau bawk. Gutkha products hian zunkawng lam a nghawng tel hle bawk.
Report this comment
August 19th, 2011 at 2:52 am
Flocculation leh Chlorination hmanga tui intur (tap water) te hi tih thianghlim thin an ni. Chlorine an hmanna chhan hi tuia awm chi natna chi hrang hrang a thah theih vang a ni a. Bacteria leh virus chi hrang2 bakah amoeba thlengin a control theih a ni.
Chuti e tilo chuan #5 sawi ang hian that lohna alo nei ve leh zel bawk a. Plastic um a tui dah (Bottled water) aiin tap water hi in atan a hlauhawm loh zawk tih te pawh a awm ve leh tho a!
Hei kan Google a, Chlorine cc chu:
https://www.waterandhealth.org/.....facts.php3
Report this comment
August 19th, 2011 at 2:56 am
Sawi belh ve mai mai:
Mi ramah chuan ina tui herhhawn theih te hi in tlak vek a ngaih anni a, sawrkar leh mipui pawh an fimkhur bakah engemaw hlekah an bengchheng peih viau thin reng a ni.
Mizoramah chuan a enkawltu te hian an la thiam chiahlo nge ka hre lova (ka tawng tun hawlo se) tui herhhawn PHE tui te hi intlakah ngaih anni lo tlat thung!
Inbualna leh insukna tur, tui intur kan la nei hrang thluah mai hi tunlai khawvelah chuan a zialo tep tawh zawng anih hi le. Tan ila teh ang u
Report this comment
August 19th, 2011 at 3:21 am
Natna emaw piansual/rualbanlo etc a chhan te hi chhui2 chuan ‘engemaw/tuemaw vang’a ni thei zel tlat.
Sap news pakhat ka chhiar ah chuan..mipa naupang 1 pianhlim atanga piangsual,a nu leh pa te lung a dam thei tlat lo..an family history ah piansualna nei an awm an hre silova..tichuan lawyer ruaiin an chhui chian tira..naupang pu kha tun hmain factor 1 ah a lo thawk hrep tawh a,chuta a thawh lai chuan eng toxic gas emaw ber a hip luh thin chuan a tupa ah piansualna a thlen tir ani e!!!! tiin chu company chu an khinga sum tamtak an dawn phah nih chu..sap ho hian thil hi an kher peih teh ania….Mizo chu kan ngawi mai2 zel.
Aizawl Dr pakhat in damdawi a chawhsual avanga naupang pakhat mit that loh phah te pawh,a chhungte chu an ngawi a mai..a chhan Dr kha mamawh hun an la neih leh ngei dawn sia..tin,Dr hi an lian em a,’keini zawng mi chhete mai kan ni’tih mai loh chu sawi theih an neilo…pawi thin ngawt mai.
Report this comment
August 19th, 2011 at 5:37 am
I post awm ang viau mai…ngaihtuah ngai tak ani, kan vai buhfai ei chen hian
Report this comment
August 19th, 2011 at 6:55 am
Chhungkaw tam takin Chawhmeh kan nana bel an hman thinah hian thil dang tel miah lovin tui ringawt dah ila, han chhuang so ta ila, thil dum te reuh te te hi an rawn lang chhuak sap sap thei thin.
Report this comment
August 19th, 2011 at 7:41 am
In post tha thei thin hle mai. Kan lawm e. Thil in chik dan hi ka ngaihsan zawng tak ani. Mizoram ah cancer a tam chhan hi chhut ngun ve zawng a ngai anih hi. natna dang i sawi khi chu ka hre ngai lo. i ta ve ang.Mahse kan awm awl, ei chhiat, kamram insum loh vanga natna a n
Report this comment
August 19th, 2011 at 8:00 am
Post tha khawp mai. Heihi ka lo vei ve thin a ni. Nia, mi ramah chuan tap water hi in tlak a ngaih nghal ani. Kan ramah chuan filtered or chhuanso a ngai. Natna tam tak, a bikin Cancer tam ta em em hian factor a neih ngei kei ka ring a. Zuk leh hmuam ti lo mi invawng tak te pawhin cancer hi an vei tho si a, zuk leh hmuam tello pawh hian cancer siamtu kan nei ani. Kan mithiamte hian research bei ta se…nitin a kan ei leh in, tui, thlai, sa, etc. te hi chhui an ngai. Thil rep, um, uih, gutkha products, burma thil an tha lo ngei mai, mahse hmanlai pawn kan thlahtute khan thilrep an ei nasa tho. Chuvangin a main factor chu a nilo ah kei chuan ka ngai. Tun dinhmunah inven ngaihna tak tak awm love, zuk leh hmuamah insum mahila cancer zawng a lo thleng thut zel mai si. HIV lakah erawh chuan kan inveng thei e.
Report this comment
August 19th, 2011 at 8:08 am
Tum khat chu kan kawta tui sem chawl khawmuang te titi ka ngaithla tawh a, PHE tuizem pui-a bawlhlo an pawlh dan chungchang an sawi a … “an rin ang tawk an tlawh thla pawp pawp mai ni lawm ni” an tih ka hria a, belh chian dawl leh finfiahna chu ka nei zui hauh lo nangin a chang chuan kan tui hi bawlhlo tam lutuk vangin a var phut thin tih erawh ka hria..
Report this comment
August 19th, 2011 at 8:34 am
Post tupa i post tha in ngaihtuah tlan a tha hle tak mai.Heti hian ka ngaihtuah a :-
Thil rep : Tun hma kan nu leh pa, pi leh pu hunah pawh an ei nasa, an thil dahthat theih ve dan kha a repa rep a nih avangin thal chawhmeh turin a tam thei ang ber an rep thin, tun lai ai mah hian an ei nasa mah pawh a ni maithei, mahse cancer hi a nihna tak an la hriat loh vang nge tun lai ang em em hian a hluar lem lo a nih hmel.
Burma product : Mi tam takin burma thil leh an thil um kan ei nasat vangah an puh deuh, kan thenawm state tam tak leh burma thenawm ram mai makah an mahni nngei pawhin an thil siam chhuah chu keini ai mahin an ei nasat zawk a rinawm, chuti a nih chuan keini aia cancer vei nasa awm zawk an ni. An vei nasa zawk a nih loh chuan burma thil vang a ni lo a niang.
Meizial, kuhva leh kamram dang : Ka chunga mite sawi ang khian zuk leh hmuama fihlim pawh cancer vei an awm tho, naupang pianghlim thleng pawhin.A chhan bulpui ber chu a ni lo a niang.
Thlai enkawlna chemical thil : Silchar leh a chhehvel atanga thlai thar te hi chemical thil chi hrang hranga enkawl nia sawi thin a ni a, then khat chuan hei hian cancer a thlen niin an ngai. A chunga ka sawi ang khian an mahni a thar tute hi a ei nasa zawk an nih ka han ring ringawta, chuti a nih chuan keini aia cancer vei nasa tur zawk an ni. Mahse kan vei nasa zawk miau si.
Chuvangin ENG EMAW chu a awm a ni. Mithiam te hian han zir chiang tak tak sela a tha ngawt ang, inrin siak kual vel mai mai lo hian. (ka han tih tak duah chu a…
)
Report this comment
August 19th, 2011 at 10:01 am
14@ kei chu thlai chi hrang hrang kan chawk luh ho hi ka chhuanlam. Mizoram lo thleng tura an dah thatnan eng damdawi nge an hman tih lam hi.
Report this comment
August 19th, 2011 at 11:38 am
I post chuan ngaihtuahna a chawktho hle mai. Hetiang thilah hian:
1. Thil reng reng hi (natna te pawh) “a tam ta riaua hriat” hi a tam tak tak chiah em tih hre tur chuan a zat te nen thlapa chhiar a ngai fo thin a, kum hma lama a awm zatte nen khaikhin chiah ila, a lo tam viau a nih chuan “hrileng” (outbreak) a ni tihna a ni. Chutiang chu a ni tak tak a nih chuan natna chungchangah phei chuan a chhan hre tur leh tihreh/tihtlem dan kawng zawng turin Health Department an chet vat a ngai tihna a ni ang.
2. Rintlak tak leh taima taka ‘research’ beitu kan mamawh hle mai. I sawi khi a dik mai thei a, a dik lo mai thei bawk. Heng thilte ngun taka chhuia a chhan emaw thil thar dang emaw hmuchhuaka hming chhertu tur kan ram thalai mithiamte zingah kan nei ang em?
Report this comment
August 19th, 2011 at 11:40 am
Post tha khawp mai. Ka sam tuak hi a tam khawp mai. Mahse, khuaiin min zûk vak tawh vang a ni.
Report this comment
August 19th, 2011 at 1:22 pm
Report this comment
August 19th, 2011 at 7:04 pm
Natna tam tak hi chu in ven theih a ni a.Thenkhat chu kan tawngbuak a awm ve bawk. Tih dam aiin in ven atha zawk an tih kha mawle….:):)
Report this comment
August 25th, 2011 at 10:20 pm
Hmanni deuh khan Doctor pakhat nen kan ti ti a, tun hnaia zunkawng tha lo leh natna dang eng eng emaw tam ta lutuk chungchang ka zawt a. A chhanna pakhat chu, natna hi a punghluai a ni chuang lova, khawl kan neih changkan ve deuh tak avangin hmuhchhuah zung zung a awlsam ta a, tam angin a lang a ni, zu ti ve mauh a!
Report this comment