Kan naupanlai kha

September 7th, 2011 9:00 pm by Keimah Thingtlangpa

Vawikhat tal nunhluiah hian let leh thei tehreng ila aw!

Kan naupan ve lai kha tunhnu hian ka ngaihtuah chhuak thin. Sikul kan han bang a, inah kan han hawng a. Chhungten min au ang tih hlau fahranin ipte kan dah zawk a, a lut lam aimaha chakin kan han lim chhuak leh puat a; hla fe kan thlen hnuah a ralmuang ta maw tihin kan han tlan zawi deuh a. Thaw hlawp hlawp chungin thiante kan va fin a. Tunah chuan kan zalen ta!

Kan han inhmukhawm a, a changleh tuichengin kan kal a, a chang leh tlangsam hmunah a hmaa kan bawh-en bak zawng chu ralte vahai no la aimaha bengchheng tur khawpin kan han bawh leh a. Tifuh loh changa hmawlh zum velin kan dul velte a chhun rin riai pawh khan kan tap ngai lo. Ni e, tunlai naupang han tahna awma tah kha chu pa lohnaah ngaiin kan insum hram hram a, kha khan tawrhchhelna pawh a lo zirtir ve reng zu nia!

Sephung kan han lai a, kan han insiktir thin laite kha aw.. “Mihring ek ami a huai duh” tiin mihring ek vung tharlam zawngin tlai hun hmanliam changte kha a awm thin. Kan han hmu ve a, midang kan ngam zawngte khan an lo hauh ve ngei a. Vau pahin engtin tin emaw kan han chhuhsak thei hram a. Ngamloh kan tawn chang erawh kha chuan hreh tak chunga kalsan a ngai si..

Kawlbulah ni chu suk chen vel a la awm a. Inah haw a han ngai tlat thin te kha aw.. A chakawm loh thin mang e. A changchuan nu leh pa phallohin kan lengchhuak kha a ni thin si a. Min lo hmuaktu tur kan chiang thin si. Tunlai naupang anga in atanga chhuah thinrim nachang kan la hre ve si lo. Tlai lamah hlim viau mah ila, haw dawn hnaiah kha chuan “ka lo leng ta kher kher kha aw..” tih rum rum chang kan nei thin. Sim erawh a har thung.

Zanriah eikhamah pawnto turin kan han chhuak khawm leh thin te kha a va nuam thin em. Tunlai thangthar chuan pawnto awmzia pawh an hre tawh mang lo emaw a ni anga. Keizawng, heng pawnto hlate hian ka lung a tileng thin.

Kan pawnto zo tur aia ute’n min han sawithaih a. Hlau chung chunga hawn a ngai si. Hla tawk tak atangin nute kan han au a. Min hruaitura sumhmuna rawnchhuak hmuh veleh theihtawpa kan han tlan te kha mitthlaah a cham reng thin.

Ni e, khang purun te, khairek te, inthum kar te kha a hunlai kha chuan an hlauhawm dan kha tunlaia chiang mang lova ramhuai hmuh ai hian a nep chuang awm love..

Zana kawmthlang chingpirinu a han thizûn te kha a hunlai kha chuan kan hlau thin teh e.. Tunhnuah erawh zawng, chingpirnu pawh a tak hmuh tur a lo vang ta a, a thizun ri ngat hre tur phei chuan vanneih a ngai tawh a ni. Aw, lui kan han kal changa Tuitu hram ri vanga hming kan sawi thap thap laite khan khawvel hi a la mawi a sin.

Hun kohkir theihlohna leh nakin hun pawh hmuh thiam theihlohna ramah hian KAN NAUPANLAI KHA ngaih changni a tam mang e..

32 Responses to “Kan naupanlai kha”

1
zeus Says:
September 7th, 2011 at 9:02 pm
First ange..han comment sap sap teh u..
Report this comment
2
lrpa Says:
September 7th, 2011 at 9:11 pm
Kan naupan lai a sephung laih, perhpawng man, khawmhma kung chawp a bawh tliah, buk sak, thingsemim zawn, tawlailir accident, kawlbahra hel ei, chi thak, lung no ei, sangha man, mautuai khawrh, ram kal ve hrim hrim, sava veh, mau/thing put, thang kam, pangpar huan siam etc..te kha ka ngai vak lo..
Report this comment
3
century child Says:
September 7th, 2011 at 9:18 pm
I thukhuh hawnna khi ka like hle mai.
Chhiar chhunzawm leh ang
Report this comment
4
lr hlonchhing Says:
September 7th, 2011 at 9:27 pm
Nia, ka naupan laikhan sephung kha chu ka lai chhuak hnem ve khawp mai. Chawtlang lian leng lawng pet chung ngei mai a, hnap banah han tah thuak thuaka laih kha kan lai chhuak lian duh bik…
Report this comment
5
century child Says:
September 7th, 2011 at 9:28 pm
Dawih ngang hi ka nia zana kan inbiruksiak emaw inburchhekhawnrik emaw chang te hian ka biru hla ngam ngai lo reng reng
Report this comment
6
misuala Says:
September 7th, 2011 at 9:30 pm
Buk ker leh sak, buka thianza ho riahkhawmte, kahpup siam te, phaitual hnima maua tawlhte,ho deuh pakhat: pawisa chhungte hnena dila thian hoa thawhkhawmte,thal insiam that siakte,krismas dawna sum tuak nana thing put te,masi hnah put te pawh maw le………
Report this comment
7
paeia Says:
September 7th, 2011 at 9:30 pm
Kei pawh ka naupanlai nun kha ngaihtham a awm ve ka ti. Thiam ila ngaihnawm taka ziah tlak a awm ve, thingtlang mizo naupang nun hlimawm tak te kha. I ziak thiam e keimah thingtlangpa!
Report this comment
8
misuala Says:
September 7th, 2011 at 9:34 pm
Inbihruksiakah kha chuan tha ve thei khawp mai ha ha… vawikhat pawh kan inbihruksiaka,thingzai an dahkhawm hnuaiah ka birua(ka len an ring lo a ni mai thei a ni,ka te deuh bawka) min rawn zawng hmu har lutuka ka mangang ka han chhuah meuh chuan khawlaiah naupang tumah an lo awm tawh lo, an lo haw zo vek tawh…
Report this comment
9
phawkars Says:
September 7th, 2011 at 9:35 pm
Zan kan han pawnto haw Kawngka luh phaha khairek in min khai ang tih hlau a Tik.. tih leh zuan luh kan han rual thin kha niah..lo dawihthei ngei mai
Report this comment
10
chhana Says:
September 7th, 2011 at 9:36 pm
Ngaihnawm hle mai.
Report this comment
11
piangmama Says:
September 7th, 2011 at 9:40 pm
Kan nuapan lai kha chu la ni sela, perhpawng chhun a hun leh tep tawh ang.

Tin, khang hun lai kha chu ni sela, vawiin chawhnu khan aiawt kan en ngei ang.
Report this comment
12
kilung Says:
September 7th, 2011 at 9:58 pm
NIa, alo nuam ber mai panlai hun kha…,
Report this comment
13
Fergie Says:
September 7th, 2011 at 10:29 pm
In sawi ang hi ka ti ve hman nual. Mahse, Aizawl ah kan pem tak avangin thingtlang naupang nun chan hlimawm ka tih em em thin tam ber chu thlah loh theih a lo ni ta si lova, a khawhar thlak thin ngei mai. Thingtlang a naupan lai hun hmang zo-te hi in vannei ngawt mai.
Report this comment
14
H.Vangchhia Says:
September 7th, 2011 at 10:33 pm
Keimah Thingtlangpa, khitiang khi i hre pha ani maw

A lunglen thlak mange a…
Report this comment
15
CFL Says:
September 7th, 2011 at 10:51 pm
Thianpa hi thawh tha thei riau mai. Mizo takin panlai nun hlimawm i rawn phawrh chhuaka a lunglenthlak hle mai.
Report this comment
16
Keimah Thingtlangpa Says:
September 7th, 2011 at 11:04 pm
#14 ngaihruatnaa ka ziah a ni e..hairehai
Report this comment
17
vakul Says:
September 8th, 2011 at 12:13 am
Aduhi’n a hau ngei ngei ang le. Naupangtein naupan lai a sawi ve tlat-

Amah C.Thuamluaia thawkhawchangin-Kan han ngaihtuah ka han ngaihtuah a, pawi ta bera ka hriat chu-kan nun khuarei an chang tur hi a ni.
Report this comment
18
Chhuaklinga Says:
September 8th, 2011 at 12:30 am
A lu lamah awm suh, meihawlah a chang ang, tih te.

pang aw inzial inzial, kan tih lai a, la mitmei ruk ve em em thin ten min rawn zial chiah te…

lung a va ti leng em he post kher kher chuh.
Report this comment
19
Chhuaklinga Says:
September 8th, 2011 at 12:30 am
A lu lamah awm suh, meihawlah a chang ang, tih te.

pang aw inzial inzial, kan tih lai a, lo mitmei ruk ve em em thin ten min rawn zial chiah te…

lung a va ti leng em he post kher kher chuh.
Report this comment
20
LR_rengsi Says:
September 8th, 2011 at 12:34 am
Tlan leh vawm din leh hnek… duhthlan tur avang thin khawp mai.
Kan pawnto haw, hla tawk atangin chhungte kan han ko ngei a… a zahthlak deuh roh thin a hlauh vang pawh ni lova…..kekekekkek
Report this comment
21
Judas Lersia Says:
September 8th, 2011 at 12:47 am
Keini chu kan inbailemchhuan thei nasa. Mi chawhmeh huanah kan tlu der zeuh a, antam tham khat vel kan han hum chhuak a. Nuam thei khawp mai. Buk siama bungrua ilo vela han thawm vel te kha ka ngai thei khawp mai. Chhungkaw hrawk chawm hunah kan la tih ve a ngai awm sia leh! Mahse ka ru chhunzawm tawh lo vang
Report this comment
22
ltvangchhia Says:
September 8th, 2011 at 1:32 am
naupanlai kha alo nuam a ni.siamsa ei tawp,ngaihtuah tur awm bawk silo
Report this comment
23
ChhanaPa Says:
September 8th, 2011 at 8:01 am
La upa em em ni lo mah ila, kan naupan lai kha a lo nuam ve tho mai!!
Report this comment
24
rohlupuia chalrang Says:
September 8th, 2011 at 10:06 am
misual a post k hmuh tawhah chuan ka la duh ber mai… #8 @misualpa chu..h che hit lo ve le.. ka tan lutuk che..
Report this comment
25
chawnghilh Says:
September 8th, 2011 at 10:47 am
Saihlum ka hrual ve fo, perh thla chuang lem hlei lo va. Themtlaw ve tak ka ni! ka naupan lai chuan hmelchhe tak ka ni, ka va han thang hmeltha ta lutuk em!
Report this comment
26
DXBFreak Says:
September 8th, 2011 at 11:06 am
Joseph a hla Hmanlai an chang zo ta tih ril ru ah a lo lang, kan nopang lai khuangleng kan awm lai vel, Keifang kan loh thin lai vel ava han ngaihawm ve
Report this comment
27
Kawnga Says:
September 8th, 2011 at 12:14 pm
Ka naupan lai chu sawi leh ziaha fiah chi a ni lo, ngaihtuah let veng veng hian a nuamin a fiah ber maiin ka hria.
Report this comment
28
Pangpuielhtliaka Says:
September 8th, 2011 at 12:14 pm
In ral lem chan leh inburchhethinrik kha chu mas (master) rura, inburchhethinrik leh inbihruksiakah kha chuan biru tha thei bawk a, min zawng hmu zo ngai lo reng reng. Harh ta ngang kha chu, kawmthlang lam atang te in inchhungah lawn liam a, biru daih zel.
Awwwww, Leitan lui, bunglui, saihri lui, chhimluang, melnga lui leh rangvamual lui etc. vela tuicheng tur ringawt leh tihtur em em nei lova, inrinni sikul chawlh apianga chhungte hriat miah lohva kal bo daih te kha a nuam nge a at thlak ni ta le. Haw lamah factory a tuitling in beiseiin rangvamual lui kan han zawh chhova. An zu barrel tam tak kha chu kan khawih chingpen ve nasa thin.
Tlai lamah rangvamual khawchhung lut chhovin ke ngeiin NH-54 ah kan han kal a, thim thet thet ah kekawrte khumin kawngpui kan zawh chho, motor a lo kal thuta, kawngsir drain ah kan zuang lut leh dial thin. OT vak mai
Report this comment
29
Dr Mahminga Sailo Says:
September 8th, 2011 at 12:34 pm
A ngaihnawm in, i va khawnkhawm thiam em, Post-tupa..

# 25… Kei paw’n saihlum ka hrual thin, sava ka 2/1 chu ka perh thla ve in ka hria.

Saihlum 100, Rs. 1 in ka hralh thin a. Saihlum hrual tam pawl tak ka nih ve ka ring. Kum khat (1996 a ni mai thei) phei kha chuan Krismas hma in Rs 100 man hu ka hralh hman!!! Saihlum Businessman..
Report this comment
30
Asteric Says:
September 8th, 2011 at 12:35 pm
Kan naupan laia kan ṭhianzaho mizia nen ka lo compare che a, chhun ênga huai zan lama dawih chi inih ve hmel…haha..

Kan ṭhian zingah hian insual lama huai ber nilo mah ila zan thim leh thlahrang tihvel hi ka hlau ve ngailo reng reng Kan boss Sena te in ah zan ah ramhnuai sawi kha kan ching ṭhin a, kan ṭhianpa, kei aia kum 3 vela upa(kan ṭhian zinga hauiber dawt) hi ka thlah haw angai ziah….haha.. An in leh kan in kawng a in opposite-a, keimahin zan thim ah ka let leh vang2 zel. Ka pa hian huaisen tur hian min zirtir nasaa chumi vang chu niin ka hria.

Naupan laia kan harh ang ngaihtuaha kan chesual lo ṭhin hi Pathianin naupang te hi abikin aveng ve niin ka hre ṭhin.
Report this comment
31
lushai_er Says:
September 8th, 2011 at 2:40 pm
Ka chhiar tawh tlat a hriatna ka neih chu le ! A ngaihnawm khawp mai. Tunlai ka regu thei lova…tlai lamah kan comment ve reng reng teh ang.
Report this comment
32
dtea Says:
October 28th, 2012 at 7:55 pm
Va paws lunglen thlak ve o , thian ho a tlangsam bawh kan chin lai kha chuan thahnem ka ngai ve thei khawp mai
#20 vawm leh hnek ka tuar ve ve tawh haha
Report this comment