– Dr. Zokhuma Vety [L]
Hei hi ka hriat sual loh chuan 1936 sikul chawlh lai (thlasik) lai ni awmin ka hria. Pu Khawzadala Sailo Khawruhlian Lalte nupa damdawiin pan anduh a, Kapa Ngura lo zuk kal a in zai tir tawh chu hruai tuturinan sawm a. Kal man engkim tumsak tur angin.
Hetih lai hian, (tun hnuaVellorekantih ang deuh) a theite chuan Chandraghona hi pan hram tum a ni. Hemi thawm riva hi a darh zau hle a ni chawk anga, Nisapui zirtirtu Pu Rela te, Hmunpui zirtirtu Pu Sena angte leh hmeichhe pakhat an lo tel ve ta bawk a.
Kei chu hetih lai vel a ka kawm ber pahnih zing a pakhat Durtlang zirtirtu Pu Dengkunga fapa, Biaksanga chu hrawkna in a thi a. Hei hian ka chhungte ngaih a ti tha lova kal ve nghal turin min ti ta a. Zai hlauvin ka duh lo dawn deuh va, mahse phaitual zin chakawm thu lamin min hneh a ka kal ve dawn ta ni.
Sairang atanga lawng kan kalna ah chuan Pu Hranglura, ASI of Police pawh Sylhet a Departmental Exam appear turin a tel thla ve a. Sairang kan zuk thlen zan tak hian, Pu Johna, Sairang Sub-Postmaster chuan Sanghal a lo kap a. Zanriah kan va ei ve a, tlang an tlir a, zu te an semin an ri mup mup mai a, kei lah ka tlangnel lo nasa si a, hrehawm ka ti kher mai.
A tukah lawngah kanchuang ta a, zan tam fe kan thang hnuah Lalaghat Rail Station-ah kan chhuak a. Rel-ah chuan Chittagong thlengin kan kal ta ni. Chittagong-ah hian nikhat kancham ta awm e. Tuifinriat te kan va thlir a, a khua chu ropui hle maiin ka hria.
Mizo lekhazirlai pakhat kanhmu fuh a, ani chuan Cinema te min enpui a. Vai film (indo film) te ani ta ang, sakawr chung chuang tlan dum dum te a tam a. Kei lah chuan sap an nih leh vai an nih pawh ka lo la thliar thiam hauh lo. Sap ang vekin ka hmu ni berin ka hria.
Heta zirlai fel tak min lo kaihruaitu hi a kum leh 1937-ah kan Sikul bangin Durtlang kawng mel 3-ah ka tawk a. Ke-in mahni puanthuah akin a lo kal a, kanin be nual a. Amah hi ka hre zui ta lova, Lunglei lam mi ‘Anga’ a ni thei em tih ka zawt a, a lo ni si lova. Tun hnu 1995 khan Pu BAIA a ni tih a nupui hnen atangin ka finfiah thei ta hlauh a ni.
Hotel-ah chuan an chawhmeh hi a hmui thei em em mai a. Kaikuang lian sa kan ei deuh ber. A khehfai sa kutzungchal tia vel ang te hi ansiama, tui ka ti thei hle.
Chittagong atang hian Launch-in Chandraghona chu chawhma kal zet a la ni a. An lawng pawh a lian ve fe a, mi 200 vel kan chuangin ka hria. Bungraw tam tak nen a phur thei a ni.
Chandraghona chu Karnaphuli (Khawthlang Tuipui) kam maiah, Arthington Mission Hospital awmna a ni a. An Doctor Sap chu Dr.Teichwan leh Dr.Bottom te an ni a. Mizo Sister Pi Liankhumi a awm tlat bawk. Keini chu Pi Liankhumi te inah kan in nghat a, a tukah chuan kan in entir hlawm a. Kei chu Tonsilitis a ni a, zaiturin min ti ta a, min admit ve ta nghal a.
Engmah na nasa em em nei lo, Hospitala han in admit ve ta mai, naupang chutiang rual chu awm hle hle a har ka ti si, ka khua a har bawk nen; kan ward a awm ve Pu Sena khum bulah ka tap chawt mai a. Nurse ho lah chuan Sap lo kal dawn chuan mahni khum a lo awm turin min rawn lam thin a. Pu Sena chu, “I pa em ni ?” te min ti thin a, kan in ngainat hlen zui phah nghe nghe a ni.
A tukah chuan min zai a, hnimhlum rim ka ngei rei hle mai. Zan 4 Hospitalah ka riak a, Ka Pa Ngura te thlenna Pi Liankhumi te in ah ka chhuak ve leh ta a. Hawn hma ni 2/3 kan cham a ni. Pi Liankhumi fapa 2 te nen hian kan inkawm rual hle a, an farnu chuan Mizo tawng pawh a hre miah lova, vai naupang hlir a kawm a, la tal pawl ve tak a ni.
Kan thiante kal pui zingah Pu Rela chu an zai a, cancer a lo ni a, a hmunah a boral zui ta a. Kanhmeichhe kal pui pawh an zai a, Pu Sena treatment la la chamban deuh ngai nen in thurual turin kanhawn san ta a ni.
Silcharah Pa Chalmawia In-ah kanthleng a, kancham rei khat a ni ang. Pu Chalmawia chu Civil Surgeon car driver a ni a, Thingpui huan lamah te an vak chhuak zing hle. Chutia an vah chhuah ni chuan sikithum a hmuh belh thin thu a sawi a. Naupang motor chuan nuam ti em em chuan a car-ah nilenga chuan baka siki thum han hlawh belh leh nghal chu kei pawh driver-ah ka la tang ve ngei ngei ang ka ti thin.
Silchar a kan cham chhung hian Pa Rova, Ni Thangveli pasal (R.S.Diengdoh) leh a fanu Chawnghmingthangi leh Chawngpuii nen an Shillong zin hawng an lo thleng ve a, kan ri nalh nalh mai le. Thil pakhat an sawi, mahse puitling ta lo chu “kan cham chhung hian In lei ila, Pa Chalmawiate nupa hian luah nghal se tiin in te pawh kan zawng nghe nghe a. Vai ho in halna hlat lutuk lovah te chuan Rangva In saksa Rs.200/- man chu a awm ngei. (Pawisa a lo la hlu teh e)
Hetih lai hian Silcharah hian India ram fang thin Circus ropui deuh mai a awm lai a ni a. Vawi 2/3 lai min enpui a, hmuh nin thei pawh a ni lo. U Satinkhama (Ni Mawii pasal) pawhin vawi 2 emaw lai min en pui a, a hnenah chaw ei tur te’n min sawm a, Cycle-in min phur a, Sangha (Raw mas) ngei mai tel chhuan luau-ah an han fry thin a, a tui thei hle.
Silchar a kan lo la cham chhung hian Pu Sena khan a hmeichhe nghah kha a rawn hawn pui ve ta a. Dam tha taka Hospital atanga chhuak kha kawng lakah vanduaithlak takin Tuihri (Cholera) khan a rawn man hlauh mai a. Pu Sena khan kawng tluanin a rawn buaipui chho ta a, Rel ekin-ah te an in bawihsawm nasa thei hle a ni awm e.
Hetia a buaipuina lamah a pawisa la neih zawng zawng chu a tla bo ta leh nghal a, Engemaw ti ti chuan Silchar an lo thleng thei hram a. Pastor Hranghnuna In an pan a, hetah hian dam lo hmeichhia chu a thi ta nghe nghe a ni. Sap Thlanmualah vui liam a ni tih zawng ka la sawi thei ve a ni.
P.S : A thui kan ti tawh awm em mai Part-2 a chhunzawm turin rek bung tawh mai ang.
August 30th, 2011 at 12:05 pm
No comments
Report this comment
August 30th, 2011 at 12:05 pm
Yes comment
Report this comment
August 30th, 2011 at 12:18 pm
Ok Comment.
Report this comment
August 30th, 2011 at 12:29 pm
Comment
Report this comment
August 30th, 2011 at 12:46 pm
Chhiar zo ta, a ngaihnawm hle mai.
Hriat chhuah ka nei, OT em lawng chu maw.
Tuna Aizawl civil hospital building an sak tan tirh khan keipawh ka mit an zai a, hnimhlum an hmang ve, naupang harh vanglai a ni bawk a, sawitur ka la ngah khawp mai. Hnimhlum hnim harh hlim zawhna zawh kha a nuihzatthlak thin teh e.
Report this comment
August 30th, 2011 at 12:58 pm
Ka edit uluk ve hle si a, dik lo a va la tam ve maw le ?
Report this comment
August 30th, 2011 at 1:00 pm
Ment
Report this comment
August 30th, 2011 at 2:00 pm
Yes or No Comment.
Report this comment
August 30th, 2011 at 2:05 pm
Ka chhiarchhuak ta chiah e. A ngaihnawmna em em a la awm rih lo ka ti. (Dr. Zokhuma thiam loh?!) Chhunzawmna nen lama belhkhawm chuan a ngaihnawm viau chuan ka ring tho. Nia, i comment ang khian dik lo a tam. Sanghal sa ka ei châk hle bawk.
Report this comment
August 30th, 2011 at 2:09 pm
@TS : A ngaihnawm lam aimahin Chandraghona-ah hian Mizo Nurse (Sister) Pi Liankhumi lo awm tlat hi a chanchin hrechiang an awmmial em aw ? tih lam te ni se.
Report this comment
August 30th, 2011 at 2:14 pm
tikhan kan zin ve a ni mai alawm. ngaihthlak nuam e.
Report this comment
August 30th, 2011 at 2:30 pm
Comment hmasa lam chu a va hit hlawm ve..:D
Report this comment
August 30th, 2011 at 3:13 pm
hm…..rilru puitling tak puin no 1 i hlawh e.,,
Report this comment
August 30th, 2011 at 3:47 pm
Chittagong-a Mizo zirlai lo awm nawlh te pawh.. Kum 1937 vel atan chuan a mak teh nawlh ka ti. A bright reuh ngawt ang.
Report this comment
August 30th, 2011 at 3:55 pm
Ngaihnawm kher vele(Y)
Report this comment
August 30th, 2011 at 4:51 pm
R.S.Diengdoh chu Lingdoh tia kan chhiar tep hram chu a… a ngaihnawm dawn e
Report this comment
August 30th, 2011 at 5:51 pm
Lushai-er, Pi Liankhumi i sawi khian ka phu deuh zawk a, 2003 vel a, Naharlagun Gen.Hospital a Chief Matron; Kan Pi Khumi kha amaw ka ti thut a. Kum 2005 khan a Pension ta a, Aizawlah a awm tawhin ka hria. Mahse i sawi khi chu, hmanlai mi daih anih hmel si a.
Report this comment
August 30th, 2011 at 5:56 pm
Pu Sena hmeichhe kalpui hi a khawngaihthlak hle mai. Dam duhin Chandraghona thleng inzai tirin sum tam tak a seng ve awm si a. Dam takin Hospital atang pawn an discharge tawh a, hlim takin In lam panin a haw ve awm si a…..!
A chhungte hmuh hlan nghakhlel takin relah an chuang ta a, relah chuan Cholera in a man ta mai si hi ava’n lainat awm em. A thil ei atangin nge a tuiin atangin aw..? tih te rilru mitthlain a chhui a. Engpawh chu nise, a tum ram chu thleng zo ta lovin, chhingkhual ram daiah, a lungduhte tawng ta lo chuan Zion Lalpa bel turin he khawvel hi a chhuah san a ta a ni.
Pathianin an chunga thil a rel dan hi a mak ve khawp mai. A then Chandraghona-ah dam zo lovin an thi a, a then dam takin haw kawngah natna dangin a man a, an thi tho bawk a. Dam taka in thleng leh a hnu kum tam tak dam phah ta an awm bawk a. Lawng pakhat a chuang ho theuh theuh kha an hmalam hre lawk se a then te hi chuan In luma thih chu an thlang ngei ang le.
Report this comment
August 30th, 2011 at 5:59 pm
#17 @ PKF : A lo ni mial mai thei a sin, a nih loh pawn a hmingpui Sister hmasa te chu a hre mial mai thei a sin. Lo zawt ve hrim hrim teh a.
Tin, Dr.Zokhuma’n hmeichhe pakhat ti chauhva a hriat hi chhungte/laina te hetianga Silchara an phum tak hi hria kan awm mial em le?
Report this comment
August 30th, 2011 at 6:16 pm
@Ignatia: Hei hi thil hlui vak lo, thil thar ni tawh vak lo ka rawn share ang che lo en rawh auh…..!
https://i1093.photobucket.com/a.....011756.jpg
Report this comment
August 30th, 2011 at 6:33 pm
Thil la hriat ngai loh hriat belh tur a keng tam a, a hlu khawp mai.
Report this comment
August 31st, 2011 at 8:01 am
Bengvarthlak hle mai . .a ngaihnawm khawp mai
Report this comment