Tun tum zet chu, an hmelma ten an barakhaih chiang lutuk a, an tamhneh bawk si a, an tlu ta nual mai a, an thal ta phung mai le. An Commander pawhin hreh teh mahse, “Retreat” ti a a hote thu a pek a ngai ta. Chutah, a thei thei chu an insaseng ta sang sang mai a, hmun him lamah tawlhliam a, tanhmun lak that leh tur a ni.
Midang zawng zawng an tawlhkir lai chuan, Sipai Lumum pakhat chu tawlhkir ve lovin, a thianpa pakhat hliam tuar, chesawn thei tawh si lo, hmun ual au lai tak a, let reng mai, la dam tihhriat si lam pan chuan a bawkvak phei ta tlat mai a. An Commander chu a thin ur hle mai.
Sipai anni a, an Commander Command ang ang chu, a kawi a ngilin an zawm mai tur a ni. A vin tuar tuar chung pawhin, chu Sipai pakhat chuan Tawlhkir tum lovin a thianpa hliamtuar tlu reng lam chu a la pan ta talh talh a.
Chuti tak a tumruh ta chuan, Silaimu sur sung sung karah chuan, a thianpa bul chu a va thleng thei ta mai a. Mahse, a thianpa chu han chhan theih a lo ni tawh lova, hlim hmel nuisang chungin a thianpa kut vuan chungin a chatthla ta a ni. Tichuan, chu Sipai pawh chu, a thiante lamah chuan a tlan let leh ta a.
A thiante zinga a va thlen chuan, hliam a tuar ve tih an lo hmu thei nghal a. Chutah an Commander chuan thinrim takin, “Kha maw, thu I awih duh lova, I thianpa chhan tlak awm chuang si lo, Nang lahin tullo deuhvin hliampui I tawrh phah leh ringawt bawk si. Thil tullo leh lothlawn mai ani e, I thiltih hi” a ti ta tun tun mai a.
Chu Sipai chuan, an Pu chu a mit takah enin, “Ka pu, ka thiltih kha ka inchhir miah lo a, a manhla ka ti khawp a sin, Ka thianpa bul ka va thlen khan, a lo la thi lova, min lo nuih chungin, “I lokal hi ka ring reng a ni” a lo ti asin. A dinhmun angah khan ding ve ta ila, min thlahthlam dawn hauh lova, kei pawhin ka thlahthlam dawn lo tih a hre bawk a, a mi rin ang ngei a, min hmu a, thlamuang tak leh rilru hlim tak a ka thlah fel thei kha ka inchhir hauh lo a, a manhla ka ti khawp a sin Ka Pu” a ti ta a ni.
Kan Lal Isua hian, kan lei a ba ngai lova, min thlahthlam ngai hek lo. Thih thlenga rinawmin Nunna kan lo neih leh theih nan ngawi reng leh thuawih takin a lo tuar chhuak a ni.
He kan tana a tawrhna leh a rinawmna hrechiangtu tan chuan, amah awlsam tak a phatsan leh mai mai leh, a duhloh zawng tih san leh mai mai hi thil theihloh tluk a ni tih hi a hria a, min ring ngam bawk a ni. Amaherawhchu, a mi rin tak tak leh, a thian rinawm ni a alo hriat ten, a rin loh tak mai a, kan han phatsan leh mai mai thin hi chu, Kan Lalpa rilru hi ava na thin dawn em.
He khawvel thil atanga thlira ‘atthlak’ nih chang awm thin mahse, “I lo kal hi ka ring reng a ni” min tih ve ngei theih nan rinawm takin nun I tum tlat ang u.
(He thuziak tlawm tak hi, Sairang a, Tuitla ruang zawnnaa nunna chan ta, Biaknunga tan ka hlan e)
Similar Posts:
- A herliam ve ta; thawm dim te-in…
- Hmangaihnain a hnawl sipai huaisen
- Mak Ka Ti Lutuk!
- Srinagar-ah Terrorist an hrang !
- Thlirna Tlang Dang Atangin
August 31st, 2011 at 1:39 pm
Chhiar chhuak dap teng..
Report this comment
August 31st, 2011 at 1:40 pm
.
Report this comment
August 31st, 2011 at 1:41 pm
Chhiar hmain
Report this comment
August 31st, 2011 at 1:53 pm
Chhiar nuam khop mai..Mahse Pathian thu nen chuan tehkhin thu khi tlemin a in persan deuh a chhanchu mahni nunna leh hlauhom khopa in thap khi a dikber ngem aw…
Report this comment
August 31st, 2011 at 1:59 pm
Kan laka Isua beiseina san zia tarlanna tha tak niin ka hria. Kan tan a nun a pe a, keini pawh hian kan nunna atan a hlauhawmah pawh a lakah kan rinawm ve tur a ni tih hi a thu ken chu niin hria. Post tha tak a nih hi.
Report this comment
August 31st, 2011 at 2:08 pm
chhiar ang..
Report this comment
August 31st, 2011 at 2:10 pm
A tha hle mai, inhmuh chhuah nân hmang ang u
Report this comment
August 31st, 2011 at 2:22 pm
#8 Post pakhata inhnialna hi post dangah kan keng zel ngai lo asin..
Report this comment
August 31st, 2011 at 2:25 pm
#5 Pathianthu ka sawi e iti vel elaw, i hnampui teh pawh hmangaih lo a rel zut2 hmusit tawka tawngkhum bawrh2 thin ini sia, i piangthar tawh elaw??
Report this comment
August 31st, 2011 at 2:47 pm
tha kawp mai….
Report this comment
August 31st, 2011 at 2:48 pm
Report this comment
August 31st, 2011 at 2:51 pm
Nia… a tha khawp mai.
A thu kharna bracket chhung a, …………ka hlan e. tih khi ka hrethiam meuh lo a ni e. Mitthi tawh tana hlan (hlan hi pe/pek tihna a ni thei em?) chu awmzia a nei tehchiam dawn em ni aw ka ti…… Tin, eng thil pawh hi tu emaw tan ka hlan e hi an ti deuh fo mai a, a hlutna lkeh a hlawkna pawh ka hre lo… han sawi fiah deuh teh u…. NOI
Report this comment
August 31st, 2011 at 2:51 pm
E he, in kawmen dan a va mak ve.
Report this comment
August 31st, 2011 at 3:23 pm
Vawiinah Itanagar Mizo Welfare Association (IMWA) in kan Compound ah Hnatlang kan nei a, Mi 70 vel zet kan chhuak thei. Chhunchaw kan ei fel a, kan tin darh chiah e. Chuan, Ka Post ani bawk a, in duh tawkin sawisel ula, keimah a posttu ngei pawh hi min sawisel bawrh bawrh rawh u. Tichuan, hma ka sawn zel thei ang. Amaherawhchu, Comment tu ten, in pawi an sawi anih lem si loh chuan, Post dang a boruak rimchhia avang chuan, Ka Post-ah chuan Personnally a inbeih khap tlat a ni. Ka Post Comment tute hi ka chhan teh mai a nia. Fergie phei chu, ka thianpa a nih hi. @12. Bucko, hlan tih hi Saptawng a, dedicate kan hmanna ang hi ani a, Ka va hlan ate va hriat tharna leh va chawimawi tumna ani e. Biaknunga kha, Ruang zawng tura thlan bik zingah a tello ani awm e. Mahse, ama Mizo tlawmngaihna liau liauin a lo penchhuak ve a, a tlawmngaihna ka va appreciate na ani e.He post a achangtupa tlawmngaihna ang chi deuhah ka’n ngaihbel deuh a. Tin, Fergie sawi ang khian, a nuam leh him chin chauh ni lovin, a hrehawm ;leh mualphothlak leh Lu chhum-ban chhum, hlauh awm thleng pawhin maw le.
Report this comment
August 31st, 2011 at 3:42 pm
#14, @PKF : A dik chiah, misual.com hi kan nawi leh tlat thin. Inhnial chang a awm anga, in hauh chang a awm anga, mahse a forumah/post chhungah khan ni thei se. Post danga OT loh hram hi zir a tha ngawt a sin. Helaia District Council pek chungchang kan lo sawi ve hian kawng ro a su lo hrim hrim bawk.
Kan OT ve dawn chu le lolz.
WW-II lai khan Alamo hi American GI khan uar hle a, Retreat han tih aiah khan Back to Alamo tih kha an hmang uar khawp mai.
Report this comment
August 31st, 2011 at 3:45 pm
a va tha in kan zoram kristianna hian ava mamawh tehlul em! post tupa
Report this comment
August 31st, 2011 at 3:49 pm
Fanai pa, i ziak ngaihnawm hle mai, inchhuina tham fe a tling e.
lushai_er, hei Alamo…a chanchin hian lung a tichhia a, a ngaihnawm ka ti bawk:
https://i55.tinypic.com/295bq04.jpg
Report this comment
August 31st, 2011 at 4:07 pm
#17, @ H.V : A film kha kei pawh ka en tawh a, rilru a khawih khawp mai.
Report this comment
August 31st, 2011 at 4:29 pm
Pu hv & Lushai_er, Alamo chu chiang kuang deuh zawk a hriat a va chak awm ve aw…
Report this comment
August 31st, 2011 at 4:38 pm
@PKF : https://en.wikipedia.org/wiki/Battle_of_the_Alamo
A chhiar ai chuan a film lamah a hmuhnawm khawp mai! Torrent download tur a tam ang.
Report this comment
August 31st, 2011 at 4:38 pm
Nazi ho kha chuan “No retreat, no surrender” an tih thin kha
Report this comment
August 31st, 2011 at 4:42 pm
VA ngaihnawm ve. Pu PKa nge nge, eng pawh ziak se, Pathian thu a a la lut nalh thei thin khawp mai.
Report this comment
August 31st, 2011 at 4:47 pm
A ngaihnawm in ava tha em…Ka like mawlh2 e. He hla hmang hian ka comment e…”Hriatchian lehzual che hi ka va duh em.. I hmangaihna leh khawngaihna te hi. Hrechiang ila Nang ka phatsan tawh lo’ng che. Hriatchian lehzual che hi ka va duh em.”
Report this comment
August 31st, 2011 at 4:58 pm
Bei lung kuai thiam hle mai a, in en chian na tur va tam duh ve….
Report this comment
August 31st, 2011 at 7:04 pm
Dik khawp mai.. good post…
Report this comment
August 31st, 2011 at 7:46 pm
Ngaihnawm in a va tha em
hnuk te pawh a ulh lek lek a lawm mawle . thian hmangaihna thuk theih zia hi aw . .a tawp dan pawh a tha hle mai
Report this comment
August 31st, 2011 at 9:34 pm
I ziak ngaihnawm thei e,i tehkhin thu ah hian ka ka mittui hi lo tling hman ziah
Report this comment
August 31st, 2011 at 9:43 pm
Ka thianpa in he thawnthu hi hmanah min hrilh a ka rilru a hneh khawp mai a… ‘I lo kal ka ring reng a ni’ min titu tur hi ka nei ve angem le??????
Report this comment