Mahni rilru puakchhuakin engmah thiam nei velo ta chu, South Africa-a Sap Missionary kal hmasa mi tuemawin (a hming ka hre bik tlat lo) Korinth thawn 1 na bung 13 thu, Missionary version-a a kaihlek hi a nih ang diak diak lo deuhin I han kai-lek ve leh chhawng ringawt teh ang.
Lei kan chawi em lo ang chu maw?. Lei kan chawi ta anih pawn mi tu emaw talin alo hlawk pui mial chuan ka lawm zel ang Lalpaah chuan kan ti zel tawh mai ang chu.
(Misual.com hi Missionary hoin an chhiar nasa tih ka hre ru tlat)
An tawng chu thiamin a ram mite ang maiin dak zuah zuah thei mahila,
A hmangaihna ka neih siloh chuan;
engtihna mah ka ni lo ang.
Zir theih zawng zawng zirin, degree nei thuah ten tunin, tihdan (method) tha leh tunlai ber berte hre vek mah ila, midangte dinhmun hriatthiampui thin, A hmangaihna ang kha ka neih siloh chuan;
Engtihna mah ka ni lo ang.
A ram mite chu an sakhaw thuah te hnial dang hneh hle thinin, finkhalh hneh hle thin mah ila, thinlung sak ber ber pawh tikeha, tinem thei thin A hmangaihna ang kha ka neih siloh chuan;
Engtihna mah ka ni lo ang.
Rinna chu neiin, thil ropui leh tha ber ber te ruahman thiam thin mah ila, thlantui luang zawih zawih, tap zawih zawih leh thisen mal far ang hiala thlantui far fap fap thin ang khawp A hmangaihna ang kha ka neih zawh siloh chuan;
Engtihna mah ka ni lo ang.
Ka thawmhnawte leh Sum leh pai neih ro thilte chu pe teh thin mah ila,
Anmahni va hmangaihna tak tak ka neih si loh chuan;
Engtihna mah ka ni lo ang.
Chanai tha ka neih leh dawn ve theih tur zawng zawngte kalsan vekin,
Ka in leh lo, ka thian leh rual zawng zawngte chu hnuchhawn vek in,
Missionary hna chu damchhung atan thlang ve ringawt mah ila,
Ka rawngbawlpuite nena kan thawhho naah, A hmangaihna nei reng reng lo,mahni hmasial ran mai,lungawina nun nei reng reng lo, thiante thik ran mai leh thawhpuite rel zut zut reng thin ka nih si chuan;
Engtihna mah ka ni lo ang.
Natna tin rengte chu tidam thei thin mah ila, A hmangaihna ngilnei leh zaidam ang kha ka tlakchham avangin midangte thinlung chu hliam thinin leh ka tihnat fo thin si chuan;
Engtihna mah ka ni lo ang.
Thu ropui leh tha tak takte Chanchinbuah ziak thinin, Lehkhabu te hial lo buatsaih ve tawh thinin, mite chawimawi leh fak hlawh ve hle thin mah ila, a pawimawh ber, Krista Kraws thu hi Hmangaihna thinlung nena ka sawichhuah thiam leh si loh chuan;
Engtihna mah ka ni lo ang.
Kristian (Missionary) nuna hmangaihna dik tak chu a dawhthei a, thil a tichhe lam aiin a siamthat lam kawng a awn tlat thin. Nihna leh dinhmun ropui lam a ngaihtuah lo.Hmangaihna chuan a rammi mifel leh hruaitu nitlak lo chawr chhuak a hmuhin a itsik ngai lova, a lawm em em zawk thin. Hmangaihna chuan a rammite a hmusit in a chungtlak ngailo a, anmahni ang niin, amah chu a ral zawk thin a ni.
Hmangaihna chuan a thawhpuite diklohna leh tlinlohna te a hre reng in, a chhinchhiah reng ngai lo a, ngaihdan leh hnamzia inkawl-kalh alo awm changin a kheuh beuh zawnga thu lain a pawr hluai ngai lo a, Thu thang eng eng emaw a lo awmin hmangaihna chuan a tha ber chu a dik ber a ring tlat thin.
Hmangaihna dik tak chu aram mite nena tang tlanga rawngbawl thin chu ani a,
A rammite nena hlawhchham chu amah maia beiha hlawhtlin aiin a thlang zawk fo thin.
Hmangaihna chu a thin a ram lova, a rilru tina thei thil atawnin se-se a thu la lovin, tlang takin a sawichhuak mai thin a ni.
Hmangaihna chu a rilru a zauvin a inhawng a, rawngbawl hlawhtlin theih dan tur ngaihtuahin a rawngbawlna hmun azir zelin tihdan thar leh tha a zawngin a ngaihtuah reng thin. A thatzawk leh a sawt zawk dawn phawt chuan alo tih thin tawh dan te tih danglam leh thil thara thlak a ngam thin.
Hmangaihna chu a beidawngin a hlawhchham ve ngai loa ,Krista Kraws bula sikul naupangte hruai thlen chu a goal ani tih a theihnghilh ngai reng reng lova, Sikul naupangte Krista ke bulah hruai thlen annih chuan si loh chuan Sikul chu eng ang pawhin lianin, chang-tlung mah sela, Sawrkar kuta hlan mai pawh a tha zawk tih a hria a ni.
Hmanah chuan naupang chhia ang mai niin, Missionary ram hla tak atanga lokalte chawmhlawm mai kanni thin a, tuna kan lo puitlin hnuah erawh hi chuan naupang tih dante chu lo ban san ve tawh ila, Kan hnamze mil dik tak kohhran din chhoin, puitling nunin ilo nung ve tawh ila. Mahni inchawm thei, mahni in enkawl/in relbawl thei,mahnia chanchintha puang thei, nih bakah mahni hnamze mil thlapa Pathian thu pawh kalpui thiam lo ni ve tawh ila.
Nimahsela, eng thil thar pawh lo thlengin, Khawvel danglam zel hian khawilam hawi pawhin min len vel raw sek sek, tunah hian thil engkim hi chianglo ruai in, hriatthiam har rih hle in, a chang phei chuan bei tidawng rum rum thin mah sela, thil pakhat erawh chu a awm reng ang: “Kan Lalpa hian a thuhretu rinawm hnuchhiah lovin he lei hi a kalsan lova, engtiklai mahin he leiah hian a tlachham ngai bawk hek lovang”.tih hi
Hei hi lo hre reng ang che: “Thil dang zawng zawng chu lo danglamin, lo ral thin mah sela, Kan Lalpa Isua Krista, thi a, Nunna Lal ni tura lo tho leh ta Chanchintha thu hrilh hi a tawp ve tawh ngai dawn lo a, a zual zel dawn a ni” tih hi. He damchhungah hian thil tha leh ropui tak tak pathum an awm, chungte chu Rinna te, Beiseina te, Hmangaihna te hi an ni. Heng pathum zingah hian a ropui ber chu Hmangaihna hi a ni.
Similar Posts:
- Hmangaihna hi enge a awm zia aw?
- Hmangaihna Ka Ngen ani
- Aw Hmangaihna
- Khawinge Hmangaihna zawk niang le?
- Hmangaihna chungchang
August 30th, 2011 at 6:30 am
(Y)..good. Hmangaihna hi pawimawh hmasa ber (1st) khawp mai.
Report this comment
August 30th, 2011 at 6:48 am
Nia hmangaihna hi a pawimawh a ni..
Report this comment
August 30th, 2011 at 7:00 am
I kai kual thiam tak hle mai. Zirtur ka ngah hle tih min remind leh e.
Report this comment
August 30th, 2011 at 7:35 am
Tha lutuk
.
Report this comment
August 30th, 2011 at 7:39 am
Zing karah hi chuan, Zephenath hi a khalh theih meuh loh a nih awm hi a. A lo first leh reng tawh mai.
Report this comment
August 30th, 2011 at 7:47 am
PKa a che leh ta,a va tha rem rem ve le!
Misual ber leh mimawl ber-te pawh hian hmangaihtu aw hi an hai ngai bik lo. Mi thinlung hneh tur chuan Hmangaihna tluk a hmanraw hriam tha hi a awm lo reng a ni. Missionary mai bakah rawngbawltu zawng zawng chhiar atan pawh a va tha em.
Save hmak teh ang.
Report this comment
August 30th, 2011 at 8:02 am
Tha thuai thuai hle mai…
Tawng hriatloh tea sawi kher ngai lova bye heart tlak a ni.
Report this comment
August 30th, 2011 at 8:03 am
Ṭha thlâwt!!
Report this comment
August 30th, 2011 at 8:13 am
nia..a ropui ber chu hmangaihna hi a ni…engnge a chhan…e le…kan mamawh hnem ber si a…
Report this comment
August 30th, 2011 at 9:00 am
“A Parable of the fishless fishermen” kha lo zawngchhuak la rawn letling leh teh. Tunlai hian a bikin evangelical missiologist khawsa nuam ve fu fu ho sumhnar chu ‘lost soul’ hi an ni an ti a. Pk-a te ho hian han convert vek mai se broke ve fe fe chu an tam dawn tihna a nih hmel.
Report this comment
August 30th, 2011 at 9:32 am
A tha hle mai…a dang pawh beisei zel ang..
Report this comment
August 30th, 2011 at 9:38 am
10.muansakhi, A parable of the fishless fisherman John M.Drescher ziah kha a ni maw i sawi chu. Ka nei reng a lawm. A dik ang reng lutuk a, ka chhiar zawng pawhin ka zak ru deuh thei. Mission lam chanchinbuah la tih chhuah ka tum ang. Hetiangah chuan, “Mahni mawng hlim” kan ni dawn tlat. Tin, a sei lutuk deuh reng reng a.
Report this comment
August 30th, 2011 at 9:57 am
OT lawks. Zarkawt phei a kâng an ti a, hrechiang kan awm em aw..?
Report this comment
August 30th, 2011 at 10:01 am
Report this comment
August 30th, 2011 at 11:25 am
Hmangaihna thu thiam takin Post thin mah ila, hmangaihna ka neih si loh chuan engtihnamah ka ni lo vang a, Hmangaihna thu chhiarin tha takin comment mah ila, hmangaihna ka neih chuan si loh chuan engtihnamah ka lo ni vang.
Report this comment
August 30th, 2011 at 11:50 am
Twist ni si lo, maintain rawngkai bawk si … tihngaih ngaih dan pawh in hria e. A bengvarthlak khawp mai!
Rinna-in beiseina nung a ken tel kan rah chian hunah hmangaihna a la fawk fawn dawn chauh si a … break up leh divorce a awm tawh dawn si lo! A va nuam dawn tak em!
Report this comment
August 30th, 2011 at 3:25 pm
Aw hmangaihna ava hluin a va mak em !!
Thil buaithlak tak mai chu hmangaihna hi Pathian thuin min zirtir dan ang ni lo va, mahni duh duh dana kan lo sem zai ve tlat zel hi a ni. Mihring emotion rilrem zawng taka Pathian leh mihring hmangaih hi hmangaihna vanduai ala ni dawn. Pathian leh mihring hmangaih tur chuan AMAHin hmangaih dan min zirtir dan hian kan hmangaih tur a ni.
Report this comment
August 30th, 2011 at 3:32 pm
Zirtur a va tam thin em……….
Report this comment
August 30th, 2011 at 4:39 pm
A tha hle mai.
Mahse hmangaina chu eng nge?
M. Scott Peck-an “The Road Less Traveled” a a lo define kha ka la hlawkpui deuh ber.
Report this comment
August 30th, 2011 at 5:17 pm
19.bulaya. Kristian (Missionary) nuna hmangaihna dik tak chu a dawhthei a, thil a tichhe lam aiin a siamthat lam kawng a awn tlat thin. Nihna leh dinhmun ropui lam a ngaihtuah lo.Hmangaihna chuan a rammi mifel leh hruaitu nitlak lo chawr chhuak a hmuhin a itsik ngai lova, a lawm em em zawk thin. Hmangaihna chuan a rammite a hmusit in a chungtlak ngailo a, anmahni ang niin, amah chu a ral zawk thin a ni.
Hmangaihna chuan a thawhpuite diklohna leh tlinlohna te a hre reng in, a chhinchhiah reng ngai lo a, ngaihdan leh hnamzia inkawl-kalh alo awm changin a kheuh beuh zawnga thu lain a pawr hluai ngai lo a, Thu thang eng eng emaw a lo awmin hmangaihna chuan a tha ber chu a dik ber a ring tlat thin.
Hmangaihna dik tak chu aram mite nena tang tlanga rawngbawl thin chu ani a,
A rammite nena hlawhchham chu amah maia beiha hlawhtlin aiin a thlang zawk fo thin.
Hmangaihna chu a thin a ram lova, a rilru tina thei thil atawnin se-se a thu la lovin, tlang takin a sawichhuak mai thin a ni.
Hmangaihna chu a rilru a zauvin a inhawng a, rawngbawl hlawhtlin theih dan tur ngaihtuahin a rawngbawlna hmun azir zelin tihdan thar leh tha a zawngin a ngaihtuah reng thin. A thatzawk leh a sawt zawk dawn phawt chuan alo tih thin tawh dan te tih danglam leh thil thara thlak a ngam thin.
Hmangaihna chu a beidawngin a hlawhchham ve ngai loa ,Krista Kraws bula sikul naupangte hruai thlen chu a goal ani tih a theihnghilh ngai reng reng lova, Sikul naupangte Krista ke bulah hruai thlen annih chuan si loh chuan Sikul chu eng ang pawhin lianin, chang-tlung mah sela, Sawrkar kuta hlan mai pawh a tha zawk tih a hria a ni.
Korinth thawn khatna bung 13 chang 4-8 ah khan a chiang. Hmangaihna dik tak chu, Hmangaih Pathian Chi neituten, Pathian chi an neih atang a chhuak thei/tur a ni bawk ang. Ka lawm e.
Report this comment
August 30th, 2011 at 5:36 pm
Pathian thu lam tuipui deuh zawng kan awm chiang a ni. Kan lukhum a inchhah hleih deuh dawn anih hi!
Report this comment
August 30th, 2011 at 5:48 pm
21. Lushai-er, ngawi tak rawh ber thla(Favang) han thleng sela, Kan Naupan/tleirawl lai a kan Nghafuan ven/ruh chanchin ka la rawn Post ang e. Secular hlang hlakin.
Report this comment
August 30th, 2011 at 10:36 pm
Post tha khawp mai
‘mihring trawng te leh vantirhkoh trawng te in thu sawi thei mah ila, darbenthek ka neih si loh chuan, dar ri ang ka lo ni ang’ (mi hre sual ve te
) ..fiamthu…
Report this comment
September 9th, 2011 at 1:17 am
[…] der die besten Übungen des schlimmen Kreuzes für Ihre bestimmte Zustand empfehlen kann. Übungen für Rückenschmerzen Einige Übungen durchzuführen kann eine sehr wichtige Strategie fü… durchzuführen kann eine sehr wichtige Strategie für die Entlastung von Rückenschmerzen sein. […]
Report this comment