Ka hre zau hauh lo va, amaherawhchu khawvel hnam hrang hrang zingah hian zing dar 7-9 inkara chaw(Buh)heavy taka ei leh tlai dar 4-6 inkara zanriah ei hi hnam changkang zawk zingah an tam ka ring lem lo hnam mawl zawk leh kut hnathawka eizawng zingah chuan an awm nual mahna; mahse hei hi kan Zotlang ram nuam a kan ei dan a ni tlat si. Tin, chaw chhum nana Pressure cooker hmang nasa ber kan nih ka ring bawk; chaw kan chhum pawhin a tui paih miah lova chhum thin, a tira tui leih hmin pui thaka chhum kan ni a, hnampui zawk hian an ching lem lo ni awm tak a ni-taksaah hian inkhawl lo tur a inkhawlkhawm tam duh an ti. Sawisel tum hrim hrima sawi erawh ka ni lo va tha zawk a awm em tia han sawi mai ka tum a ni.
Chaw hi a pawimawh a, kan ngai pawimawh tur pawh a ni reng a; hnam changkang leh hnam fing hmasate hian an lo ngai pawimawh bawk. Tin, ram hmasawn mekte pawn an duhtui chho ve mek zel bawk a, chuvang chuan chaw atang ringawt pawh hian hnam dinhmun a hriat theih awm e. Ka tawng tu huatthu suhah, kan unau Bru-te deu(h) na tura kan hman nasat ber chu an chawhmeh hi a ni tlangpui a, chutiang bawkin central India lam hian North East-a chengte min hmuhhniamna ber chu kan chaw leh chawhmeh an sawi dan hi a ni fo, Ti hian point neiin ngaihtuah zui tur ka’n sawi zawk teh ang:
1)Zingkar dar 8 vela tui ti lo chung chunga chaw kan ei ai hian Breakfast tui ti deuh hian ei ve tawh zawk ila kan hrisel zawk ang em? Hma lem lo takah kan han tho va, thingpui kan in zawh veleh a thenin mei an zu a, kuhva an ei bawk a (kan ni vek kher lo) a thenin tuisik tam tawk kan in bawk a; rei vak lo hnuah chawei turin min han ko leh a-a phurawm loh thei khawp mai. Chawhmehin a zir viau loh phei chuan kalh tikimtuah kan ei ve lek fang a ni. Kan thlak thei mai ang em?
2) Chawchhun ei ta ila hma lutuk lem lovah zanriah ei ta bawk ila kan buai ang em? Kan buaina ber tur chu zanlam programme hi a ni theuh ang. Inkhawm, committee leh adt hi zan lam programme a ni deuh bera thlak mai tikhirhkhan ber tur an ni-mahse hnam dang hian zan lamah programme an va nei thei tho si ve? Kan tih lai mek tibahlah chuang si lo hian kan ti ve thei mai lo maw?
3) Engtin nge kan chaw dawra hi kan tihthianghlim ang? Chaw dawr tam zawkah hian kal hmasate ei bang kha a belah chhunglut lehin a hnunga mite min hlui tlangpui hlawm a; chutah a hawpna tur hran min chhawp lo tlangpui bawk si a an hawp luai luai hnu kha kan han hawp tha ve leh a nia; chil kan insem tlang a ni deuh ber. Hei hi a customer/consumer lam hian kan dang thei ang em aw? Mahni ei bang zawng kha thawhsan mai lovin chawnawi bawmah paih tum ta theuh ila chuan kan thei chu a ni mai a. Tun dinhmunah chuan chaw ei laite hian chil a rawn haw lek lek thinin ka hria.
4) Hmeh neih tam aiin tlem zawk tui zawk bawk si hi ngaihtuah a hun. Mizo nu inrinni bazar hi an inkhai zo mang mang lo-kan lei hnur mai. Vai bazar chu an bag hi a thep hnan mai a, an hmeh tui lo em em a nih pawh ka hre lo-chaw eiah min sawm ve zauh zauh tawh a. Kan siam teuh a, a thing kan paih leh a- kan sum leh pai dinhmun chu engpawh ni se, phak tawkah tih tam kan tum theuh mai hi sim then ngaiin ka hria, siam chhun pahnihkhat erawh tui thung se la.
5) Thei lam kan uar tawk lo fo hian ka hre thin. Ramah kan kal a, a awm tumin kan ei nghek mai a-kan reh leh vang vang a-awm leh hunah duk leh nghek mai a, a fuh chiah lo. Kan ram khawpui ber(Aizawl)ahte hian thei zawrhna dawr a va tlem em ka ti thin. Taksa tana a that zia chu mi dang sawiah khek ang. Engtin nge kan uar zawk ang le?
6) Sap ramah ka la kal lo va, vai ramah erawh chuan Restaurant han luh phat hian thil dang zawng aiin tui min lo pe vat thin, kan hre theuh ang. Vai hi hnampui an ni a an tihsual ka ring lo. Engpawh-thingpui a ni emaw thil dang thak lam chi pawh ei dawn ila puma tui lo awm khan a lo neutralize dawn a pum pawhin a tuar nep deuh ngei ang. Kaw ruakah tak ngeng ngawng kan han hnawh thla thut mai hi chu pum lam hi a lungawi hlei thei lo chu a nih hi.
7) Thlum kan ei hun hi a fuh hian ka hre thei lo bawk. Kaw ruah lai kan thlang fo mai, Thingpui thlum kan in hun hi kaw ruah lai a ni chawk-zingkarah han leng kual ila hleuhna tham dawn hi kan in mai 😉 . Thlum reng reng hi pumah a thur a, thur hi a kha thung-thur chu acid a ni a, acid a lo tam hian doctor-ten ‘hyper-acidity’ an ti a; pumpui bang a ei pilh a ulcer a ni mai. A hnulehah hlet hrang hrang a chhuah bawk a. Thlum kan mamawh hun lai chu kan puar lai hi niawm tak a ni a, kan thil ei chiah tawih turin acid kan mamawh a- thlum dawrte hi kan nei pachhe ve khawp chuan ka hre bawk thin.
8) Hnam changkang vak lo hian uih an ngaina duh khawp mai; a theih theih kan ti-uih a tui kan ti em em vek a. Uih hi pum lamin a ngeih loh ber pawl a ni bawk si a. Uih nen hian kan hnam hi a inzawm thui tawh em avangin malmak mai chu a har khawp ang, uih kan hmanna hmuna a thlakna tur zawn hi kan MHIP-te mawhphurhnaah dah ang 😀 .
Sawi tur ka ngah hle mai mahse a sei dawn bakah ka inziak riltam zo-chaw ei teh ang :-S .
August 21st, 2011 at 8:07 am
Chaw leh chawhmeh tihna em ni?… Chaw chu ei hmasak (first) phawt hi a tha! te ka tia….
Ni e… Chh1ar phawt 1la..
August 21st, 2011 at 8:07 am
Uih hi chu a tui ve bawk alawm le 😀
August 21st, 2011 at 8:25 am
Good post. Ei leh in lamah mizote a bikin kan la changkang lo. Vitamin tam tak awmna thlai kan eidan te hi, a vitamin bo zawngin kan sawngbawl tlat zel a. Kan chawiei hun timing hi chu thlak theih niin ka hrelo, kan society mil, working hours mil a ni tlat a, han thlak tum ta ila kan buai khawp ka ring. Zing dar 8 vela chawei chu chakawmloh theih khawp mai. Sunday hian kan eitlai deuh thin a, hei tunah 8.25, ‘chawei tur’ an rawn ti ta 😀
August 21st, 2011 at 8:27 am
Kawmen ang chhiar zawh hnuah…
August 21st, 2011 at 8:51 am
inkhawm banah komen chauh ang..
August 21st, 2011 at 9:03 am
Dar 9 hma chuan buh leh sa chuan kan inhnawh puar leh phawt mai chu a niah. Ka la puar rih chhun riltamah komen ang.
August 21st, 2011 at 9:07 am
Tha hle mai. (Y)
Kan society-a ni khat a meal vawi-2 chauh hi vawi-3 a thlak chu a hun ve tawh khawp mai.Mahse le…hmanlai atanga kan chin kha ani sia kan inrelbawl dan thlengin a control tawh si a le..la nghah deuh chu a ngai maithei,mahse mi tamtak ching an awm tan ve mek e.
Uih..:S Zawngtah mu bawl ngei mai hi a tui alawm le. 🙂 mahse len chhuah dawn chuan ka eilo thin 😉 Ai-um leh UISHAaaa a tui beiii…,.(Y)tawk teh se. 🙂
August 21st, 2011 at 9:08 am
Post tha tak, ngaihtuahna ti thui tak a ni. Mahse, mi tam zawk hian ni khata chaw vawi 3 ei chu kan tlin lovang. A bikin Thingtlang lam hian.. Kan economic dinhmunin a tlin hunah kan ti ve thei mai ang…
FIAMTHU : Pathian ni te hi chuan Kohhran hian Lunch hi buatsaih ziah ta se, zanah Dinner buatsaih leh bawk se, hei ai hian inkhawm kan tam phahin, a tinuam sawt ang em le? An hausa hlawm hle si a….
August 21st, 2011 at 9:17 am
No Comment.
August 21st, 2011 at 9:30 am
Chhiar hma in chaw kan ei phawt teh ang….! 🙂
August 21st, 2011 at 9:36 am
Uluk takin ka chhiar chhuak dap a, a tha ka ti hle mai. Point no.3 khi tak tak a nih chuan, sim vat chi a nih khi. Man nei a, Restaurant/Hotel ah thil kan ei chuan, kan ei zo emaw zo lo emaw, a man kan pe full ngei ngei tur a ni a, kan ei bang pawh an paih mai tur a ni. Zing dar 8 vel a chaw ei hi nia, ril a tam hman meuh thin lo. Naupang Sikul chawlh lai chuan dar 10 velah kan ei tlangpui. Chawhmeh rimna lam chi (Khanghu, Thingthupui, Zawngtah, Dangpuithu, Nghapih,etc)tui ti chi tak mai ka ni si a le. Zial leh Zu nghei theilote ang bawkin, a awm chuan ka ei lo thei lo ang ka ring. A thatlohna chu Kuhvakhawr ei a chawh thin tlangpui. Thei erawh hi chu, ka tui tih zawng tak a nih chuan; chawah ka ring thei.Good Post.
August 21st, 2011 at 10:16 am
Poin 3na khi ka pawmpui.
Mifing in an sawi fo thin, Eat breakfast like a king, Lunch like a queen and dinner like a princess, zingdar 5 vela i thawha, Dar 8vela chaw heavy tak ei baka thil tha hi a awm lovang, hnam changkang a piang in Breakfast leh Lunch an ei heavy, a chhan chu nileng a kan hnathawh leh chet vel na ah tha kan ma mawh, a that dan ber tur chuan, dinner reng reng hi, i mut hma darkar hnih ah i ei a ngai, chuvang chuan mizo ten kan chin hi thil chin tha ani, variety of food emaw kan sawngbawl dan tlem in a hrisel lo tih mai loh chu.
1)Tuiin hi a tha teh meuh mai, before 1/2hrs food or after 1/2hrs food chhunga tui in teuh hi thil tih chi ani lem lo, digestion a tih buai theih vangin, chu ai chuan greentea emaw, black tea emaw no khat vel in hian digestion apui thei bawk.
2)Mizo te aia thei ei na sa hi kan tam lo ang, mahse kan thei sawng bawl dan a hrisel lo tih mai loh chu.
3)uih hi pumpui in a zawh loh avang in ei tam loh atha, hnam changkang leh changkang lo tih na lam ani lo, Westerner ho hian uih hi ei lo se cheese uih deuh deuh man to tak tak hi an chhawp fo lovang.
Kan chawei dan hun hi chu thil ta tak ani a, mahse variety kan ei hi thlak ni se, buh(rice) te hi ei tlem deuh ila, Maite, iskut te leh vaimin lam ang chi te hi ei tam ila kan tan atha.
Thil thak leh uih hi digest a har deuh avangin ei tlem tluka tha a awm lo
Ka lawm e
August 21st, 2011 at 10:19 am
Keini chu 8-9 a.m. ah breakfast, 1-2 p.m. ah lunch, 8-9 p.m. ah dinner.
August 21st, 2011 at 10:59 am
Ziaktha hle mai, kum 2009 Aizawl a tangin Serchhip kan kal ve zingchaw Serchhip ah kan ei ta, Hotel ah chuan kan thukhawm bial reih hlawma. Kei leh ka Driver chu Table dang dap teh anga ka hanti chu, a awl ah kan thu e ti in, midang an lo thu ta sap sap mai. Ka mang ang ka la experience ve ngailoh kha anibawka. Thiante u ti nge hie chu ka Table hoh ania a dang awlah khian thutna a rem zawk anga ti in ka han ti ve reuh ngot hlawm maia. Engmah pawhchu sawichuang lo chuan, chaw eitur chu an rawn chhawp ta, Arsa, Vawksa, Bawngsa an rawn chhawpa plate khat ah Hrang hnih vel te te kha ani a, Vawksa erawh Plate lianah a thau thau chu an rawn chhawp ta bawka. Vawksa chu an ei a thau thau chu an duhbawksi manga’ng in ka en reng hlawma.Ka Driver chuan Pu eita che an eizo dawn asin hei ati ta reuha, ngoiteh ka ei thei tlat lo ka luak ti tih mai dawn a lawm hei ka tia. Ngawireng chuan Staff chu ka ko a, keima tan Sahnga, Arsa, bawngsa, vawksa a hrangin mi lo tihsak teh ka tia. Mi an en, a rawn chhawp chu an ei leh ta vek , eu, va mak ve ka tia. Tlem a zawng ka bar hnuchuan kal mai kha ka tuma, ka Order manzah ka dila , e khai, Rs 50 ani mai kha a ti a, e a va tlawmve ka tia, to deuh turah i ngai em ni, chu vang em ni Sa te kha i ei that ngam loh mi a ti ve leh maia staff nula te chuan. Ni lo ve, ka ei thei lo ka luak a chhuak tlat. Mahse a tuikhawp mai ka ti ta zeih. Hnamda’ng te tan ei a har dantur te ka ngaih tuah noh noh a, kan ram hian ei leh inah hmasawn kan mamawh zia ziaktupa i hre chiang kher mai. Tiang hi tha tak tak in han ziak zel teh. Very Good Post!!! (Y)
August 21st, 2011 at 11:48 am
1 ka chhiar a ka rilru a awm post tupa chu hmeh tui lo thei awm ve(fiamthu)
August 21st, 2011 at 12:04 pm
soi thra hle mai va-cool chu..! naga ho poh hi tur(poison) lo chu a ei theih vek an ti mai a..lolzz.
August 21st, 2011 at 12:52 pm
A tha hle mai… Tukthuan kan ei heavy thei lutuk leh kan chaw ei in kar hlat lutuk hi chu a thalo khawp mai. Riltam tawp a puar el euh a ei tawk chi, duh zawng chu lim nghek mai chi hi kan ni hlawm roh a. Kan pum pui hi tawng thei ni se chu sawi tur a ngah ve khawp ang le.
August 21st, 2011 at 1:09 pm
Zing dar 8-9 velah chaw puar peng pawngin kan han ei a, chhunah puar khawpin engmah kan ei leh mang si lova, tlaiah kan han lim leh ngheng mai bawka, manhla viau mahse kaw ruaka rei tak kan awm hnu-a puar taka kan han ei leh vak thin hi a ni mahna mizo zinagh hian pumpui na kan tam em em an ti miin 😛
August 21st, 2011 at 1:22 pm
Point No 3- khi chu Soup bowl inchhawpin mi tam tak chuan an pumpelh tawh. Vakul hi ei leh in duh tak chu i nih ve kan ring ringawt a !He.. Ni khata vawi 3- chaw ei hi kan hnathawh dan leh kan Economics hian ala phak chiah lo chu a ni deuh lo maw? Ei leh in hrisel zawkna kawnga ngaihtuahna thui tak i seng hi ka Cheers ve hrim hrim che. Rawn ti zel rawh.
August 21st, 2011 at 1:23 pm
Mahni a ro inrel kan pipu te chuan zing dar7 velah tukthuan chhun dar12 leh dar1 inkar velah chhun chaw tlai dar6 leh dar7 inkar velah zanriah an ei thin.
August 21st, 2011 at 1:32 pm
Khaw kar kawng hotela chaw han eia chawhmeh bowl lianpuia an chhawpa fiana kan han in suah tawm luai luai hi chu thil nuam chu a ni lo a lawm, eng ni lo mah ila mahni inah pawh kan tih ngai loh a ni a, harsa chu ka ti deuh. A hrana suah han dil dawn ila kan eipui ten min ngai ‘eng emaw’ ang tih a hlauhawm deuh bawk si a.
Tun hma khan hetiang hian an ti ngai si lova, engtia tun hnai hian ching ta tlat nge maw an nih chu le. Kan hotel siamtute hian thlak leh thei sela atha ngawt ang. Central YMA lam atang pawh hian inkaihhruaina te nei sela, kawng chu a la awm deuh mai lawng maw..
August 21st, 2011 at 1:33 pm
#12DXBFreak, i sawi dik ang-mahse Breakfast hi heavy lo se ka ti miah chuang lo; Buh kher lo pawh hian a heavy thei turah ngai ila. Buh hi zing lamah chuan ei a lo har deuh bawk si a.
Thei hi kan ei nasa a ni maithei-kan ei dan hi hmuh huna ei nghek kha a ni mai a, sawngbawl dan pawh a ni chiah lo.
Westerners-ho cheese leh aium, saum-bekang, Dangpuithu, hi a content dang turah ngai ila. Kan uih ei-ho hi chu tawih(trawih) a ni deuh vek-zawngtah vel tih loh chu. Sakhi sarep uih fak vak vak hnam kan ni bawk a.
#15 lalther, i sawi dik phian ang-kan hmeh that thu ka post lo bawk a lolz. Ka chaw ei erawh a tui; kan nu zarah.
Ka sawi tum chu a chiang, chaw leh eitur-chawhmeh a ni emaw hei ai hian duhtuiin fimkhur ila, discussion tam zawk nei ila a fuhin ka ring thin. Ram leh hnamin changkanna lam a pan mekah hian a nawlpuia hma kan sawnna tur tul tak niin ka hria.
August 21st, 2011 at 1:42 pm
#19 kan chaw dawr tam zawk hian an la ti tho. hman ni zoram ka chhuah pawn kan einaah ka hria. an sawi fur mai.
ei leh in ka duh lam vang ai mahin a thianghlim leh hrisel ka duh…chu chu a ni mai.
August 21st, 2011 at 2:28 pm
In tho tlai hlawm em a tukthuan ei hunah ka ril a la tam lo in ti mai mai a nih kha. Keimah ang hian zing ni chhuah hma-in exercise lo la fel diam tawh ni ula kan tukthuan ei hunah hian in ril a tam ve khawp tho ang 🙂 Zing thawh hlima chhang leh thingpui nen inhnawh mahila tukthuan ei hunah hian ril a tam hman ngei ngei.
Chhunah hian chawei pangngai aia light deuh hlekin han ei leh ila zanriah ei hunah meuh chuan ril a tam mawi tawk leh viau.
Ka sawi lan duh ber chu kan thil ei hunte hi a dik lo hran lo, taksa tana a that dan tur ngaihtuah chungin kan ei hunbi-ahte hian ei ila kan thatpuyi em em ang.
August 21st, 2011 at 2:30 pm
Kan eitur tak hi chu kan duh thianghlim sawt viau in ka hria.
Mahse i sawi ang khian kan ei hunbi tak hi ka khawsak phung nen a inmil tawh manglo, zing lam ah chuan chhungte rual hian chaw ka ei khat ta khawp mai.
Tiffin min siamsaktu ka neih atang hian chawpai hi ka ching ta hlauh zawk a, zingkar dar 7-9 vel ah hi chuan thingpui leh artui kan te ka ei hlek a, mizo te’n Chaw kan tih tak hi chhun dar 1 vel ah ka ei a, pawisa a heklo in ka pum puar dan pawh a dik zawkin emawni!!
August 21st, 2011 at 3:44 pm
Vakul, he thu i rawn post hi a lawmawm hle mai. Thil pawimawh tak, ka rilrua ka vei ve em em a ni. I point te khi a pawimawh hlawm ngawt mai; no. 3 leh 5 khi tha ka ti zual.
Chaw ei apianga puar el-euha ei kan tum ziah hi thil tha leh hrisel ber a ni lo. Tun hnai hian puar lutuka chaw ei loh hi ka ching thar a, taksain a chauh phah chuang lo a, pum a hahdam zawk bawk. I chaw ei thin 2/3 vel i ei khan han duh tawk ve chhin teh, i taksa mamawh tawk chu i hmu tho maithei.
Kum 20 chuang chu tukthuanah chaw pangngai ei lo-in breakfast ka ei ta a, a awlsamin a nuam ka ti zawk bawk.
Thei leh thlai hel lam ei uar hi a pawimawh, mithiamte hian an sawi uar viau reng mai. Mizo te hian kan ei tlem em em a, eitur kan hmuh chhun lah hi a fresh lo viau lehnghal. Mizoram hrehawm ka tihna ber pakhat chu thei lei tur a awm tha lo hi a ni. Nimin kan bazar-naa an thei zawrh thla ka lak hi ka’n dah tel mai mai ang e….
https://picasaweb.google.com/103803110928410144635/August212011#5643240913689305938
https://picasaweb.google.com/103803110928410144635/August212011#5643240831476920722
August 21st, 2011 at 4:26 pm
Post tha hle mai. Comment pawh a tha hlawm teh e.
Ei leh in chungchangah hian Mizote hian hma kan sawn chak hlein ka hre ve thin. Roadside Hotel ho pawh hian an tihdan hi chu an la thlak ve thuai ka ring, cutomer-ten kan complain peih a thu-in. Chaw ei hun chungchangah chan #24 Muantea sawi khi ka thlawp viau. A tul dan a zirin mahni theuh in-adjust i la kan tha tlang a ni mai lom ni!
August 21st, 2011 at 6:27 pm
Ar buh chiar ka’n ei teuh chuh…lu a ti hai map thei mai a…:D:D
August 21st, 2011 at 6:37 pm
@21#triplestar, kawng lak hotel chu keipawh angai ang tal khan ti se ka ti. Ka tenchhiat vang pawh ni lovin a mawi lo ve hrim2.
August 21st, 2011 at 7:13 pm
Pu Muante a dik khawp mai mahse a tha ber a nih chu ka ring chuang lem lo va; a chhan chu hei ai hian buh ei tlem hi a that ka ring.
@Hlate khua, kei pawh ka nature/culture of work hian chaw a mamawh tam lo bawk a, ka ei tam lem lo; thei erawh ka ei hnem.
Kan chhungkua hian sa man aiin thei manah kan inseng nasa zawk, kan fate hi chaw ang chiahin a hun biah thei kan pe a, a tha viauin ka hria. Mahse Mizoram kalpui chuan a buaithlak khawp mai.
August 21st, 2011 at 7:21 pm
#24 (Y)
August 21st, 2011 at 8:38 pm
vakul@30, keini pawh thei lei nan hian kan seng ve nasa. Thil atthlak a ni le’m lo’ng chu maw, ka ti mai a.
Ka ngaihtuah fo thin chu kuthnathawk mite’n chaw an ei tam em em mai hi a ni. Pumraw lian lem lo tak te pawh hian an ei nual zel mai a. A quantity hi a pawimawh viau em ni? Chaw (buh) leh chawhmeh engengemaw, chakna pai tam vak lo tura ngaih theih chi, ei nghek ai hian chaw tha leh balance zawk, mahse tlem deuh te ei ta se an tan a tawk ve tho ang em tih hi ka inzawt rilru thin.
August 21st, 2011 at 9:03 pm
@hlatekhua, ka lo pakla hisap ve danah chuan thahrui nei tak tak ho hi chuan chaw hi an heh tlangpuiin ka hria.
Kan chaw ei thin chu eng pawh nise a hun dik takah, kan chawei a tui emaw tui lo emaw pangngai deuh patin ei thei ila, junk food mai maia tlalam lovin, taksa chuan a ngeih deuh chuan ka hria. Thlai hring leh thei lam chi hi chu kan mamawh khawp mai. Tin, buh hi a hnualsualawmin ka hre hran lo tlat pek.
August 21st, 2011 at 9:32 pm
good Post. (Y)
August 21st, 2011 at 10:18 pm
@Hlatekhua @Muantea, a dik ve ve khawp ang; hnathawk nasa chu an chaw lak pawh a thahnem deuh, chak pawh an chak. Pumpui var naran deuh hi chu a awm ve hrim hrim a. Tumkhat chu ka thianpa’n AH&Vety-ho vawk Farm-ah min hruai a, chaw an rawn pe a-nopui khat lek lek an rawn suah ta mai a; an lian hlawm si, an thau si, an kham dawn lo khawp hian ka hria a.
An hotupa chuan ‘kham e, pek tam chuan an pumpui a var mai mai a lawm’ a ti a, ka awih ta khawp a.
Kan nature of work atanga inteh hi chu a ngai ve hrim hrim-induat pawh a tul, a tul hunah chuan. Thawkhah si lo, ei teuh teuh hi chu a tha lem lo khawp mai.
Buh chungchangah hi chuan a tha lo ka ti hlawm tawp lo va, mahse a aia tha hi chu a tam, chaw aia han rin mai tur. Buh ei hma zawng chaw ei lova kan inngaihna khan min la phuar nasa hlawm ve hrim hrim bawk a. Nikhatah hian buh vawi khat ei ta ila, a dang chu buh kher ni lo se, puar tho ila kan hrisel zawk ang em tih hi zawhna awm thei a ni.
August 21st, 2011 at 10:45 pm
Chaw ei hun mumal neihloh tak hi chu taksa tan chuan a thra hlawllo, pumpui hi hunbi nei a hnathawk turin a siam theih.
Mahse mizo hnam culture ah hian breakfast, lunch, dinner etc te hi khawthlang ho tihdan anga kalpui chu a la har deuh mai thei a, kei erawh chuan ka pawm zawng tak a ni.
Chuan thudang deuh, tho tlai nazawng an mu tam kherlo! 🙂
August 21st, 2011 at 10:52 pm
Saitawk, i last sentence khi a dik khawp mai. a, a dik vel vek mai..nang nge nge.
August 21st, 2011 at 10:53 pm
(Y)
August 22nd, 2011 at 2:21 am
Vai ho xing a eixon vang poh ni chuang hran lovin ka eizawnna nen hian ain hmeh em a avang leh athatna ka hmuh chian ve telh telh avangin zingah breakfast- buh leh an tui hawp hruap2 lovin (brake-fast)ei ve thin, lunch… dinner dar 9-10:30 ah….night dawn phei chuan dinner ei hi ainhmeh tawp…tui hi alum ka in thin…chawhmeh neih vakloh changte hian chaw ei a titui thei ve xek a sin….