Bel ruak vuak apiang a ri ring á¹hin a; mah se a ri chuan bengfah ahnekin beng a khawrh zawk á¹hin! Chutiang chiah chuan thiamna aia pawlsanna hmachhuana midang chaldelh ran tumtute kamchhuak chuan ngaihnobeina a tlachham a, midang tan hnawksak leh ninawm an chang zo thin.
Thiamna leh finna hi pawlsanna tel loa hlawhchhuak hi mi eng zat tak awm tawh ang maw? Zofate zingah ngei ngei pawh hian an kat nuk awm asin! Kan literature innghahna lungphum phumtu leh a hnuk inthlunna kan hranghluite leh kan ram tana mi thawhhlawk tak tak te zingah pawh hian matric em pawh han thleng lo te hi an kat nuk reng asin.
Scientist ropui Albert Einstein-a pawh khan,â€Imagination is better than knowledge (suangtuahna hian hriatzauna ai chuan kori a tu zawk),†a lo ti tawh hial reng a ni. Ni dawn reng asin he khawvel ah hian a zir sang sang te hian khawvel hriat reng an hlawh zui lem lo reng a ni.
William Shakespear-a chu pawl sang lo mah se a ngaihtuahna leh suangtuahna a hman thiam miau avangin tun thleng hian mi te ngaihsan a la hlawh ta zel a. Matric em pawh pass lo ni mah se la B.A, M.A, Phd etc. zirlai leh zir chhuak tawh inti te zingah hian Shakespear-a kut veilam el tlak pawh kan awm tehreng emaw chu? Anih loh vek leh a kut hnung bâl liaktlak pawh hi kan awm ngût na maw chu?
Sap pachal kei ka ni intipha chin zingah pawh hian a pawl hniamna avanga hmusit ngam hi an awm meuh lo a ni ber e; ngaihnêp a hnekin an ngaisang em em á¹heuh zawk a ni. Shakespear-a kha Latin Grammar School-ah a kal á¹hin a; mahse a zir tluantling ta lo ani awm e.
Dr Samuel Johnson-a English Dictionary siam hmasa bertu hian khatih laia English-ho thu leh hla pûr chawkna ber Latin leh Greek á¹awng Shakespear-a khan a thiam á¹hat vak loh avang khan,â€Small Latin less Greekâ€, tiin a deu hial a; mahse a deutu ai hi chuan khawvel mi te ngaihsan chu a la hlawh ta zel chu a nih si hi!
Thu leh hla lama Shakespear-a tha chhang dawltu tih phu khawp hiala mi duaidim lo lemchan thawnthu St. Joan a ziah avanga Nobel Prize for Literature dawngtu Irish pachal George Bernard Shaw-a pawh khan matric a pass bik chuang hleinem!
A pianchamphaphak kum 26-na ni hmu hman lova famchang ta Romantic Poet zinga a hming dai tawh lo tur John Keats-a pawh kha Apothecary zir chhuak ta lo ve tho asin anih! Hla phuah thiam Henry Louise Vivian Derozio pawh kha zirna lamtluang chu a zawh thui vak bik cuang lo; kum 14 mi a nihin sikul a chawlhsan a, mahse a hla phuah thiam avang khan college ah a thawk thei tho tlat a ni!
Chutiang bawk chuan Zirtirtu ropui ber Isua Krista pawh hi matric pass a ni bik hleinem! A zirtir 12 a thlanchhuah te pawh kha matric pass lo á¹hiau lendenga ei zawng mi mawlmang ve tak tak tho asin an nih; nimahsela a zirtirna chuan khawvelah ram ala la duai duai zel chu a nih si hi! Islam sakhaw hmuchhuaktu Mohammed-a pawh hi ziak leh chhiar pawh thiam lo a nih thu hi sawi tel ve hrim hrim ila a tha awm e.
Zofate zinga kan thu leh hla tihmasawntute zingah hian a tunlai á¹awng takin under matric hi an tam zawk hial ta ve ang. Mizo Shakespear-a tih phu khawp hiala thiam Awithangpa meuh pawh khan matric a pass chuang lova, a hla phuah erawh chu college zirlai-ah te hial telh a ni tho asin.
Awithangpa tluk thawthang khawpa thiam Saikuti pawh chu ti bawk! Saikuti leh Awithangpa te hunlai kha chuan zirna kan la nei á¹ha lova kan ti a nih pawn an hnu lam ami James Dokhuma te unau thum pawh hian matric an pass lo vek a, mahse an thu leh hla te erawh hi chu M.A pass chhuak tawh kutchhuak tam zawk ai chuan teh a la tlo zawk hial ta ve ang.
Ni e, Romani leh Lalá¹anpuia te hi matric pass lo ni mah se higher kan zirlai khan an hla phuah te hi kan zir á¹hin tlat ani. Anni unau thum zinga an pang ber James Dokhuma pawh hi pawl 5 chauh pass ni mah se St. Pauls high school-a thawk thei khawpin a thiam a, USA-a University á¹ha berte zing ami University of California phei chuan Phd Degree an rawn pe hial ani! Zofate zinga sapá¹awng leh zoá¹awng thiam ber pawla an sawi á¹hin JF Laldailova pawh khan pawl 8 thleng bak lehkha a zir lova; mahse B.A leh M.A zirlaite zingah ngei ngei pawh a dictionary siam la bih duk duk chu kan tam khawp hi maw!
Mizo scientist kan tih mai C. Rokhuma pawh hi pawl 5 thleng chiah a kal a, mahse thlangdar thahna hlo RK Mixture kha a hmuchhuak thei tho a, a thil hmuhchhuah hi zirchiang turin Nagaland atangin Bsc(Agri) zirlai hovin a buzawlah an rawn lenchilh hial reng a ni.
Poet of the century atana an thlan chhuah tak Rokunga pawh hi pawl 6 thleng chiah a kal a, a ni aia nep bik chuang lo Vankhama pawh hi pawl 9 chauh pass ve bawk a ni. Patea te, R.L.Kamlala te, Damhauha te pawh hi matric pass lo á¹hiau an ni. PS Chawngthu pawh hi matric pass lo a ni a, a u R. Zuala pawh chu ti tho chu; mahse an pawl atanga an thiamna hi I teh a nih ngai zawngin i teh dik ngai lovang.
Ṭhangtharte zinga thu leh hla thiam ber tih ngam H. Lalrinfela(Mafaa hauhnar) pawh hi a hun laia chanchinbu lar ber tih ngam Sabereka Khuangkaih editor a nih lai pawh khan pawl 12 lo liam bak a pass hleinem! A lehkhabu ‘Chawlhna Tuikam’ a release lai pawh khan kum 22 bak a ni lo asin! Mahse kha lehkhabu kha ka lehkhabu ngainat ber pawl tun thleng hian ala ni asin! L. Biakliana pawh kha kum 23 bak a dam lo va, mahse ngal fima dam tam tak ai chuan mi hriat a hlawh tho tho chu anih hi!
Mi chapo chu an ropui tur angin an ropui thei lova; chutiang chiah chuan an zahawm tur angin an zahawm thei lo fo. Inngaihtlawmna-ah hian ropuina a inphum ru a, zahawmna zakzeh teltu pawh inphahhnuai thiamna hi a ni tlat á¹hin zu nia. Kan thiamna hian Vairengte râl a kai emaw kai lo emaw pawh ni se la pawlsanna hi engkima engkim leh ramhuai hnawhchhuah theihna a ni kher lo a ni tih thu hi chu tui chhungah sangha a rep theih loh tih tluk thawthangin a pawm nahawm awm e.
Chuvang chuan kan hnuai a mite hun inher á¹hin avanga kan chunga an awm leh á¹hinna khawvelah hi chuan tumah hi inhnuaichhiah thei kan awm lem lo tih hi hre reng ila, mifing kan nih phah em lo a nih pawhin kan mawl belhchhah kher lovang tih hi pawm a hahdam ta ber awm e.
August 20th, 2011 at 7:10 pm
chhiar ang hm1ang,
August 20th, 2011 at 7:17 pm
No Comment.
August 20th, 2011 at 7:19 pm
Adama pawh kha ziak leh chhiar pawh thiamlo a ni chungin a hunlai na na na kha chuan mi zawng zawng kha a thu hnuaiah a dah thei a sin. 😀
August 20th, 2011 at 7:21 pm
ziak tha hle mai.
An pawimoh ve ve ang.
August 20th, 2011 at 7:27 pm
Pawlsannain hna kan zawng a, thiamnain kan thawk.
August 20th, 2011 at 7:34 pm
Shakespeare a kut dinglam leh veilam kha a in ang reng, el tur a awm lo. A rilru suangtuahna kha el tlak leh el tur a ni zawk mah awm e ka lo ti ve thung a. Lehkhathiam lova i ngaih ropui tak tak an awm a, i thlang bawk a. Mahse, lehkhathiam ropui tak tak i hmuh kan thung si a ang. Mahse, a tha ka ti e.
August 20th, 2011 at 7:38 pm
article puitling tak a ni..
August 20th, 2011 at 7:39 pm
Tha hle mai…thu i thiam khawp mai..a bengvarthlak bawk…@5 pawlsang si thawk thiam silo hi kan awm ve nawk tho awm e… Good post.
August 20th, 2011 at 7:44 pm
I article ziah chhan hi ka hrethiam chiah lo. Eng pawh ni se, kan pawl a san rual hian kan thiamna pawh a pung tur ani.Chutiang ni lem lo a, thiamna tak tak neih tum lo a, pawl sang ur, engahmah chhawr tlak loh ka nih chuan ka hring nun zirlai ah ka fail tihna ani ang. Chuti zawng chu i rawn sawi uar tumna lamah kan ngai deuh ngawt a 😀
August 20th, 2011 at 7:44 pm
Tha hle mai a………………pawl san bawk a thiam bok nih a chakom rualin…………..pawl hniam a tiang i soi ang thiamna neih khi a hlu tho bok si……………thlan thiam a har ngei mai a…
August 20th, 2011 at 7:46 pm
Naupan tet lai chuan kut vei leh ding in ka ziak thei in ka hre tak asin. :insawithei: Mahse vei lam hlir ka hmang ta char char a, a hnu chuan ding lam chuan hawrawp chhe deuh bakin ka ziak thei tawhlo a bakah ka ziak muang zawk bawka by force a vei lam hman ziah a ngai zui ta. Kalo practice chho ve zel lo kha ka ui leh hnuhnawh khawpmai.
Thil dangah pawh hian vei leh ding hi ka hman pawlh nuk a, ka hman loh lam zawk pawh hi a tul chuan ka hmang thei sawih sawih ve zel chu ania. By born chuan semi-ambidextrous kalo ni aniang. hehe 😀
August 20th, 2011 at 7:50 pm
Hetiang hi ka ngaihtuah chiam tawh, experienced nge pawimawh anga zirthiamna? tih hi. Entirnan Loneih lam han thlir ila, Zoram ah hian Kum 20 chuang lo neia eizawng tawh in a sawi nge rin tlak ang, kum 4 chhung vel B.Sc agri zir sawi? Thiamna kan tih hi degree zawnga teh vek theih a ni lemlo.Mahse Kan India ram ropui ah hian chuan quality ai chuan quantity a la pawimawh tlat maia, chuvang erawh chuan zirsanna erawh sawihnawm chi a ni lovang. Scince hi ‘a tih a tih’ ti in kan hre fo thin , mahse kan ram ah chuan ‘a zir a zir’a ni tlat mai. sawi tur a tam..duhtawk phots ang…..good post (Y)
August 20th, 2011 at 7:57 pm
Thiamna lam post a ni bawk a, ka harsatna min pui thei in awm mial em? Kan laser printer Canon lbp 2900b a chhe hlauh mai a. Paper chu a kal chhuak ve ngei a, mahse engmah a print kai theilo a. A siam dan hria chuan hmanhmawh takin min han pui teh u. Post tu hian min lo hrethiam lawk bawk se.
August 20th, 2011 at 8:01 pm
Last para hi ka Like tawp. Hm ngaihnawm bawk si a (O)
August 20th, 2011 at 8:04 pm
Psstt. School naupangin an chhiar reu reu ang e. Lekha zir tha peihlo hovin “Bill Gates pawh a graduate bik hlei nem” an tih thin min ti hre chhuak. School kal hi knowledge zirna mai ani lova, relationship, community lam, social skill etc. zirna ani a. Sawi nawi chi ani lo.
Naupang hriat phak loh rau rau ah. Mizoram ah te angah chuan thiamna pawh ni lo, pawlsanna pawh ni lo, CONNECTION (to politicians/officials) a pawimawh.
August 20th, 2011 at 8:48 pm
OT: HV-a zu rui der, nula zen tum kha zanin FTH-ah an rawn nuih pui ham ham mai. 😀
August 20th, 2011 at 8:52 pm
Lehkha zir zawh hian thiamna leh finna a intan chauh a ni…. 🙂
August 20th, 2011 at 8:59 pm
A lo ni thei viau mai a .mahse thiam loh chuan a pawl san viau theih si lo a , hehe , Pawl sang lemlo pawh an thiamna belhchiandawl em em an awm tho bawk si ,hetiang mi hi chu mi Special tak an ni , zir sang lehzual se an va tangkai lehzual dawn em . Tin , a bengvarthlak hle mai . Kan Mizo mi hmasa ten harsa tak in lehkha an zir a , an duh leh an tum chen pawh an zir thei lo , an zir ang chen bak ah thangthar te tan a thu leh hla tha tak tak min hnutchhiah thei hi an fakawm hle mai . (Y)
August 20th, 2011 at 9:01 pm
i ti lutuk hret. Mi piang danglam bik chu an awm nameuh mai, mahse a tlangpuia lak chuan i ngaihdan khi ka pawmpui lo hul hual. Kei aia pawl hniam, kei aia mawl bawkte hming ka rawn ziak tlar ve dawn a maw ni le.
August 20th, 2011 at 9:14 pm
Kei chu #No Comment# ‘comment’ hi ka duhber mai..Hahai 😀
August 20th, 2011 at 9:30 pm
Graduate chauh ka ni, office hna chi hrang2 hi kum 8 chuang ka thawk tawh a mahse ka B.A zirlai hian min puih awm reng2 ka hre lo. Ka tawn chawp experience atang vek in ani. Professional line chu ka sawi ngam lo, engineering, doctor etc.
Hna zawn na ah pawh experience nei chu an duh deuh zel in ka hria
August 20th, 2011 at 9:35 pm
OT lok.. Zanin zet awng LIverpool fans nih a va nuam em!!!
(Y) (D)
August 20th, 2011 at 9:58 pm
Tunlai khawvel kalphung thlir hi chuan mi hlawhtling ni tur chuan ‘at least matric passed’ tih hi kan thlir dan tlangpui chu a ni a. Mahse, mihring hi kan talent dawn a in ang vek lo a. Academic lam ti thei thlawt lo, hetiang lama talent dawng tlem tak, mahse thildanga talented tak tak an tam ve khawp mai. Heng mite tan hian ‘at least matric passed’ tih ngaihdan tlanglawn tak hi beidawng a siamtu a ni thei khawpin ka ring. Chutiang mite tan chuan he article hi fuihtu tha tak a nih ka beisei.
Ka fanu hi lehkhazir mi tak a niin ka hria a. Ka fapa erawh hi chuan ka rilru a tibuai thin. Eng line nge a talent ni ang aw? tiin ka thlir ru fo thin.
Terema chhakchhuak, i thuziak hi a thupui leh a conclusion a in bye bye deuh niin ka hria. Chutihlohah chuan i article hi tha ka tih piah lamah a mamawhte tan chuan a hlu khawpin ka ring. Material i fawm khawm tha a, i taihmakna avangin fak i phu bawkin ka hria. Academic lama kal zel harsatna nei lo ten i article hi Excuse siam nan hmang lo se la. Zirna lam ti mi lo tak tak leh hlawhcham mek leh hlawhchham tawh, kawng dang a potential nei tha te tan erawh fuihtu tangkai tak a nih ngei ka beisei.
August 20th, 2011 at 9:58 pm
Khing ho khi chuan ‘literary gift’ an nei hrim hrim a. Tin mihring hi puitling chi, pianpui finna nei kan tih ang chi an an awm ve hrim hrim lawm. Thenkhat te chuan certificate chu an nei sang maithei. Mahse quality an nei lo thung ang. Chutichung chuan kan line a zir khan qualification tul chang a awm thova, chuvangin lehkhazir san chu a pawimawh lo theilo.
August 20th, 2011 at 10:07 pm
Pianpui BA kan tih ang chi personality nei hi chu an awm ve hrim2 a, Mahse i post ah hian i la vung lutuk deuh lo maw??? Pawl hniam aichuan pawl sang nge nge chu an zia deuh ang a…
August 20th, 2011 at 10:15 pm
Eng pawh nise Last Para khi a tha ka ti khawp mai. (Y)
August 20th, 2011 at 10:16 pm
mithiam/zir sang nih kher loh paw’n a hlawhtlin theih.. tih lam khi kaltlangpui law law la.. Mithiam/zir sang ngaihsanlohna chi i tuh tel kher khi a tul lo. Ka fate reu reuvin an chhiar ang tih ka hlau.
August 20th, 2011 at 10:23 pm
@saint sammoo#27: Zir sang ngaihsan lohna a tuh kher a mi khi khian?
August 20th, 2011 at 10:32 pm
Zirsan leh mark hmuhsan hi thiamna a ni kher lo tih ka entirna a ni ber e he article hi chu. Ka thianpa master shifu dan takah,”A thiam chuan mark an hmu sang tur a ni a; mahse mark hmu sang apiang hi an thiam tihna a ni lo”, a tih hi a pawm nahawm ta viau chuan ka hria. JF Laldailova khan pawl 8 chiah pass mah se la amah kha agriculture lama a tui em avang khan Hydroponics hmang khan thlai a ching a, a thlai thar chhuah zikhlum te kha a hnah ringawt pawh thlangra tia tia a ni hlawm a, amah kha chemical fertilizer Mizorama hmang hmasa bertu a ni hial bawk reng a ni. Amah khan hybrid cross vel pawh a ti zel a, khatianga ti thlap thlap peih kha Bsc(botany) zir zingah pawh hian kan vang pharh mai lovang maw! Zirlai bua inziak chiah hi thiamna a ni kher lo tih chu hei ringawt pawh hian a tichiang viau chuan ka hria.
James Dokhuma pawh khan ka ziah ang deuh hian article hi a lo ziak tawh a, chutah chuan a sawi dan chuan MNF sipai jail-a tang ho zingah rau rau pawh khan a hnua thuziak nasa leh kutchhuak nei tam ho kha chu a pawl hniam ho kha an nih thu a ziak lang hial reng a ni.
Min lehkha an thiam thei lo kan tih te hi an tui tawk loh vang a ni ber zawk awm e. Chumi ti fiah em emtu nia ka hriat chu true story based movie “October sky” tih kha a ni awm e. Lo en ve chhin ula inhre mai ang.. 🙂
August 20th, 2011 at 11:23 pm
Thiamna ril tak leh zirbing thei tur chuan pawl san chu a ngai ve tlat si anih hi. Ka gaihdan chuan, a theih hram chuan a sang thei ang ber thleng zir a tha ka ti tlat. Zir inang rau rau vah, taima leh thiam bik na na na chu an dingchhuak ngei ang.
August 20th, 2011 at 11:37 pm
@29 a dik khawp mai, a zir sang apiang an hmantlak kher loh,..Pathian an hriat loh phei chuan ramhuai lianpui siam ang chauh an ni.Chutiang bawkin a zir hniam nazawng an hmantlak tihna ani kher lo. Pathian in mitin hnenah theihna/talent hrang theuh a dah a, chu mi hai chhuak thiam apiang te chu mi hlawhtling/hmantlak te chu an ni mai. An tuina/talent lam a sang taka an zir phei chuan anmahni bakah midang tan malsawmna a ni lehzual ang.
August 20th, 2011 at 11:39 pm
Article tha tak ani, Mizote zingah pawh ah Degree nei sang tak2 hi an tam hle a, mahse kan state economic backbone chu Govt Job ala ni tlat mai si tehian lu a ti hai thin!. Sorkar hna kan atchilh bur ringawt mai tehian lu a ti hai thin ani…. India rama Univ leh college tha tak tak a zir mizote hi an tam tawh hle a, mahse chung zirna in tha atanga zirchhuak tamber tepawh chuan a tawp ah chuan Sorkar hna beisei bawkin Zoram an pan leh thin!. Thiamna chhawrtlak/hmantlak neih tum in, mahni a enterprise kan siam theilo anih pawhin Corporate world ah te hian i lut ngam ang uu….
August 20th, 2011 at 11:45 pm
(Y) ngaihnawm e… ngaihtuahna ti kal thui hle mai
August 20th, 2011 at 11:45 pm
(Y)
August 20th, 2011 at 11:51 pm
Thu vuakthlak dan hi a syllogism type deuh ka ti. Mi bik leh talent-te hi generalise chi an ni hauh lo. A bikin literature huangah ngat phei chuan gift of talent a nih avangin khaikhin vak chi pawh a ni lo.
Syllogism type-in ti hian miin han sawi ve ta se. ‘Prof.Lalthatluanga Vice-chancellor chu a zir sang a, Pu Thanga chuan pawl 6 chauh a zir, chuvang chuan Pu Tluanga chu thiam tak a ni.’ Khawvela mi thiam kan tih 80% aia tam hi zir sang an ni, zir sanna hi sawi hluhlan chi a ni lo.
Zir sang lem lo fing leh ril site i fak duh a nih chuan han fak tha mai la, pawlsanna hi dahhniam chuang lovin. Mawl ve veah zir sangte hi an la ziaawm zawk-fing ve veah pawh chuti hlauh…
Illustration i dap kual chhuak tha erawh i fakawm-anecdote a ni hawt e.
August 21st, 2011 at 12:41 am
inla critic tawka an comment hi chuan ka nui leh nge nge thin…
August 21st, 2011 at 12:43 am
Vakul sawi ang deuh hian mi theih bik neite (talented) te hi a nawlpui huam tir chi anni lovang. Thiam bikna an neih vanga ropui anni reng a ni.
Amaherawh chu, thluak an sawizawi peihna te, thil an chik peihna te hi entawn a, thluak sawizawina in nasa takin hma min sawntir thei ani tih hriat nan erawh fuihna tha tak ani awm e.
Mizo te hian, “Ka upa tawh a, ka thluak a chawlawl tawh…” tih mai kan ching fo. Hetiang tawngkam hi hmanloh a thain ka ring. A tlangpuia chhuta thluak sawizawi (exercise) tha ber, thluak chak bera ngaih Japanese te hian 10% emaw lek an thluak an hmang an ti ani lawm ni kha? Keini ho hian engzat % tak hmang ve ang i maw?
A nawlpuia lak chuan a tlangpui thuah, lehkhamawi (certificate) hi hnazawn nan chuan mimal thiamna ngawt ai chuan atangkai tih chu sawi thui ngai lova tlang hriat anih ka ring. Nikum lama ka sikul kaina hmunah chuan mi 1 upa lam tawh hi a awm ve a. Ani chu a hnathawh naah pawh duhsak hlawhin hna pawh a thiam ber pawl ani awm asin. Mahse, a zirlai a pass chhuah theih miau siloh avangin skilled labor (certified engineer) ani thei chuang reng reng hrih lo. Engineer dang ten an tlukloh thu an sawi fo tih kan zirtirtu ten an sawi ka hria a ni.
August 21st, 2011 at 12:46 am
Ka edit theih loh chu le. Engpawh nise, thu bengvar thlak leh ngaihnawm, chhut thui peih tana tangkai thei tak tur ani ngei ang hairehai 🙂 (Y)
August 21st, 2011 at 1:06 am
A hman na tur a zir a niang chu…
August 21st, 2011 at 1:26 am
@ Vakul, a pawl sanga te ngau ngau hi an thiam lo e ka ti reng reng lo tih chu i chhiar khian i hriatthiam ka ring. Thiamna aia pawlsanna hmachhuana midang chaldelh ran chingte ka sawina mai a ni e! A tawp lamah pawh khian ka sawi chiang bawkin ka hria a, nge ni a lo chiang chiah lo zawk? Pawl san chu a tha na meuh mai, mahse kan pawl sanna leh kan thiamna a intuhâ thin lo hi a ni ka sawi zawk tak chu. B.A tuaitir hovina JF-a zu an inlaia sap á¹awnga an rel te pawh kha thiamna aia pawl sanna an hmachhuan avang chiah a nih kha. Thei chu a rah tamna zar apiang a kur hniam thin ang hian mithiam inngaitlawm chu an hlu zual bik thin. Mahni pawl sanna hre hlur ringawt hi chu an thiam ve pawh hian an chhawrnahawm tak tak thin lo, midang tan dawr an harsa zawk thin.”Mi chapo chu an ropui tur angin an ropui thei lova; chutiang chiah chuan an zahawm tur angin an zahawm thei lo fo. Inngaihtlawmna-ah hian ropuina a inphum ru a, zahawmna zakzeh teltu pawh inphahhnuai thiamna hi a ni tlat á¹hin zu nia. Kan thiamna hian Vairengte râl a kai emaw kai lo emaw pawh ni se la pawlsanna hi engkima engkim leh ramhuai hnawhchhuah theihna a ni kher lo a ni tih thu hi chu tui chhungah sangha a rep theih loh tih tluk thawthangin a pawm nahawm awm e”tih hian a fun kim ber awm e.
August 21st, 2011 at 3:58 am
Manner hriatlohna hian mithiam tamtak a chhuah mawl vek thei niin a lang. Mi tamtakin lehkhazir sang kan beisei dan chu, midangte hriatthiamna ngah, hawizau, dikna tan ngam, nungchangmawi leh tlawmngai tak tak, etc… Mihring nun tha lam nei mi an nih hi kan beisei a ni, chutiang an nihloh thin avangin ‘ lehkhathiam mawl ‘ kan tih hi an awm ta ni berin a lang… Han chhui chiang mahila, a bul berah chuan ‘ manner hrelo’ hi finglo kan ti tlangpui thin lo maw ? Chumi a mawhphurhna nei sang ber chu, Nu leh Pa te bawk an ni, chawrchhuahna hmun/veng hruaitute pawh hian an zir a ngai ve tho ang chu, an mahni mimal chauh dem theih pawh niin ka hre chuanglo . Nungchangmawi inzirtirna hi uar leh tawh se, YMA kumpuanah te hmang hial se reilote hnuah kan zia-awm viau mai ang, kei chuan ka ring tlat.. (Y)
August 21st, 2011 at 7:55 am
A ngaihnawm khawp mai, mahse keini ang rual tan hi chuan zirna hi a hlu a ni. Mi bik i han tarlan ho ang khi kan ni ve der mai si lo a.
kei chu pawl 9 vel a kan zirlai te khan motor siam/repair naah min pui tlat, sikul kal lo ila ka hriat dawn loh teh reng nen.
August 21st, 2011 at 1:46 pm
#40 pawl hniam hlawhtling chauh i rawn sawi vang mai a nia.
#36 el, critic lehtic loh lam a ni lo,an ngaihdan an rawn sawi a, kan ngaihdan kan sawi ve a ni mai. Tawngpawngin hnialna ka zawng hran lo.
I comment zawh chiahah chhiar nuam vak lo hlirin ka rawn chhuzui ve dawn che maw ni le… 😛
August 21st, 2011 at 4:24 pm
“Mi bik” kan tih hi chu an awm na meuh mai, mahse inzir nasat avanga “mi bik” ni ta hi an kuhtul awm e. JF Laldailova kha tawng thiam chak taka sawi a ni thin a, kum 6 chhung Mizorama awmhmun a rawn ben bel khan Mizo tawng a zir leh tak tak a, zofate zinga a thiam ber pawla sawi a ni leh thei a ni. Bengali vai ho zingah kum 7 tal tap a awm a, an tawng bengali kha a ngaihsak loh avangin a thiam chuang lo. Air Force-ah pawh kum fe a thawka hindi a thiam chuang lem lo. Kan tui chilh leh chilh loh a ni zawk.
August 21st, 2011 at 5:37 pm
In vai khian special na in neih vek ka ring. Inchhung khurah, hnathawhna, khawtlangah te, tin thu leh hla lamah te pawh, in comment reng chhiar a nuam thei mai. Mahni theuh kan pawimawh ber mai. Zir turin tlai luat a awm lo. Hmanah khan P/S zirtirtu te pawh Sorkar khan chance a pe a, tu leh fa neih duah tawh hnu ah Matric kha an han exam tha leh a, kha degree khan scale sang zawkah a hlankai dawn vangin. Chuvangin zir san ngawr ngawr hi pawimawh ber lo mahse kan educational qualification pawimawh hun a awm thin.
August 21st, 2011 at 6:17 pm
A thiam bik te hi chu an awm hrang a khaikhin lo mai ang u 😛 😛 . Zirsan poh a tha, thiam poh a tha………mark hmuh san pawh a tha, hmuhsan vakloh pawh tha tho, fail loh chuan hehehe…… chutih rualin a ti peih ta vak lo te pawh an tha tho. lehkha zir miah lo poh. 🙂 🙂 . Zirsan a thiam vak loh pon zirsan na kha tha tho, zirsan loh pon an thiamna kha tha tho……………..
Ka van soi tha tehlul em 😛 😛 😀