A hmasa lamah khan ka lo inziak ba tawh laklawh bawk sia, ka’n chhunzawm leh law law ang e.
Lunglen tlang atang khan Manipur phaizawlah a phei a. Imphal vela Meiteiho awm chuan lal an lo nei lo va, Chhura chu an roreltu atan an lo sawm a. Mahse, Chhura chu Lunglen tlanga a awm achin chhim lam ngaia a lung a len reng avangin an sawmna chu a hnial a. Hmar lamah a kal leh ta a, tlang sang dangah a va chuang leh a.
Khawrel reng emaw ni, chu tlanga a chuan atang chuan a chhim lam ngaih chu a reh ta a. Chhura’n lunglen a bansanna tlang a nih avangin a hming chu ‘Ngaihban tlang’ an ti a, Haflong vel khu a ni.
Chhim lam a ngaih a reh hnuah a kir chho va, Manipur phaizawl a han thleng leh a. Hmana an sawm tawh ang bawk khan kalsawn tawh lova an ro relsak turin an lo sawm leh a, a remti ve ta a.
A hmate paw’n khua a nei zel tak nain a ropui tehchiam lo va, hetah erawh a ropui ta hle a. A khua leh tuite chu hlim takin a awp a, an inrem hle a ni.
Vawi khat chu chutia Imphal phaia a lal lai chuan Mizoram-a kût ang kha neih ve a rawt a. A tih dan tur chu hetiang hian a han ruahman a:-
“Ni sawm chhung zu sak ni sela. Chumi hnuah sial te, bawng te leh vawk te talh ni sela; ruai ropui taka thehin mi tinin mahni neih chên theuh ila. Nulate’n an tlangvalte puanchei rawlruk theuh ni sela. Ngaihzawng lo tih entir nan thirkhai inpek ni sela, ngaihzawng entir nan thingkual leh dawhkilh leh tuibur al inpek ni se.
Ni sawm chhung hun hman ni sela, chumi chhung chuan serh leh sang awm miah lovin mi tin mahni duh ang anga awm ni se,” tiin. Mipuite a han râwn a, tha an lo ti khawp a, tih ngei turin an titlu ta a.
A hun a lo thleng a, an chai ta mup mup a. Hmelchhe hmingthang Saichawnkhupa pawh a awm ve a. A hmelchhiat em avangin ngaihzawng lo tih entirna thirkhai chu kuta kilh khawp teh meuh a dawng a ni awm e! Midangte chu an remruat sa ang chuan puanchei leh pawnfen te an inpe a, tuibur an intheh chamchi bawk a. Thingkual leh dawhkilh pawhin hmeltha deuh samzialah hmun a hmu hle bawk a, ngaizawngtu ngah deuh lu-ah a ther fuk mai a ni.
An han chai ta chu nuam an ti khawp mai a. Chhura chu hla phuah turin an ngên a, a phuah ve mai bawk a.
“Burtui semah vala nuar naw raw,
Pek ding an dang, pek lo ding an dang,”
a han ti a. Mipui chuan thiam an ti khawp mai a. A dang phuah leh turin an ngên leh a. Chhura chuan a phuah leh a.
“Cham der, cham der, cham der dur a e,
Hmartlang ka khua cham der dur a e,”
tiin. He hla hi Hmarho Sikpui Zai an tih chi a ni a. An sa vut vut mai a. Inkaihkuahin mualah an chai a, an sirsawn hut hut mai a. Serh leh sang a awm loh avangin nula leh tlangval emaw, mi nu leh mi pa emaw pawh ni se pawi a awm si lo va; mi tin an inchhaih, an inkuah, an indi bawk – an ri nulh nulh mai a.
A ni sawm ni phei chu uar lehzualin an hmang a. Nghengtawl an tlawh a, an innek chiam a, an inbawh luai luai bawk a. Chuti luai luai karah chuan an lalpa Chhura chu a hnuai lam tawt zualna lai a lo tawng fuh a, a nakruh an rah tliahsak a, a thihphah ta a ni.
Chhura thi chu a khuate chuan an ui hle mai a. A thih hnu chuan an kût angreng hman chu ‘Phalrai kût’ an lo ti ta a. Serh leh sang awm lova Meiteiho phalrai kût lo chhuahna bul a ni ta a ni.
Thuhnâr: Mizo Chanchin by Hrangthiauva & Lal Chungnunga.
September 14th, 2011 at 12:28 am
Chhura hun hnuhnung hi ka lo hre ngai miah lo, a bengvarthlak e (Y)
September 14th, 2011 at 12:32 am
A fiah lutuk danah hian fiah lo chu a awm a ni..
September 14th, 2011 at 12:44 am
An chai chu a va nawm hmel nulh nulh ve le!
Chhura khuate chuan an lalpa an delh hlum der zu nia! An chhur hlawm mang e..
September 14th, 2011 at 12:53 am
Ka awih mang hlek lo (D)
September 14th, 2011 at 12:55 am
Ngaihna awm lo :-O
September 14th, 2011 at 1:11 am
Meitei lal ani tih hi Meitei ho thawnthuah awm ve tak maw?!! :-S
September 14th, 2011 at 1:32 am
haha.. a hun hnuhnung poh chu dangdai fu ni… 😀
September 14th, 2011 at 2:40 am
Meitei chanchin tlem:
http://themanipurpage.tripod.com/history/puwarimeitei.html
September 14th, 2011 at 3:57 am
(Y)
September 14th, 2011 at 5:39 am
A hun hnuhnung chuh an va dek hot ve le.. Pu chhura nge nge…
September 14th, 2011 at 6:49 am
Chhura in tih lar vang lai kha ka sipai tan hlan a ni’ang. Kei chu ka hre thui lo tawp mai!
A reng reng thuah, Chhura ka hriat ve chu chhurbura, Nahaia thianpa (emaw unaupa) hmakhawsang a mi, vanlaiphai leh champhia te vaw zawltu kha a ni. Puanchei (nge pawnchei) chhuah hma daih, hnakhawl leh hrenpereng fashion lar lai, mizoten bawng an vulh ve hma daih, hmaaaaaan a mi kha a ni.
September 14th, 2011 at 8:45 am
Hepa hi chu Chhur hnuhnunga a niang.
September 14th, 2011 at 8:49 am
Mizo Thawnthu hi chu awih vek chu a har a, mahse a lawmawm thei ve lawm 😛 ..@Tsa..i thawh tha thei e (Y)
September 14th, 2011 at 10:11 am
Ahmasa khan ka awih vaklo tawh a, tunah chuan ka ring eih tawh lo… 😛 #8 @Pu Hv (Y)
September 14th, 2011 at 10:27 am
Ahmasa khan ka awih vaklo tawh a, tunah chuan ka ring eih tawh lo… 😛 #8 @Pu Hv (Y) ..
September 14th, 2011 at 11:23 am
(Y) post..
September 14th, 2011 at 12:35 pm
Sisen leh Pu hv te chu post hmasa ah kapa khua chu mawngping khua ah min chhuahsak vei maw,tun weekend chu kapa ka han ph teng in khua leh a chhehvel chanchin alo hriat takin. 😉
Post bengvar thlak mah mah :-O
September 14th, 2011 at 12:52 pm
(I) CFL (I)
September 14th, 2011 at 5:38 pm
Thuhnar ziaktu khi hnamsakhua emaw ka ti dawn a, alo ni bik miah lo. 🙂 An dawt theih hmel hel hawl hle mai 😀
September 14th, 2011 at 8:32 pm
Ngaihnawm ve. :-$
September 14th, 2011 at 9:30 pm
Ngaihnawm khawp mai 🙂 a thawnthu deuh tih mai lovah chuan. (Y)
September 14th, 2011 at 10:27 pm
Thawnthu na na na thu taka chhuah tum tlat hi ka chekin a mil lo 😛 Chung leng leh hnuai leng ho indona tak kha tuna Kulikawn rickshaw stand tak saw a ni. Sawrz : ka rinthu
September 14th, 2011 at 10:40 pm
CHHURBURA chu mawwwww …. TUAISIALA hiiiiii …. 😀
September 14th, 2011 at 10:54 pm
@ninja: Ka post hmasa zawk kha i chhiar em aw..? Chhura a awm ngei thu kan ziah chian viau kha. A chanchin dang tam tak erawh thil ni thei lo a ni tih erawh a chiang.
September 14th, 2011 at 11:11 pm
Tuaite chu paws i va vil rei ve! 😀
September 14th, 2011 at 11:17 pm
Haha.. Recent comment-ah ‘Chhurbura’ tih a lo lang sia, ka’n lut leh alawm le.. 🙂