Vairengte Check Gate

September 6th, 2011 6:00 pm by Fergie

Vairengte a Check Gate – te hi kan ram kawtchhuah a awm a nih avangin kan ram hmel lanna hmasa ber a tih loh theihloh a. Chubakah, kawng hrang hranga kan ram security pawh hi thui tak chu a innghat bawk a ni. Hetiang taka hmun pawimawh a nih avang hian duhtui a awl a, ralkhat atang pawhin thahnemngaih a na duh khawp mai. Tun ai hian tha leh zual se ka duhna lai tlem, ka tawnhriat a tangin, ka’n tarlang ang e (a bikin Excise Gate) ;-

Police Duty te chung chang:-

(i) Tun ai hian hawihhawm chhuah leh zual se. Tawngkam thu pe aw leh ngaihnobei lo hmang lo thei hram sela. An hmel pawh ngainatawm hmel put tum hram hram sela a duhawm khawp maai.

(ii) Tin, passenger-te luggage an hailet a nih pawhin fel takin dahsak leh thlap thin sela.

(iii) Duty te zingah zu in mi an lo awm a nih pawhin, zu nam chung chuan duty lo se, passenger-te phei chu check miah suh se. An hmel en pawh a zu in thin tih hriat theih khawp ho phei hi chu helai post ah hian dah loh hrim hrim a tha ang.

(iv) Zu an man a nih pawhin hlim hmel pu surh kher lo bawk sela.

(v) An duty lai chuan Uniform hi ha reng thei se (Zanlai pawh nise).

(vi) Duty hi tun ai hian tam deuh thei bawk se la, an hna hi an thawk tha leh zualin a rinawm.

A hmun leh hma chungchang:

(i) Mipui tan tui in tur leh inthiarna changtlung zawk awm thei se. Tin, Gate thlang deuh a public tuikhur pawh hi tunai a bang sang zawkin rem ni se, a zia lo thei keng kung em mai.

(ii) Motor an check chhunga passenger-te hahchawlhna tur thuthleng-te pawh hi dah tam thei deuh se. Nghenchhan nei chi ngei.

(iii) Hmun hran hran a Gate in hung thluah lo hian hmun khatah dah khawm ni ta se, mipui lam tan chuan a thawventhlak leh zualin a rinawm.

Tawnhriat: Nikum khan keimahni mimal bungrua la-in truck ka hire ve a. Way bill leh permit engkim ka nei vek chungin Excise gate ah hian Rs 50/- min lo dil a. Dan (legal) tur rengah ngaiin ka pe mai a. Mahse, receipt min pek loh avangin ka ngaih a tha chiah lova.

A chhak zawk Police gate ah kan ding leh a, chu tah pawh chuan Rs 50/- bawk min lo dil ve leh a. Ka lungawiloh thu sawi pahin ka pe a, motor lamah ka chhuk san ta a. Constable pakhat hian inthlahrung deuhin min rawn ko leh a, ka han chho leh a, ka pawisa chu min pe let ve leh ta mai a.

Dik lo takin ka pawisa min laksak tih ka hriatin ka lungawilo tak zet a. Kan chhungte zinga Excise Dept. a thawk thin hnenah ka thiltawn chu ka han hrilh nghal a. A ni’n Dept. hotu-te a lo hrilh chhawng leh nghal bawk a. Kha Excise SI, gate a lo duty khan an hotute zilhna chu a hmu ta hlak a ni awm e. Geology and Mining gate ah erawh receipt min pe thlap a, ka lawm khawp mai.

63 Responses to “Vairengte Check Gate”

Pages: « 1 [2] Show All

51
nupuiipa Says:
September 7th, 2011 at 12:56 am
NETWORK BUS mizo khalh ngeiah hian ka eizawnna avangin GHY to AIzawl(VICE VERSA) ka chuang zing ve ta fu a; vai khalh ai chuan a thlamuan thlak ve hrim hrim bawk. Tum khat Vairengte Police Check Gate kan thleng chho tur chu 2nd Driver te mutchawlhna hmunah hian VAI diktak permit neilo 5 zet mai Bus driver mizo te chuan an hnawh khawm a..ka rilru a kalthuiin “HNAM PHATSANTU inni” ka ti rilru thuai thuai mai mawle….permit siam dan an thiam hle mai ..a dang chu sawi peih lo..sawt tak tak chuang lo
Report this comment
52
Bridconn Says:
September 7th, 2011 at 2:11 am
vairengte check gate ah hian min la man ve miahlo…eh…(!)
Report this comment
53
ReMpY_ScisSoR Says:
September 7th, 2011 at 2:14 am
Rei toh takah khan voi khat chu zanreiah kan kaltlang ve toh. Ruah a sur nasa a, raincoat leh torchlight nen an ding ka hmuh khan ka lainat tawp a, mse hei tunhnu a in soihmang hian vannei an lo inti thrin zok te poh niang a.. mu daih
Report this comment
54
Atom c Says:
September 7th, 2011 at 3:38 am
Vairengte check gate thlen hmain mu ve nghal daih ang….
Report this comment
55
buh-duha Says:
September 7th, 2011 at 7:38 am
Tum khat pawh dept pakhata thawk Vairengte check gatea duty ve tawh turin Aizawla an office atangin an transfer a ni awm a, an nu lawm lutuk chu an chhungte inah kal kualin, ‘Keini pawh Vairengteah min post ve a’ tiin a lawm thu a sawi kual nual a ni awm e..Gate pakhata kar thum vel chhung thuawih leh uluk taka duty chuan Karizma te chu…
Report this comment
56
VaiVa Says:
September 7th, 2011 at 7:38 am
Comment #39 atanga lakchhawn … (kum thum dawn chu ka paltlang ta lo na a, ka tawnhriat atanga rawtna tlêm te…)

a) Check gate te khu hmun khatah ti thei se la, chuan an check rual thei anga. Kan hun a hek lo zawk ngei ang.

b) Excise te khuan an man fo a, engati nge case
an file loh a , unclaimed ? an tih zel. Keini tan
chuan kan hun a hek lo a kan lawm a . Mah se
hawn risk duh tan khan a hlauhawm loh lutuk. An man leh za/ hnih khat hlauh, man loh chuan hlawk tawkna kha ni miau a. Ngawi reng in an la a min chhuah leh mai thin khu an tih tur dik tak ani ang em?

c) Taxation ten an hna an tlin a a lawmawm . Mahse, helam a office a thu a way bill siam tu te hian sumdawng liante bungrua lo lut hi a value dik takin ziak ta thin se. Ghy karkawng a sumdawng tenau ve tak tak te bag khat mansak tih vel ai chuan a hlawk zawk angem?

d) Ti leh teh ang. Engah nge Excise , uniform ha
zawk pawhin an bungrua hai lepse te an rem
khawm leh thei a. Tax . Dept a thawk te hian an
bungraw hlan thlak te an rem that ve leh loh! Ka sawi chu an la thinrim zawk lehnghal a . An rem tha/ hlang chho lo chiang kher mai .

Report this comment
57
D-Changsan Says:
September 7th, 2011 at 8:07 am
Kan hna thawhna hmunah theuh hian culture nghet angreng deuh a awm theuh zawng a nih hi. Vairengte gate culture pawh hi thlak mai chu a har viau ang. Tuna sawiseltute pawh hi an zingah awm ve ta ila an culture chuan min chim pil ve tho lo ang maw? Chutiang bawkin kan hna thawhna hmuna culture kan practice lai reng te pawh hi ngaithei lo fe fe an awm ve tho mahna.
Report this comment
58
PKfanai Says:
September 7th, 2011 at 10:09 am
Hman kum a, kan chhungkua a kan haw tum khan, Vairengte gate a excise duty khan, tutenge kannih tihvel min han zawt a, ka han sawi a, kan chhangchhe bawksi nen, check lovin min chhuah mai a. Kan Sumo driver inchhìr leh pawiti lutuk kha, a hlimawm phian. “Aw, hetiang ani dawn tih hriat a, um 4/5 tal chu lo ken tur” a ti a ti mai maw le.
Report this comment
59
Alejendro Says:
September 7th, 2011 at 12:21 pm
Tunge ka COMMENT lo delete??? Ka ngaihdan hi ava nilo ve. Hetiang ang inthliar hranna hi ka thlawplo. BANG RAWH SE!! DISCRIMINATION KAN DUHLO. BANG RAWH SE!!!
Report this comment
60
boihapa Says:
September 7th, 2011 at 2:41 pm
He post hi comment turin ka update tawk lo tih ka inhriat avangin ka hel ka hel a, mahse post tha tak leh thuneitute tan pawha bawhzui tlak khawpa tha a nih si avangin, tha ka tih thu tal chu sawi loh theih niin ka hre bik lo e. Vairengte check gate ka paltlang loh chin hi a lo rei ve ta deuh a ni e. ’85 atanga ’91 inkarah kha chuan ninawm khawpin ka veivak tam a, mahse khatih lai khan Bagha lam zu engahmah kan ti ngai der si lo. Mahse tunlai thilawmzia zawng zawng nena ka ngaihtuah khawm hian i post hi thil ngaihthah thiang lo leh, politician-ho tan pawha inchirhtheh nana hmang satliah mai mai loa phawkhai rual taka tanlakna tur chi a va ni em. I ngaihtuahna a ropuiin a takah a la chang ngei ang tih beisei chungin em em e.
Report this comment
61
Zopatriot Says:
September 7th, 2011 at 3:13 pm
Check gate pakhat chu awm thei se a va tha awm ve, parking na zau tak nen.
Report this comment
62
tribepower Says:
September 7th, 2011 at 3:22 pm
Um 3 leh Vai tha 4 cu ka kal tlangpui ve toh….akekeke
Report this comment
63
Fergie Says:
September 7th, 2011 at 4:17 pm
#62 tribepower, nupuiipa #51 khian a rawn chhui palh ang che’ng nge aw. I rawn thaw ropui lo ang reng hle mai.
#53 Rempui, mi fel deuh deuh an awm ve thin tho a nia aw.
#55 buh-duh, a nih duh hmel tak tak hle mai a. Ha ha
#57 D-changsan, i thil sawi chu ngaihtuah a ti thui khawp mai. Mahse, vairengte check gate culture hi tihdanglam theihloh chu a ni dawn em ni le?
#56vaiva & #60 boihapa : in han sawi tak tak chuan kei aiin in lo vei zawk mah a nih hi maw le.
Enge maw tih hi chu a ngai a nih hi maw le, sawi tur kan hriat hlawm dan atang hian!
Report this comment