Setana hi a hna ber leh a thil thiam ber nia lang chu, “MI BUM” hi niin a lang a. Lal Isua pawh khan “DAWT PA (FATHER OF LIES) a lo ti a, Diabola (Bumtu-a) tiin a sawi thin a ni. Pathian aia ropui zawk tumin Vantirhkoh tam tak a bumthlu thei a, Mihring hmasa berte lah chu Theirah itawm tak hmangin, Pathian an lo tluk thei dawn ni a sawiin a bum thlu lailet der mai bawk a, Pathian Fapa Mihringa lo chang meuh pawh bum tumin a bei ngam a, Kraws lera a tuar lai thleng khan bum tumin a bei ngat ngat ngam a ni.
Thawnthubuah hian Misual (Villain) te an rothap, sual leh fin kherek zawh poh leh anmahni hnehtu leh finkhalhtu a changtupa/tunu te an ropui mai thin. Heti khawp a, Hmelma thil tithei, khawngaihna reng reng neilo, rothap leh fing kherek thiam lutuk leh kum sang tam mi bum ringawt hna bera lo nei tawh Diabola hi kan bum let thei anih ngat chuan, a ropui hle dawn a ni.
Rev.Dr.HS.Luaia hi a finzia an sawi thin naah chuan, “Silchar Bengali ho pawh a duh duhin a bum thei” tiin an sawi thinin ka hria(midang zawk pawh anni mai thei). Engtinnge Bumtua hi kan bum let theih ang le. I han ngaihtuah ho teh ang u:-
(1) Chawlhkar tluanin hna rim takin I thawk a, Weekend a han ni a, I rim tawngin chawlh hahdam I mamawh hle mai. Sunday a lo ni a, Bumtua’n i rilruah thu a rawn sawi ta ser ser mai a. Chutah, Bumtua aw tih hre miah lovin, nangma ngaihtuahna amaw i ti a, “A…Chawlhkar tluanin rim takin ka thawk a, Vawiin chiah hi chawlh hahdamna hun ka nei si a, chuvangin… tih thleng i han ngaihtuah ta a… Chutah Bumtua chu Lawmin a lo khi vur vur tawh a, a bumthlu ngei che niin a inhre tawh a, a lawm tawh hle a ni. Chutah, “…Chuvangin, Biakin lamah ka han hahchawl teh ang” ti thut la, Bible leh hlabu lain kal thut mai la, Bumtua hmel a tum hmuk anga, i bum let der a lo ni ang.
(2) Tlai lam alo ni a, “Naktuk atangin Office / Institution lamah mawngvawmba ang main ka buai leh dawn si a, Vawiin chawhnu chu RV/Bar lamah…” tih thleng i ngaihtuah a. Bumtua chu a lo khi leh vur vur tawh a. Chutah, “…kal lovin Thalai Fellowship na lamah kal teh ang” han ti leh thut mai la, A tum leh bur bur mai ang.
(3) “Khawnge ka rilru ava hah em, ka tan he khawvel anchhe dawngah hian, dam man a awm pawhin ka hre nek lo ve, chuvangin…” tih i ngaihtuah ta rauh rauh mai. Bumtua alo phur over leh tawh! “Aw haw, ka rinai a hma daihin Hremhmunah ka bum liam thei dawn e” a lo ti hman hmawh a. Chutah, “Chuvangin, tihtakzet a tawngtaiin, Bible kan chhiar teh ang” han ti leh daih mai la, a sarak nasa ang.
(4) Misual.com I han chhiar a, Pathian a awm tak tak loh thu te, Hnam sakhua a dik leh pawimawh zawk zia te, Sakhaw hrang hrangte dik bik leh dik ber awm chuang lova, Pathian thuhmun bia an nih vek zia te i han chhiar a, “Uai, a dik riau mai a, Nu leh Pate avangin Kristian ka lo ni ve ringawt a, Sakhaw dang bia nu leh pa lakah piangin lo seilian ni ta ila, Ka nu leh pa Sakhua chu Sakhaw dang aia dik berah ka ngai awm mange…” tiin i ngaihtuah ta vung vung a. Bumtua a lo khi leh tan ta vur vur mai. “Aw haw le, a rilru (thinlung) ka chang dawn ngei e” a,lo ti rilru hman a. Chutah, “Chuvangin, Isua chauh hi Kawng leh Thutak leh NUnna, Van ram thlen theihna awmchhun ani si a, Ka zui zel zawk teh ang” han ti leh thut la chu, i hriat theih si lohvin, a khek tuar tuar anga, a thla bal deuh, mei leh kat rim nam rum rum kha a zar pharh duai duai ang a, Remchang dang a la thlem leh atan, a thlawh bo san daih mai ang che.
An tia Lawm! Kawtthler pakhatah hian, Setana hi a lo thu tum bur mai a, “Engatinge Setan hetia i thut tum bur a, I va ngui teh bur ve?” tiin an zawt a. Setana chuan, “A… Tunlai Mizo thalai ho hi maw le, Camp ah an lut a, Ka piangthar e an ti a, Camp zawhah anmahni chaknaa thlem leh hruaiboa an awmin, Ka tihah an puh vek ringawt zel a, han tan der eih pawh hi an tum lova, min puh chhe leh lutuk hi ka lawm bik lo a ni” a ti e an ti. (James 1:12-16)
Khai le, Misual.commers bright tak tak ho khan Mihring pawh nilo, kum sang tam mi bum ringawt hna ber a lo neih tawh Diabola (Bumtua) bum let dan tur kan hriatte i han thawhho teh ang u le. Rempy leh Aduhi te hi an fing var riauva, an hriat nual ka ring tlat…
September 18th, 2011 at 12:18 am
HEi zet chu a thu ava puitlingin a va tha kher ve aw… BUmtua bum let dan kan ngaihtuah hmasa ber teh ang. 😀
September 18th, 2011 at 12:49 am
Khai le, Misual.commers bright tak tak ho khan Mihring pawh nilo, kum sang tam mi bum ringawt hna ber a lo neih tawh Diabola (Bumtua) bum let dan tur kan hriatte i han thawhho teh ang u le.
Ka inkhawm dawn lo… ka tia, nupui te aia nalh nula hisap phahin zu ka in a. Diabola (Bumtua) chuan ka bum leh ta… tiin a lo lawm thei rap! Mahse, ka thawk thut a, bible leh hlabu ka la a, Biak in lam ka pan a, thinlung leh tihtakzetin ka inkhawm keuh thin. Chu chu Diabola/ bumtua ka bum let thin dan a ni mai. :p
September 18th, 2011 at 1:32 am
Zing thinpui in pahin chhiar ang.
September 18th, 2011 at 3:39 am
Good post…contribute tur phei chu ka hre ve lem vak lo
September 18th, 2011 at 4:27 am
BUMTU-a bum tum chu leh…. Setana hian tactic pakhat chiah hman thiamloh a nei, chu chiah chu Isuan a rawn hmang, ABSOLUTE HUMILITY.
A bumna thenkhat langsar zualte:
1. Mite thutak ah awm si lo , inkhawm a ngaihtha ve em em a awm tir.
2. Zu in loh avanga fel leh ti tha ta em em a inngaih tir.
3. Thil tamtak, a RAH ah nilova, a LANDAN a a dik leh dikloh tehtir.
4. A hniak tamlam in an zawh avanga dik ta emaw ti a ngaihtha tak a awmtir.
5. Kum sang chuang an lo pawm tawh avanga DIK emaw tih tir.
6. Mi te rilru leh thinlung a AWM TAK TAK lo ang a inngaihtir.
7. Mite rilru a THILTITHEI em em, Pathian hnuai chiah a inngaihtir.
Daih mai a.
September 18th, 2011 at 6:25 am
A va tha e…
September 18th, 2011 at 6:35 am
‘Lalpa ka damchhunga min hmuak apiang i tirh nise, harsatna leh lawmna, thihna leh damna pawh nise, engpawh tawk ila min awmpui zel ang che, amen.’ tih hi ka tawngtaina a ni. (Ot em lawng chu maw)
September 18th, 2011 at 7:21 am
Pk i ril hle mai a. Peih lo deuhva kan chhiarchhuah vek chu le. Gud post…KZP2
September 18th, 2011 at 7:23 am
Sunday tuka hetianglam chhiartur ahan awm keuh mai hi Setana BUM na ani pakhat e..
Atha taluo ie..
September 18th, 2011 at 8:22 am
Bumtua bum dan tha ber mai chu Engkima lungawi hi a ni. “Lalpa a in LAWMNa chu in chakna a ni” Neh. 8:10(b). “Engah mah mangang suh u, engkimah LAWMTHU hril tel zel in……… ”
Hla siamtu min :Dam chhung min hmuak apiang, i tirh nise ” a tih ang khan. Stephana lunga an den hlum laia lawmthu hril chunga a han tawngtai te, Sadraka te thian pathum meipui a an paih luh dawn a lawmthu an han sawi te, Daniale sakeibaknei puka an paih luh dawn te……….. Bumtua cho alo thinrim ngawt ang le ! :-S
September 18th, 2011 at 8:24 am
He Post-in a tum chu he hla hian a tifiah awm e:
Thlemthluk thelh a awmin,
Lo hnai nghal teh;
Thlemthluk thelh a awmin,
Tawlh ma ta che.
Isuan a sawm a che,
Angelho an lo leng,
Tawngtaisak che an awm,
Vakvai, haw rawh.
September 18th, 2011 at 8:28 am
He hla pawh hi:-
Leiah hian zawng, thlemna leh sualna a bang lo vang,
Ni tinin thlemin kan awm fo va;
Ka mit hmuh leh benga ka hriatte hian,
Sualah mi hruai lut.
Mahse ka Lalpa hmangaihna ropui chuan,
Mi sual sim a ngaidam;
Simin ka lo kal e, aw Lalpa,
Simin ka lo kal e, aw Lalpa,
Ka sualna ngaidam rawh.
September 18th, 2011 at 8:58 am
Setana hian tactic tam tak a hmang ngailo, Eden huan atanga vawiin thlenga a ralthuam hman thin, mite bumna atana a hman char char chu : 1. Tisa chakna. 2. Mit chakna. 3. Damchhung ropui chakna te hi an ni. I John 2:15-17
September 18th, 2011 at 9:01 am
Tuk khat chu ruah nasa takin a sur a,ka inkhawm dawn nge dawn lo tih ka inngaihtuah a,tukverhah ka dak a.Chutihlai chuan putar kum 90 chuang tawh hi nihliap dum lian tak khumin Biak in lam a pan a,kei lah chu nihliap hnawksak ti chi ka ni a,ka peih lo hle nain ka rilru a lo awm chu”Thenkhat te tihdan anga inkhawmte bansan lovin”tih kha a ni a,ka va inkhawm ta hram a,ka rilru pawh a dam huai a,inkhawm hi inkhawm loh ai chuan a lo tha a ni tih ka hre ta a.
September 18th, 2011 at 9:21 am
Tha hle mai! (Y)
Diabola hnehna awlsam ber chu Pathian hnaiha awma a thu awih leh Diabola dodal (Jakoba 4:7&8) hi a niin ka hria.
September 18th, 2011 at 10:37 am
#5@zoho say “Setana hian tactic pakhat chiah hman thiamloh a nei, chu chiah chu Isuan a rawn hmang, ABSOLUTE HUMILITY”
(Y)
Mihring tan finkhalh tum chi a ni in ka hre lo, kan inchai nileng a nimai. Zaidam/Inngaihtlawmnaa hneh chi niin ka hria.
September 18th, 2011 at 11:50 am
Lal Isua khan ‘tih ziak a ni’ tih hmangin Setana thlemna kha a paihthlak sak nghauh nghauh a nih kha.. Awwww Lal Isua ang turin…
September 18th, 2011 at 12:32 pm
Setana hi phuar ni ta se, Kohhran hi a dul hnuk mai lawng maw ? Hlauh tur awm tawh dawn hek lo……..Roman Empire kha Atilla the Hun khan a sawp retheih nen khan a hnehtu General Flavius Aetius kha Atilla a thih meuh kha chuan hman tangkaina awm tawh hek lo Emperor khan a that ta mai a….!!!! Chutiang deuh chu thil awm thei a ni em?
September 18th, 2011 at 1:23 pm
Beisei ang ngeiin Comments a puitling tha hlawm hle mai. Kei erawh zawng, nizan lamah dar 2 pel rawkin hna ka thawk a, ka chauvin ka mit a thial urh mai a, chuvangin Biakinah ka va inkhawm hahdam ta mai.
September 18th, 2011 at 2:34 pm
Hetiang practical tak thuziak leh sermon hi a hlu!
September 18th, 2011 at 3:25 pm
He post vang hian, Sanglianthanga hla 1 ka rilruah a awm tlat a, ka play nawn tluk tluk mai. Nitinin sualin min bei mahse, krista thisen hlu avangin, HNEHNA changtu ka lo ni. Thisen vang a hnehna chu kan chang ta Isua zarah.
September 18th, 2011 at 3:43 pm
Ngaihnawm ve Pu Pkfanai nge nge. Arunachal ka rawn hunah zin ka rawn thleng dawn ania.
September 18th, 2011 at 3:46 pm
Ngamtlak lak lawh a, kan OT lawk. Lawrkhawm lam saw misual.com lam ho ai hian an news thei bik riau mai. Saw nula bo a thlalak nen lam an chhuah leh tawh. Kei ta pek ka in sum zo lo va, ka in register chawp chuk chuk a, ka ngaihdan ka va thawh tak hram pek kha..a chhui ngai lamah hi chuan thluak hi a ter at thin a 😛
September 18th, 2011 at 5:37 pm
doc, i comment avang khian Lawrkhawm.com chu ka va tlawh ve zuai a, i comment chu a dang zak mai. An inkah dan vel saw, midang a hip lovin ka hria. An pun vak ka ring lo. Misual hi news lamah kan hnufum deuh hlek a, pu hva ber hian Mizoram breaking news hi a rawn thawh teh tlat thin zawk pawh a. Mahse, Literature lam te, Theology lam te, history leh fiamthu lamah te kan sang fal nalhin ka hria. Tin, a berah chuan, Comments ho hi, Post chhiar miah lo pawh a ngaihnawm tham, a tam thin khawp mai. löng live misual.com
September 18th, 2011 at 5:58 pm
Setana bum dan tur han sawi belh tur ka van hle mai. PKa hi dangdai deuh, tha deuh si hi i rawn vawrh chhuak thin a, a lawmawm thin ngawt mai. Misual.com ti hlutu-te zing ami i ni e. (Y)
September 18th, 2011 at 6:20 pm
24 Pu Pk, nia an circle saw a zim deuh a, bakah an comment pekah thu leh hla lamah an sang lo thei thin khawp mai. An ni kan ngaihdan kan sawi a, an nin min ngaihdan hriat ve a chak awm duh tho mai hahah
September 18th, 2011 at 6:29 pm
post tha tak tak a tam thei lutuk lawrkhawm ah sawn. Mahse engemaw chang bak tihloh chuan ka lut ngai lemlo.
September 18th, 2011 at 6:35 pm
OT lawks: Nichin khan sikkim ah 6.8 magnitude earthquake a awm anih awm chu. (N)
news ve leh tlat. 😛
September 18th, 2011 at 6:37 pm
@27 funny nula bo ber mai saw..thluak ti che khawpa thu post ani. Misual.com a post a tan ka va han awt mai mai. Ka thil hriat duh ka sawi 2 te saw hre chiang ta ila, ngaihdan ka keuh thlu thei tawh anga, a hrui insuihhnawkna lai ka phelh thei tawh tur..Nang lahin hnuchhui theihna hnu hma nei uk lovin ngaihdan in keuh leh thawr pek a.. 🙂
September 18th, 2011 at 6:38 pm
Kan awmna ah pawh a nghing, tun minute hnih thum liam mai te khan..vaiho pawh he bhagwan tia tre chungin an rawn tlan chhuah sap sap kha 😛
September 18th, 2011 at 6:40 pm
A nasa angreng nitur ani tun lawk khan ka thianpa iit gauhati ami in ti hian a facebook a rawn update.
“just started studying for midsem … The quake scared the hell out of me , and now i lost the motivation to study .. damn u earthquake …….. :(:( ”
“it was the biggest in 2 or 3 years …. people ran .. there will be atleast few cracks in the building.”
September 18th, 2011 at 6:41 pm
Minute 10 kalta mai khan Delhi-ah Lir a nghing leh tawh….! Zawi te tein rei tak a nghing a, a nasat tak deuh avangin pawnah kan chhuak a…….Vaiho an lo pungkhawm chiam tawh a lo ni a. Nizanah pawh khan na vak lovin a nghing. :Kan Tweet ve a nih hi:
Setana hi bum lovang u, a zalenna hun hi a tawp ve tep tawh a nia. 😛
September 18th, 2011 at 6:45 pm
lushai_er: lirnghing bumin pawnah i tlan chhuak ani maw. 😀
NDTV in tihian an rawn puang nghal, “6.8 magnitude earthquake in Sikkim, strong tremors felt in North India”
sikkim ah chuan a na viau turah ka ngai ngawt a.
doc_lib: ka rin dan hi a dik chuan hetiang hi min khilai ta che (B) 😛
September 18th, 2011 at 6:45 pm
Setana hnathawh em ni ‘Lirnghing’ hi…..? Anih chuan bum dan chu zawn vat angai a nih hi. A zing ta lulai em mai!
September 18th, 2011 at 6:53 pm
Inleng kan nei tlat mai, bum kan tum teh ang 😛
September 18th, 2011 at 6:57 pm
34. Lushai_er, keini pawh a nghing a, pawnah chhuakin kan bum. EPL. Kan enlai a nia, TV a nghing der der thei. A na lo na a, a rei ang reng.
September 18th, 2011 at 7:08 pm
E, chutia Setana bum in khawngaih deuh chuan, ka bum tawh lo mai ang e. Mahse min hmangaih loh zia leh Pathian rilru tihnatna tur ringawt a zawn avang hian, a nuìh vur vurna tur siam hi chu ka tum bik lo. Ka ti tum vuau vuau reng teh ang. Pathian phal chin bak min khawih thei chuang tak tak lo. Dodal zel tang e famchan thlengin.
September 18th, 2011 at 7:10 pm
Setana bum dan tha deuh chu, duh duh danin han sual kual vel ila. Thih dawnah pianthar san leh keuh mai tur. 😀
September 18th, 2011 at 7:18 pm
@33 funny teh reng mai..mahse saw thubuai sawn tuahthah leh uisathiam rim a nam tel deuh tlat peka ka hriat chu le..mahse ngaihdan erawh ka la keuh thlu ngam lo deuh.
September 18th, 2011 at 7:22 pm
Post tha tak a ni. ‘Bumtu’ i rawn personified vel dan pawh a graphic tha thlerh thlawrh viau.
Point 4 – Graphic leh rhetoric ringawt khian a fundamental argument a rawn chhang lem lo.
(Bumtu)hmanraw pawimawh tak ‘Fundamentalism’ hi kei ka teitheih loh pawl tak. i.e. Suicide bombers, Biakin (Churches) hal, nun rapes, Bible hal, Qur’an hal, etc.
“…Chuvangin, Biakin lamah ka han hahchawl teh ang” (Y) Ka duh lutuk.
September 18th, 2011 at 7:25 pm
In la Sherlock Holmes deuh chu kan awm mawle 😀
September 18th, 2011 at 7:31 pm
41 sheldon, chupa chu i star chiang maw le..a ni pawn hehe..tak taka a post tupa missionary zaidam tih vanga a post hi freestyle emaw tia kan OT vak vak chuan nisyi (post tupa a dik em spelling, hage lo hi chu ka hre vak lo 😛 )chem sei a nei ania, a thin a thawk chuan a hlauhawm viau ang 😀
September 18th, 2011 at 7:36 pm
Doc, lo inngaih bel ni maw? Setana bum dan chu maw, Thilsual lampang kan ngaihtuah palh hlauh pawn a practical in ti duh miah lo ila. E taka, Buichhia laih loh inpuang an tih ang vel kha i ni – Sherlock Holmes tih thu ah khan.
September 18th, 2011 at 7:37 pm
sheldon, doc_lib —-> Inspector Lestrade. zawk mawle. 😛
misualah ka leng rei ta emai, ka haw san leh tawh mai ang che u. chawi a hun dawn.
(Y) vek u le.
September 18th, 2011 at 7:40 pm
doc-a hi in lo underestimate palh ang e, thil hi a man chak roh riau a nia. Lo ngai reng mah rawh u, a thelh leh vak lo mai thei a ni.(fuihpawrh ka tum miah lo a nia). Bumtua lawm an siam a ang khawp mai.
September 18th, 2011 at 7:42 pm
@43 sheldon, nangmah zawk kha buichhe laih loh a in puang chu i nih kha..in la sherlock holmes an awm i tia, keiin chupa chu i star maw le ( tih bik nei miah lo in ) ka lo ti ve ngawt a, mi rawn puh nghal ta ngawt a,kha tluka buichhe laih loha in puang a awm dawn ami 😛
September 18th, 2011 at 7:47 pm
Doc, i comment #42 khi en let teh please. Khi khi tihbik neilo maw..mak ee. Inhnial i thiam. Bumtu-a pawh i bum thei ang a:-D
September 18th, 2011 at 7:49 pm
Funny a chhuak ta alo..a ngaihdan a keuh thluk dik loh lai a hmuthiam lo lutuk kha ka nuih pui. nula thlaruk mi naupaiin rihru hah vangin tlangval a um ang maw??? A tlangval um tura pawh hian a fa ni lo thlaruk mi pai lai hi a pawm theih ka ring lo. Ka thluaka hriatna thazam kal vel hian tualthah leh uisathiam rim nama min hriat tir tlat chu le aw..Engatinge he thubuai hian a awm ang danga min hruai theih hauh loh chu le..nge a information post in min pek saw a dik lo zawk :-O :-O
September 18th, 2011 at 7:53 pm
@47 My dear sheldon he misual.com khawlvel ah hian i star hi tuman kan hre lo reng reng.. keiin chupa chu i star chiang ka rawn tih a vanga kei min rawn puh ta ngawt kha kei leh he misual khawvel thleng hian i star chu kan hre ta anih kha. kha kha a lawm chhimbudawi upa in an tih thin chu 😛
September 18th, 2011 at 7:56 pm
Doc, I chhe zet zut 😀 Ka star pawh chu keimah ngei pawn ka hre chuang hlei lova 😛
September 18th, 2011 at 8:01 pm
@50 nih ka ngawi..kei zawng thaibawih thiam tur ang hi ka nia, nu ber a thinrim dawn chuan ka ngawi hmaks ani mai 😛
September 18th, 2011 at 8:08 pm
@50 nih ka ngawi..kei zawng thaibawih thiam tur ang hi ka nia, nu ber a thinrim dawn chuan ka ngawi hmaks ani mai 😛 (ka comment a lan theih loh aiah kan bei nawn sak teh ang)
September 18th, 2011 at 8:13 pm
@52 Keipawh page ka hawng hlei theilo. Inkhawm lova ka pawl te inkhel en ka tum vangin Bumtu-a ka tilawm aniang 🙂
September 18th, 2011 at 8:16 pm
Ka lo OT, kan chak lo 🙁
September 18th, 2011 at 8:21 pm
53 Sheldon anih chian chu..in la chak lo zui leh nghal.Kei ni dar 8:30 veah kan khel tan anga, kan la chak zui dawn nen..Ekhai aw, pu PKfanai-a post chu freestyle post ah kan chhuah ta tak tak mai..Bumtu a bum, nula bo..football.. a post tupa hian zanin chu min ngaidam se la, a chemsei rawn lek suh tiin ka ngen lawm lawm e 😛
September 18th, 2011 at 8:25 pm
Doc, Chhun lama inkhawm te chuan zan lam chu awl ta thut pawh ni ila Bumtu-a a lawmna chhan em em tur ka hrelo. Tin, bum in i awm. Tuna chaklo chiah te kha chu mi pawl te an ni e. Ka pawl te, 8.30, goal kan thun leh teuh mai thei bawk – Torres a sawi dan in putar ho lakah. Nang chu Blues ho i tan trut pek ang chu 🙂
September 18th, 2011 at 8:37 pm
@56 wai wai, my dear sheldon, kan pawl tan a va in ang ta awm ve..8:30 ah hian a sen ho kan chungnung dawn..mak hle mai a, misual.com kaltlanga football ah leh zel a ka kawppui awm mi a lo lang hi 😛 😛
September 18th, 2011 at 8:38 pm
OT loh theihloh. Goal khat chu – phawts mai a 😀
September 18th, 2011 at 10:42 pm
sheldon kan va chak chiak ve.Rooney an penalty a miss mah mah
September 18th, 2011 at 10:44 pm
Tha hle mai. (Y)
September 18th, 2011 at 11:11 pm
kan thubuai chailai chuan ka rilru a luah ngut ngut mai..kan nula i hi a dam a kan hmuh chuan a vanneihthlak hle ah ka ngai ang ka ti, uai engatinge he ti zawnga ka ngaihdan a awm tlat le..khawnge kan in sawr bing leh teh ang.Tun tum tluka aizawla awm ka chak hi a awm lo awm mange aw
September 18th, 2011 at 11:34 pm
Nula a bialpa fa thla 6 mi pai anga in sawi a bo..a bo hma niin a bialpa nen an in hmu..a bialpa hnenah ( a bialpa sawi danin)’ zanah min lo call lo la, min lo sms suh, ka u in ka phone a kawl dawn’ a ti..tlaiah sms a dawng..a hnu lawkah a u tv en hlanin a bo zui.. a bo tuk tlai ah bike a palian thelh thawlhin a phur lai hmutu an awm..Chheiraw, a khawimaw zawk zawk ani lo thei lo kawngkhat chu in bumna leh lemchanna..chu mi lo a ni thung anih vaih chuan…………..a result chu a chhe hle ang……ka hriat duh tak pahnih kha hre thei ila chu ngaihdan ka keuh thlu thei tur
September 19th, 2011 at 6:07 am
Steady zui hramna tura ROMANCE taka inbumna a awm; break-up hmakna tura inbumna rothap a awm thei bawk. Eden Huana rulpui kha a fing chalak a, dawt vekin mi a bum ngai lo, 70+30% thudik leh dik lovin a tizeuh zel!
Matthaia/Luka Bung 4 bawr vela Messia a chhiah kual vel dan kha TACTIC chi thum chiah a ni, Eden Huan atang tawh khan chyuti teh luain bumna kawngah hma a sawn lem lo. Derthawngte bum theihna chi thum vel hi chu a hai lo a ni ber e.
TANAKH hmangin Messia khan a chhang thla duh ting lo, Deuteronomy Bu chhung thu-ah pawh chang pawh lawr tlem te chiahin a letthla thei zu nia! Deuteronomy bu tel lo hian Bible-ah Bu dang engzatnge kan la neih le … Bu 68 dang kan chelek dik chuan … Bumtu bum let lovin, Bumtu kan lehthal chiang khawp ang.
Kanchandpur (Tripura)-a an Gunda Leader khan ka dagger chemte a awt tih ka hria a: a thil hriat rk ka hre duh si a. Lak mai theihin ka tawktar ta a. Gunda Leader chuan ka chemte chu a ru ta ngei a. A ru tih ka hriat hnuah ka silai nen ka vau ve ta … ru lo sela chu a huai khawp ang! Thil a tisual hman miau tawh a.
Ka motor miin an ruk bo, an dah thuhrukna chu awlsam tein Gunda Leader atangin ka hriatchhuahphah thei ta a ni. Kanchandpur Police-ho zawng zawngin an sum duh luat avanga an lo thup ka chhui chhuah phah! Hmanraw hman dik thiam athu a ni mai, Gunda leh Police-ten mi bum an tum, min bum fe hman bawk. Ka bum let lo, hmanraw tangkai dang ka chelek ve vang mai zawk a ni.
September 19th, 2011 at 6:10 am
Steady zui hramna tura ROMANCE taka inbumna a awm; break-up hmakna tura inbumna rothap a awm thei bawk. Eden Huana rulpui kha a fing chalak a, dawt vekin mi a bum ngai lo thung, 70+30% thudik leh dik lovin a tizeuh zel!
Matthaia/Luka Bung 4 bawr vela Messia a chhaih kual vel dan kha TACTIC chi thum chiah a ni, Eden Huan atang tawh khan chuti teh luain bumna kawngah hma a sawn lem lo. Mi derthawngte bum theihna chi thum vel hi chu a hai lo a ni ber e.
TANAKH hmangin Messia khan a chhang thla duh ting lo, Deuteronomy Bu chhung thu-ah pawh ‘chang pawh lawr tlem te’ chiahin a letthla thei zu nia! Deuteronomy bu tel lo hian Bible-ah Bu dang engzat nge kan la neih le … Bu 68 dang kan chelek dik chuan … Bumtu bum let lovin, Bumtu kan lehthal chiang khawp ang.
Kanchandpur (Tripura)-a an Gunda Leader khan ka dagger chemte a awt tih ka hria a: a thil hriat ruk ka hre duh si a. Lak mai theihin ka tawktar ta a. Gunda Leader chuan ka chemte chu a ru ta ngei a. A ru tih ka hriat hnuah ka silai nen ka vau ve ta … ru lo sela chu a huai khawp ang! Thil a tisual hman miau tawh a; a dawizep ta tlat!
Ka motor miin an ruk bo, an dah thuhrukna chu awlsam tein Gunda Leader atangin ka hriatchhuahphah thei ta a ni. Kanchandpur Police-ho zawng zawngin an sum duh luat avanga an lo thup ka chhui chhuah phah! Hmanraw hman dik thiam athu a ni mai, Gunda leh Police-ten mi bum an tum, min bum fe hman bawk. Ka bum let lo, hmanraw tangkai dang ka chelek ve vang mai zawk a ni.
September 19th, 2011 at 6:16 am
#64 yay way to go (Y)
September 19th, 2011 at 6:29 am
64. Pu chawnghilh, hmmm. Bumlet tih ai chuan, ‘Leh thal’ tih i duhzawk a ni maw. I rawn kal kan mai lova, a lawmawm lutuk e. Nia, Inbumna tenawm hi chu Setana chanpual a ni a, bumlet ve kher lovin LEHTHAL i tum ang u hmiang. Kan hmanrua tur lah kan hria e.