Mi neih loh nei bik ang zia zangin, ka Cellphone thar a hla ka dah te chu Headphone vuahin ka ngaithla vang vang a. Video leh Television te a Film han en satliah ngawt ai chuan, Headphone vuah chung a Computer a Film duhzawng tak; uluk tak a en nawm bik zia leh rilru a lak theih bik zia chu ka lo hre tawh a. Troy leh Gladiators te, The Passion of Christ te pawh rilru zawng zawng sawrbing leh a thawnthu a cheng veng vengin ka lo en tawh thin a ni. He hla pawh hi vawi duai lo Cassette leh CD te pawhin ka lo ngaithla tawh thin ngei mai. Mahse, ridangin a pawlh buai miah loh a, headphone vuah a han ngaihthlak chu a lo dang ngei mai.
Ka ngaithla tui lutuk chu; eng laiin nge ka lo muthilh tih pawh ka hriat loh laiin ka lo muhil reng mai a; Mumang ka nei zui leh ta nghal a ni.
Ka mumangah chuan, hmun pakhat; mawi leh nuam em em maiah hian ka lo awm a. Hawina lam apiang chu a lo mawi em em vek mai a, awm mai mai pawhin a nuam veng veng mai a, eng hi a thawl hliah hliah ringawt mai a ni. Kawtthlerte chu Alkatra luan satliah mai ani lo tih hi a hriat hliah hliah mai a, Rangkachak leh Lung mantam chi hrang hrang a Luan chhuah vek ni hian a hriat a, a lo fai tle sur vek mai a ni.
Ka rual chiah a chu khaw Gate a lo lut ve mi pakhat nen chuan, chu hmun nuam leh mawi em em mai chu kan lo fang kual vel a. Phul mawi leh hring dup hmun kan han thleng ta a,lui fim leh mawi em em mai hi a lo luang dem dem a,a kam vela mite chuan an lo in sup sup mai a,ka bul hnaia mite chu ka han zawh chuan,chu hmun chu ‘’chawlh hahdamna hmun ‘’niin, a tui chu ‘’nunna tui’’ an tih hi a lo ni reng maia. Piah lawkah chuan zaipawl zai mawi em em mai hi kan hre phak ta bawk a ni. Chutih lai tak chuan ka thianpa ka bula kal chu; tu emaw hian a hmingin a rawn ko ta lauh lauh mai a,tunge ni ang aw? tia kan han hawi vel chuan; tlangval pakhat hian hlim nui deuh sang chung hian min rawn pan hi kan hmu ta a ni.
“Ka Pu, min hrelo a ni mai thei a, a awm tho e. Kum 8 mi lek ka nih lai khan; kan kohhran Sunday School a kan pawl Zirtirtu kha I ni thin a. Tunah chuan, tlangval ka lo ni ve ta a, min hai ta a niang. Class kan tan dawn apianga tih tak zet leh thahnem ngai tak a I tawngtai thin kha ila hre reng ang a; Tum khat khatia I tawngtai lai ngei mai khan Isua chu ka thinlunga chatuana cheng reng tawh turin ka sawm ta a. Chuvang chauh chuan a lawm he hmun nuam leh mawi lutuk tak maiah hian ka lo awm ve theih tak ni! Ka lawm e; ka lawm tak zet a ni Ka Pu”, a ti ta mawlh mawlh mai a.
A tirah chuan ka thianpa chu a hrilhhai ang reng viau mai a, mahse chu tlangval thusawi a han hre chiah mai chu, a lawm lutuk chu a hnuk a ulh teuh mai a, a tawngchhuak lawk hlei thei lo hial a ni. Thu tam pawh kan sawi hman hmain, midang pakhat a lo kal leh a, “Thianpa, ila hre reng em? Kha Missionary Furlough pakhatin, in Kohhran a Report a rawn pek tum kha maw le; Thusawi thiam vak pawh a ni lemlo a, amaherawhchu, a thil tawn dik tak mai a han sawi a, a thawhna ram ami te’n tanpui an ngaih zia a han sawi khan I rilru a khawih lutuk a, I mittui dan rual lohva a tlak zawih zawih tum kha. Pek tur tam tham leh tangkai tham chu I nei lovin I inhria a; mahse, phal takin I pek tak vek kha!! Kha I thilpek kha khawiahnge a thang tak chiah pawh I hre zui lo. Mahse thianpa, kha I thilpek kha Lal Isuan lawm takin a lo dawng a, chuvang liau liau chu a ni; vawiinah hian he hmun nuamah hian ka lo awm ve theihna chhan chu ni. Ka lawm e, ka lawm takzet a ni ka Pu”, a rawn ti leh ta mial mial mai a.
Chutiang hlir mai chuan, mittlin tawk mai hian mipui hi an lo tlim hmur mai a; thianpa thilpekin engti kawng zawng emaw tal a, an nun a khawih danglam dan chu sawi hmasak hi an inchuh lo chauh mai a. Sawi hmasak chak si; mahse, midang zai ngai thiam tak siin, an lo sawi sup sup mai a ni.
Chutiang hmel hlim leh, tih takzet a lawmthu sawi a han hmuh tak zut zut chuan, ka thianpa chu a insum zo ta ngang lova, a biangah mittui a luang ta zung zung mai a. Mi ten eng teh vak a an ngaih a lo rin ngai loh; a neih ang chhun chhun Pathian ram tan a, phal tak leh lawm tak a a lo pek thinin, hna a lo thawh nasat zia a han hmu a, midang tuma puan zar sak a ngai lo. A thilpek avang a chu hmun thleng thei ta te chuan an Lalpa hmaah lawm takin an puang chhuak ta sup sup mai si a; A lawm lutuk chu a tap lo thei lo a ni.
Chutia lawm avang a mittui luangchhuakin, khua pawh a hmuh that tir theih mang loh lai chuan; Lalthutphah var ropuia Mihringfapa thu ngei mai chu lo tho chhuakin a rawn pan ta a. Ka thianpa banah ngei mai chuan a rawn hmer ta vawng vawng mai a. “Ka Fapa, tap tur ini hlei nem”, tiin a mittui chu a rawn hrukfai sak ta a. “Ka Fapa, han hawi vel teh, I lawmman zozai hi, a ropui teh mai a nia; mahni intheihnghilh thakin, I neih chhun chhun I pek thin kha, dere pawh chhinchhiah lohvin a awm lo a sin” a ti ta a.
Ray Boltz an, “Thank You” tih hla a sak, ngaihtuah manglo a ka lo ngaihthlak liam mai mai thin chu, mittui tla zawih zawihin ka ngaithla a, ka mumang ni ngei a ka hriat atang chuan ka thangharh ta hlawl mai a. “Ka mumang a ni chiah em aw?” tiin ka la inzawt fo thin a ni.
(A Video lam chu, ‘Amah-ah innghat leh phawt mai ang aw.)
August 21st, 2011 at 5:51 am
Mumang in la nei hlawm nge… in va comment duh lo ve..! Chhiar phawt ang hmiang! (Y)
August 21st, 2011 at 6:21 am
Muthilh leh phawta manglama comment chi a nih hi..
August 21st, 2011 at 6:41 am
No Comment.
August 21st, 2011 at 7:09 am
Thank You tih hla hi keipawh ka duh khawp mai, kan hriatthiam tlan tura letling awm se kan ti viau thin a, mahse Mizo tawnga lehlin lah a huphurhawm si a.
August 21st, 2011 at 7:12 am
Thilpek vanga hmun ropui chang thei chu kan ni meuh mai, mahse kei ni pek vang nilovin, a mah Pathianin a fapa min pek vang zawk a ni.
Krista ringtu kan nih chuan thilpek a rawngbawl chauh lo pawh tihtur tam tak kan nei thung, tih hi ka lo hriat ve dan mai mai.
August 21st, 2011 at 7:38 am
(Y)
August 21st, 2011 at 7:40 am
mumamg i nei ngaihnawm hle mai..,
August 21st, 2011 at 7:46 am
+2 ka zirlaiin he hla hmang hian drama kan chang chiam tawh. Ka lung i ti leng hle mai. Gud post…
Wish you all a happy sunday, may the grace of God be with you all day long.
August 21st, 2011 at 8:10 am
Misual.commers zing a, a ber kai te zingah, Zephenath hi, “Tho zíng thei ber” award hlan tur a niang. Sunday morning special ah, a first ziah mai. Mi taima tak leh discipline tha tak nei a nih ka ring e.
August 21st, 2011 at 8:16 am
He hla hi mawi ka ti khawp mai… I ziak ngaihnawm leh hle mai..Pu PK nge nge. Ni e, missionary in mi zawng2 kan chhuak thei lo. Awm hmun a thilpek kan lo pek ve hi Pathian in a ram zauh nan a hmang thei a ni.
August 21st, 2011 at 8:16 am
@jahauhruaia, He hla hi ballad type a ni ve deuh reuh a, mizo tawng a lehlin mawi leh sak mawi chu a har deuh mai thei. Mahse, han try chhin chu a tha khawp mai. Tute emaw sak mawi thiam zawng riau pawh a lo ni ve khiah thei bawk.
August 21st, 2011 at 8:24 am
I sawi tum a chiangin i sawifiah thiam khawp mai (Y)
‘”Ka mumang a ni chiah em aw?” tiin ka la inzawt fo thin a ni’ tih erawh hi chu …. i muthilh laia i thil hmuh a nih chuan i mumang chu a nih hmel 🙂
August 21st, 2011 at 8:25 am
lr.hlawnchhing, He hla drama a lo chang daih tawh chu; background tha tak nei i nih ngei dawn chu. Nia, LR.Rengsi sawi ang khian, Robert Arthington khan a sumin Pu Buanga leh Sap Upa te kha rawn tir ta lo se, keini mizote hian a tlai hnu deuh(sakhaw dangin kua an hreuh hnuah) Chanchintha hi kan dawng chauh lovang maw? Isua lah khan, “A tirtu aiin, a tirha a ropui zawk lo” a ti mauh mai bawk si a.
August 21st, 2011 at 8:58 am
(8) (8) (8) (8)
August 21st, 2011 at 9:21 am
“Tho zíng thei ber” award ai chuan “Mengrei thei ber” award a chi zawk ka ring ….
August 21st, 2011 at 9:55 am
(Y)
August 21st, 2011 at 10:58 am
Tunlai chu Pu PKa hi mumang lamah a khat liam riau, engemaw hriattirin a awm ve dawn aniang 😉
August 21st, 2011 at 1:11 pm
Keini ang mumang nei ve ngailo hi chuan “Mumang” a nih tawh hi chuan “A MAK” hi kan ti lo thei lova.Mahse, “Ka pu,ka lawm e” min titu tur neivelo tan chuan in hmun mawi sawi chu ava nuam ve awm love mawle tih te ka ngaihtuah a.Engpawhnise,mumang mak tak chu a ni e tiin lawmthu ka han hrilh ve a che. (Y)
August 21st, 2011 at 1:42 pm
Nia, mumang nei ngai miah lo hi an awm tlat. Engvang nge ni ang doc-a te lam in hrilhfiah se ka ti khawp mai.
ka mumanga Isua a lokal tawh a, ka tleirawl laiin. Ka hlau rap bihruk ka lo tum nasa mai. Ngaihawm lo khawp mai.
August 21st, 2011 at 3:02 pm
18. Nghatunval, He hmun mawiah hian, he Lei anga in itsik thim themna, “a tha tha kei” tih ang chi kha, a awm ve tawh lo a niang, Ka thianpa Lawm ang tluk bawkin a Lawmna kha ka lo Lawmpui thei tlat a nih chu. “Ka U vawih chu ka vawih”, emaw, “I hlimna leh Lawmna chu, ka hlimna leh Lawmna” tihna hmun a ni. Tlat mai a. a le a le.
August 21st, 2011 at 4:45 pm
#19 Lol.
Ray Boltz hla ho hi duh deuh deuh ka ngah mai. Ka duh berte zing a mi ngaihnawm takin inrawn ziak chhuak a, i ti lawmawm hle mai. ‘I pledge Allegiance’ kha rawn ziak leh law law la ka va ti em.
Mahse maw Pu Pk, Ray Boltz chanchin thar ka hriat hian ka rilru a na kher mai. I la hriat loh chuan i lo Google zui mai dawn nia.
August 21st, 2011 at 7:22 pm
@21 ka en a…a va mak ve o.. Zia lo hle mai a..ka mumang chu ani si lo..!!!
August 21st, 2011 at 7:34 pm
@21. Keipawh ka en a, mumang mai ni se la, thang harh hlawl mai ila, ka ti rum rum mai. He article hi 2009 a ka ziah kha a nia, Thalai chanchinbu pakhatah ka chhuah tawh. ET TU BRUTE tih ka ziah chhan pawh hetiang chanchin duhawmlo, Kan Pathi
August 21st, 2011 at 7:40 pm
ka command sual tlat. ‘I pledge allegiance to the Lamb’, tih hla khawvela lo than chhuahpui tawhte pawh an heti leh thei tlat thin a! “ET TU RAY BOLTZ”.
August 21st, 2011 at 8:32 pm
PkFanai comment chu va chhum ve … A thi thut chu ani em lo mawww ???? kan Pathi.. ????
August 21st, 2011 at 8:40 pm
25.troxx, la thi love, ka la thaw ve tawk tawk e.Handset atanga online a nia, ‘a’ hmeh ka tum laiin, Submit Command na ka hmet zoh pek a, a ‘undo’ theih tawh si loh a. hahaha.
August 21st, 2011 at 9:17 pm
(Y)
August 21st, 2011 at 10:56 pm
Ngaihnawm hle mai. He hla hi ka duh khawp mai bawk. A sawitu hi ka fak hle bawk e.