[DIPR website ah hian thla hmasa khan a lo chhuak tawh a mahse kan hriatzau zawk nan chhuah ve leh reng reng ang]
Ni 28.7.2011 (Thursday) dar 3:00 PM vel khan Lalthakima (Jerry a inti) tuna Orissa, Khandamal, Odi, slum area hmun a missionary volunteer a kal ni a inchhal chu Chief Minister Bungalow ah a kal a. Amah hi Pu Rohluna Lunglei Chanmari II fapa mal niin a in sawi.
Chief Minister te nupa in 19.2.2011 a Guwahati a an tlawh tum a missionary, Orissa, Khandamal District a thawk ho ten an rawngbawl dan chanchin te an sawi a, heng Orissa a thawk te tan hian Chief Minister te nupa hian Inverter leina an pe a chu chu Jerry-a pawh hian a lo hre ve ni ngei tur a ni.
Pi Rii in “Zoram in rawn chuan chhuah hun ah min la rawn tlawh ve ula” a tih a vanga leh an chunga lawm thu sawi a duh avang in CM Bungalow ah chuan kal niin Jerry-a hian a in sawi a.
Zoram a chuan chhuah chhan a sawi mithi ruang rawn zui chho ni a Pi Rii hnena a insawi lai in Guard ho hnenah chuan an thawhpui boral rawn ral tur niin a insawi thung. Hemi ni vek ni 28.7.2011 hian Guwahati lamah tlai lam sumo a kal thla leh tur niin a insawi bawk.
An rawngbawl dan chanchin tam tak sawiin a in sawi khawngaihthlak hle a, chutiang tak a Pathian rawngbawl leh thahnem ngai tak ni a a in chhal a nih avang chuan Pi Rii chuan khawngaihin Rs. 2000/- leh ipte chei a lo pe a.
CM te nupa in Guwahati an tlawh tuma Major ST Dula te nupa leh Mr & Mrs Emmanuel-a te nena an thlalak ho chu Major ST Dula tuna Guwahati a awm mek tan an thawn tel bawk a, hemi hnu hian ngaihthat loh na engemaw nei in Guwahati LO leh Major ST Dula te hi biak pawh vat an ni a chutiang ang mi an hriat loh thu leh tun thleng a engmah an la dawn loh thu an sawi a vangin hemi Jerry-a nia in chhal hi Pathian thu hmang a dawt a mi bum tur zawng thin a ni tih hriat chhuah a ni a mobile No. 9402126693 a phone pawh in a pickup duh lo.
Amah hi ft 5.4 vel a sang ria lam deuh a kut dinglam leh veilam kawi/kual deuh ve ve a ni a dul sir dinglam ah ser a awm a hei hi misual hoin an rawngbawlna a an vih na niin a sawi. Tin, a khup veilam ah ser a awm chu chu a rawngbawl na a misual hoin an sahna niin a sawi bawk.
Hetiang mibum hmang lak ah hian I fimkhur theuh ila, heng thlalak a kut a awm ta te hmang hian midang a bum leh ang tih a hlauhawm avangin mitin I fimkhur theuh ang u.
Similar Posts:
- Assam Rifle rama LSC chhui chiang turin ngen.
- Orissa ringtute tawrhpuina kawngzawh
- MSA-in US-a zin Hawla te nupa zu ina puhna sawifiah
- MNF-in India a dona chhan, CM-in a sawifiah
- Kolasib to Guwahati
September 10th, 2011 at 2:47 pm
helai post chu tih hot ka tum dan a fuh chiahlo animaw. hihihi
Report this comment
September 10th, 2011 at 2:56 pm
funny-a hming thar = tih hot tuma fiamthu
_________________________
I have added cool emoticons to this message.
To see them go to https://x.exps.me?00127c6252b7066fcbe7a839ba4c3e45
Report this comment
September 10th, 2011 at 6:19 pm
vuakhrep tlal anih chu
Report this comment