Thil emaw, thu emaw, mi zawhna a chhanna tur taka chhang lova a ni lo zawka chhante hian, “Khawbung a ti ta deuh deuh,” tih a ni thin.
A lo chhuah dan bul chu hetiang hi niin upain an sawi thin a. Sailo lal Lalsavunga chu Aizawla a awm laiin Mawmrang khâma Hmar lal Siakzapauva nen an indo va, Siakzapauva chuan a ngam ta lo va.
Chumi thu kal zel avang chuan Champhaia Vanhnuailiana a awm laite pawhin Hmarho chu an run fo thin a ni. Tichuan, Hmarho chuan an ngam tak loh zel avangin Mizorama Hmar la chambang, Chhura thlah leh Ngama thlahte zawng zawng, Sailo lalna huam chhunga awmte chu Sailoho chuan an bawi ta zel a. ‘Hmar tukluh bawi’ an ti a.
Kum 1879 vel laia Sailo lal Kairuma, Lailen atanga Tlaikuang hmuna kai a tum laiin Hmar Khawbungho chu Khawbungah hian an awm a. Kairuma chuan Hmar an nih ngei leh ngei loh a hriatchian loh avangin mi a tir a, an han zawt fiah a. An zawt fiah dawn tih chu Khawbungho chuan an lo hre lawk a, a khuain an lo intiam lawk vek a. “Tumahin Hmar intih loh tur, hnam dang invuah vek tur a ni e,” an ti a.
A zawttu turte chu an han kal a, Khawbungho chu an ko khawm a, an han zawt ta a. An lo intiam lawk angin hnam dang an invuah zel a, an inthup thei lek lek a. Mahse, an zinga mi pakhat fing vak lo chuan an thu intiam chu a lo theihnghilh a, “Nang eng hnam nge i nih?” tiin an han zawt a, “Hmar,” a ti ta mai a. An lo khap hlawm a.
An han zawt nawn leh a, “E, Khawbung,” a ti leh ta tho tho va. A thiante chu an thin a ur nasa ta mai a, “Aw.. Khawbung a ti ta deuh deuh,” an ti a, an hau ta huai huai a. Tichuan, a zawttute chuan an hrechhuak ta vek hlawm a. Tlaikuanga Kairuma a han kai chuan tukluh bawiah a siam ta vek a, Tlaikuang Hmar Veng an tihah hian an awm ta hlawm a.
Chu chu a ni, “Khawbung a ti ta deuh deuh,” tih tawngkam lo chhuahna chu!
Thulakna: Mizo Chanchin by Hrangthiauva & Lal Chungnunga BA, BT.
September 9th, 2011 at 6:00 pm
(Y) M1zo h1story n1 maw…..
September 9th, 2011 at 6:02 pm
OT hmasa ber teh ang. 😀
Google fusion table hi hman ava’n har em em 🙁 data enter apiangin a in load tha a, a chungah a chho daih zel mawle. (N)
September 9th, 2011 at 6:16 pm
Bengvar thlak thin e… TSa nge nge (Y) (C)
September 9th, 2011 at 6:27 pm
Haaha.. Ka vawikhat hriatna 😀 (Y)
September 9th, 2011 at 6:36 pm
KZP.. ‘Suangpuilawn ban tum ang’ tih lo chhuahna ve thung hi le TS..
September 9th, 2011 at 6:44 pm
http://www.misual.com/2010/09/01/yma-sub-hqrts-conference-nei-mek/
Comment 17-na khi ! :-$
September 9th, 2011 at 6:45 pm
@KingJulien: Ka hre mai lo tlat.
September 9th, 2011 at 6:48 pm
#6 A inang chiah mai! Pawi lo, hetia post anga a awm hi a tha ve reng reng e. 😛
September 9th, 2011 at 6:50 pm
Tlawng vuak a Mat dap ang te pawh an ti tho lo maw ?
September 9th, 2011 at 6:58 pm
@funny : OT tak rau rauvah chuan doc_lib hian Sibut oh Khawbung a rawn ti duh ang em 😀
September 9th, 2011 at 7:12 pm
He tawngkam hian ka nuih a tiza tlat zel nia mawle,ku TS-a zarah beng a var leh ta sawt mai.
September 9th, 2011 at 7:22 pm
An lo la na leh mai mai ang chu@thehlei 😛
September 9th, 2011 at 7:34 pm
a lo ni tak mo
September 9th, 2011 at 7:44 pm
He post hi a hlutna piah lamah ngaihnawm a tling takzet e!
September 9th, 2011 at 7:45 pm
lushai_er #6 chuh, in la comment fuh hle mai. 😀
doc_lib hi a hot ber natur post ah a reh vang vang maiah. Ani hian khawbung alo ti ve aniang. 😛
September 9th, 2011 at 7:54 pm
doc_lib maw?!! Ka post & comment a ruka chhiar a duhtawk alawm! A sawi vek tawh, a rilru tëtthlak lutuk!
September 9th, 2011 at 7:56 pm
#15 😛
TS, i ti tha lutuk (Y)
September 9th, 2011 at 8:30 pm
Vlchinzah te, Sangpuiipa te khaw chanchin a ni maw?
September 9th, 2011 at 9:41 pm
Ngaihnawm e. OT. mizoramah hian hnam hming, khaw hminga pu hlen ta a awm nual em?
September 9th, 2011 at 10:34 pm
Ava ngaihnawm ve… He tawngkam hi ka hmang ve fova, a tobul ka hriat vawikhatna a ni e (Y)
September 9th, 2011 at 10:58 pm
Good post
September 9th, 2011 at 11:15 pm
A bengvar thlak hle mai. Post tha tak a ni.
September 9th, 2011 at 11:37 pm
Bengvarthlak e… @20, pakhat, Biate khua a awm a, hnam an awm bawk.
September 10th, 2011 at 12:11 am
Post lehah chuan-‘Biate ngat le’ emaw ‘Thingthelh ban lian khua’ emaw ‘Theichangbung ban hman tum’ emaw kha rawn ti leh teh.
September 10th, 2011 at 12:18 am
A lo ni maw .! ka hriat vawikhat na .bengvarthlak thin khawp mai (Y)
September 10th, 2011 at 12:27 am
sory, ‘Suangpuilawn ban tum’ ka tihna theichangbung khi chu a dang….ka lawm e
September 10th, 2011 at 7:57 am
Kan khaw chanchin a lo chhuak a ni maw? A tha hle mai Ts. Khawbung kan la ti deuh deuh zel dawn. Mi tamtak in hetiang a tih hi kan haw turah an ngai a, mahse kan lawm zawk daih ania.
September 10th, 2011 at 10:50 am
(Y)
September 10th, 2011 at 11:03 am
#20 Awm chiang e. A awm nual mai. Sangpuiipa, nia, huat tur a awm reng reng lo.