Hei tunlaiin he pa hi a lar riau mai a, miin an zui nasa a, a chawnghei pawhin chanchinthar a chiah hneh hle mai. A hmalaknate fakawm viau mahse heng a hmalakna leh a pawl din hi thlirna tlang dang atangin i han thlir dawn teh ang.
TUnhnaiah Mizoramah amah thlawpna hun te an lo hmang ta hial mai, Facebookah pawh Mizoramin thlawp dan tur ngaihtuah tein an sawi khawm thin a. He pa hian thlawp a phu teh reng em??
Anna Hazare hian hman deuha a chawnghei hmasak kha kan hre theuh awm e. Sawrkar nen inbiakna an neih zawha a chawnghei a tihtawp hnu reilotea Gujarat leh Bihar politics comment a pekzui dan atang khan he pa hian mipui a hmangaihna chu thuhran, politics ah hian tum a nei nia ngaih theihna chin tam tak a nei a ni.
Tichuan, tunhnaia a chawnghei-ah hi chuan a sim ta a tih theih awm e, a fimkhur ta hle. Amaherawhchu, amahin Gandhian a inti teh fo hi pawmpui a harsa hle. Gandhi khan vawikhat chawngheia sawrkar a kar hlawhtlin hnu khan thil tha lo nia ngaiin a sim hmak a, Anna Hazare erawh chuan sawrkar karfung takah a hmang tlat mai. Tin, Team Anna a din chhoh dan vel atang hian a chet dan hi a political party hle nia ngai tam tak an awm bawk.
Ram hruaitu atana kan thlan leh dan siamtute pawh zah zo lova Team Anna-in “jan Lokpal Bill” anihna ang anga Parliament in pawm tura a phut te kha mipui zahlohnaah a ngaih theih awm e. An duh ang takin lo pawm ta se, Lokpal hnuaiah hian CBI Anti-corruption bench hi dah se, Supreme court leh High Court zawng zawng endik theihna leh Prime Minister thlenga enkawl thei office hi siam ni ta chiah se enge a nghawng ni ang?? Dan hnuaia roreltute pawh ahnuaia dah theitu office chu a lal hle ang a, kan ram hian a thatpui a rinawm loh a ni.
A kaihzavengtute hi i lo thlir leh teh ang.
1) Kiran Bedi- He IPS nu hi a chanchin hi sawi pawh ngai lovin kan hre nual awm e. Mizorama a awm lai atang tawhin corruption (misuse of official power) thu ah pawh hnuhma a nei nual tawh mai. Tin, hotute thu lova Mizoram a chhuahsan pawh tunhnai hian an sawichhuak leh nasa hle.
2)Arvind Kejriwal- He pa pawh hi a pa hi RSS lam hnai tak nia sawi te pawh a awm hial a; chumi chhanlet nana Defamation Case file a tum danah hian mipui tana thuhnuairawlh taka rawngbawl tur chuan a tlak chiah loh hmel.
Tin, hetia corruption an do chhoh mek lai hian kaw dang an hreuh belh zel a. Electoral reforms, Land Acquisition Bill, adt an buaipui chhoh dan atang hian Corruption an do hi chu mipui hnena inthehlar tumna mai mai a ang thei hle awm e. Corruption hi champion pui tak tak tum chu ni se a hlawhtlin thak thleng hian an bei lawng maw???
Sawi tur a tam a, a tlangpui kan hrut thuak thuak chauh a ni a. Comments lamah i sawi zui teh ang.
Similar Posts:
- Lok Pal Bill leh Anna Hazare chanchin tlem
- Anna Hazare leh Mizoram
- Pu Zawma’n UPA a thlawp tur a ni
- Aizawl-ah Hazare thlawpna inkhawm
- Mizoram Protest Day in pictures
September 17th, 2011 at 9:01 pm
chawnghei hian ril a tam duh
September 17th, 2011 at 9:16 pm
chhiar phawt teh ang
September 17th, 2011 at 9:17 pm
Chaw nghei a sorkar kar hi ka hua……….
September 17th, 2011 at 9:21 pm
bucko, a Gandhian lo i ti ve tho em??
September 17th, 2011 at 9:36 pm
After the death of Aurangzeb… tih kan sawi nawn tlut tlut lai kan hriat chhuah zawk chu, after the death of Gandhiji… 😀 😛 lolz..
han sawiho teh u, ka lo sipel ve leh boh boh ang e.
September 17th, 2011 at 9:38 pm
Death tih loh tur dead tih tur (H) mai mai lo chuan.
September 17th, 2011 at 9:42 pm
Hazare a thil tum hi thil tih chi ber ni in alang lo. CBI te, Supreme court etc te phuahchawp body hnuaia an awm tur hi a buaithlak teh awm nuaih 😀 😛
September 17th, 2011 at 9:59 pm
(Y) (Y) (Y) A dik ka ti khawp mai.
An thil tum, an rawn vei (ni awma lang) hi chu a thr a, keipawh an motive erawh ka chiang lo. RSS leh BJP rim a nam ka ti riau.
Titi ho nikhua chang hian thiante bulah ti hian ka sawi fo thin, “Mi thlem hneh tur chuan thil thra hman a ngai tlat alawm”.
September 17th, 2011 at 10:00 pm
nastycool, a thu ngawt ang aa.. 😀
September 17th, 2011 at 10:03 pm
Hepa teh hrep hi, ka hne a nia, mipui a bum nasa lutuk dawn anti hazare pawl hi din a hun ve ta 😛 ( tlanbo daih ang )
September 17th, 2011 at 10:06 pm
doc_lib,aizawlah amah support tuten engemawni te an huaihawt ni lawm ni??
September 17th, 2011 at 10:17 pm
Kei chu he pa hi ka tan tlat! A sawisel tute hi politician ho mai mai zuk nia..
September 17th, 2011 at 10:18 pm
trot, Eiru miau lo politicians tan chuan Lokpal officials te chu hlauhna chhan tur leh an thuhnuaia om nghal ngotna chhan tur om mi? Trot trot
September 17th, 2011 at 10:22 pm
rempy,system kalphung thlak tumna hi tha vak ka ti lo a??
September 17th, 2011 at 10:26 pm
thil thlak dawn chuan a outcome tur a predict lawk vek theih ngai hlei nem, trot, chuvangin options 2 a awm phah thrin reng alom–kan kaldan ngai hi thralo hle mahse kan thlak duh hrih lo e. /or -thlak a trul a, kan thlak toh ang. Khoi zok nge?trot, politics bikah lo pawh ani vek, even in misual.com, even in synod..
September 17th, 2011 at 10:29 pm
rempy, CBI kalphung thlak, SUpreme COurt, high courts, PMO zawng2 Lokpal hnuaia awm tura han tih chu Centralisation nasa lutuk a ni mai mai lawng maw??..tunlaiah, decentralisation kan tlangaupui a, panchayat, gram sabha empowerment tih zawng zawng nen..
September 17th, 2011 at 10:34 pm
India inrel bawlna hi chuti mai a chawnghei a nawr danglam chi anilo,a lungphum hi a nghetin rinawm deuh mai ania.Corruption do erawh chu atha e,hei pawh phur thut leh chawnghei a nawr chi pawh ani chuang lo.
September 17th, 2011 at 10:37 pm
Anna dam reng rawh se…
September 17th, 2011 at 10:39 pm
Thil hriatthiam loh ka neih chu..lokpal bill hi anti corruption chungchang liau liau emaw ka lo ti a. Administration leh engilo ah chuan a inrawlh ka ring lo, sawiselna na leh eirukna chungchangah chauh a inrawlh tur emaw ka ti a sin le, chu pawh sawisel tu a awm chauh in.. hei hi enge a dik lohna ka hrethiam lo..
September 17th, 2011 at 10:43 pm
lr hlonchhing, a dam reng peih dawn ami??. 😉
September 17th, 2011 at 10:45 pm
trot, forum pakhat ah lokpal bill chungchang an sawiho na hi hmanni ah ka chhiar fuh a, an han sawi tak2 chuan a thratlohna tur hlir a ni deuh mai. Mahse, a tih thrat tur (corruption tih reh, at least 60%) vang tal pawh hian a thratlohna tam tak te chu kan ignore mai tur a ni, ka la ti fan, thralo chu siamthrat theih a ni ngai e, corruption eroh tihreh dan dang a vang em a ni. Anna a bik hi chu a motive, a personal life egmah ka evaluate peihlo, Lokpal bill ah hian beisei tur a awm tih ka ring tlat.
September 17th, 2011 at 10:59 pm
#20 Peih mai rawh se…bleh
September 17th, 2011 at 11:07 pm
Kan buai nuaih nuaih ang.. Pu haaazre bang rawhse.. A chet velna senso hi khoi lam NLUP nge mon le..
September 17th, 2011 at 11:21 pm
Hazare=Phakare in ti deuh tihna ni mw?He pa hi a Dictatorial viau lawng maw aw ka ti deuh mai2 kei chu..Irom Sharmila a han tih dan vel te kha,a zirchiang tur ka tir e te ti ve khanglang a,a che politician e mai!
September 17th, 2011 at 11:27 pm
Anna Hazare hian ‘ana’ mai ni lo, ‘Hazaaaaaar’ chu a nei ve chiang a ni lo’m ni kha? 😛
September 17th, 2011 at 11:32 pm
@25, lolzz
September 17th, 2011 at 11:45 pm
Corruption-in kan ram a tihhmingchhiat em em laia, thi leh thau pawlha do ngam an lo chhuak te chu kan support viau dawn lawm ni ka lo tih lai lai a….
Isua meuh pawhin dodaltu a ngah viau tho kha maw te ka ti ta mai mai a..
September 17th, 2011 at 11:56 pm
#27 (Y) CORRUPTION (N)
September 18th, 2011 at 12:02 am
Anna Kournikova hian Anna Hazare hi pasalah nei ta se la, Anna Kournikova hming pawh hi Anna Hazare alo ni ve ang an ti :-O
September 18th, 2011 at 12:04 am
Mizoramah hian Corruption awm talo se: Eizawnna atam phah sawt ang, Mi nawlpui kan rethei lo ang Current kan nei reng ang, kan kawng ahrehawm lutk lo ang etc,,, Eirukna avang hian kan ram achhe lutuk ta Mizo kristian tan chuan kan Do vek dawn amaw ka tih laiin Hazare thiltih ka duh lo tih pawl kan awm hi amak kati.
Mirethei tak tan LOk Pal bill ahlauhawm loh
po litician tan chuan LOk pal bill chu THIHNA ani si
September 18th, 2011 at 12:06 am
ReMpY_ScisSoR Says: (Y)
September 18th, 2011 at 12:06 am
“Any fool can criticize, condemn and complain and most fools do.”
Benjamin Franklin quotes
September 18th, 2011 at 12:12 am
ENgatinge le Eirukna sawi a Politician ho hlir kan dem thin le..Keimahni vang a eiru an ni si a, NLUP te an sem a, a hmanna tur dik a hmang engzahnge awm.. HOme Loan kan la, engzahnge thil dang a hmang awm..?? BPL ah engzahnge BPL ni thei awm tak zet..??? A nawlpuiin Corruption kan do mup mup lai hian a pawimawh ber hi kan thelh hian ka hre thin. ;-(
September 18th, 2011 at 12:13 am
RTI ACT pawh hi tha tak in hmang i la chuan corruption tam tak hi chu kan chhui chhuak tho ang..
September 18th, 2011 at 12:15 am
E, kawrapsawn nuai bo te chu a zung chawp a pho ro mekna kan Zoram ngei a tangin le, Hazare te chu nep lutuk.
September 18th, 2011 at 12:18 am
Nei tren trawn a chaw nghei hi chu a zia deuh in ka ring. Ngheilo theilo dinhmun a din chiah hian chaw nghei a har bik! 😛
September 18th, 2011 at 12:24 am
Anna.., tih rengmai, ka ning/ ka hne/ uaak!! Anna chu lo na mai2 teh se.
Keini zawng, Zu khapna dan thlawp lo tawh phawt chu – zu in mi, duh tawkin Azl. ah zu leitur awm se a duh vang…tiin kan puh a. (zu khapna dan tha ti lo zingah hian zu far 1 poh la in ngai lo an tam lutuk)!!! Tunah, Anna thlawp lo tawh phawt chu kawrapsawn haw tak2 lo/ pawlitisian eiruk chingte angin kan inpuh leh a! Hmmm… rilru te-vé, ngaihdan chimlim deuh2 hi chu kan awm maw le.,, :p
September 18th, 2011 at 12:24 am
Corruption hi a nasa ta em mai a, laipui hmanga do a ngai ta ani e. Anna Hazare mipuin an uksak nasat em em chhan pawh sorkar in corruption a ngaihthah lutuk anga an hmuh vang nai mai. Kum 2 kalta khan heti hian nghei ta se, tuman attention an pe lovang. Mahse chemtatrawta ziah khi a dik bawk si. an fel kim bik lo ani. Ka vei zawk erawh chu Team Anna hian economic reforms a dodal tlat mai a. Licence Raj a kir leh an sawimawi titih tlat mai hi pawi ka ti.
September 18th, 2011 at 12:26 am
Post tupa hian han tuihnih deuh law law se tha tur ania. He thil hi chu tuna a system ang diak diak hian a hlawhtling anih ngat chuan ‘change’ turu tak a thleng ngei ang. Mahse, a tha dawnin alanglo ani. He dan hi lo function ta ang sela, a tum tihlawhtling tur chuan staff tlemte in a kalpui theih hauh dawnlo a, umbrella lian tawk tak, Prime minister thleng pawha khuh thei tu a mamawh ang. Chuvangin, india ram sawrkar ‘sobji’ thei dan hi thil Practicable lo ani.
September 18th, 2011 at 12:33 am
kiran bedi phei hi chu ka ei lo hulhual.. Politics luhna remchang melh reng chunga mipui hmakhaw ngai awm fahrana hmalakna hi vai ho hian an hrat lutuk.
Nikuma Mizo hmeichhia an pawngsuala DMZP in hma an lakna zawng zawng pawh vai social activist pakhat hian chanchinbu mite hnenah atih vek angin a lo sawi anih chu..
September 18th, 2011 at 12:42 am
Anna Hazare an democracy nih dan tur dik takin corruption a do va, mipuiin an thlawp tha si a. Sorkarin tlawm thlak ti teh mahse mipui a hlau bawk si, chuvangin a chhiatna lai a zawng a, a ker a ker a, a uih mai thei awm zawngin a hnim dun dun reng a nih hi.
A chhiatna lai phet zawngtute kha helaiah kan tan zawng te an lo nih avangin ‘Hazare a chuti khati’ kan lo ti ve thla ngawt a nih ber hi.
Thil tha duh tan chuan he thil hi a tha asin.
September 18th, 2011 at 12:45 am
Ka hriat phaktawk chin-ah Vai mizia hi ka eilo hrim hrim, Pute tlawn hnehsawh tak, mahni hnuai ami te hnuaichhiah thiam tak, thamna duh tak chunga lan rinawm tum tak si, mahni hamthrat nana thriante pawh hek/sawichhe hrehlo vek niin ka hria. Over(lai) mai thei a hrechiang leh zual tan!!!
September 18th, 2011 at 12:50 am
Sorkhar lai hian coruption hi hluar em em seng opposition nih hun ah do leh hmak i lang kan duh tawk hlawm hmel ka ti ve mai mai
September 18th, 2011 at 12:53 am
Hman deuh khan a bill hi ka chhiar thuak thuak a,a nihna ang taka bawhzui chuan rah tha chu a chhuah ngei ang ka ring.Thil tha lam a nia,ka lo thlawp ve khawp mai.Change hi hmuh/hriat a chakawm hrim hrim.Mihring,famkim lohna nei ve tho a ni a,ram leh khawtlang nun heti khawpa tichhetu do tura nunna hial pawh hlan pawi ti lo hi a huaisenna a fakawm ka ti.Kristian chu nise a lallukhum a chhah ngawt ang.
September 18th, 2011 at 12:57 am
saitawk #42, (Y) mawlh mawlh
September 18th, 2011 at 1:27 am
‘tunlai thil awmzia’ anih hi 😉
September 18th, 2011 at 1:34 am
#42 ang khi kan thawhpui pakhat a awm a, tuman kan millo hairehai. South American a ni thung. Nikum employee picnic thlalakah a thlalak ka hmuve lova, “Tinge..” tia ka zawh chuan, “Tuman min mil lova (everybody hates me) chuvangin ka thlalak a awm velo anih kha,” a ti hairehai 😉
September 18th, 2011 at 2:59 am
#41 Khirha (Y) (Y) (Y) Adik thil tha tih tum ani invorh lar atumlo , Politics akhel lo.
September 18th, 2011 at 3:01 am
RTI te ACB te hi thil tha lutuk mahse Sorkarin a awpbeh tlat vang ani. Anna hazre full support (Y) (Y) (Y)
September 18th, 2011 at 3:35 am
2013 ah Mizoram pawh kan inthlang leh ang a, mitha felfai zawng kan hmu lul lovang, khawvel a ni hi. Existing system hi a thalo,a chhung ah kana awmmek tho, hei aia tha min offer chuan enge a pawina? A tha felfai dawnlo tih chu kan hrethiam tho e. Anna hazare leh Jan Lokpal Bill hi kan sawisel dawn a nih chuan tun a kan existing political system leh a chhung a mi te nen hian khaikhin ila,an thatna leh an thatlohna te khaikhin ila. Thatawklo pahnih ah thazawk chu an awm tur chu a ni alawm.
September 18th, 2011 at 8:08 am
Politics chu a hmang ve reng ang chu, tum (aim) neilova a do ngat phei chuan engtihnamah a nilo zawk ang a, zui tlak pawh a nilo hial dawn tihna zu nia. Tharum thawh lova dolet tur chuan mipui rilru tidanglam thei mi nih a ngai ang a, campaign te pawh a tul ang a, politics a hmanloh theihloh.
A thawhpuite chungchang khi chu sawi vak tur pawh a awmlo. An lo corrupt tawh thin a nih phei chuan Hazare hlawhtlinna pakhat a ti chiang ting a ni mai lawm ni ?? Corrupt tawhte tipiangthar tura bei a nih hi. Chutiang mite chu a thiantha ah a siam zel a la ngai dawn chauh zawk ang… Midang nun siamtha tur chuan an laka that chhuah hram hram hi tharum tellova kawng awm chhun chu a ni zawk ang….
At least, Hazare personal life hi ka hrechiang ve chuang lemlo na a… (noi)
September 18th, 2011 at 8:11 am
Parliamentary Democratic Form of Govt. ah Parliament aia rorelna sang awmtir a tum hi a diklo ka ti a, tin, a chet vel dan hian ” Political gain” neih hi chu a tum ka lo ringsa ve ringawt reng a ni. Ka thlir dan chuan roreltu tha an pawimawh ang bawk hian mipui tha pawh hi kan pawimawh tho ka ti. Kan MLA/Minister te an duh loh thleng thleng tih tir a humsual dai tir thin tu hi chu mipui te kan ni chiang in alang.
Corruption kan tih hian engchen nge a huam tih te pawh hi ngaihtuah ngai deuh a sin ! Corrupt miah lo a awm theih angem ?
Anna Hazare hi lo ngai reng ula, next Election ah chuan engtin emaw ala rawn lang ve mai thei a ni.
September 18th, 2011 at 1:24 pm
Politics-ah a zuang lut a nih pawhin a tha hrim hrim, mi puitling, ram vei mi hi alawm kan mamawh zawk. Manmohan Singh, Anna Hazare.. ramin a thatpui ngawt ang, ‘chumi te chhungkua, an thlah kal zel’ tih ngawt ai chuan.
Kan sawisel thin tak na a, kan ramah pawh khawtlang hruaitute, zirlai hruaitute leh kohhran hruaitu hmingtha te hi ram hruaitu tur atan pawh an fel riau a sin.
Tin, rorelna that loh chhana mipui kan puh fo hi a dik thei lo. A diklo na na na chu a ti lo mai tur a ni. Mipui puh ching chu rorel tlak a ni lo tihna.
September 18th, 2011 at 1:58 pm
Politician eiruknaa fihlimte hian party din se tih lamin hma te pawh a lak hi mawle.. Tunge party president ang aw,???
September 18th, 2011 at 2:25 pm
corruption hi chaw ngei a reh chi a ni lo. Tawngtairual pawn a reh thei tawh lo a ni a. Hazare chaw ngheina tur an han buatsaih vek kha TV ah ka thlir a, sawrkar pawisa an hmang ngei ang a,
Khati khawpa eiruk duh lo te chu thingbuk hnuaiah nghei mai mai se a tawk chiah
September 18th, 2011 at 2:56 pm
@Chemte: Thlirna tlang dang atangin i lo thlir a ni maw? Hetah kher hi chuan kan in thuhmun thei dawn ta lo a ang hle mai. Dikna leh Danin LAINA a nei lo an tih ang khan kan thuhmun reng thei lo alawm tiraw???
Pu Hazare chanchin hi ka lehkha zir ve lai khan a chanchin hi kan zir tel hlauh tawh a; ka tan hian a mikhual vak lo. Sipai motor khalh a bansan hnua an khua khawkheng leh khawtlang sualna chi hrang hrang a umbo pui dante kha a ngaihnawm ka ti. MLTP Act vel pawh an sawi chuang lem loa mahse ZU inna khua ni thin kha zuin an bansan a ni awm e amah avang hian.
Maharashtraa BJP leh Shiv Sena(tisual em?) sorkar laia Minister eirute a bantir dante kha a pui dap dap riau asin. India ram pumpuia RTI hman theihna tura a hmalakna pawh kha tha tak a ni.
Delhi lam thiante hi Vai hmalakna hi in thlawp tha duh lo riau maia zir chian in ngai a ni. An lo tiduhdah viau che u em ni ang…?
Mahatma Gandhi kha chaw nghei bansan angin i sawi a a dik chiah em? Hindu leh Muslim intihbuai tum pawh khan a la ngei a ni aw…
September 18th, 2011 at 3:04 pm
Ignatia, Anna Hazare te khuaa zu in mi an sawisak dan kha chu SRS te chu nepte asin..tharum hmangin an bei nasa alawm, insawisakna te nen pawh..
Mahatma Gandhi hian chawnghei hi a support lo tih chu kan zir ngei alawm, kan honours paper ah..hmaaanah..
September 18th, 2011 at 3:10 pm
E khai i tarmit a bal a nih kha Chemte….
Engpawh nise no_nick nen kan lo tang hrep tawha ka NGUI BAN mai ang… 
I number i thlak ta em ni? Contact i va har ve?
https://www.youtube.com/watch?v.....re=related (ngam tlakah lo dah zuai..
)
September 18th, 2011 at 3:30 pm
Kan zawlkhawpui ah officer senior leh midangzingah pawh inla Anna deuh deuh an awm mek laiin hetiang i rawn ti hi a ngaihnawm dangdai ka ti. A interview kha ka lo thlir ve a “Party hrang hrang a corrupt ve duh lo politician ho” huikhawm a dram kha ka huphurhpui khawp mai. Activist tha ve pangaiah ngai ila hruaitu erawh a ni lovah ngai ang u.
September 18th, 2011 at 4:47 pm
I reh ta daih a, Pu VS Naipaula chuan heti hian a tia lawm- “Civilizations and World Wars will come, India will always move on”. Thatlohna leh harsatnate chu nei ve thin mah se THLAWP phu khawpa thil tha ti duh leh ti bawk hi an lo chhuak leh mai thin.
Weekdays hman nuam vek ule!
September 18th, 2011 at 5:19 pm
trawta ka support e.
sawi tur a tam khawpmai hemi chungchang hi chu, sawi peihawmloh khawpin ka analyse nasa tawh. An mahni mihring nilo a system hrim hrim leh society hrim hrim ang zawng ten, chhim leh hmar chhak leh thlang… aaa.. kil tin atanga ka thlir kual hnu in anna a teho chet dan hi tha ka tilo in a intellectual lo ka ti ve hrim hrim.
ka lawm eeeee
September 18th, 2011 at 5:24 pm
A inla Gandhian ve ringawt a, amah hi a Gandhian lova a chet dan pawh hi a Gandhian heklo.
Anna chawi nghei chungchanga ka comment hi ka’n sawi nawn leh mai mai ange:
Let him live to dye another day, but he’s not a gentleman like Gandhi.
September 18th, 2011 at 5:47 pm
Jan Lok Pal that leh that loh dan tur hi chu implement a nih hunah kan la chiang tlang ang chu. Tun atan chuan ka hmui ka chip tawh e.
Narendra Modi pawhin chaw a nghei ve leh ta e, Congress hovin chaw nghei bawkin an chhanglet vel – ha ha