Archive for August, 2011

Breaking News: Tui tla zawngtu tuiah a tlahlum ve leh

Sunday, August 28th, 2011

Pu Vanlalrema 5th IR, Chite veng,Aizawl a mi ni 26/8/2011 a Sairang luia lendeng a chesual chu tun thlengin a ruang hmuh ala ni lova, a ruang hi la zawn mek ani. Hetih rual hian ruang zawng a kal, Sairang tlangval Lalbiaknunga S/o Lalbiakzauva chu vanduaithlak tak in tui ah chesual ve in a boral a, tunah hian a ruang hi Postmortem mek ni in, zanin ah tlaivar pui in naktuk Thawhtanni hian vui a ni ang.

Update from Vanneihthanga Vanchhawng at Facebook:

Kurung luia tla Vanlalrema ruang zawngtu te zing ami Sairang tlangval Biaknunga kum 23 chu chesualin vawin khan Kurung luiah vek hian a tla hlum a a ruang hmuh nghal a ni.
(more…)

Posted in Mizoram, News | 38 Comments »

Thaikawi Palai

Sunday, August 28th, 2011

( Source : Selected letters of JF Laldailova, Vol-1  by Mafaa)

To

The Mother Superior,

Holy Family Convent,

Silchar.

Dear Mother Superior,

My daughter Doric Lalthangzauvi, aged 14, just passed Class VI at Mary Mount Convent School here, and I are in a quandary after being too late to secure her admission at St.Paul’s High School here at Aizawl where we dislike seeking admission elsewhere locally, most other educational institutions being run by Protestant managements. The deadline for admission to schools this year is nearing.

Doric and I approached the Headmistress of Mary Mount Convent School to recommend us to your institution. But the Headmistress daid she knew little about your terms and conditions. Anyway, she was kind enough to suggest we write to you through her telling you who and what we are.

(more…)

Posted in Copy Paste, Mizo Society & Culture | 82 Comments »

Kan Kawngte hi…

Sunday, August 28th, 2011

Raltiang ram kan thlir a, an incheina leh an thil neih ringawt kan thlir a. An ram leilung an ngaihsak dan leh ram an hmangaih dan chu kan hmuh kan a. An incheina leh an thil neih ang ang te neih ve tum chungin tuipuiral an kan zir ta thin a. Chutah zet zawng kan ram chu hmelma angin kan en zui a, kan theih ang angin kan sawisa zui mai thin.

Kan ram kawngpuia lirthei vela kan han zin khaw thawn te hian thinrim teuh chungin kan tum ram chu ka thleng thin. Ni e, kan kawng zet hi zawng lungawi taka kal a har a ni. Thenkhat fiamthu ang deuhin “kuhva pawh thial ngai lovin hmuam tawp ila a sawm thei” an tih thin hi kan ram kawngah chuan a theih tak tak rin chang ka ngah mai!

Khawvel ramdangah chuan kawngpui hi an ngai pawimawh a, tha tak tak an sial thluah thin! Keini ramah ve chuan kawngpui tha aia pawimawh dang hi a la awm ni turah ka ngai a, lungawi ka tum hram hram thin a. Lungawi erawh a har thung.
(more…)

Posted in Mizoram | 16 Comments »

Cowboy leh a uipa

Sunday, August 28th, 2011

Furpui a reh fel tawh a, Favang boruak nuam tak hnuaia thlifim lo thaw heuh heuh chuan, Chu Cowboy putar, a vanglai a phawirang leh insual huaia sawi ve hat, rilru muthlu tawh chu rawn kaithovin a awm hle hle thei ta hauh lo mai a.

A Sakawr tlan chak leh thaza tak mai chu a huang atangin a kai chhuak a, a Pu rilru hriatpui niawm takin a chik nghur nghur a, a ke hnung lam chauh a ding ur urin a pu chu phur takin a lo lawm a.

Chutah a Saddle a vuah mawlh mawlh lai chuan, khawikipa lo zui tlat thin tu a Uipa lian thelh thawlh, a Pu bulah chuan hlauh reng a nei lo amaw tih tur chuan, mei hem vut vutin a rawn vir sek ve mai bawk a, an phur tlang kher mai. Tichuan, a Sakawrah a han perkai thauh mai a, rilru thawveng takin an Ranch zau tak mai chu an fang kual ta a ni.

(more…)

Posted in More than words, Religion | 24 Comments »

Thlarau mi nih i tum ang u

Sunday, August 28th, 2011

Mizo Kristian-te zinga Kohhran mi tam takte hian Thlarau mi nih kan tum luat vang emaw ni, ram leh hnam, khawtlang thatna tura inhman leh tha leh zung sen hi ‘khawvel thil’ riauva ngai kan la awm nual a, chuvangin Kristianna leh ram leh hnam, khawtlang nun siamthat inlaichinna hi chhawp chhuah ve ka chak a.

Kan Kristianna, kan khawtlang nun, kan pianthar dan, Kristian tha tak nih kan tum dan, kan intihsakhawmina leh Lal Isua hnungzui theuh theuh kan khawsak dan hlawm hi in enchiang ila. Bible-ah “Rorelna zawng ula, hnehchhiahna tuartute chu tanpui ula, pachhia chu rorelsak ula, hmeithaite chu sawipui rawh u” tih kan hmu. Chu chu ram leh hnam, khawtlang nun siamthat kan tih chiah hi a ni.

Thuthlunghlui zawlneite kha rorelna diklo leh khawtlang nun thalo huai taka dotute an ni a, Lal Isua, mihring taksa pu a khawvela alen lai khan rorelna diklo leh khawtlang nun thalo dovin chanchintha hrilh leh thil tha tiin avak vel a; Farisai-te, Lehkha ziaktute, Puithiam lalte nundan tha lo a do thu kan hmu bawk. Tirhkoh Paula pawhin rorelna diklo leh khawtlang nuna thil tha lo ni a ahriat chu huaisen takin a do zel. Chanchintha hrilhnaah sual do hi a tel tlat a, chuvangin Paula hnua Missionary dangte pawhin khawtlang sual chu nasa takin an do thin a, an thih pui hial thin. Mizorama chanchintha rawn hril Sap Missionary ho pawhin kan khawtlang nuna thil tha lo awm apiangte chu do tlat turin min duh a ni.
(more…)

Posted in Mizo Society & Culture, Religion | 26 Comments »

Takh tik

Sunday, August 28th, 2011

Football-a pawh darh pawimawhna hi thil thar a ni lem lo. Hungary team hmingthang takin kum 1953-a hnehsawh tak maia England 6-3 a an sawp tumte khan Hungary player-te kha an tlan thinna pangngaia awm reng lovin an thiante nen an position an inthlan thleng zung zung a; lehlam pawl player-te tan khan tu ber ngen chan/check (mark) tur hriatthiam a har em em mai kha a nia.(He game entur hian ka la piang lo mahse annals of football a awm reng tawh tur a ni).

Tun hnu hian tlan dan ‘tha leh fuh’ hian chawinun thar leh a ni a. Ball khalh chung ni lova, thiam taka tanhmun lo thlak kual pawimawhna ber pakhat chu lehlam pawlte tanhmun tih pelhsawlh a, hmun pawimawh laia mahni leh lamtangte tana remchang tha siamsak a ni ber awm e. Striker ni ta la, lehlam centre-back lah i bulah tap chawt mai bawk si se la; mid-field lamah i tlan let daih chuan – (1) tu mahin an hnaih loh leh ball pass remchang tak turin i insiam thei ang a (2) centre-back chuan rawn umzui ta che se la, i pawlte tan lehlam goal hnaiah remchang tha tak a insiam thei ang.
(more…)

Posted in Sports & Games | 27 Comments »

Pensy Cambodia-ah

Sunday, August 28th, 2011

Pensy hi Makedonia Chanchinbuin, Cambodia-ah Missionary in a kal dawn tih an rawn chhuah a. Gup shup News(Chibai) in a kal thu a rawn sawi bawk a. Min tihlimin ka chhuang hle mai. A video tha ka tih zual, ka thulkhung ka rawn phawrh e. Han en ve chhin teh u.

YouTube Preview Image

(more…)

Posted in Movies and Videos, Religion | 35 Comments »

Ka fawp ve ngam ta

Saturday, August 27th, 2011

Ngaihzawng la nei ve ngai lo na na na chu rin aiin zei a har phian. Ka zei loh a hlei ah he thu hi ka ziah phah thei ta zawk a ni. Mahse, a pawi chai lo. Tunge piantirh ah zaithiam a zai nghal a, recording nei tawh i hre chuang em ni? Piantirh a corrupt nghal an awm chuang em ni? tiin bul tan phawt ang.

Nia, khatia han bum thluk tak ah kha chuan a nuam ve ang reng khawp. Han rim ve changa sawi tur a vang thei khawp tih loh kha chu. A bula inti neitu taka han thut chawt pawh ka chak ve tho. Mahse, min kawm tlangnel tumin min ti ti pui liam ang a, sawi tur ka hre awm si lova. Min ngaider takin ka kutah min rawn vuan chut ang a, inleng dangte leh an chhungkaw hma ah ka te tuar ang tih ka hlau bawk si. Kei misuala hi ka lo va nep tak….

(more…)

Posted in Luangliam | 46 Comments »

Ka ṭhianpa Kaia

Saturday, August 27th, 2011

A khumah a mu bam a, a thaw leh hawk ṭhîn; rethei a inti êm a ni. A lu nâ avângin a meng ṭha thei lo va; a luak a chhuak em em a, a luak thei chuang lo va; a pumpui ṭha lo chu a entir tawh a, pumpui ulcer an lo tihsak a, a damdawi pawh inentirna lehkhaa leng lo khawpin an lo chawh a, ‘Ka dam phah leh tak tak chuang lovang’ a ti a, pakhatmah a lei chuang lo, leina tur pawisa a nei tlat lo.

A mit a entir a, tarmit an lo chawh a, tarmit leina tur nei thei khawpin a hausa lo. Ni dangah chuan inentir mai mai pawh a duh tawh lo, nghah rei a ngai thei êm a, a dawhtheihnain a tlin ṭhîn lo. A kâwng a na em em a, a naupan laia a ritchawina lama a kâwng herh nâ kha a rawn chhuak leh a ni. A kalah lungtë a awm bawk a, zun a harsat phah em em a; inthiar a duh, mahse, a e thei lo, an septic tank a khat tlat.

(more…)

Posted in HAHAHA, Luangliam | 29 Comments »

Baichung-an football a chawlhsan ta

Saturday, August 27th, 2011

Baichung Bhutia chose to make a graceful exit from football on an emotional note, saying that he had “no regrets” about anything to do with the game.

Announcing his retirement from international football, Bhutia said here on Wednesday that he would continue to play for his club (Sikkim United) and share his experience with youngsters . Having scored 42 goals in 107 international appearances spread over 16 years, Bhutia enjoyed respect and admiration of his colleagues and fans.

The decision to retire was prompted by constant injuries in the past year. He was picked for the upcoming tour of England, but a calf-muscle injury has grounded him.

Looking ahead, Bhutia noted: “Indian football is moving in the right direction and needs support from all quarters. (Sunil) Chettri and Jeje (Lalpekhlua) are very good. But we need many more like them, some superstars.”

Source: The Hindu

Posted in Sports & Games | 24 Comments »

« Older Entries
Newer Entries »