Kan Naupan lai chuan, Zing thawh veleh hian Tuthlawh hum chhuakin, Sephung hi kan lai thin a. Vawk ek ami hi a chalin a huai duh bikin kan hre thin a ni. (Mihring ek a mi hi chu ka khawih peih bik lo)A vung leh ek te Tuthlawhin kan han hai fai a, a kua a lo lang ta a.
A kua chu fimkhur takin kan lai zel a, a tawpah chuan a kua chu a lo tawp a, Sephung dum run mai chu a lo tawm kuk mai a, kan la chhuak a, alo chal that viau phei chuan kan lawm thin hle a ni.
Kan lo leikang deuh a, Chakai khawrh kan han ching leh tan ta a. Chakai kua chu kan hai a, kan zen zel a, a tawpah chuan, a kua chu a lo tawp a, Chakai lo tawm chu kan man ta thin a.
Aikam liantha tak anih phei chuan a lawmawm duh thin hle a ni. Sephung leh Chakaite hi a kua a la awm chhung chuan inhumhim nan an tlanchhe zel thin a, Mahse, a kaw tawp chin alo thlen chuan tlanchhiat leh ngaihna a awm tawh lova, man leh thih mai hmabak an lo ni ta thin a ni.
Ringtu nunah pawh hian Hmangaih Pathian hian amite hi ‘A kaw tawp’ inhumhimna tura tlanchhiat leh chuan ngaihna awm reng reng a lang tawhlo hmunah hian kan awm hi a phal fo thin a, min dah fo thin a ni.
Tumkhat chu, Fur laiin Kan Furlough a. Kan haw lam hi Guwahati kan thlen hian, Tuilian nasa lutuk avangin Pasighat kawng a pin vek tawh thu kan dawng ta mai a. Dibrugarh lama kal chuan, Dibrugarh atangin Pasighat chu, Ferry (Mar-boat) in ala kal theih thu kan hre leh ta a. Ka chawlh neih hun chhung a zo teuh tawh si a, kawng awm ang ang chu zawh mai thain ka hre ta a, ka nupui fanaute nen chuan chhangchhe bungbawrin Dibrugarh lam chu kan pan ta a ni.
Tluang takin Dibrugarh chu kan han thleng a. Mahse, kan thuhriat chu, “Tuilian a la san zel avangin Lawng pawhin an kal ngam tawh lo” tih a ni. A beidawnthlak hle mai. Tin, kir leh duh pawh ni ila, Guwahati lam kawng pawh a lo ping leh hman tawh si. Tichuan, Hotel pakhatah kan han invawmlut ve ta ringawt phawt mai a. Nausen pawmlai nei kan nih avangin, Bawnghnute te a lo ngai a, ei leh in senso a hautak duh hle mai.
Vai rama zinnaah hian Pawisa fai ka keng tam duh ngai lova, Tin, ken tam duh mahila, ka nei nahek lo. Hemi tum pawh hian, min tibuaitu ber chu, ni 2/3 lek pawh Dibrugarh-ah hian tangkhang ta i la, Ka pawisa neih a zo thuai dawn a, Pawisa pakhatmah nei lova, nupui-fanaute Vairam khawpuia tan pui chu, Pa tan chuan ngaihtuah ringawt pawhin a rapthlak lutuk a ni.
Zanah chuan, ka nupui fanaute chu tui takin an muhil ta mai a, kei erawhchu, ka mut a chhuak lo chiang kher mai. Khum bulah ka thingthi a, ka tawngtai ta ngat ngat mai a ni. Chutah, darkar khat dawn ka tawngtai hnu chuan, ‘Aw’ ka hre ta tlat mai a. “Ngawi la awm hle hle mai rawh. Lalpan thil a tihsak tur che hi en ngawt mai rawh” tih hi chiang tak maiin ka hre ta tlat mai a ni. Mihring benga hriat chi ni si lo, mahse fiah em em si hi a ni. “E he, Lalpan min hruaichhuak ngei dawn e” tiin ka hlim ta hle mai a, ka rilru hahna pawh a kiang ta deuh a.
Tichuan, ka mu ve ta a ni. Mut hmunah pawh chuan, Lalpa min chhanchhuah dan tur chu ka ngaihtuah ta ngat ngat mai a, Thil ni thei leh awmthei tur anga ka ngaihtuah apiang kha, a theihlohna tur ka hre nghal zel si a, ka ngaihtuah chhuak zo ta ngang lova, ka muhil ve ta a.
A tuk zing ka han thawh chuan, Hotel kawta Rickshaw pu leh midang inbe thawm hi ka hre ta a. ‘Silapathar lamah Lawng a kal dawn’ tih hi an sawi a. “Aw haw, hei ngei hi anih hi Lalpa min chhanchhuahna tur kawng chu” tiin ka phur ta hle mai a, ka Nupui fanaute ka kaithova, kan insiam ta sawk sawk a, Rickshaw kan la ve ta nghal a, Brahmaputra lui kam lam panin kan chhuak ve ta a.
Mahse, Lui lampang atang chuan Rickshaw thovin mi an rawn kir zut zut ve mai bawk a. Kan han zawh chuan, “Lui a lian lutuk a, Lawng an kalngam leh tawh lo” tiin min chhang a. “Aw, ava beidawnthlak thin em, Lalpa aw kha ka hre ngei si a” tiin ka inngaihtuah a, Hotel lamah kir leh mah ila, engmah beisei tur awm bawk si lo chu, Luikam thleng thla ve reng reng ang, tiin thutlukna kan siam a, Luikam thleng chuan kan zuk kal ve ta tho va.
Luikamah chuan, mi hi an lo phu mur mur mai a, Bungrua an nei mang bar hlawm lo lehnghal a. Lawng chu lokal ta pawh nise, Mipa puitling bungrua nei manglo an tam mai si a, Keini bungraw ngah si, Naunawi bawk si, tan chuan, beisei tur hi a vang duh hle mai…
Tichuan le, darkar 2 vel kan nghah hnuah chuan, Silapathar lam atangin Lawng pakhat chu hla takah a rawn lang ta vau vau mai a. Kan lawm hlawm khawp mai a. Mahse, kan bula vai ho bungraw nei mang bar lo ho karah chuan, keini chhangchhe bungbawr chuan engtinnge kan chan ve theih ang?
Bungraw thiar a ngai anga, tunge lawng a thiar luh sa leh vau kama lo la awm chu lo veng ta ang? Rilruin arbo a zawng takmeuh a ni. Mahse, Lalpa aw ka hre tawh tlat a, heihi min chhanchhuahna tur hmanrua ani ngeiin a lang bawk si a, tiin ka inhnem zel a, rilruin ka tawngtai a.
(chhunzawm tur…)
September 11th, 2011 at 3:01 pm
chhiar i la
September 11th, 2011 at 3:02 pm
Chhiar ang…
September 11th, 2011 at 3:08 pm
A ngaihnawm dawn khawp mai. Part 2 nghak ang…
September 11th, 2011 at 3:08 pm
ngaihnawm khawp mai, [tih tawp hun lah hi in hre phian leh nghal, chhunzawm vat teh]
September 11th, 2011 at 3:23 pm
Ziak tha reuh lutuk
September 11th, 2011 at 4:02 pm
a ngaihnawm dawn e (Y) . chhunzawm vat chi 🙂
September 11th, 2011 at 5:06 pm
# Mut hmunah pawh chuan, Lalpa min chhanchhuah dan tur chu ka ngaihtuah ta ngat ngat mai a, Thil ni thei leh awmthei tur anga ka ngaihtuah apiang kha, a theihlohna tur ka hre nghal zel si a, ka ngaihtuah chhuak zo ta ngang lova
He thu hi keimahah pawh a dik fo mai..
A ngaihnawm ka ti takzet a ni, rei rial lovin han chhunzawm vat teh khai.
September 11th, 2011 at 5:24 pm
Ava`n ngahnawm ve.. han tizo law law la… ti ila angaihnawm dan ber ani bawk sia…
September 11th, 2011 at 5:30 pm
continue na ka lo ngaichang reng e… (Y)
September 11th, 2011 at 5:37 pm
Rawn chhunzawm thuai² rawh…ka chhiar duh chi tak a nih hi! I nupui fanau te muthilh laia, in family i lead dan tur thingthi meuhva Pathian i rawn khi ropui ka ti lutuk….pasal leh pa tihdan tur diktak a ni e! (Y)
Chakai man dan i sawi khi ka lo la hre ngai lova…a kua in zen chuan kut lawngin emi in zen thin? kutkawr bun lo chuan a van denzar duh awm ve!! A lo chep hlawk awm sia……
September 11th, 2011 at 5:38 pm
Part-2 chu ka submit tawh e. Tih ngaihnawm ka tum em em vang pawh ni lem lovin, Sermon puitling (Full scale sermon) a nia; postg pakhat atan chuan a sei lutuk deuh a. Sermon pangaiah chuan, part-2 a bible story hian bul ka tan thin a, part-1 a ka experienced hian a tawp ka khar zawk thin.
September 11th, 2011 at 5:41 pm
‘Jehovah Jire’ Lalpa’n a ngaihtuah ang… 🙂
Chhunzawmna nghahhlelawm veee… (Y)
September 11th, 2011 at 5:46 pm
@ bmw, kei aiin pu hv or Lushai_er ten an sawi thiam leh zawk ka ring. A kua Kan zen ngawr ngawr lova, kan hai dar vak a, a chang chuan kan hai chhuak nawlh a, kan man chauh thin. Mi an chep ve fo bawk. “Chakai kaw tawp tan” tih phrase mawi tak pawh a awm hi. Tan chu an la ve nasa thin a lawm.haha…
September 11th, 2011 at 5:53 pm
A ngaihnawm mahse a kim hrihlo lutuk aaaaaaaa 🙂
September 11th, 2011 at 6:03 pm
A vanngaihnawm tak em!! Chhunzawmna ti leh nghal la… 😀
September 11th, 2011 at 6:09 pm
khai a, i tihtawp dan mai mai chuh… Kan tui dawn chauh a, chhunzawmna ava nghahhlelh awm ve aw!
September 11th, 2011 at 7:12 pm
Part 2 chu ava chhuak har ve..
September 11th, 2011 at 7:13 pm
Next post a comment a tan dah tha phawt teh ang.
September 11th, 2011 at 8:24 pm
Part 2 ah comment tak tak chauh ang…comment to be continued.
September 11th, 2011 at 8:44 pm
part 2 nghahhlelhawm hle mai.
September 11th, 2011 at 9:07 pm
Pathian hnathawh chu a lan ngei hmelah… part 2 lo nghak tang2 teng.
September 11th, 2011 at 11:19 pm
A ngaihnawm dawn e…han ti zel rawh.
A kaw tawp hi ka thleng ve tawh a tumhnih chu.Pathian-a innghat lo thei lo dinhmuna han din chuan kal ngaihna kan hre chuang der lo. Tahchuan min Duhsaktu-a chuan min pui leh mai thin. (Y)
September 12th, 2011 at 6:05 am
Pathian hnathawh dan tak han khekkhal hret hian a tingaihnawm zual. Hriat a chakawm et et tawh —Hebrai hla kalphung pawh hi chik ve mah teh u, parallelism hmanga phuah vek a ni tlangpui a, tlar khatna hian engemaw a rawn keu hawng dawn dek dek a, a tlar hnihna hian a tlip kim ta hmak zel a. A fiah dan a fiah a, a kimchang ta thliam thin zu nia! Hnung thak hiah phak loh, mi dangin min hiah sak ang sawr sawr hi ni dawn ber e.
September 12th, 2011 at 9:16 am
part II ah comment ang. 4 Pakak i sawi dik.
September 12th, 2011 at 1:09 pm
Post ngaihnawm tak a ni.
September 15th, 2011 at 5:17 pm
@PKF: bmw chu chakai khawrh pui tur a ni, meichherchhit pawh hi nuam tak chu a ni. ‘A rei tulh tulh a, an bawp a lian tulh tulh a, an cheh pawh a na lo tulh tulh,’ an ti. Bleu 😛
Chakai khawrh hian a kaw tawpa chakai tawm kha kutin kan zuk zen a, cheh pawh min lo chep thin reng a ni. Min cheh kha a that zawkna laite pawh a awm ve tho, a chhan pawh min chehbeh khan hnuh chhuah a sam bik. Mahse rul han rek chhuah nawk chang pawh a awm ve thin :-O
Mi an insual emaw, tihbuai emaw a, a chan chhe zawk tlan chhiatna tur pawh a neih tawh lohna hmunah tan a lo khawh ve hian, entirnan :- Mahni In-chhung khurah mi-in rawn luh chilh se, hriam hrei a neih ang ang lo lek se chutiang ang dinhmun sawi nan chuan, “Chakai pawh a kaw tawpah chuan atang ve thin a lawm” an ti a. A kaw tawp a tang hi a lo piang ta a ni, te han ti ve duah ila :-$
September 15th, 2011 at 5:18 pm
Chhuak leh nghal mai teh ang, post min lo vil sak mai dawn nia.