India ram chu kum tam tak chhung Kumpinu (British) in min awp hnu in kum 1947 khan zalenna kan nei ve ta a. Kan zalenna kum vawi 65-na kan lawm meuh chuan Test Cricket-ah  kumpuinu ral lian hrang tuar lovin India chu mawng sawh dawp in kan han tlu leh teh reng a nih hi maw.
Hmanah khan Kumpinu lian lo hrang kha kan dang zo lova, min awp a, min rawk tiin kan iak kan iak a. Tun zet chu khelmualah, chhun en ah, khawvel hriatin kan hmingthatna chu min lak sak leh ta a, keini lah chuan sawi theih kan nei der lo.
Boxing hmuhnawm loh :
Tun tum a England leh India Cricket inkhel hi Boxing inhnek hmuhnawm lo ang vel a ni. Round khatna (1st test) ah hian England hian India chu hnehsawh takin an ching phar dawr dawr a, a chak lo zawk India chu an hnek thu leh niai thin. Round hnihna a tleng a, a ngai te bawkin a tha thum zawk leh daih rei lo zawk chu an thu sawp leh niai a.
Round thumna a thleng a, beiseina sang takin tha thar (mi thar) nen an bei leh a, mahse, eng a ang thei lo, a let leh hal hal thin a, tih ngaihna tak pawh a awm lo a ni ber e.
Round tawp ber turah hi chuan point hmu ve hram turin an fuih ve teh a. I theihna zawng zawng sawm khawm la, tun tum chauh a ni tawh a nia aw tiin thih tha a bei let turin, point hmuh belh tir lova, hmuh tir pawhin amah tal in rawn hmu ve (draw) turin an in chah mawlh mawlh a.
Round dang ang lo takin tun tum a zia ve viau dawn emaw tih nak a laiin (run 300 an kai ve nawlh kha) a tha nei lo zawk a tang chu a thu sawp leh ta niai mai. Round li ah 4-0 in a tlawm fel der ta a ni. A chak lo zawk a tantu tan chuan a chak zawkin sawp rethei lutuk a, a khawngaih thlak awm zozai zawk a ni.
Hosanna rawl a danglam ta :
Kumin fur ruah tui thlak hma, March thla vel khan India chuan ODI-ah khawvel a thiam ber nihna hauh in World Cup trophy ropui tak an chawi a. India ram mipui tluklehdingawn awmna hi a nghing a nih ber kha. Mi tam tak lawmin, hlim takin kan sahawk kual a, India chak vangin hlimna leh lawmna in kan khat a nih kha.
A hnu lawkah IPL avangin khawvel in min thlir a, ram dang Cricketer hrang hrang ten khel ve chakin an chil a put a. Khawvel in India local level tournament kha an thlir thup a, kan vanglai a va ni tak em. Mahse, thla an ral leh chiah chu India au hla a dang ta. Hman a World Cup chak lai a hlim a au te, lam te, lawm em em te tan kha hlimna reng a awm thei lo. Hlimna leh lawmna siamtu te, Hero anga kan lawm te khan min ti zak a, min ti lungai zo ta.
World Cup a kan chakna leh lawmna au hla beng a cham te pawha la reh hma in mittui hruk a ngai ta. Kan lamna kawttler te a chul zo ta, kan hlim lai hmanni lawk emaw ti a mitthla a cham te pawh a la reh fel lote kha kum tam tak liam ta ang mai a ni ta. Hlimna hla kan sa thei ta lo. Ram pum zahna, thin rinma leh rumna in kan khat a, a va tlawm tlak tak em.
Mawng sawh dawm dawm:
Cricket hi game ropui leh hausa tak a ni a, a tawngkam pawh hi a hausa teh e. Batsman te ‘out’ dan pawh hi a hming hrang hrang in a awm diah. Entirnan mai mai, run siam miah lova out te hi duck out (varak ang maia chhuah zal zal) tiin a hming an la phuah sak ta hram hram a.
Chutiang chuan chak lo dan pawh hi chak lo sathliah mai lo hian a tangkam a zir hian an hneh loh dan leh in sawp dan hi a hriat theih a ni. Hneh satliah mai lo, inkhel zawng zawnga chak vek hi ‘whitewash’ an ti. Indonaah chuan flag var hi tlawm tih entirna a ni a.
Whitewash tih an hman na chhan hi a chak zawk ten a chak lo zawk te an hneh zia tarlanna ni awm e. An va tlawm a, an duh lo chung rawng var an va hnawih sak ang te pawh in a ngaih theih ang chu. Kan naupan lai a, aia u zawk ten ‘chala chil in hnawm hma sa sa’ an tih te pawh min ti hriat chhuah tir lawm le. England hian India chalah chil a hnawm hmasa a, vawi li a a hnawm hman a nih chu.
Whitewash tur hian series match zawng zawng a chak vek a ngai a. Thil awl ai tak a ni lo. Tin, Whitewash a sawp a awm tur chuan thil har tak a ni ve tho mai. Vawi khat tal chu in draw se la whitewash a ni thei lo. Chak lo vek a ngai a nih chu. A chak a te tan pawh a chak satliah mai mai sawina a nilova, tawngkam chapo leh a chaklo tan a tawngkam ngeiawm leh hmusitna a ni thei bawk awm e. A Mizo tawngin let dawn ila “mawng sawh dawp a chak lohna” ti ila hei hian an chak lo dan leh a chak te chan a ropui zia a hrilfiah pha ang em le?
Tun tum India leh England inkhelah pawh hian India hi mawng sawh dawp in an han chak lo ta a. England lak hian vawi thum mawng sawh dawpin an chak lo tawh a. Kum 1959 khan 5-0 in an lo chak lo tawh a, kum 1967 khan 3-0 leh kum 1974 khan 3-0 tho in an chak lo tawh a ni. Tun tum hi a vawi lina a ni mai piah lamah, World no 1 title hloh in World ni 3 an ni dawn ta nih hmel. Kum 1959 hnu an chet chhiat ber tum a nih chu.
Test Cricket ropuina :
Test Cricket hi mi tam chuan an sawt fo mai a. Tlem han ziah lan lawk ka duh a. Test tih hi Mizo in ‘tih chhinna lem lem’, enchhinna anga ngaiin a tak tak pawh nilo ang in kan sawi fo thin. Mahse, test tih chu ‘in belhchhianna’, ‘in en fiahna’ a ni ber a.
Test Cricket-ah hian an daih rei zawng (endurance), an thiam dan(skill), an talent te, an team in kaihhruaina hrang hrang te, batting, bowling leh fielding ah an tha em tih belhchianna tur leh en fiahna tur a nih vang hian ‘TEST’ tih hi a in hmeh em em a.
Heng thil pakhat chauh a chak emaw that emaw a tawk lo. A vai in an tha em tih enna hmaraw tha ber a ni. ODI ah chuan darkar 7 an khel a, T 20 ah chuan darkar 4 an khel leh a, an daih rei leh rei loh, an that leh that loh a hriat tak tak loh. Test Crciket-ah hian ni 5 chhung, darkar 6 zel (darkar 30 ang vel a nih dawn chu) an khel avang hian Cricketer tha leh Cricket khel thiam tak tak ram chu he test ah hian a hriat ta chauh a nih hi.
He ti tak a game ropui a nih avang hian a hmuhnawm leh hmuhnawm loh ai hian he game format avang ngawt pawh hian ngaihhlut a phu em em a ni. Test Cricket en hman te chu mi hman lutuk tih chi a ngai tlat te hnenah hei hi ka sawi duh. Test cricket ngaisang tur khawp a lungfing tawh zingah mi hman tak, vak rawlai mai mai leh nileng leng a TV hma thu hman hi an vang khawp in ka ring (A lak tlak loh keini ang tlem tih loh chu).
Tleirawl hawklak tih tur nei lo zingah emaw mi hman lutuk awm awl mai mai emaw zingah hian Test Cricket ngaisang hi zawng ta ila, India Olympic medal lak zawng zawng sem tur daih pawh hi kan hmu ngut ang em maw chu ni.
In tih maksah duh avang en emaw ngaisang emaw ni a ngaitu te hian he game hmuhnawm zia hi an pawh pha lo. India ram ang ‘Cricketing nation’ ang hial chhal ngam zinga intih maksak tuma Cricket ngaisang tlat tu ni tur hi chuan intih mak zin a ngai khawp ang.
Mi taima deuh tan lo chuan lemchan reng peih chi niin ka hre lo. Inti maksak avanga lo en peih an awm a, lem an chang reng peih a nih chuan ‘Oscar Award’ pek tlak hial ah ka ngai.
August 24th, 2011 at 12:04 am
Chhiar ang hmiang..
August 24th, 2011 at 12:13 am
Chhir ila
August 24th, 2011 at 12:17 am
Post tupa hi, Cricket tuipui che kan tam lo riau mai a. 1st Test a India an chak loh zawh chiah a, I Post a ka Comment kha adik zia alo lang ta zel a nih hi. Australia hun a liam a, India hun a thleng ve zawk a, mahse, kan Star Players te an upat tawh bakah Bowling attacked hi Zaheer Khan tello chuan “Engtihna mah ani lo” tih Cricket expert Ajay Jadeja hian NDTV ah a sawi a sawi thin.A ti dik khawp mai. Tunah hian England hun a thleng ve tawh hrim hrim bawk. Engemawti chhung chu World Cricket ah ro an rel hmel .Tin India ram a Flat pitch-ah Zaheer khan telin khel ta se, India an la rinawm zawk cheu. Indian Batsmen ho hian Bouncy leh Turning pitch hi an kumkhaw problem a ni bawk. Test danah a thlengtu ram hian an duh dan dan a, pitch an siam hi khapna dan a awm si lo. English ho hian Indian Batsmen ho weak point hi an hmang tangkai tak zet a, Indian Batsmen ho an che thei thlawt lo a ni e. “The Great Wall of India” ti a an koh Rahul Dravid erawh chu India tan Bang rinawm ala ni reng.India hian Zaheer Khan, Sachin Tendulkar, Rahul Dravid leh VVS.Laxman-a te retire hun tawh lutuk thlak zo tur hi an nei lo. Tawk phawts. Mut a hun tlat.
August 24th, 2011 at 12:18 am
No Comment.
August 24th, 2011 at 12:19 am
Ka article hi an para hi an lo tan bung leh chiam thin a, duh ang thlap a kan dah a sin le……..A theih hram chuan Admin lam hian min lo tan bun sak teh suh u.
August 24th, 2011 at 12:21 am
“Indian batsmen are like faithful husbands…they perform only at home”…… (Y)
“Kumpinu” tobul hian sawi a va hlawh em?
August 24th, 2011 at 12:22 am
PK, nang ni ho in min tuipui hlauh a, chuvangin a lawmawm ka ti. I comment a chhiar a nuam e. A bengvar thlak thin e, mahse, India hun liam tur hi ka ui a ni………..
August 24th, 2011 at 12:26 am
ODI bak hi ka en ngai meuhlo, chutah pawh Target um match bik hi ka en peih zual.
Pakistan an khelh hian ka lo trang ve em em thrin! 😀 😛 (Y)
August 24th, 2011 at 12:35 am
(Y)
August 24th, 2011 at 12:46 am
A bengvarthlak e… Vaivawm hi chu ka tui ve vak lo a….Sachina te ho hi chak se tawk mai.
August 24th, 2011 at 12:48 am
paws tupa chu trawngkam i thiam sia, i tawngkam hi thil dang sawi nan ka it ee. Chuan, criket lo en dauh2 hi chu a hman thlak ka la ti tho2, noi,
August 24th, 2011 at 12:51 am
He post chu a va tha ve, ka hriat loh zawng hlir mai lah niin, hriat belh ka ngah ngei mai.
August 24th, 2011 at 12:52 am
Cricket hi ka tui thin viau, khelh pawh ka khel nasa thin…state champion team ah te pawh ka tel tawh ..iskul team ah nen eh hihi kawleg team ah chuan no chance lol…mahse 2003 hnu lam atang khan ka la khel leh miah lo, en pawh ka en khat khawp mai, Test hi chu hmuhnawm ka la ti reng en chhun chuan, 20/20 hi a ho ka ti.
August 24th, 2011 at 12:56 am
India ramah, duhtawkin India hian pitch han buatsaih ve sela chuan an chak zawk ka la ring tho mai.
A hrim hrim in World Cup an khel zo chauh a, IPL an khel leh nghal kha a pawi ta a ni ber mai. Kan batsman te lah hi, ball a bounce tawh dek dek chuan thi phuk phuk ringawt zel mai. Bowler ho hi chuan á¹ah an tichhuak. Mishra te khaaaa…
August 24th, 2011 at 12:59 am
BREAKING NEWS: Chawhnu dar 1:50 vel (ET) khan Mineral khua, Virginia atangin pawnlang takah 5.9 magnitude lir a nghing a, Ottawa, Canada atanga South Carolina thleng a nghawr a ni. Thi leh hliam an awm hriat ala nilo. Kan hnathawh naah pawh brick leh ceiling tla a awm ve. Reagan National Airport ceiling pawh a tla bal.
http://i54.tinypic.com/2j2wxs3.jpg
http://i53.tinypic.com/vijf2c.jpg
August 24th, 2011 at 1:00 am
Pkfanai , indian batsmen chuan turning pitch chu an buai vak dawn emaw ni le, vai ho hian ispin khelh chu an thiam riau asin, pitch a grassy leh bounce a tam erawh chuan buaitheih khawp mai
August 24th, 2011 at 1:05 am
#15 traffic avan jam nasa tak em lirnghing vangin:
http://i53.tinypic.com/nzhcok.jpg
August 24th, 2011 at 1:10 am
Lolzzzzz….va sawi ngaihnm thiam ve
August 24th, 2011 at 1:13 am
Vaivawm hi a tuipui kan tam lo emaw ka ti a, mahse hei kan ha ti leh liam liam a, a thlamuan thlak e. Kan ram a game lar ber a nih miau a vang hian kan hnawl ngawt thei lo. Savun ham puar pet ho tan chuan titi na tur a tam bawk a, ka rawn chhawp chhuak leh chawr mai a nih khi…..Comment beng var thlak tak tak leh awm ze nei tak tak hi chhiar a nuam thin khawp mai. Hmanni chu Cricketer hrang hlui Fonz a hian Badminton ah mawng sawh dawm dawm min ti a, ka tlan kual hnem hman khawp mai. Cricket chauh a thiam lo ni awm tak a ni.
August 24th, 2011 at 1:17 am
eh, chhingdailo, ka vannei nih kha ….chuan oneday atan Varun aaron, jharkhand rawlthar hi an ko bawk a, a vawm lai ka en chak, en tawh in awm em? vawm chak hmel khawp mai an sawi danah.
August 24th, 2011 at 1:31 am
OT: Pu HV hetah hian i kal ve lo maw 😉
http://www.youtube.com/watch?v=NakdCd0aGfM&feature=related
August 24th, 2011 at 1:57 am
Asteric #21, kal talo..ka chawl thei lova.. Pu Biakdika Fanai fanu anih khi. Biakdika chu Aizawl DC office a an computer hotupa kha (thin! ) 🙂
August 24th, 2011 at 3:09 am
Kan khua lirnghing chu tih chhiat angah hrep mai TV lamah…thi an awmlo anih hmel e…hrih an a :-S
August 24th, 2011 at 3:20 am
Vai vawm game a mak leh ho ka tih em em chu One day ah ram leh ram te vawi nga khel tur ang lo ni ta se..ram pakhatin vawi 3 a chak tawh chuan(best of 5) chak hlen ve tawh awm tak…a leh lam engtin pawn an chak zawk ve thei tawh lo na chungin, an la khel zo hram thin hi. Game dang ah an tih ve ngai pawh ka hre lo. A khelh tam duh thlak te ka lo ti mai mai
August 24th, 2011 at 3:21 am
BREAKING NEWS dang leh #15 ami nilo, Aizawl lam thung:
Zohriata Mission veng chu Central YMA office hnuaiah R15 Truck dinglai a body suin a thi. A bike hi a ding tawp a, amah hi hnunglam a er-tawrh niin a hmutu in a sawi.
A van lainatawm tak em vele aw. A thlarau thlamuang takin chawl rawh se.
August 24th, 2011 at 3:22 am
#25 Pu R.Lalrema fapa, Mission Veng North anih awm chu. Dar 12 leh dar 1 inkar, zinglam athil thleng anih hmel e. :-S ;-(
August 24th, 2011 at 3:22 am
#26 Pu Zoliana fapa zawk anih hmel e…
August 24th, 2011 at 4:16 am
Ka breaking news ve hi a hmutu in a hlau lutuk a, a hrechiang theilo anih hmel ber e.
Heihi tunge anih:
Tv Zohriatkima (22) s/o Pu R. Zorema (of Pu K. Zawla, Late)
August 24th, 2011 at 4:39 am
#15 chhunzawmna:
http://i56.tinypic.com/rit35z.jpg
Post tuin khawngaihin min ngaidam hram teh se, chumi chu ka dil e…breaking ve em alawm le hairehai 😛
August 24th, 2011 at 4:41 am
Haha!!@Pu HV ,, I va mal tawh awm ve nangmah a ilo titi mial2 a… 🙂 hnunglam ah a er tawrh tih hi truck hnung tlang a su a a bike truck hnuaiah a lut tihna em ni?ava lainat awm ve aw…
August 24th, 2011 at 4:46 am
Lamji, bike chu a ding chawih a ti. Tlenglo vin, tlan pahin a su anih hmel. A hmutu min hrilh dan ania, a lainat awm tak tak a ni. Ala naupang ropui mai si a, … thlamuang takin chawlh rawh se ;-(
August 24th, 2011 at 4:46 am
Oh o!!! sawitur ka hre ve lo!! 😀
August 24th, 2011 at 5:08 am
Ka mitthla thiam mai..Ava rathlak duh dawn em!A chhung ten a leng haw ngaihtha takin an lo nghak awm sia aw…hemi piah lawk JL cinema piah kawiah khan 2006? khan ka thiante ban ruh tliak leh luruh khi phawk khawp in an accident tawh asin…fimkhur angai viau…(accident PORN area 😛 a lang tlat min hrethiam teh u hmanni Times ah an pic rawn post ka hrechhuak thut. 🙂 )
August 24th, 2011 at 5:23 am
Washington, DC metro area earthquake:
Swinging swimming pool
http://youtu.be/vwuQZKmcMQU
August 24th, 2011 at 6:08 am
Cricket ah hian sum a tam, infiamna hlawk tak a ni. Theih nise, Mizo player te han chetla ve ta se. Mahse, tel ve tur chuan “high class” family nih a ngaih ka ring.
August 24th, 2011 at 6:19 am
BREAKING NEWS khi in hmu hlawm em!?
August 24th, 2011 at 7:08 am
16. Fonz, a ni khawp mai. Fast ball ai chuan spin chu an tithei deuh. A bikin Saurav Ganguly leh Gautam Gambhir te hi is-spin ispecialist a sawi an ni a, Rahul Dravid leh Sachin te hi eng pitch ah pawh buai lo tur a ngaih an ni bawk. Turning ka tih khi ‘Swing ball’ ti ila a fuh zawk awm e. Fast baller hovin ball an rawn vawm kawi zawk zawk hian, an buai chhe tlat thin. Laxman hi, swing ball khel thei ber a ngaih a ni bawk. Yuvraj singh leh rawlthar dang ho phei hi chu, buai chi-ai hma tak an ni.
August 24th, 2011 at 8:41 am
E heu, Lirnghing leh accident te nen maw………..Cricket leh high class hi kan sawi pawlh ziah a, Pathan-a te unau hi a pa chu Mosque chowkidar a ni thin a ni awm e. High class fa an tam avang hian high class ho chauh khel tura ngaih hi a dik thei lo ang, tumruhna nen a bei tan khawiah pawh hmun a awm a, mahse kan teirei pei lo thin em a tin ni
August 24th, 2011 at 9:00 am
Mizo tawng hi i u luk ang u khai. A hrang i hman na hi a dik meuh maw???????????
August 24th, 2011 at 9:00 am
Mimal tak a ka á¹an ve em em Dravid a che chhe lo hlauh a,ka lawm tho mai!
August 24th, 2011 at 9:02 am
Pu HV kei ni pawh kan in a tangin kan tlan chhuak mawle.
August 24th, 2011 at 9:06 am
😀 😀 😀 Pu Hv a hi sir kil khatah fielding lai in lo ding ve se a ning mai2 ang chu aw…….. 😛 😀 (H)
August 24th, 2011 at 11:33 am
Cricket a ni tih ka hre lova ka chhiar thui hman viau a, ka hriat veleh ka tawp hmak… A tui mite tan chuan post ngaihnawm tak a nih dawn hi….. 😉
Breaking News chu a thalo hle mai, an khawngaihthlakawm takzet….
August 24th, 2011 at 2:50 pm
ODI pawh hi a ho tih tawh nak a laiin 20-20 a awm leh phei hi chu Cricket a ti hlu lo ka ti ngawt mai. Chu mai bakah kan IPL hian minti buai lutuk!
West Indies-a zin dawn tum pawh khan Sehwag, Dhoni, ldt., khan chhuanlam hrang hrang siamin an zin ve duh lo vel!
Test Match hi cricket ti cricket tu a ni ka tan chuan. En hman lo mai pawha…. One day leh 20-20 ah risk leh vanneih avangin baller ten run an siam ve teuh thinte hi ka hmu mawh.
August 24th, 2011 at 4:49 pm
A va inpawlh nasa niai nuai ve. Post tha tak leh comment news tha tak2 a awm a chhiar a manhla khawp mai