Aw ka pa, ka pa duh tak,min hmangaihtu,
Duatte’n min chawia, duh tin par min hlantu;
Ka hmatiang nun kawng ka lungkham bấnna ber
Famkhua min zawn san ta,lung ka phang mang nge.
Ka ngaithiam lo ka tuar thiam lo ana lua,
Mahriakte’n awmlai vei laikhum zấl che maw;
Dawi ang dawmtu reng nei lo che maw ka pa,
A na em mai, ka tuar nem thei dawn lo ve.
Lung ka mawl lua i duatlai hraichawi te hi,
Ka hre thiam lo awmlai lunglian lo hrấng hi,
Dawi ang dawm hlawh lo che maw i hrai tawna’n
Lung ka chhir thinlai na a dam thei lo.
Ka chun zing zin lo thlen chhingmit hul lo vin,
Tap ruai ruaiin a au che i chhang si lo;
Lungphangin kan tap e, chun leh hrai riang te,
Hnemtu ar ang kan vai,chung Pathian kan ngai.
Lungawi har ka ti kan chantawk khua rel hi,
Ka zuam love zua tel lova rum lum chu;
A tawk lo ka chun riang te hi min awm a’n;
Aw, kan au che hring nun rawn din thar leh a’n.
Aw, nang van thlifim lo leng la kan runah,
Min hnem ang che lungngaih lusun kan tah hi;
Thlamuantu thlaurau thianghlim min awmpui la,
Aw,kan ngai che lusun fate min hnem a’n.
Similar Posts:
- Ka Thian Chawnghilh Tan….
- Kan chhuang em che(hla lam bawk aw)
- C. Lalrinmawia – D Chambawihpui
- Chunnu
- Rawlthar tang fan fan
October 23rd, 2011 at 9:31 am
chhiar phawt ang
post tha tak a ni…
nu leh pa hlut zia min hriat thar tir e…
Report this comment
October 23rd, 2011 at 9:46 am
tha khawp mai…a pahnih nan…
Report this comment
October 23rd, 2011 at 10:08 am
Nu leh pa nei ve lo tan chuan, chhiar a hreawm deuh tlat. A dang sawi tawh lo mai ang.
Report this comment
October 23rd, 2011 at 12:38 pm
Facebook-a Thu leh Hla group-ah khan ka lo chhiar ve tawh tak e.Comment pawh ka hnutchiah tak kha a.
A ril piah lamah lunglai a kuai takzet zet a ni.
Report this comment
October 23rd, 2011 at 1:20 pm
I phuah thiamin rilru a khawih hle mai. Lalpan vengin awmpui zel che rawh se.
Report this comment
October 23rd, 2011 at 7:05 pm
Phuah tha hle mai…
Report this comment