ROCHHINGA CHONGTHU, AIZAWL A MOTOR KHALH LUT HMASA BER by Dr.Zokhuma Vety
Mizoram Drivers Union te chuan 10th September, 1993 atang khan Pu Rochhingan Aizawla motor a khalh luh ni denchhenin Zoram Drivers Day atan an lo puang ta a. Hemi ni hian amah Pu Rochhinga chawimawi nan Jeep Hood hlihin Aizawl khawpui an fan pui nghe nghe anih kha.
Zoram Drivers Union chu pawl lian tham tak ani a, hetia hun hriatreng tlak tak denchhen a an day an siam hian tun hnu zelah Mizo hnam pum tan ni pawimawh tak a ni kumkhua dawn tawh a ni.
Chanchinbu tam takte hian thil chhui chiang tawk lova an rin dan chhuah mai an chin avangin hemi tuma Pu Rochhingan Aizawl khawpuia motor a khalh luh hi eng motor anih leh khawi kawng atangin nge a lo luh tih hi chanchinbu thenkhatah kei pawn ka rawn tarlan ve tawh kha.
Tam takin motor lut hmasa ber chu Silchar tlangdung atanga lut ni ngei turin an ngai nghal a, a motor pawh Jeep ni ngei turin an zeldin bawk.
Mahse hei hi a dik lova, thudik kan hriat tlan theuh theih nan, amah Pu Rochhinga chanchin kimchang leh engtin nge Aizawlah motor a rawn khalh luh hmasak dan kan sawi leh dawn ani.
Pu Rochhinga hi Chhipphir khua, a naupan lai atanga tumruh ve tak a ni a. Hmeithai fapa rethei tak a ni chungin an khua a mi, driver hmasa fal te zinga pakhat Aikhama vang khan motor khalh ve a tumruh tlat mai a. An khua a mite tumahin an beisei pui phak ngai lo.
Kum 1934 ah khan kum 15 mi niin Aikhama tlawh tur a chhungte Silchar kal tur zui ve in, senso atan an Sepui ching chu Aizawlah a rawn kai phei a. Rs. 27 leh paisa 75 in a tiral thei a, chutah 75 paisa chu tuten emaw an la bat ral sak leh nghal a ni awm e.
Mahse chunglai Silchar kalturinRs.27/- zet a nei thei chu a thlamuan thlak hle ani awm e. Silchar-ah chuan workshopah a thawk ve ta nghal a, mechanic leh driving te a zir chho ta zel a ni.
Indopui II-na a lo zual tak chinah khan motor khalh leh khawl lam thiam mite sipai turin an lo mamawh ta a. Ani pawh chu 1941-ah inpe ve in Indian Electrical & Mechanical Corp a zawm ve ta a. Recruiting centre Jorhat atangin Jabalpur-ah an training ta ani. Hotute duhsakna dawngin Mechanic Grade III a ni nghal a. Heta training an zawh hian Bangalore-ah Company thar an dinah a tel ve a, Burma front lamah Japan nen Indona-ah a han tel ve ta a. An pawlte thi pawh an tam hlein a sawi.
Japan-in Burma an lak tak khan anni ho (Allies) chu an lo tawlh kir ta a. Manipur an awm lai atangin General Sir Archbald Wavell-a, chutih laia Commander-in-Chief, India & Burma Flag car khalhtu-ah an detail a. Thlakhat vel chhung, Shillong an lo thlen thlengin a khalh a, ama ngenna angin an chhuah ve leh ta ani. General chuan, “Certificate pek I duh em?” a ti a, Pu Rochhinga chuan, “No need” a ti ve ngat ani awm e. Tun hnu chuan a inchhirin atthlak a ti hle.
Kum 1942-ah, an company chu Shillong-ah an lo luh tawh hnuin mechanic 12, British Sergeant pa lianpui 6’6” hovin Silchar-ah tirh an ni a. Cachar Motor Works-ah in reportin Railway Station-ah Motor (Chevrolet 15 cwt) 3 an thiat sawm ta mawlh mawlh mai a, engmah a awmzia hriat phal ani lo. An thiah zawh hnu chuan Shillong lamah an haw thla ve leh ta a.
Reivak lo hnuah kal leh turin an ti a, Lalaghat Railway Station-ah Lawng 50-ah an lo load vek tawh a. Sairang panin an chhoh pui ta ani. Fur tui len lai tak ani a, hapta 2 aia rei an thang hnuin Sairang an thleng chhova. Indian Tea Association kawnglai tam em em khan lawng atang chuan Sairang Bazar pheiah chuan an thiar chhuak a. Anni mechanic ho chuan a remkhawm chu an bei ta char char ani.
Hetih lai hian Sairang-Aizawl Bawng Tawlailir lamlian chu kuli tam takin an lo chei chawp mek zelin a kal theih hram hram chauh a la ni a.
Bawrhsapin thupek chhuahin Sairang kawng dung lamlian chhak lam furlong khat chhungah thing phurh a khap hial. Aizawl an luh hian Bawrhsap Maj. A.G. McCall hovin an lo welcome ani. Aizawl khawlai Bawngtawlailir kal phal loh chin thir ban phun te pawh an lo phawi phah vek bawk a.
Heng hun lai hian Silchar tlangdung kawng (Briddle Path thin) chu British Sawrkarin Jeep kal theihna turin a hisap a, a hna chu Indian Tea Association kutah an dah a. Kawng dung tluanin thingpui huan coolie sing chuangin an lai mup mup mai bawk a.
Japanin Chin Hills lam te a rawn lak tak zel khan, weapon carrier (one Tonne Truck ang vel) kal theih nan an zauh leh a. Hemi tlangdung lam atanga Jeep tlan lut hmasa ber chu 1943 kum tawp hma pawh khan ni thei ani. Dutlang leitan khi kum December 1943 te kha chuan an lai pawp teuh tawh hle a, Jeep te chu a lawn liam thei tawh tur chu a ni.
Durtlang leitan hi Civil motor zawh hmasaah chuan Pu Pachhunga & Hmingliana te intawm truck hi Pu Ropatea (Rochhingvunga) khalh ni a sawi a ni. Ama sawi dan chuan, “Officiala leitan an hawn hma hian, mahni own risk-in zawh ka dil a, ka kal tlang ani,” a ti. A hun leh ni a lo sawi thei tawh bik lova, a hria in awm chuan han tarlang thei ula.
PS: He article hi chanchinbu hrang hrangah a chhuak tawh thin, kei chuan a kutziak ngei atanga ka lak a ni.
Similar Posts:
- Hringchar ah Mizo kidnap
- Truck driver sawisa hlum
- Thingtlang zirlai hruaitu vai motor-in chilhlum
- Motor workshop kal
- Sanga Name Plate
September 10th, 2011 at 12:08 am
Drive 1la..
Report this comment
September 10th, 2011 at 12:25 am
Ka’n sawi ve teuh teh ang.
Dr.Zokhuma vety hi a ngaihsanawm ka ti khawp mai-mi ropui inthup tamtak hi a lo kawm hman nual zel.
Lushai hi a ngaihsanawm bawk-a post loh pawh a thahnem dawn a-a collect nasa dawn bawk si a- a hre khawp ang le.
ZDU(Zoram Driver’s Union) hi an ngaihsanawm ka ti. Ruihhlo ngaite chhanchhuahna an din a, an enkawl thei tlat mai hi. Tam tak chuan Driver-te chu rui thle mai mai turah kan dah thin a, an ni lo reng reng tih a hriat. An Home Father pawh a felin a inpe khawp mai.
Indian Tea Association lo lian hian hmasawnna rawn keng viau mahse kohhranin a tuar khawp mai. Ringthar tamtak an tluk leh phah a, kohhran thenkhat phei chu an tluchhe der lo chauh. An thawm a na a, zu leh nula an uar a(thawktute khan) an thlenchinah sumpai a hnianghnar a chumi um chuan an phe nasa hle.
Pu Rochhinga chu a va ngaihsanawm si em!!
Report this comment
September 10th, 2011 at 12:28 am
Ngaihnawm hle mai . .
Report this comment
September 10th, 2011 at 12:43 am
Bengvarthlak e.
Report this comment
September 10th, 2011 at 12:56 am
chhinchhiah tlak tak a lo nih hi. I post tha hle mai.
Report this comment
September 10th, 2011 at 1:11 am
Ziaktupa chu vawiin tlai i thusawi ai pawh khan a tha zawk mah anih hi mawle..
Report this comment
September 10th, 2011 at 1:14 am
A ngaihnawm leh pek ngei mai. Pu Rochhinga kha ka hre ve ngat. A dam laiin a chanchin hi ka lo ngaihven tak tak ngai lem lo a, a uiawm leh hnuhnawh hle mai. Amah ngei kha kawma lo zawh chian tak thin tur hi a nia.
Report this comment
September 10th, 2011 at 6:04 am
lushai_er, i kawnti tha thei khawp mai, thang khiu
A tawng tamlo ve teh asin. A tawng chhun lah nuihna tur atam. Ka pa Rochhinga (Nang Nanga pa) hi pa tha tak a tling a ni!
Darlawn chhiat tawh cc a Darlawn nula Numami pasal, kan u Chungtea DFO (fam) ka tih pa kha a ni e.
Report this comment
September 10th, 2011 at 6:10 am
Bengvar thlak hle mai….a chung a mi khi Durtlang Pu Sanga’n,(Paihteliana)a nei thin, kan naupanlai chuan lung phurhnan a hmang thin….
Report this comment
September 10th, 2011 at 6:54 am
Vawiin, ka pianchamphaphak hi Mizoramah Drivers Day a lo ni reng a ni maw ? Drivers zawng2te duhsakna ka hlan e.
@ 2 : Vakul : I sawi ang hian tun hma deuh kha chuan driverste chu rui ral mai mai tura ngaihna a awm thin niin ka hria. Tun ah erawh tan an la nasa bawk a, a ziaawm ta hle a nih hi. Sipai leh Police lam pawh hian tan han la……………
Report this comment
September 10th, 2011 at 8:35 am
A ngaihnawmin a bengvar thlak thin teh e, lushai_er nge nge.
Good post
q:- mizo mipate khawiah nge?
ans:- army leh driverah tamtak an tang.
LONG LIVE ZDU.
Report this comment
September 10th, 2011 at 9:17 am
khitiang mahindra jeep ho hi tihnun a harsa thei, nawr trawih trawih angai deuh reng maiin ka hria.
Report this comment
September 10th, 2011 at 9:26 am
#12 Willys Jeep
Report this comment
September 10th, 2011 at 9:40 am
Pu Rochhinga chu lung a ti leng reuh mange. A rawn leng beuh beuh a, a nui hawm hawm zel.
@HV Nangnang-a te nen hian in inkawm thin hial lo maw hahaha nuih a tiza tawpsss
Report this comment
September 10th, 2011 at 10:07 am
Jeep khiii
Report this comment
September 10th, 2011 at 10:54 am
A hunlai chuan a Luck ve mai mai ang chu. Kan naupan lai thleng khan la luck tak an ni. “Fak hlawh lo valrualte, happy drivers’ day”.
Report this comment
September 10th, 2011 at 10:54 am
Diak leh kawngchhia angam ngawt ang.
Report this comment
September 10th, 2011 at 11:10 am
aduhi #14 Nangnanga te chu kan nau alawm.
Report this comment
September 10th, 2011 at 2:15 pm
A post tu en lovin ka chhiar a, ‘a kut ziak ngei a tanga ka lak’ tih ka chhiar lai khian ‘Lushai-era’n a duh ngawt ang chu le’ ka lo ti rilru a, a post-tu ka’n en nak chuan amah ngei chu lo ni rengin! Hetiang lam thilah kher hi chuan tuma tlukloh val i ni e. A bengvarthlak thin hle mai.
Report this comment
September 10th, 2011 at 4:53 pm
eng motor nge ni a i soi lo reng2. One ton a va ang ve
Report this comment
September 10th, 2011 at 5:52 pm
Ten thousand apologies….a chhuah hun tur kan hre bik si lo!
Nizan kan misual MI kan tlai deuhva
#20 : @Johny : Motor (Chevrolet 15 cwt) tih khi i chhiar fuh lo zawk em ni aw?
Report this comment
September 10th, 2011 at 5:55 pm
@Aduh, Nang Nanga chu kan chhang rual ti ve khauh teh ang. Pu Rochhinga hian Silai siam a thiam tel tih hi H.V-a hian a rawn sawi tel ka ring deuh a, ulhbun cheng chhe tawh kan siam tir lai ka la hre reng mai !
Report this comment
September 10th, 2011 at 5:56 pm
Chevrolet hi Shevrlei (Shevorlay) tia lam tur. A awlsam zawng chuan Chevy (Shevy) tih mai a awlsam awm e. 2009 kalo hawn khan a sipel ang anga “Chevawrlet” tia lam ka hre fur mai
Khi truck khi 1944 Chevrolet C15A GS 4×4 15cwt tih deuh kher ani awm asin.
lushai_er i sawi takah chuan anih tak kha mawle. Kan laiphir sipiring (spring) pawh grenade spring hmangin min thlaksak tawh tak asin. Laiphir spring leh grenade spring hi a inmil chiah ani awm e.
Report this comment
September 10th, 2011 at 5:58 pm
Motor te chu hetiang hi a ni thei ang em? – Thla lak hi Pu Lowry a lak , a hmun Vairengte, kum 1955 vel.
https://picasaweb.google.com/lh/photo/ChCmwoG5DTlrGc8gX-B1HdwRgyWME9f5sVC1e3VIPvM?feat=directlink
Report this comment
September 10th, 2011 at 6:02 pm
Dr Zokhuma hi ka pu tih kan sawi ve mai mai teh ang.
lushai_er nge nge thawh tha thin e..!!
Report this comment
September 10th, 2011 at 6:07 pm
#H.V: Grenade i sawi takah chuan MP-a[L] of Dawrpui khan hand grenade hmang khan sangha a bomb thin kha maw le…lolz kei nin geletine kan hman laiin!
@beethugs2: Han inpuang teh ! I pu Zokhuma sulhnu chu ka ngah mai !
Report this comment
September 10th, 2011 at 6:10 pm
@12: Aryan: A front bumper-ah khian kua a awm thin a, kan naupan lai chuan kan vai nasa ve thin khawp mai! Kan nawr ngai lo..bleu
Thlasik lai chuan a nung mawh khawp mai….Trailer leh Jerry Can pawh ka picah ka hmu mai lova…!
@Zopatriot : i pic chu tha khawp mai!
Report this comment
September 10th, 2011 at 6:14 pm
#26 ka hriat vawikhatna, a dek bawn ve a hairehai
Kulikawn leh Mission veng inrina, Luipui/Sakhisih ah pawh khuan Mission veng Richarda (fam) khan grenade tuiek zet mai a chhar tawh. Ala puak tha khawp mai, a chhe mai mai lo aniang e.
Jeep handle herh a vaw let pawp ho kha a hlauhawm thei ngawt mai. Puanchhia in handle kan tuam a, herh nunin vawnlai thlah miahloh kha a him ber awm e.
Report this comment
September 10th, 2011 at 6:23 pm
#28: An sai ramchhuahna(poaching) kha Halflong-ah maw le! AK kha an keng thinin ka hria…China Rifle ti khan kan hre mai a! An hand grenade te hel-ho hnen atang khan an lei thin maw le! Pui ve tak chu an lo ni!
Report this comment
September 10th, 2011 at 6:28 pm
Pu Rochhinga hian motor a khalh thiam hle a niang General Driver-ah a tang thei a! Certificate siam sak a tum lai a Mizo tlawmngaihna vanga ‘No need’ a tih lai khi ka mitthla a, a inchhir leh thu a sawi leh si a! ROFL
Report this comment
September 10th, 2011 at 6:55 pm
Airport ka kal a tul tlat mai, funny khan lo vil mai teh se !
Report this comment
September 10th, 2011 at 7:18 pm
pu HV, nang-nang-a kha i hre ve law? nuih a ti za theih khawp mai. fiamthu thiam fu.
Report this comment
September 10th, 2011 at 7:27 pm
Motor pui kan ti thin!
Report this comment
September 10th, 2011 at 7:51 pm
Jeep handle herh a, a vai let pawp thin kha tun hnu hian a engine timing dik lo a ni tih ka hre thar ve chiah.
Better late than never.
Report this comment
September 10th, 2011 at 10:50 pm
Pu Rochhinga (Rochhingbengchhenga) an tih nen hian an in ang em?
Thakthingtlang ka awm lai chuan ka hre ve thin.
Silchar to Aizawl motor khalh lur hmasa ber chu Pu Rova (ropatea) ani thung .Pu Rova hi Kolsaib ah Ecletric Dept driver ni in a penson.
A sawi dan chuan kum 1932 kum ah Uduarbon kawngah ka handyman tan tih a sawi ka la hre reng thin.
Ka driver in min khawngaih a ,afel bawk a kum khar ka zui hnuah steering min khawih tir ve tan a ti.Kum 3 ka zui hnauah khalh ka thiam tan a ti.Chunglai chuan kum 3 hnuah driver ten handymante steering an dawn tir ve trawk thin a ti bawk.
Pu Pachhunga ten motor an lei a Kei leh vai driver senior Rajandra nen motor pakhat ve ve Silchar atngin kan khalh chho a Durtlang leitanah hian motor a leng chiah chiah a ke bak chu hniak khat pawh awl a awm toh lo a.Rajandra hian Rova seatah thu la ka lo signal ang che a tia nin signal ta a ka zawh chhuah hnua ah a motor a rawn khalh chhuak ve a ta a .Pu Rochhinga ten Aizawl chu min luh khal keini ai in an thleng hmasa zawk lawng a motor thiah darh phur chho a Sairanga fit khawm leh an ni a ti.
pu Pachungate chuan Rova hlau mahta che hruiin motor kan thlung ang a itlak hmain kan lo pawt ding hman ang che min ti a a ti.
Report this comment
September 10th, 2011 at 10:51 pm
@hmingte Rochhing bengchhenga te chu Thakthing damveng ah an awm a, Pu Rochhinga te hi chu mission veng ah. Mi pahnih an ni e.
Report this comment