(Tu pawi ka sawi em lovang chu. Suangtuahna chhul chhuak mai a ni a, zirtir chhete erawh a nei ve e)
A hmel hmuh khat leh hmuh loh chu pheikhawk chep bun ang maiin a hrehawm a, rei lote pawh a tel lo chuan hrehawm ka ti thin. A bula awm a nuam ka ti a, chhungrilah ka hlim veng veng a. A ni pawhin min ngaiin min care êm êm thin.
Ka tân a hlu êm êm reng fova, ka thinrim a hlau va, kan inhmangaih thin hle. Ka tan a rinawmin, atan ka rinawm a. Ka ring bur a, engkim ka hrilh tlang vek thin. Ka tan a inpekna ka en in ka chungah thil tha lo a ti ang tih rinna chang ka hre lova, ka ring phal ngai hek lo. Hmeichhe âwm nêm zawk ka nihna a hai ngai lova, ka tan a inhuam reng thin. Ka rilru nat a hlau va, kan inkara hmangaihna aia mawi kha a awm leh thei tawh in ka ring lo.
Chutia nun kan hman dun lai chuan, ka rin êm avang pawh a ni ang e-chawrno leh tawh ngailo tur hringnun min hnutchhiah ta. Kan inzui deuh chawt avangin a rilru ka lo hre hneh ve hle ni a ka inhriat laiin, tuna ka hringnun chimawm hi ka chan a lo ni ta.
Nikhat chu kan in ah lo lengin, nidang ang bawkin kan inkawm a. Beisei lo tak mai in ka nun ka hmang ta a ni. Ka hmangaihna chikim hlan mah ila, ka thianghlimna erawh ka hlan ngai lo. Engpawh thleng se, nupuiah min neih a tiam a, chu chu ringin ka taksa hial ka hlan ta a ni. Inthiam lovin hreawm ti hle mah ila, thil a pawi zo ta. Khatia kan chetsual takah chuan a ni telin a nun a danglam chak ta êm êm a, mak tihna hlirin min hual zo ta. Thil ka zâwt ta rawih a, mahse min thawng kher mai.
Ka engkim ka hlan tak atang khân, a nunah engmah ka nih tawh loh thu leh K.S ang ah min lo ngai a lo ni. A nâ ka ti a, ka mitsulh a, ka thaw a tawp chut in ka hria a, dan rual lohvin ka biangah mittui a sur ta. Inchhirin awm zia a nei tawh lova, ka mittui in ka sual a tlengfai thei lova, hmangaihna thlum tak kha huatna kha takah an chang zo ta.
Sum tam takin a lei theih loh thianghlimna leh hmingthatna chu ka lakah phum bo an lo ni ta reng mai. Ka nu leh pate ka hrilh ngam si lo, ka taksa chenin a tuar a, ka chêr tial tial a, pâwnchhuah châkna a bova, rilru hreawm leh nâ in ka nun ka hmang ta a ni.
Hetiang teh hrep hian ka nun a phal ka ring ngai lova, ka ring chhin hek lo. Kha ni lungchhiatthlak leh tenawm kha kohkir theih chu nise, ka kut zungtang zawng zawng pawh ka tan mai tur. Zah ngawih ngawihna leh inhmuhsitna hlirin ka khat a, hlimna leh vanneihna ten min liam san zo ta hialin ka inhre thin.
Zahna hmuhsit ka ni a, thianghlimna tlachham, tlawmna leh mualphona ten an bawm, tahna leh tuarna a hausa ka lo ni. Ka hringnuna ser awm hi nikhat thilthua in tan mah nise, ka damchhung hian ka nawt reh leh thei tawh ngai lovang.
Pasal lo nei pawh ni ta reng reng ila, thianghlimna hlan tur ka nei ve tawh dawn lova. Ka hliam tawrh hian min la chenchilh reng dâwn a, ser nung thi leh tawh ngai lo tur nên ka nun ka hmang liam tho tho ang. Ka inngaidam leh thei tawh ngai lovang a, ka inten kumkhua tawh ang.
Vawikhat chetsual avangin nun pumpui a ro zova, piangsual ka lo ni ta. Chuvangin, thian duh tak hei hi ka chah duh che a ni. Vawikhat thilsual tih leh chetsual avangin i damchhung nun a nghawng thei a, i nih tur i nih loh phah thei a, nun tihbaiawm i hmang thei tih in hria ang che.
Vawikhat chetsual a pawi a, vawikhat chetsual avangin natna hlauhawm i vei thei. Harsa takin i buaina te chu i paltlang thei a nih pawhin, ngai i awh leh tawh ngai lovang.Kan hriatchian leh kan hmangaihte hian min rawk fova, kan hriat loh leh kan hmangaih loh ten min ti na ngai lo. Inchhira in dawmkun reng ngaia i nun i hman loh nân, ka tihsualna atangin fimkhur turin ka chah duh che a ni. Nun chimawm leh tenawm ka hmanlai hian ka tihsual tawhna ka thlirkir a. Ka tawrh ang tuar ve lo tur leh daive lo tura mite tana fuihna ropui an lo chang thei erawh, ka hlimna neih chhun ni mawlh rawh se.
Kha ni ka suangtuah kir chang chuan e, ka la tap fova. Ka la khur dar dar thin. Ka duhthlanna ngeiin lungngaihna ah ka inhnuk lut ta si a, a va pawi tak em!!
Tunah chuan rinna, duhna leh hmangaihna ten min kiansan zai an rel zo ta. Rinna in a ring ngam tawh ngai lovang a, duhna ten an er ang a, hmangaihna ten an itsik naah min tir liam tawh ang.
Kan hlim laia kan thlalak, khum lu chunga ka dah bawlhlawh nawiten an bawm chek chu ka la thla a, dimte in ka chul a, zahna mittui a lo luang a. Inchhirin bân a chen ta lo.
Ka hmangaihna leh ka engkim ka hlan che a, min duh ang leh min sawmna anga ka thianghlimna vawikhat ka hlan che avang khân-K.S min ti maw?
August 20th, 2011 at 5:00 pm
chhiar ang.
August 20th, 2011 at 5:13 pm
A va ngaihnawm kher ve le… I ziak thiam hle mai.. A zirtir pawh a tha e..like mawlh2.
August 20th, 2011 at 5:18 pm
I rilru putdan i thlak a ngai. Nobody’s perfect. Mifel tak tak emaw i tih te pawh hian engemaw tak an lo ti ve nual tawh. I vawikhat chetsual vang khan i nun tichhe suh. I rilru na kha chu – time will heal. Tunah chuan tihtheih dang vak i neilo, tap rih phawt mai rawh.
August 20th, 2011 at 5:20 pm
Ngaihnawm hle mai a………voikhat tih sual vanga, mi thianghlim ber awm anga an lo hmusit che nih chuan chung chu hmusit awm ber te an nih zok a rinom lo ti ve ngot teh ang……… (Y) (Y) (Y) (Y)
August 20th, 2011 at 5:22 pm
Ziak thiam fu a, mahse para 1 na ah ringawt pawh khian tihian ziak ta ang se:
A hmel hmuh khat leh hmuh loh chu pheikhawk cheh bun (“chep bun” ni lovin) ang maiin a hrehawm a, rei lote pawh a tel lo chuan hrehawm ka ti thin. A bula awm nuam ka ti(“A bula awm a nuam ka ti” tih aiah) a, chhungrilah ka hlim veng veng a. A ni pawhin min ngaiin min thlahthlam ngailo (“care aia êm êm thin” aiah)
August 20th, 2011 at 5:26 pm
Kei chuan ka ti lo che (H)
August 20th, 2011 at 5:36 pm
No Comment.
August 20th, 2011 at 5:42 pm
Post tha khawp mai…turah ngai phawt ang.
August 20th, 2011 at 5:52 pm
Ngati ge KS te alo tih mai2 che..ava sual em..salaaa..lo ti toh re2 su kan duatlai a sin
August 20th, 2011 at 6:04 pm
I va ziakthiam ve, i ziak uluk bawka, chhiar pawh a nuam khawp mai. Kan nula ten chhiar ngei se ka va ti em. Post tha tak a ni (Y)
August 20th, 2011 at 6:06 pm
no khatin no hnih a hring, a eng lai apiangah thim a awm lo.
August 20th, 2011 at 6:13 pm
Tha khop mai. “nupui pasal neih huna thianghlimna hlan tur nei”…zirtir nei tha khop mai
August 20th, 2011 at 6:14 pm
Ziak ngaihnawm hle mai.
Mipa te pawh kan in enfiah angai, kan hmangaih miah loh an thil neih duh vanga “ka hmangaih che “ti thla ve ngawt kan tam. Hmeichhia te pawh fimkhur hle a ngai.
August 20th, 2011 at 6:17 pm
I dinhmun chu dam reng chung a thi,chhungril rum kawk2 in pawnlam ah hlimawm taka lan tul si..ka khawngaih che,i thu post erawh a ngaihnawm thlawt
August 20th, 2011 at 6:18 pm
‘Pheikhawk chep’ ka va’n hre ngailo em! @Sony-a’n ‘pheikhawk chehbun’ tiin a rawn sawifiaha; ka bo phah leh zual.
August 20th, 2011 at 6:23 pm
pheikhawk chep chu pheikhawk tawt tihna a ni e.
August 20th, 2011 at 6:29 pm
@15 ‘Pheikhawk tawt’ tih tur ni awm tak chu a ni.@ sony a sawi ‘Pheikhawk cheh bun’ tih khi chu ka la hre ngai lo… Mah re2 se a hlutna a ti bo chuang love…good post.
August 20th, 2011 at 6:30 pm
Chu pa chu ka va ngei ve. A thutiam amah ngeiin a bawhchhiat a hnu a KS a la puh te chu.
August 20th, 2011 at 6:32 pm
A ngaihnawm e.
August 20th, 2011 at 6:43 pm
A van tha ve o.mizo te hian vawi 1 chetsual vanga kan in hmuh dan diklo nghal hi chu pawikhawp mai.
August 20th, 2011 at 6:56 pm
Vawikhat ai tam chesual an tam emai. Thlemtu zawkin thiamloh an chantir che aniah.
August 20th, 2011 at 6:57 pm
#sony Pheikhawk chep bun leh pheikhawk cheh bun ka la hrengai miah lo mai a. Pheikhawk tawt kan titlang puiin ka hria.
August 20th, 2011 at 7:04 pm
Pheikhawk chep chu, pheikhawk kan han buna a tawt hi a ni. A hreawm êm êm a, chu chu ka tehkhin a ni. Pheikhawk cheh chu ka la hre ngai lo tlat. A chep tih hi dik in ka hria.
August 20th, 2011 at 7:07 pm
ka khawngaih hle mai che… mahse… hrehawm ti mah ta che.. nangte chuan i famkim lohna te, i fellohna te i la hre tal alom.. i thrianpa chuan a fellohna te kha a hreve angem … mihring nih chhung te chuan tihsual nei lo kan om hlei nem..
i thil rawn ziah lai pawh hian a mood ah i awm hle tih a chiang, hrehawm ti toh reng2 suh… nula virgin sual deuh ai chuan virgin lo fel deuh hi tunlaiah chuan an hlu feeee zok! 🙂
August 20th, 2011 at 7:08 pm
#7 a @No Comment sawn, a kawment tha ber mai… 😛
August 20th, 2011 at 7:17 pm
Heti zawng hian ti teh ang. A chep emaw, a cheh emaw, a tawt emaw pawh nise, a hreawm zia ka tehkhinnaah min ngaihsak mai teh u. A pawimawh ber erawh chu he post-in zirtir a tum zawk hi a ni e.
August 20th, 2011 at 7:23 pm
‘Chêp’ chu thil lian thamah.
‘Tâwt’ chu thil të thamah.
August 20th, 2011 at 7:28 pm
pheikhawk chep a tehkhin te te a, a hnu a hnu ah ama’n pheikhawk lo deuh a chep leh tihna animai lawmni. 😛
August 20th, 2011 at 7:30 pm
Thuhma chhiar lova comment kan awm nual a nih hmel.
Pheikhawk bun lai an chek bung emaw ka lo tia, A hmel hmuh loh chu a la na ve hle mai ka lo ti hman tawh a sin 😛
August 20th, 2011 at 7:37 pm
@lr hlonchhing#26. tha lutuk tlat ……. fiction a ni emaw,biography a ni emaw, poem poh nise, a thumal i hman duh kha hmang hmiah roh……………a soi tum a bo lo a nih chuan leh ngaihruat na a kan kalpui theih chuan a tha daih zok lolzzzzzz
critics ho hi chu an awm ve reng a nia…..
August 20th, 2011 at 7:51 pm
hetianga mahni in dem vak hi chu a trul lem lo khop mai, nakinah kawppui thra deuh dang an lo lang leh mai ang. second virginity hi chu thil omthei tak2 ni lo mah se, mi tenawm ber anga mahni ingngaih hi hmalam hun atan a tangkai lemlo a ni. poi ber eroh chu kumtluan inchhirna tura reilote nawmchen hi a nia.. mse mipate poh hi mi thlem an thiam in an peih em bok a, an thlemna dan tum reng ai chuan inthlem tirna chance pek loh mai a tha zok.. te ti duahh ila, fiction mai a ni si
August 20th, 2011 at 8:06 pm
A dangdai leh hle mai! Tha lutuk.
A rei tawh fu… KS min ti maw? tih love story kha chhiar in awm em? Love Story-a ka chhiar hmasak ber leh hnuhnung ber a ni hial ang a. Khata character neitu ber- Lalthanzara khawngaih thlak zia kha. KS kha a duh tlat si; mahse a thinate’n an duh pui si lo tih vel a ni ta in ka hria. Thanzara kha Pu HV-a a nih duh hmel e ka ti thin(huat awih lauh) … 😛 😀 😀
August 20th, 2011 at 8:23 pm
# 29 ozima: i sawi dik khawp mai. A post tu pawhin ‘suangtuahna chhul chhuak’ a tih mawlh mawlh khi mawle.
Post-tupa/ post-nu chu mi pheikhawk i bunsak thiam hle mai. Nangma pheikhawk i bun emaw kan ti sup sup hlawm mai a nih hi mawle. Keep it up (Y)
August 20th, 2011 at 8:27 pm
Ngaihnawm hle mai . (Y) .
August 20th, 2011 at 8:35 pm
Post tupa hian he lung tum hi ek ani ti ta se, a uih lutuk ti tur ho chu hriat hle mai 😛 .Thutakah in la peih mai mai ka ti. A post tupa berin suangtuahna mai mai a tih mawlh mawlh khi. Khitiang chu a theih loh hrim hrim. One night stand a in tawng chu ni se la, a theih mahna, an life kha one night stand a ni lo tlat a thawnthu a tangin. Chuvang chuan,a post tupa hian a rawn ziak lungkuai em a,in tui ral ta mai mai anih kha 😛
August 20th, 2011 at 8:50 pm
¿
August 20th, 2011 at 8:59 pm
@36, my dear old saint sammoo a rawng lang ta hlol mai. Hei detective mit atangin comment kan pe ve ngawt a, ei lo fe fe awm mahse, kei ni zawng, thil a ni thei lo zawng zawng paih hnu a, a bang awm chu a awm ang emaw awm ang lo emaw a dikna a ni hrim hrim tih vawng chung a chhui chhuak pawl kan nih kha maw. kan mizoram yard ho lung a dum lo leh pek ang chu 😉
August 20th, 2011 at 10:13 pm
#37, kei chu ka lung a dum e. 🙂
August 20th, 2011 at 10:15 pm
doc_lib hi ka ei chak e
August 20th, 2011 at 10:56 pm
Vawi khat chetsual leh tawlh thluk mai avanga mahnia thawh leh mai tum lova tluk hlen hi a fuh lo khawp asin.
August 20th, 2011 at 11:05 pm
#35 like2. Post tha tak chu a ni.
August 20th, 2011 at 11:06 pm
Ti lo ve KS chu-mahse thianghlim tawh lo ka ti zawk che :-O
August 21st, 2011 at 8:08 am
Fimkhur tur a sin, pheikhawk lei dawn chuan bun chhin ziah tur. Nupui neih dawn pawhin an rai theih leh theih loh…….. ;-D 😀 (H)
August 21st, 2011 at 2:06 pm
AIDS hi ka hlau keicu…. (K)