Pathian Sana lian: Middle East ram vel boruak hi tunlai chu a inlumlet nasa hle mai. “Tunlai thil awmzia” hre tur leh Bible-in hun hnuhnung a hrilhlawkna thleng chho mek zel hre duh tan chuan Middle East ram vel, a bik takin Israel ram hi “Pathian Sana lian” (God’s Time clock) a ni ber mai e! He lai ram vel Politics inlumlet vel hi a hmuhnawmin a ngaihnawm a, hun tawp lam chanchin zirmite lungphu pawh a tirang chho tan viau ta mai le!
Arab Spring: “Arab Spring” an tih mai, tun hnaia Arab ram hrang hrangten an ram roreltute duh lova helna emaw nawrhna hmanga paih thlak tuma an beihna leh an paih thlak mekte hian politics boruak a thlak danglam dawrh dawrhzia hi a mak a sin! Nikum December thla mai atang khan heng ram hrang hrang – Tunisia, Algeria, Egypt, Iraq, Syria,Jordan, Morocco, Oman, Libya, leh a dangahte hetiang buaina hi a thleng tawh a, a thleng mek zel a nih hi. Heng ramahte hian “Democracy” sawrkar dina mipuite zalenna ram tundin a nih khawvelin an beisei laiin a rah chhuah erawh chu “Islam sawrkar” din a ni deuh zel mai. Heng ram sawrkar tharah hian Islam sakhua ni lo sakhaw dang betute chu an chep rawk rawk nghal zel a nih hi. Heng boruakin a hrin chhuah langsar ber chu ISRAEL huat rawnna hi niin a lang! Egypt ram President Mubarak a han tla chiah a, Cairo khawpuia Israel Embassy chu hman ni lawk khan Muslim hovin an han chhu chhe chiam mai te khan tunlai thil awmzia a hril chiang khawp mai. Arab ram zinga Israel kawm ngeih ve deuhtu awm chhun Jordan te, Egypt te leh Turkey ramte pawh tawngka leh an chetziain Israel lakah an inla hrang tan mek ta bawk. Sam 83-na thu leh tunlai Israel ram dinhmun hi a inhmeh teh a sin!
Palestinian State: Chutih laiin an thenawm, hling ang maia anmahni chhun reng maitute Palestinian ho lah chu an inhrosa na telh telh bawk a. Ka hriat sual loh chuan September ni 21 hian Palestinian ho chuan United Nations full member niha Palestinian State (Independent) nawr chhuah tumin tan an la mek bawk. Boruak a hot chho tan dawn chauh niin a lang. UN member tam zawkin Palestinian ho Independent state pek hi an remti sa nia hriat a ni a, UN Security Council member Veto power nei zingah Russis leh China chuan Palestinian ho hi an thlawp thu an sawi tawh bawk. UK leh France lam dinhmun a la chiang chiah lo. USA President Barak Obama chuan dodal tum niin a insawi a, a hun lo thleng chiah se a Veto power hmangin a dodal ngam tak tak ang em? I lo thlir phawt mai teh ang.
UN hian Palestinian State siam lo remtihpui ta se engnge lo thleng ang?: Tuman an hre lo. Amaherawhchu thil awm thei nia mi thenkhatin an chhut, ni ve thei mai awm tak pakhat han tarlang mai mai ila:
Palestinian hovin Independent sawrkar an neih UN-in lo remti ngawt mah se Israel chuan a pawm dawn lo phawt. Mahse, UN thu meuh hmu an nih avangin Palestinian ho an huangtau leh zual sawt ang a, an chheh vela Muslim ram tam takin an lo tanpui bawk ang a, indona a chhuak nghal lo vang tih a sawi theih loh. Tunah hian Israel sipai hotute chu an inralring nasa tawh hle a, Indona a thlen vaih chuan indona satliah ni lovin Nuclear ralthuam hmanga beih hial pawh tawk se chhanglet thei turin an inralring vek tawh niin an sawi. Israel hian anmahni rawn beitute chu na takin a chhang let ang a, chu chu khawvelin Israel dem rawn nan an rawn hmang ang a, UN thu chhuak meuh pawh pawisa lo tiin an dem ang a, War Crime thubuai awrhtir turin an vau rawn luai luai ang.
Chutah USA leh EU lam an inrawlh ang a, USA chuan amah tak inrawlh ‘direct’ lovin EU kutah a hlan ang a. EU atang chuan mi thliltithei leh fing zet lo chhuakin, chu mi kaihhruaina hnuaih chuan Israel leh Muslim ho inkarah remna a rawn siam ang a…chu pa ngei mai chu ‘The Antichrist’ lo lang tur, Bible-in a lo sawi lawka chu a ni tawh ang!!
Zeldin thu bawl mai mai a ni thei. A hun lo thleng se a la chiang mai ang. He Bible thu hian tawpna siam mai ang aw:
“Tunlai thil awmzia in hriat avang leh, muhil thawh harh a hun tawk tak zet tih in hriat avangin chu chu ka sawi a ni.Kan rin tantirh lai ai khan kan chhandamna chu a hnai ta si a. Zan hi a ral lek lek a, khua a var dawn ta e. Chuvangin thima thiltihte chu bansanin eng thuamin i inthuam zawk ang u”.
Rom 13:11&12
September 17th, 2011 at 6:07 pm
a bengvarthlak e
September 17th, 2011 at 6:14 pm
Like (Y)
September 17th, 2011 at 6:32 pm
A ngaihnawm hle mai (Y)
Khawngaihna hun tha hian min liamsan ang tih a hlauhawm takzet tawh a ni. Tawpna tak a lo thlen hma hian thinurna lo thleng tur hi Pathian thu min zirtir dan a ni si. Chumi hunah chuan sim duh mahila sim theih a nih dawn loh zia Thupuan bu-in chiang takin min hrilh si a.
U te mah nila, ka Missionary ngaihsan berte zinga i ni tih ka’n sawi ve hram teh ang.
Pathianin malsawm che rawh se.
September 17th, 2011 at 7:12 pm
Kan duh emaw duh lo emaw, khawvel hi a Lalpa, amah siamtu tawk turin a insingsa mup mup zawng a ni e.
September 17th, 2011 at 7:17 pm
Sakawlh (Antichrist) lo kalna a insiam ruak ni pawn a lang. Khawvel ram hrang hranga lalte leh hruaitute tunlai ang em emin an hming a hliau in mipui zah lohna a awm ngai lo. Tunlai global recession tharlam lo thleng leh mai dawn nia lang, Euro keh chhia thei reng, European Union ram hrang hrang innghirngho karah, US lama Barrack Obama approval rating hniam lutuk, Latin America rama drug vanga violence tam, Somalia tam tla mi 750,000 set riltama thih hmabak. Hetiang karah hian gobal economic problem chingfel theia ngaih awm ta se, an zui hum hum dawn tih a chiang lutuk.
Kar hnih kalta khan Delhi ah bomb puak (mi 14 thi), lirnghing nasa ber record leh tuilian a rualin a thleng riap mai. Hre duh tan chuan hai rual ani lo.
September 17th, 2011 at 7:36 pm
Ngaihnawm miah miah ve,misualah sakawlh hlau lo tak tak kan tam kha maw:D
September 17th, 2011 at 8:05 pm
Post bwn tak ani
September 17th, 2011 at 8:10 pm
Ngaihnawm hle mai.
Arab ram hrang hranga ‘up rising’ hi ka lo ralkhat tan ve hle thin a, mipui movement a nih avangin Democracy tha zawk a lo pian chhuah ka beisei a. Mahse, i rawn tarlan ang chiah khian Muslim Sorkar bak a piang dawn lo tih chu a lang reng ta mai. Mubaraka paihthlak a ni hi a pawi leh zualin ka hria.
Sakawlh i rawn chhuina hi a awm ang hle mai. Ni tak tak sela chuan Kristiante chuan kan hai lo chiang khawp ang, martar ngam ngam a ni tawh mai ang chu.
September 17th, 2011 at 8:36 pm
Security COuncil hi a paltlang ka ring lo a keichuan.. Amaherawhchu, UN in a pawmpui loh avang hian buaina a chhuak nasa thei zawkin ka ring tlat mai… America huatna hi helai bawr Muslim ram tam takah hian a awm nghet hle mai, chu America huatna chuan Muslim ram tam takte a insuihkhawmtir mek niin a lang.. I lo thlir leh phawt mai teh ang.
Funny an “COOL” ruih a sawi tak kha.. 😛
September 17th, 2011 at 8:39 pm
Comment ta sa sa, kan tlak leh duah mai teh ang (Y) OT em loang chu maw…
@keimah: eschatological prophecy hi i tui ve em ka hre lova; kei ka tui phian mai a. Daniela prophecy hi mak ka ti tawp thei lo. Ka atchilh lo chauh a ni ber a. Daniela 11-a Aigupta leh Suria lalram chungchang hi lo chhut ve chhin teh. Chhim leh hmar lalram, a immediate context-ah chuan Ptolemy leh Seleucus dynasty kha nimahse Bible scholar thenkhat hi chuan dual prophecy niin, khawvel tawp chungchang a niin an hre tlat a ni.
Antiochus Epiphanes ngat phei hi chu anti-christ prototype angah an ngai a ni a. Antiochus/hmar lal/Suria hian antichrist kingdom a represent niin an ngai a, chu chu tunlai context chuan Rome lalram/European Union hi a kawk anga, Aiguptachhim lal hian Islam a represent ah an ngai bawk a. Chutichuan Daniela 12:1-4 ah khan khawvel tawpa messia lo kalna thu kan hmu a. Ta tang khan bung 11 tawplam kha chhiar chho ila, antichrist/hmar lal/Antiochus/Suria lalin Ptolemy/chhim lam ram/aigupta/islam a run thu a lo langa. Egypt ram chungah thu a neih tur thu a lang; chumai nilovin, Libya leh Ethiopia te pawh a kaihza vengtu an nih tur thu alang zui a. Hei hi tunlai thil awmzia hi a ni reng lo maw? Antichrist kingdom/europe leh a sangawi zawnpui te chuan Islam ram hi politics hmangin an bei mek a ni thei em?
Hei mai a la ni lo. Hetia an buai lai hian khawchhak lam leh hmar lam atangin amah rawn tibuai tu an awm dawn ala tih leh ta zel a (Dan 11:44). Thinur takin chulamah chuan a kal dawn a ni. Tichuan tuna Europe ram ho Lybia vela an inrawlh duh lo tu chu tute nge? Khawchhak lalram Russia, China leh India an ni lawmni? Hetia, Arab ram buainaa an inrawlh zel chuan heng chhaklam ram ropui 3 te hi an ngawi rengin a rinawm tlat lo a ni. Thupuan bu lah khan armaggedon-ah chuan khawchhak lam atanga lal an lokal tur kha a sawi bawk si.. Ngaihtuahna chu a vak thui duh khawp mai.
September 17th, 2011 at 9:09 pm
Hm.. piangthar lo tan pianthar a hun tihna……….
A ngaihnawm in a bengvar thlak hle mai… Hetiang lam hi han post zeuh2 teh un…. (Y) 😛
September 17th, 2011 at 9:18 pm
Ekhai, a ngaih nawmin in chhuanawm hlawm hle mai. Tunlai hian sakawlh hi kohhran hruaitute hian an sawi bo mah mah a ni lo maw?
September 17th, 2011 at 9:22 pm
(Y)
September 17th, 2011 at 10:07 pm
Kan Pathian Thu dik zia tichiang turin he kan chenna khawvel leh a chhunga chengte hi, kan awm kan nung kan che a nih ber mai hi maw. Dan Bawhchhepa, boral fapa chu a lo lan hun chuan keini Kristiante tan chuan hai rual ni dawn hek lo. “Ama hun te chauha a lo lan theihna turin engin nge khap tunah in hria e. Dan bawhchhiatna thuruk chuan tunah pawh a thawk mek a ni si a; nimahsela lak bova a awm hma loh chuan tunah hian a khaptu a awm. Chu mi lak bo hunah chuan Dan bawhchhepa chu a lo lang tawh ang, Lalpa Isuan a ni chu a kaa thawin a tihlum ang a, a lo kala inlarnain a tiboral ang. Chu Dan bawhchhepa chu Setana chakna nen a lo kal ang a, thiltihtheihna tinreng te, chhinchhiahna tinreng te, dawt thilmak tinreng te nen a lo thawk ang, boral mekte tan fel lohna bumna tinreng nen a ni ang; chhandama an awm theihna turin thutak hmangaihna chu an pawm loh vang a ni. Chuvang chuan dawt thu chu an awihna turin Pathianin sual hnathawhna an hnenah a thlen tir ang, thutak awih lova fel lohnaa lawm zawkte chuan thiam loh an chan vek theih nan.” tiin Paula chuan Thessalonika khua a mite kha a lo hrilh dim diam tawh a, hei hi keini tan pawh ngaihthah ngawt chi chu a ni bik chuang awm lo e. Tunlai thil awmzia hi keini Kristiante chuan kan ngaihven reng tur a ni reng a ni. Post ngaihnawm tak leh bengvarthlak tak, tul tak leh tangkai tak niin ka hria e. (Y)
September 17th, 2011 at 10:10 pm
Ngaihnawm in a bengvarthlak hle mai . (Y)
September 17th, 2011 at 10:17 pm
Bengvar thlak hle mai,he tiang lam hian beng hi zu verh riau zel a.ngaihthlak a nuam tak zet e.rawn ti zel teh u. (Y)
September 17th, 2011 at 10:42 pm
Bible chang i rawn dah khi ka tha tih tak a ni. Bengvar thlak tuar tuar e.
September 17th, 2011 at 10:42 pm
“Vicarius Filii Dei” tih ang zawng a in puhmawhna te a lo awm nual tawh bawk kha. :-[
September 18th, 2011 at 12:00 am
Tha hle mai, chhiar a, ngaihtuah a, insingsak hun chu a ni ve tawh hrim hrim chuan a lang. (Y)
September 18th, 2011 at 12:09 am
Van ngaihnawm ve, ngaihtuah a ti thui hle mai, he post chuan.
September 18th, 2011 at 12:14 am
israel te chu a zam lo ang. All israelites=patriotic soldiers. Sipai an lakbelh zel bok, mizoram atang pon. 😛 (fiamthu!)
September 18th, 2011 at 12:14 am
Hei chu thu dengkhawng tak mai anih hi le…!! Sakawlh, Mizo Kristian ten a kan hlauh em em chu a va chhuak teuh tawh ve oo..
September 18th, 2011 at 12:30 am
Rilru leh tihtakzeta ka chhiar – paws tlemte zinga mi a ni e. Ni e, tunlaithil awmzia hi… Thlamuang taka kan awmlai hian thil hi a thleng thut thei reng a ni. Ngaihnawm, bengvarthlak mange! (Y)
September 18th, 2011 at 12:31 am
Sakhuana lam atanga thlir lova Palestinian ho anga inchan chuan Palestinian ho hi ka lainat takzet.
September 18th, 2011 at 12:34 am
Kristiante hian Sakawlh hi kan hlau lo. A hlauhawm bawk lo. Mahse, Mithianghlim Lawr a hnai ta hle tih hriatna dar vawtu a ni a, inpeih/inrin erawh chu a ngai. Sakawlh tuar turte chu Lawr ve loh ho a lawm;Juda ho hi a tuar nasa ber an ni ang. Mahse, an tlawm dawn lo, an thih mang hmain Messia an duh lohva an hnawl hnu leh kraws a an khenbeh ngei khan a rawn chhan dawn a ni. Chumi thlenga la dam te chuan, an Messia dik tak chu an hre tawh ang.(vaw hot deuh em aw?…mu nghal daih).
September 18th, 2011 at 1:23 am
#22 😉
September 18th, 2011 at 9:08 am
In comment a puitlingin a ngaihnawm hle hlawm mai! Pu HV (#24) sawi ang hian Palestinian ho pawh hi khawngaihthlak riauna lai an nei. Amaherawhchu, Ismaela leh Isaka thlahte hi an la inngeih hlei thei lo zel a, chutih karah Muslim ho thinlungah hian a engamah hmain Israel an han haw em em nghal ringawt mai hi an thiamawm lo ka ti ve deuh. Engpawhnise, á¹an lam em em neih lam ai mahni kan hun tawng mek hi eng ang hun nge tih ngaihven zel ila tih hi he post thuchah chu a ni e.
@Art-a,mahni tawk te tein hun hnuhnung lam thil hi chu ka lo tuipui ve viau zel a, amaherawhchu, Theologian-te angin kan zir thuk ve phak lo va, an han sawi fiah hi chuan ngaihnawm ka ti khawp thin mai. Daniala lehkhabu leh Thupuan han inzul thui dan em emte hi a makin thinlung a chawk tho thin! Kan Pathian thu hi chu a hring-a-hranin a lo thleng dik zel mek chu a nih hi maw!
September 18th, 2011 at 9:37 am
keimah #27 chutiang thoin Israel pawh hian a haw nghal em em tho maiin ka hre ve bawk. :-S
Ka mut a chhuak ta raih mai le. Tlai dar7 vawr vel khan ka thianpa in thlawhna tla puak pawp a hmu a thaw cham dawn dawn chunga min rawn bia kha ka khawngaih :-S
http://www.nj.com/news/index.ssf/2011/09/plane_crashes_in_air_show_in_w.html
http://www.cnn.com/2011/US/09/17/west.virginia.plane.crash/
September 18th, 2011 at 9:46 am
@keimah:
Ni e, Daniela leh Thupuan inzawl lutuk hian a ni Daniela prophecy hi dual meaning nei ngeia a lanna pakhat chu. Daniela prophecy zawng zawng deuhthaw kha Isua pian hma khan a thleng famkim deuh vek tawh chung khan, Amah Isua ngei khan antichrist chungchang a sawi khan ‘zawlnei Daniela sawi kha” a ti a; “a chhiar chuan a awmzia hre rawh se” a la ti zui a. Johana hnena a Thu puan chhuahah Daniela bu atang deuh hlir maiin antichrist/beast chanchin a rawn sawi leh bawk si a.
Sakawlh/beast hi chu a hriat theih deuh ruau ruau tawhin a lang a, a hotu ber tur Paula’n a sawi ‘boral fapa’ pawh hi a lo lang tepin a lang tlat a ni. Ringtu diktak te chu a bum dawn hauh lova, mahse a hminga ringtu ve mai te erawh hi chu a bum hmasak tur an nih hmel viau mai.
September 18th, 2011 at 9:50 am
OT loks : Mayweather chak dan chu va nep deuh ve …..
September 18th, 2011 at 10:07 am
Pu HV, thlatute atanga inngeih lo sa kha an nia, an thlahte thlengin an boruak hi a la kal tluang zel a ni ang e.
An plane crash chu a va zialo ve le. Thlawhtheihna hlui tawh ho hi chu chelek chelek lo se a him zawk ang a!
Art-a#29, i thil sawi (dual prophecy) khi thil ni thei tak niin a lang. Tunlai thangthar (generation) chhung ngei hian Lal Isua a lo kal lo a nih pawhin thil nih dan tur ruangam chu a chiang chho zel mek a nih hi maw. Mahni lam inpeih reng chungin i lo thlir zel phawt mai teh ang u.
September 18th, 2011 at 1:52 pm
He article ang deuh hi Bloomberg ah kalo chhiar zo ve chiah a
http://www.bloomberg.com/news/2011-09-13/israel-surrounded-as-arab-spring-darkens-commentary-by-jeffrey-goldberg.html
(*)
September 18th, 2011 at 2:27 pm
@Aryan: Nula fel tak chu i va ni chiang em! Helaiah hian han ti keuh keuh thin mah la mimal zawngin i tive ngai hek lo… Tunah pawh hian post mai bakah a post tuin a thuziak nana an rawnte thleng hian i chhui peih a nia. I tui a ni….
Post leh comment a ngaihnawm.
September 18th, 2011 at 2:29 pm
India pawhin Libya a support ve leh dawn ta ee…
September 18th, 2011 at 10:37 pm
Post tha tak a ni,666 hi engtia chhutchhuah chi nge niang aw?Bloomberg ah chuan hmuh tur aw mial ang a 😀 :-O
September 19th, 2011 at 6:25 am
Palestina Ram hi chu Palestinian-ho awm hmsa mah se; Pathianin Abrahama hnenah khan Israel-te tan a lo PATTA THUAH daih tawh a, buai tur chu an ni map map reng a ni. Chingfeltu tur chu KHI LAM a ni dawn.
Zakaria 14 hi a ngaihnawm khawp, chinfel dan tur chinfel hmaa thil thleng tur a inziak ATOMIC khawp mai!
TUNLAI THIL AWMZIA tih hi KNOWING THE TIMES tih a ni thung a, HUNTE hi HRIAT FUH a ngai khawp mai! Hun hi tihdanglam a ni daih tawh a, Abib – Adar tih Bible-in a hman laiin, sakawlh pali Rome khan January – December in a thlakthleng daih tawh … Mitmeng a zau hret (eye opener) nan ka rawn tiru zeuh a nih hi. Kumin ruahtui kan neih rei chhan pawh nikum khan thla 13 a awm a, Adar-sheni awm vang a ni e, Pathian hian Romish Calendar angin thil a la chhut ve teh chiam lo! Daniela 7:25 vel kha chhiar teh u. Hun leh dan tihdanglam a ni daih tawh … BEAST will appear IN FUTURE tih hi KNOWING THE TIMES huangah a awm tawh lo, NOT KNOWING THE TIMES vang a ni tawh zawk e.