Assam Rifle Commandant W.B.Shakespear-a khan a thawka phitah, “Mizo chu sipai trang tlak an ni lo, an dawihzep em mai,” a ti fo mai a. Assam Rifle a Mizo lo lut hmasate chu an tlawmngai bai bai hle a. Tichuan an huaisen nge huaisen lo tih fiah a ni dawn ta a.
Kum 1933 August thlaah Chhotelal-a shield chhuah inchuh turin sipai zinga Mizo leh Vai inkhel turin Assam Rifle hotute’n an ti a. Hei hi Mizote sipaiah tang tlak an ni em tih fiah na a ni dawn a. Mizo sipaite chu an la tam loh avang in hmun hrang hranga mi an inchah khawm a, team khat daih an in hmu hram a. An inkhelhna hmun tur chu A.R.Lammualah a ni a.
Infiamna satliah mai ni lovin, Mizo leh Vai inbeihna a nih dawn avangin entu pawh an tam hle a. Mihring din theihna tawh phawt chu awl lai awm miah lovin, sazu pawh a leng tawh lo vang tih khawp in an inhnawh muk tlat a. Mizo zinga J.C.O hmasa ber, Jemadar Bawichhunga chuan, “Kan inkhelhnaa hliam, ban leh ke ruh tliakte kan awm palh a nih chuan pawisa kan thawh khawm ang a, Shillong damdawi inah enkawl an ni ang,” a ti a.
Mizo sipai kan hriat theih te:
1. Mana(Rifle man) golie
2. Chhinga (Rifle man)
3. Thangchhinga (Rifle man)
4. Mangringa (Havildar)
5. Ronel Roy (Clerk)
6. Hualmama (Rifle man)
7. Lalsiama (Rifle man)
8. Zika (Rifle man)
9. Hmuia (Rifle man)
10. Lianruma (Lance Naik)
te an ni.
Mizo zinga thiam ber a an neih chu Chhinga, centre half a tlan a ni a. Lammual chu a diak kawi chhuak vek a. Mual chhungah an lut ta a. Referee chu Capt.Robertson-a a ni a. Thum an han vawr a, Mizo chu chhim lamah an tang a, Vaiho chu hmar lamah an tang a, tichuan inkhel chu an tan ta a. Vaiho chu sipai khela pangngai, inkhel fo thin an ni a, mahse thiam sawi theih a ni lo. “A ball a chhuak a nih pawhin a mihring chu a chhuak tur a ni lo,” tih a ni thuai mai.
Vaiho chu ball thiam leh tlan chak zawk an ni a. Mahse, an full back Mangringa chuan ball a lo tum tawh lo;a mihringa fuh ngei ngei tur in a lo hlawi tawh mai a. A hmaah chuan tangkawng beng vih ang ngalin Vaiho chu an vial leh ngawl ngawl thin a. A entu mipui au hla pawh a nep lo, “In hlau em ni? Pet thlu rawh, hnek rawh,” tiin an sarak nuai nuai a. Referee lah in rin pawna ball a chhuak a nih chauh lo chuan a hamrik ham a tum der lo.
Half time thleng in goal a lut lo va. Second half an han tan a, ruah namen lovin a rawn sur a, chutah zet chuan serh leh sang a awm thei tawh lo. Inpet thluk mai pawh duh tawk lovin, a rem dan danin Vai sipai tlu tawh hnu thleng mai chuan a sehin an seh zui a. Ram leh hnam tan a inkhel an ni tih inhre ran in tan paekin, mawngkaw tha nen lam an tang a. Chutah, Hmuia’n Vai lama goal a han tilut zet chu sava thlawk lai pawh an autla top zo vang tih khawp in an au nasa a.
Mizo lam in goal an thun belh leh lcawk thei lo chu Thangchhinga thinin a tuar lo va, “Khawi nge, Vai leh ball ka’n khalh lut teh ang,” a ti ther ther tawh mai a. Chirdiak a pal phei bian bian a, a pet goal ve ta nge nge a. Vai sipai chuan sut tumin theih tawpin an nawr a. Si khat chu an sut thei hram a. Goal keeper Mana thinur chuan Vai sipai goal lawma tlan phei chu a mawngah a va pet thlawp a. Tichuan, Mizo chu si hnih si khat in an chak ta a. Mizo mipui tan chuan a va han lawmawm tak em.
He inkhel hi Mizo leh Gurkhali inkhel ti pawhin a sawi theih ang. Vailam sipai a tamber hi Gurkhali an ni tlat. Mahni ram a ni vang vang bawk a, Gurkhali-ho chuan Mizoho chu an ngam lo hle a ni.
IGP-in shield a hlan a, chuta a thusawi chu, “Gurkhali hi sipai huaisena sawi anni a, anni aiin Mizo sipai chu an lo huaisen zawk hle mai,” a ti a. Mizo 50 sipaia lak nghal tur an nih thu a puang zui nghal ta bawk a. Heta tang hian Mizo chu sipaia tang tlak an ni tih chu an hrechiang zet mai.
A ziaktu: C.Lalnunchanga
Source: ZOlife March 2011.
A ngaihnawm ve mai mai a, in chhiar ve a tan ka ti a ka rawn post ve tawp a ni e, a ziaktu hnen ah phalna ka la lo va, Zolife te hnenah pawh ka la lo a, an lo hre thiam em ang chu maw.
Similar Posts:
- Game of Love
- Mini Football Tournament , 26th November,2011. atanga tan tur.
- Independence Day Football a hmuhnawm
- Foot ball
- 2nd Wai Wai Cup tan a ni
September 28th, 2011 at 11:52 am
Tha hle mai a.
Report this comment
September 28th, 2011 at 11:57 am
pui rep rep hle mai
Report this comment
September 28th, 2011 at 11:59 am
A va turu riap riap ve, a ngaihnawm a, kan mihrang kal hmasate an chhuanawm takzet e.
Report this comment
September 28th, 2011 at 12:09 pm
An ngam awmlo tak hle mai a…
Thil nithei tak chu ania sin…
Report this comment
September 28th, 2011 at 12:21 pm
Inkhel ropui chu en ve a chakawm hle mai…
Khela ho chu mual luh rualin an meng rum nghal ul dawn a nih chu!!!
Report this comment
September 28th, 2011 at 12:31 pm
Inkhel a lo om reng a ni maw, ka lo hre ve reng2 hleinem mole…….a hmuhnawm dawn a nih khi mawle.
Report this comment
September 28th, 2011 at 12:34 pm
Pui awm mep mep ve le
Report this comment
September 28th, 2011 at 12:37 pm
defender in a hlawi phei lai khi hmuh a chakawm ber mai.
Report this comment
September 28th, 2011 at 12:55 pm
Tiangkawm nen an in vaw thuai thuai dawn emaw ka tia Savun pump puar an pet zawk lo niin. Inkhelh zawh lamah phei chuan AR lammual pawh an pal khu rum rum hial lo maw?
Ngaihnawm dangdaiin bengvarthlak e. Good post
Report this comment
September 28th, 2011 at 1:10 pm
Gud Post
Report this comment
September 28th, 2011 at 1:46 pm
an referee khi ka tan tawp
Report this comment
September 28th, 2011 at 2:01 pm
Ke lawng ngat in an khelh ka ring.
Report this comment
September 28th, 2011 at 2:07 pm
Spartacus chu va thawh ngaihnawm ve. Mizo history ah mellung pawimawh tak zuk ni reng a. Hnam dang nen a in awm pawlh nuaih na hmunah hian, a pawi sawi lo thei ang ber a awm thiam a that rualin, ‘Hnam dawih zep’ ang a hnam dangin min hmuh theihna tur ang chi a awm hi chu tha ka ti ngai lem lo. Zuam awm loh tak a awm thiam hi a tul na chen a awm ve tlatin ka hre thin.
Report this comment
September 28th, 2011 at 2:16 pm
misualah post leh comment a awm zauh zauh tawh chungin a kimchang ber anih dawn hi.
Han thawh belh zel rawh…..
Report this comment
September 28th, 2011 at 2:20 pm
post pui tak a ni a..haha..
Report this comment
September 28th, 2011 at 2:31 pm
Mizo sipai 1 a rawn bai chhuak a, a thlaktu tur chuan, sehchilh nak hian, “A tu ber saw maw?” a ti ther ther mai maw le.
Report this comment
September 28th, 2011 at 3:02 pm
Ngaihnawm hle mai,home advantage
Report this comment
September 28th, 2011 at 3:14 pm
Pui awm cher cher ve le..a hmuhnawm khawp ang le.
#16 hian The Longest Yard movie min ti hrechhuak.
Report this comment
September 28th, 2011 at 3:16 pm
Tel ve a va chakawm ve
Report this comment
September 28th, 2011 at 4:21 pm
Ka va han duh e.. tun thleng hian hetiang rilru hi pu hlawm vek ila aw.
Report this comment
September 28th, 2011 at 5:01 pm
ngaihnawm hle mai…
Report this comment
September 28th, 2011 at 5:40 pm
Hetiang Mizo inkhel, an chakna ngei ka ka en duh zawng….. Sap leh Vai inkhel ai chuan Mizo inkhel hi thiam lo zawk pawh nise, ka en duh zawk.
Report this comment
September 28th, 2011 at 6:37 pm
An pa hlawm hle mai hairehai
a ngaihnawm lutuk. 
Kulikawn a kan club, “Field Missile Soccer Leaque” leh Bethlehem veng kan intum tum te pawh min ti hrechhuak alawm mawle.
https://henryvangchhia.blogspot.....k-hle.html
Report this comment
September 28th, 2011 at 6:47 pm
Khi sap chhia tawngkam mai mai chu. Sap hi ngaihsan vak tur an ni lo ania, kei kher chuan ka ngaisang chhete lo. India min tih retheihzia te hi hriat reng tur.
Van hlei hlei hian mizoram min suasam nasatzia hre reng in vai pawh hi ngam sarh phawt mai tur,nimahsela kutthlak leh tihduhdah kher loh tur.
Hnamah hian chian hle tur, mizo nihnaah hian thangtharte hi lo chiang thar leh teh u.
Report this comment
September 28th, 2011 at 7:05 pm
Lagaan
Report this comment
September 28th, 2011 at 7:50 pm
va tha ve.
Report this comment
September 28th, 2011 at 7:52 pm
Vai lam ka ni ang tih ka hlau..
Report this comment
September 28th, 2011 at 8:19 pm
Pui triap triap ve aw…
Bawl chiang e…
Report this comment
September 28th, 2011 at 10:22 pm
Ram leh hnam tan chuan lu chhum ban chhum huamin tih rilru an pu a nih khi le, kan va tluklo em.
Report this comment
September 28th, 2011 at 10:34 pm
A va turu buru ve le!! Inkhelh lam aiin huaisen leh huaisen loh enna lam a nih avangin an tihtur tak an ti a nih khi. An inkhel hi en ve phak a va chakawm vawng vawng ve!
Report this comment
September 28th, 2011 at 11:49 pm
Lushai_er: Hei hi alawm ka sawi chu. Ka hriat ve dan chuan Rumliana avanga mizote kha sipai tlak lo niin Bawrhsap hian a sawi thin thung. Ka vangkhua ka hawn hunah ka lo en tha leh ang.
Report this comment
September 28th, 2011 at 11:59 pm
Americn Football ai pawh in a tough zawk a ni maw?
. A video entur te nei ta i la, a hmuhnawm ngawt ang.
Report this comment
September 29th, 2011 at 1:18 am
Haha!!an pet goal au thawm hi ka duh lutuk..
bengvarthak khups mai 
Report this comment
September 29th, 2011 at 11:10 am
A va pui awm riap riap ve le e..en ve a chakawm khawp mai.Mahse he chanchin hi tu sawi mah ka lo la hre ngai miah lo va,a tak chu a ni em ang chu mo
Report this comment
September 29th, 2011 at 12:54 pm
‘Goal keeper Mana thinur chuan Vai sipai goal lawma tlan phei chu a mawngah a va pet thlawp a’ helai hi ka lawm ber…
Report this comment
September 29th, 2011 at 1:07 pm
@vittea#34: An khel nasa mai mole, a en ho tan kha chuan hmuhnawm tur tak a ni ka en ve lova, an tang hlawm khawp mai an ti, a kotlang atang pawn coach an thahnem khop mai an ti
.
Report this comment