He hringnun hi hlimna leh lawmna hlir a khat ani a. Chhaklam kawlkil a ni a chhuah atanga zan lalnu in min mangtha thleng hian malsawmna hlir a khat ani. Lawmna luangliam in ka hringnun chu a chawm a, hlimna dar ri chuan ka lungphu in thumrawn mil zel in rimawi a rawn khawng ri bawk a.
Thereng hramri atanga kawmthlang te ui bauh ri chen in he hringnun in min duhsak zia min hriattir leh tu an ni thin. Nuihna chungah lungawina pawm chungin hmabak ka thlir a. Rimawi mawina leh pangpar ngaihno beina belhbawm el pha hial tur ka hringnun chuan hmalam hun a thlir thin.
Naupan lai atanga in zui chawt mai. Hlimna chen za a lungaihna in lungaih pui, mittui farkhat in mi pakhat dag mittui a thlem chhuah thin. ‘Thiantha’ thianthatna hrilhfiah tu, tuktin ni chhuak in a suih ngheh deuh deuh leh zan thla eng in duhsakna nen a mangtha thin ni awm tak kan ni.
Hringnun kumbi chhiar a sairawkherh thlah a, inbiruksiak kan bansan hnu ah ‘thiantha’ thianthatna chu ‘hmangaihtu’ leh ‘hmangaih’ ah a alo kai chho ta zel a. Kum tamtak lo inzui tawh mah ni ila hmangaihna chhingmit a han in thlir meuh chuan a dan a dang hle mai.
Chuta chinah phei chuan ka hringnun hian par a chhuang takzet ani. Chhaklam kawlkil tawpa ni rawn chhuak khian duhsakna min hlan thin a, thli thaw te hian ka vanneih zia min hrilhru thin a, lui te luang ri her her te hian ka hlimna puanchhuan seloh chu min auchhuah pui thin ani.
Phone a rawn ri ral ral a, ”hello, ka nu?” a reh vang vang a. ”Hello?”…..network lam ka dem hman tep. Mahse in hnit feih feih ri ka hre ta, ”hello”. Ka ngaih a thalo takzet tawh ani. Atawp ah chuan a rawn tawngchhuak ta a, ”Mama, i hmangaih ti raw?” aww ka nu, chutiang inzawh a ngai hleinem, mami hi ka hmangaih a, ka zirna hi ka han zo anga, hna ka hmuh veleh fanu thar i nei thuai dawn e….a reh vang vang a.
A rawntawng chhuak leh a, kei ka ngawi ve ta thung. Rei ngial hamhaih taka ka ngawih vang vang hnu ah chuan dan rual loh in ka biang ah mittui a rawn sur ta zung zung a. Ani theilo, hmana malsawmna rawn herchhuah pui tu ‘ni’ tho kha tunah ka chungah ala eng reng asin. Ka ngawi vang vang a, atawp ah ka inti pachang hram hram a, ”chu, Mami chu malaria avangin minlo peihloh san ta mai ani maw?”
Ka khawvel chu tawplo mahse ka hmabak chu an chawl thuap mai. Beiseina thinlung nei reng chung si in beiseitur awmlo beiseina rilru nen zing nichhuak pumpelh ka tum a. Zan thla eng thuchah ken te chu ka haider lui ta zel a. Mahse kan in hmuh hnuhnun ber tuma a thu min hrilh kha bengah ala khawk nawn reng mai.
Bus terminal mi tei huai huai karah ka kut a rawn chelh a, zawi sapin, ‘‘kal rawh, hmalam pan zel rawh”
Similar Posts:
- Hringnun (Chapter-II)
- Par thar vul tur chu!
- Lungngaihna
- Kawng chu min hrilh rawh..
- Hringnun hi maw?!!
September 3rd, 2011 at 4:02 pm
comment phawt ang chhiar hmain
Report this comment
September 3rd, 2011 at 4:05 pm
Ka chhiarchhuak chiah. A awmzia ka man chiah lo.
Report this comment
September 3rd, 2011 at 4:12 pm
Rilru a va khawih ve. Ni e, Mami chah ang che khian, hnung lana thil thleng tawh, in pawh beh tir tlat lovin, hma lama thil awmte banin, kal zel rawh le.
Report this comment
September 3rd, 2011 at 4:14 pm
*hnung lam a*
Report this comment
September 3rd, 2011 at 4:45 pm
Hringnun hi heti taka kan hetih pui theuh hi a mak a ni. Hringnun a ni miau si a. Kal rawh, kal zel rawh-a va tha em.
Report this comment
September 3rd, 2011 at 4:55 pm
Ka piantirh ata mi chhiar theih a ka thu ziah(?) hmasa ber ania, kawmen rwn lut apiang in min ti mur ur ur mai,(ka lawmzia swina ania,ka thiam dan in). Thu thiam tak tak karah hian inzirna a hlawk thlak thin an tia,zahtheihloh ka han chhuah ve ngwt anih hi! #2 chhana, ka va hrilhfiah lehchuang thei twhlo em ww, #PK te ho hian an hrilhfiah thei zwk lo maw le?!
Report this comment
September 3rd, 2011 at 5:46 pm
Ziak thiam hle mai. Nia hmalam panin i kal zel ang u.
Report this comment
September 3rd, 2011 at 6:21 pm
I thu ziah dan hi ka ngainat chi tak a ni. Report pe ang tawp ni si lo, tawngkam thiam tum a, mahni hman ngailoh hawh khawm awm bawk si lo, tawngkam tluangtlam tak, chhiar kal zaih si, langtlang nghal uar lo, hriatthiam theih tho si. Rilru a riak zui vang vang tura, a pawimawh lai ber a a tawp i khar hi, i thiam ka ti khawp mai. Nia, kan rilru zawng zawng a kan hmangaih ten, min lo duh ve reng ani tih hriat tirh hi chuan, khawvel hi kan ta ani a, engkim hi a mawiin a hlimawm a, khawdang leh hmun dang kan awt ngai lo. Mahse, thenna dar a lo rik erawh chuan, khawpui lian eng ang pawh hi a ruak huai a, mitthi khua ang chauh a ni thin. Beisei a bo zova, engmah hian hlimna min thlen zo tawh thin lo. Chutih hunah tak chuan, hmalam pana kal tha thona reng reng a awm tawh thin lo. Mahse kal zel tur a ni si..
Report this comment
September 3rd, 2011 at 6:57 pm
#PK, kei aiin i swifiah thiam zwk tih ka hre reng ani. K lwm e:)
Report this comment
September 3rd, 2011 at 7:24 pm
Angaihnawm hle mai..good post hmalam pan zel rawh..
Report this comment
September 3rd, 2011 at 7:57 pm
Post tha leh lungkuai thei tak a ni e….. Nia, thupui ami ang hian lungngaihna karah pawh a tawpa sawi ang hian hmalam pan zel tur a ni e………
Report this comment
September 3rd, 2011 at 8:15 pm
@Tcn Khiangte, i thuziah hmasa ber a ni emaw, ni lo emaw ni lovin i ziak tha kher mai. Unofficialn-in post of the week ah ka puang e. I ziah chhunzawm zel ka beisei. Hmalam pan zel rawh aw ….
Report this comment
September 3rd, 2011 at 8:20 pm
Ka lawmna hian ozone a tawng anga, a han tih pawp belh leh ang tih ka hlauthawng ta zawk mah e! Kum heilehchen insitna avangin ka in upbet tlat thin a, Misual fel tak2 te fuihna vang in ziah zel chakna ka nei ta. #12 VaiVa, ka lawm ltk e.(In zir erawh la ngai deuh)
Report this comment
September 3rd, 2011 at 8:51 pm
Lunglai a fan e. Thihna hi a rawng thei viau reng a ni.
I thu chheh chhuah dan chu a luang tha viau mai.
Mahse… thu ziah zawm leh zawm loh tur uluk thei deuh tawh la, I thuin mi lung a kuai leh zual ngei ang. Heng- a; in; ah; etc. hi suffix emaw prefix emaw an ni chawk: a mala awmzia an neih loh chuan.
Report this comment
September 3rd, 2011 at 8:57 pm
#14 D- grammer ah hian ka pachhe ve ltk a, hman hunah tution min la pe la ka va’n ti?Fee ah chuan i sa duh ber ni mai se…ha ha(ka ti tak tak deuh roh)
Report this comment
September 3rd, 2011 at 10:24 pm
Hmalam pana kal zel hi kan tih makmawh ani.Enteh saw, beidawnna chhumpui zing mup mup karah sawn beiseina eng a la lang riai riai a sin..
Report this comment
September 4th, 2011 at 10:39 pm
Chhiar anuam hle mai,ngâih2 mai ana.. . .hma lam pan zel tur kan lo ni.
Report this comment