Ram buai hma kum 1965 kha kum danglam mak tak mai a ni. A danglam bik riauna pakhat chu hmeichhe naupangin kuta khabe tuka hmui tih-rîk an chîng nasa mai a. Hmeichhe naupang chang lo nulate pawhin an chîng a, khabe tuk ri lo chuan rei an awm thei lo a ni ber mai.
Mipa naupang lamin indo lem an chîng nasa thung a, veng tinah infiam nan ber an hmang a. Republic Day-a Kulikawn Veng mipa naupangte AR Lammual-a mipui kalkhâwmte en tura an han indo lem phei chu an ti-ang leh lutuk a, bawrhsap TS Gill-a ngaih hial pawh an titha lo a ni ang, naupang indo lem khapna order a siam zui ta ngawt mai a ni.
Hetih lai hian Aizawl Cinema Hall, Krishna Talkies-ah ‘To Hell and Back’ film, Audy Murphy channa chu a han chhuak leh nghal a. Mizoram-ah hei chauh hi Cinema Hall a la awm bawk a, ticket a rush thei thîn hle.
A changtupa Audy Murphy hi sap palian lo tak, Mizo tlangval tiat vel âwma lang chauh hi a ni a. Silai puakrang zahzeha hmêlma kulh chhûnga a han zuang lût che vel chuan thalaite mit leh rilru a la em em mai a. A tih anga tih ve an châk et et mai a, patling pawhin en kham tih an nei lo.
A hma pawhin ‘To Hell and Back’ film hi a lo chhuak tawh thîn a, chuti tehchiamin an uksak lo va. Kum 1965 kuma a lo chhuak leh zet chu namai lo tak a ni. Indona lama rilru kan lo pêk nasat tawh dân tarlangtu niin a lang.
Hemi kum hian fur khaw thian hun ni siin tlang tinah romei a zâm phui leh chuai mai thîn a, thenkhat chuan ruah sur tur emaw tiin an puan pho an seng sual zing khawp mai. Upate chuan ‘Khaw tap’ an lo ti thîn a ni awm e.
Hei bakah hian zing khawvar hma hian chhim chhak lam kâwl bul atangin ‘Simeikhu’ danglam, lian mangkheng hi a rawn zâm chhuak kual ruih thîn a. Khawvar thlengin a hmuh theih a, a en turin zingah mi an tho sup sup thîn.
Hemi kuma thil mak danglam deuh mai thleng leh chu, South Hlimen khaw bula lungpui hmunah mihring tak, puanvar sina vâk noh noh hi an hmu thîn a. A hmuna kala an va fiah chuan engmah an hmu ngai lo va, mahse, ralkhat atanga an han thlîr nawn leh chuan an hmu tlat mai thîn si a ni. An hmuh thinna hmun hi hmân deuhva quarry chim vakna lai hmun kha a ni nghe nghe.
Thulâkna: Zoram Politics thli tleh dan (Vol. – 1) by C. Hermana.
September 3rd, 2011 at 1:34 pm
A mak hle tak mai a :O
September 3rd, 2011 at 1:37 pm
Mipa naupang ho kha chuan mizoram buai tur hrilhlawkna pakhat atan indo lem kan chang a nih kha… he he…….. (Y) 😉 😉
September 3rd, 2011 at 1:41 pm
a makin a bengvarthlak hle mai, a hunlaia mite chuan an hmalam hun tur hrilhlawkna a ni tih pawh an ngaihtuah pha bik awm si lova!
September 3rd, 2011 at 1:41 pm
Chhiar chhuak ta….
Hmm.. A niang eng lehkhabu atang emaw a i hmuh a nih ka ring reng a ni. I tel ve lohna thu i rawn sawi tlat in ka hria a….. heh heh heh ,,, (Y) 😛
September 3rd, 2011 at 1:45 pm
a bu ka kawl, mahse online a chhiar hi a nuam bik tlat
September 3rd, 2011 at 1:58 pm
Khami kum good friday khan ka pa in sanghal a awk tlat pek a lawm maw le. Inthlahrung takin mi tlem te in kan va chan a, hah hnep in kan phur teuh mai maw le.
Zoram politics thli leng vel kha kan la hrethiam ve tak tak phak em lo nang a, a ti deuh hulh hulh mai khan ka hria.
September 3rd, 2011 at 2:04 pm
Puanvar sina vak noh noh khi…..va den ve awwww. Hlimen Quarry chim tum khan ruang zawngin kan va hnatlang ve nasa. An khawngaihthlak khawp mai.
September 3rd, 2011 at 2:13 pm
A va han tha ve…
September 3rd, 2011 at 2:20 pm
A nia sin.
September 3rd, 2011 at 2:35 pm
Ka Nu leh Pa te inneih kum. 2015 ah khian Golden jubillee lawm thei tak ang i maw? Kum pawimawh a ni e.
September 3rd, 2011 at 2:38 pm
A ngaihnawm e (Y)
September 3rd, 2011 at 2:40 pm
Post tha tak a ni..
September 3rd, 2011 at 2:44 pm
Nopang indo lemchang chu an van thiam awm tak ve aw.. ka van hmu ve chak chiang 🙂
September 3rd, 2011 at 2:47 pm
1977 hi a chhut peih tan chuan a danglam khawp mai.
Tha khawp mai.
September 3rd, 2011 at 2:51 pm
TuaiSialA chu ka rin aiin a lo va upa ve ka ti hman a, mahse source han hmuh takah chuan ka la chhiar ve loh ka aia naupang zawkin a lo chhiarin a lo tuipui hman fe niin ka hre leh ta zawk a. Psychologist-hoin engtin nge an sawi ang aw tia ka ngaihtuah laiin, mihlimho chuan ze khel an ti mai awm mang e te ka lo ti ve mai mai pek a.
September 3rd, 2011 at 2:51 pm
Kut a khabe tuk a, hmui tih rik khi kan naupan lai pawhin an la ching. A uar zual deuh te phei chuan, an tuk pän hial thei thin.
September 3rd, 2011 at 2:58 pm
Tha ve pah reng 🙂
Kut khawra khabe tuk rik pek pek kha kan naupan lai pawhin kan ching ve thin. Lunglen thlak reuh hle mai a.
September 3rd, 2011 at 3:03 pm
Kut a khabe tuka hmui tih rik dan chu engtinnge? Han zir chhin teh u a……
#14 : 1977 danglamna = vakul pian kum???? :Fiamthu:
September 3rd, 2011 at 3:14 pm
Alo ni maw.!? rambuai lai tak kha chu aw, sipai Atra dil kha nuam kavan ti mai mai. :-O
September 3rd, 2011 at 3:27 pm
Ava mak ve!! Ka vawikhat hriatna. A bengvarthlak thin e TuaiSiala nge nge.
September 3rd, 2011 at 3:55 pm
Ka Khabe chu kan Tuk ve chin ange.. mai2.. (Y) (Y)
September 3rd, 2011 at 4:33 pm
@Chhangban: I khabehmul i pawtthla vek ang e aw..
September 3rd, 2011 at 6:32 pm
Ngaihnawm
September 3rd, 2011 at 7:04 pm
A ngaihnawm hle mai a . .
September 3rd, 2011 at 7:10 pm
kalola hre ngai miahlo, a ngaihnawm hle mai (Y)
September 3rd, 2011 at 7:30 pm
Ka lo hre ve ngai manglo a. Post tha tak ani e.
September 3rd, 2011 at 9:36 pm
bengvar thlak hle mai
September 3rd, 2011 at 9:44 pm
(Y) interesting thei khop mai. 🙂
September 3rd, 2011 at 9:57 pm
Simeikhu khi keini pawh nu leh pa ten min thlirpui ve tak e…..ka hre chhuak leh riai riai mai mai.
Lunglen thlak ta ve aw…. (Y) (Y) 🙂
September 3rd, 2011 at 11:01 pm
Kei chu ka piang tawh reng he mi kum hian.
September 3rd, 2011 at 11:07 pm
Mi fate hian thil hi an lo chikin an va chhinchhiah thlip thlep thrin tak em. A ngaihnawm khawp mai.
September 3rd, 2011 at 11:38 pm
Simeikhu hi “comet/arsi thlawk” amaw ka tia… bge thil dang sawi nan pawh ang hmang!? comet/arsi thlawk nise chuan zam hi ni dawn si lo ka lo tia… ka buai ve reuh ltk keima tawkah!
chhiar chak ava awl ve! a boring hman ngai lo hepa ziah hi… KZP
September 4th, 2011 at 12:17 am
hre mak thei khawp mai..
September 4th, 2011 at 12:01 pm
NGaihnawm hle mai a. Hmun danga Accident/Incident lian deuh emaw thlengte pawh hi han chhuidawn tak ralah chuan eng eng emaw hmeh bel tur hi chu a awm ve theih zel tho mai. Hetiang thil thleng mila hmehbel tur lo zawng thiam riau te hi an fakawm ve hrim hrim.Thil an tingaihnawm ve hrim hrim a ni.