Sairang ah Life Guard??

October 1st, 2011 7:30 pm by Bucko

Subject ah lut nghal tawp mai teh ang..

Mizo te hi lui kal leh lui lian a insuk kan uar hle a, kan rama lui sei ber Tlawng lui ah pawh insu leh sangha man tum tlahlum pawh an tam ta hle mai. Tichuan tui a tlahlum an awm reng rengin sairang khaw thalai rual ten tlawmngai takin chhun zan zawmin an hmuh hma loh chu an zawng thin a nih hi!

(Sairang khaw bul hnai a tla te sawina a ni a, a chhan chu sairang bul hnai ah hian tlahlum hi an tam deuh in ka hria.) An tlawmngaihna a fakawm a, an inpekna a ropui a ni. Nimahsela sorkar lam atang hian hma la in tui tla tam lutuk hi tih tlem theih dan a awm in ka ring deuh a, ka rilrsu ang pu mi in lo awm ve em le??

Mizoram sorkar PWD hnuai emaw eng Deptt. pawh nise, Sairang tlangval/pa tui thiam zual tak tak te hi MR in emaw life guard angin chhawr se, 4/5 vel in lui dung ah venbuk (Tower) atangin lui a cheng te hmu pha tawk vel theuh a in karhlat in awm se, chesual an hmuh veleh chhan turin che chhuak vat thin ta se, tui tla hi an tlem deuh thei ang em?

Mi an tlakhlum tawh hnu ah hlawh leh hlam nei lovin mipui mimir an phek buai tawh thin a, hei ai chuan a tla tur ven tum mai hi 100% in hlawhtling lo mahse, mipui buaina a tireh deuh in ka ring. Tichuan lehkhathiam lo tui lama lehkha thiam te aia thiam zawk ten hna an lo hmu ve anga, eizawnna an lo nei ve dawn tihna a lo ni mai bawk anga, lung pakhat a sava pahnih vawm an sawi ang mai a ni dawn zu nia…

I ngaihdan sawi ve hun….

31 Responses to “Sairang ah Life Guard??”

1
chhangteval Says:
October 1st, 2011 at 7:37 pm
Sawi ve tan ila..
Report this comment
2
aduhi Says:
October 1st, 2011 at 7:55 pm
Sairang ah Baywatch
Report this comment
3
ruatruatapa Says:
October 1st, 2011 at 8:07 pm
Life Guard chhawr hi chu a tha mai thei. Mahse, Mizo te hi kan buaithlak khawp a. Sorkar hna kan thawh hi chuan hlawh hmuh nan chauh kan thawk ni mai thin hian a lang a. Life Guard kan neih hnu chuan Mizo tlawmngaihna hi khati lai hmunah kha chuan a dal hret turah ngai ila, a thawktu pawh kha a lo inthlahdah chuan tuna kan beisei ber, tha zawk leh him zawk hi kan thlen ngut ang emaw.

Hmanraw hman tlak, hman theih ngei Sairang YMA kaltlangin sorkarin Police station-ah hian dah se. Hmanraw hmang thiam turin thalai training tha tak pek nise, Picnic tur reng rengin Police hriattir hmasain, hriattir lova Picnic remtih nilose. A picnic tur te chuan a Vengtu turte lawmman tur Rs. 200 – 500 pein, vengtute Picnic chhung zawng veng thlap ta se a tihchi zawk ang em ka ti deuh. Senso tlem si, mipui tlawmngaihna thin hnualsuat chuang si lova tihdan zawn a thain ka ring mai mai…
Report this comment
4
littlerascal Says:
October 1st, 2011 at 8:25 pm
Ni e, engemaw chu tih a ngai a ni
Report this comment
5
century child Says:
October 1st, 2011 at 8:30 pm
A dik ve reng.
Insuk phalna hmun bik te,picnic phalna hmun bik te siam se chutah chuan duty hlawm se.
Report this comment
6
hiho Says:
October 1st, 2011 at 8:39 pm
#5 ka thlawp.
Report this comment
7
littlerascal Says:
October 1st, 2011 at 8:47 pm
Duty te chu tunge hlawh pe ang?
Report this comment
8
RosangaD Says:
October 1st, 2011 at 8:52 pm
#3 ka thlawp khawp mai. chutih rualin #5 pawh hi a tha khawp mai, prevention atana tha em em ani vek mai
Report this comment
9
Fanai Metal Says:
October 1st, 2011 at 8:58 pm
Hmanraw eng eng emaw kha chu pek an ni tawh lo maw..? A thu hrim chuan Sairang bula tui tla thin te hi picnic chauh pawh ni lovin purpose hrang2a kal an ni hlawm a;sangha man tura kal,motor sil,balu la chenin,Life Guard tana han ven hneh chi chu an nih ka ring lo.
A lui kam remchang laiah hian information centre ang deuhin In pakhat sa se(sorkarin)),tah chuan phone leh hmanraw hman ngai turte dahin, MR in mi pakhat chhawr tawp se. Tui tla emaw emergency dang pawh awmse ani chuan a phone kual zung2 anga. Insenso a nep deuh ang a….mahse phone a busy chuan chhar hman lo mai thei…
Report this comment
10
ruata pachuau Says:
October 1st, 2011 at 9:08 pm
Ka rin aiin i rawtna hi a mawlmang ang reng. NOI. Kan sawrkar hian tlawng dung a veng seng awzawng lawng e.
Report this comment
11
Saitawk Says:
October 1st, 2011 at 9:26 pm
Tui tlakhlum leh Zu hi khap a reh leh rem thei nise a tha ngawt mai.
Report this comment
12
PimPom Says:
October 1st, 2011 at 9:27 pm
#10 “Kan sawrkar hian tlawng dung a veng seng awzawng lawng e.” <—– Dik khawp mai. A khawmual pawh an veng seng lo chu anih hi.
Report this comment
13
Pakak Says:
October 1st, 2011 at 9:34 pm
Hmalakna enge maw leh zual chu a ngai a ni….
Report this comment
14
Sony Says:
October 1st, 2011 at 9:36 pm
Rawtna mawl tak ani. Eng vang chiahin nge Sairang ah chauh lifeguard an dah bik ang? Lunglei, Saiha, Serchhip, Kolasib leh Champhai bul lui ah ah te an dah seng dawn em ni? Mizoram leh Aizawl in ngaih fin leh lawk thin.
Report this comment
15
kawlhawk Says:
October 1st, 2011 at 9:46 pm
Hmeichhe bawp chhar chungchang mews update a awm ta emaw ka’n tih chu a!
Report this comment
16
Soberboy Says:
October 1st, 2011 at 9:53 pm
sawibelh tur pawh ka hre lo ! i post tha e
Report this comment
17
bucko Says:
October 1st, 2011 at 10:35 pm
Kei ni power ve hi zawng voltage hniam lutuk avangin 9:30 hma loh chu online ve theih loh pek a nih hi… ka post pawh published a lo ni leh ta reng mai.. chuan comment tute in chungah lawmthu ka sawi e… chuan in ngaihdan hrang hrang te a tha hle mai.. mahse thenkhat hi chu sawifiah deuh ngai a ni tlat…
Entirnan : #10 …. Post hi i chhiar lo a mi aw?? 2nd para bracket chhunga thu hi chhiar leh teh. Tlawng dung veng rawh se ka ti lo, sairang bul hnai ka timai a ni.
#14 Sony…. Mizoram leh aizawl ngaihfin lam a ni lo, post tupa hi Lawngtlai a awm ka nia.. mahse tui tla… an zawng… tih a nih hian Sairang mipui in an zawng tih a tam ber. Hei vang hian a nia, mi an tlak tam na hi veng ta se a him deuh ang tih thu mai a ni e.
Tin, mahni a rawtna leh ngaihdan nei chuang silova mi ngaihdan lo deusawh chiam pawh hi a finthlak ber lo mai thei a sin…. NOI
Report this comment
18
H.Vangchhia Says:
October 1st, 2011 at 10:39 pm
Life guard rawih hi theih ni sela chuan a thangawt tak ang. Mahse atak a chantir a harsa maithei. A chhan pawh a awm thei nualin ka ring. Hetiang hian ka ngaihtuah ve thin thung!

Sairang emaw, Tuirial emaw eng luiah pawh a huhova kal tur te chuan, tourism dept’ ah emaw (hetiang lam khawih tur chi!) hnenah a kal tur zat chiang taka ziakin thehlut sela. Chumi an lehkha thehluhah chuan tuithiam an tel ngei tur ni bawk sela. Tuithiam hming chuang chuan tuia chesual tur lakah mawh a phurh tur thu sign hnan bawk sela. Chutiang ang zela an tih theih chuan engemaw chenah fimkhur a awl deuhin ka ring.

A awmzia chu lui kal tur te in report zel mai sela tih a nih ber chu.

Tin, Mizoram disaster management leh sports office ten tuichhung luhna tha tak tak an nei a. Heng hmanrua te hi an leina chhan ber chu, “Tuitla awm ta sela rang taka kan chhan theih nan,” tih a nih hmel hlawm. Scuba diving thiam ve tak tak kan nei nawk tawh a.

Hemi te hi chhawr tangkai theih sela ka ti khawp mai. “Lui tulian nuah an dap fuh thei dawn em ni,” inlo ti palh ang e. Luitui, tuizangkhauh a luhdan leh hmanraw hran pawh a awm leh zel ania. Tawngthu chhe lovah, tu emaw pil ta sela, tui nu taka thawkna neilo leh hmu theilo bawk han indap ngawt ai chuan thaw theia tuichhung han dap chuan hma ala chak zawk ngawt ang tih a hriatsa reng mai. Chhawr dawn rau rau chuan hetiang scuba diving thiam tel te thleng hian chhawr tagkai theih dan dap a that ka ring. Bungrua an leina man leh training a mi an tirh thin te pawhin awmzia a nei zawk ngei ang.
Report this comment
19
mate ainawn Says:
October 1st, 2011 at 10:53 pm
@ Post Tupa Bucko… a ni ngawt mai..Mizoram Tuitla tamna ber hmun a ni hial awm e..Sairang bul Tlawng hi…I post tha lutuk, ngaihtuahna seng thei a hmala theitu ni ila ka ti ngawt mai..”Prevention is better than cure..” tih a nih kha..

Nih leh..han ti duah ila, Hri chi hrang hrang danna..naute engmah hrelo ka in-chiu tir hi..an chiu naute khan a tulna hre miah lovin tihluihna in ka dawm betin kan Chiu tir a…Tuna Comment tute hian..venghimtu pawimawhna hre tur hian tuiah kan tlak phawt a ngai dawnn a maw ni le…
Report this comment
20
ruata pachuau Says:
October 1st, 2011 at 10:56 pm
#17: Tlawng dung tluana ven chu ka ti bik lova sin maw le aw!!! Mizoram lui angte chu ven hneh a harsa viau ta ve ang, watch tower dah thluah pawh nise, lui kawi tam hi a hmuh theih tak tak chuang in ka ring lo, kumin a tla te kha watch tower awm thluah pawh nise an veng seng kher lovang.

Kan khaw lam pawh luipui hnaih a ni bawk a, tunhma deuh kha chuan tuitla hi an awm deuh reng mai a, luipui kawi chho hi “chumi tlakna lai, kha mi tlakna lai” ti a sawi tur hi a ni chho zut mai a, fimkhur tura inzirtirna te pawh an uar chho zel a, tin kan vannei te pawh a niang tun hnaiah chuan tuitla sawi tur an vang sawt nia. A vena ven ralah chuan kan inveng seng meuh in ka ringlo mang e.
Report this comment
21
H.Vangchhia Says:
October 1st, 2011 at 11:00 pm
#18 naa ka sawi chhunzawmna:

Hetiang te hi show atan leh dah tawl mai mai atan a uihawm khawp mai.

https://i56.tinypic.com/33mrblj.jpg

Trainer Robert Hrahsel leh midang:

https://i55.tinypic.com/2lsjj2w.jpg
Report this comment
22
lamea25 Says:
October 2nd, 2011 at 12:21 am
#3 leh #5 k thlawp..post tha ltk.,k hre tlem a,mhce k hriat cin ah poh tui tla hlumte tlakna hy cu a hmun tam xok ain ang eg..vanglaini inah thl n xiah thrnna kual ah khan k hriat cinah ph tla an tam viau….permanent a roih ai cuan, khawtlang in incharge 4/5 vel in ready thei tur siam se..picnic tur,blanket su etc. tur te khan ruai mai se…sangha man,balu la te ang hy chuan tui an thym tlagpui a,vanduaina hy chu life guard 50 ph ruai se a awm hrim2 ang..mahse a ven theih chin a awm..a bikin aixol ataga lo kal te hy chu tui thiam em2 lo an ni thin sia…chutiang zelin lui dang intih hlim nana kan hman lar thenkhat ah poh tihtheih se a tha ngawt ang te ka tia..
Report this comment
23
lamea25 Says:
October 2nd, 2011 at 12:25 am
#18 khi k chhiar chiang a,ka like leh e..:-) #17 last paragraph ph khi ka like
Report this comment
24
H.Vangchhia Says:
October 2nd, 2011 at 12:32 am
lamea25, #25 naah khian an bungrua to tak taka an lei te pic pawh ka dah khi. Training pek an nei deuh fo a, training chhuak tawh te leh an hmanrua chhawrna a awm leh siloh chuan sawrkar in pawisa a seng thlawn pawh ani ang. Tin, ruang zawn chhung pawh reilo thei tur a rei phah nasa hle bawk tihna ani ang.
Report this comment
25
alchemist Says:
October 2nd, 2011 at 12:36 am
Ngaihdan tha tak a va ni em!!! Ka thlawp e. Nakin ah, hruaitu bengvar deuh kan neih hun te a lo la herchhuak ve ngai a nih chuan kan la nei ngei pawh in ka ring e. Midangte tlawmngaihna a innghat sorkar ni lovin, mi huaisen leh tlawmngaite chhawm nung tu sorkar kan la nei ngei ang. Tlawmngaihna avanga hlawh hmuh beisei lam ka sawi mawina ni lovin!
Report this comment
26
H.Vangchhia Says:
October 2nd, 2011 at 12:43 am
#21 ami khi a size alo lian deuh anih khi, kan siam tha enge.

Hetiang te hi show atan leh dah tawl mai mai atan a uihawm khawp mai.
https://i52.tinypic.com/35jczcw.jpg

Trainer Robert Hrahsel leh midang:
https://i51.tinypic.com/rhigs1.jpg
Report this comment
27
Lamji Says:
October 2nd, 2011 at 1:53 am
Pu Hva tuina lam a sairang hnaih,a luh thlakna dung chho ah hi chuan tla an vang viau tawh lo maw?chanmari kawi atanga chhak lampang hi chu feh,veivak an awm bawk a,chuti nilo a a guard ang zawng chuan a harsat viau ka ring..a patrol anga an awm a ngai ang…a harsa viau ang…anyway…gud post. naupan zual lai khan tui cheng chak kha chhungte bulah weekend hmangin ka riak thla hmiah zel,vai mandir thlang kurung te kha ka ngam ve hman viau,thlasik zingkara mahni a chen khuk rum2 te kha a ngaihawm phian…
Report this comment
28
chawnghilh Says:
October 2nd, 2011 at 4:35 am
Phur, sahawk leh kalhmang hre lova tuia chet vel vang maw le! BUDDY SYSTEM kalhmang picnickers-ten an hriat phawt chuan kawng tam takah a pui nghal ang. Tin, GUARD (saruak, tuithiam)-in an melh reng tur a ni. Tui pawh chenna tur chin area thliar lawk vek tur! Kan zuamsual thin vanga chesual kan ni. Tui hmuna chengten kawppui (BUDDY) an neih vek kha englai pawhin an inhre tawnin, chetsualna a awm pawhin HELP (SOS) a au mai ang a —GUARD tuithiamin a rawn chhan vat theih nan.

Engle khaw le, tuitlak a tamna luiah te hi chuan tui hmuna kal turten GUARD hi HIRE rih mai sela, Sorkar hi chu field pher phah lamah a buai rih em mai!
Report this comment
29
flying Says:
October 2nd, 2011 at 6:15 am
Life Guard: Chu mihring ten kan ma mawh ber anih ang in, Sairang, hi mizo te’n thihna luiruam kan neihna hmun anih duh hmel hle, News hrang hrang te kan chhiar in chhiatna, tui tla, tamna leh awmfo na ania, Life Guard u lawkzawk in Volunteers worker tamzawk neih a ngaihle ani. Ti lo chu Tui thla kan la tam belh zel ang tih te pawh a hlauh awm tawh hle mai.
Report this comment
30
Chhuaklinga Says:
October 2nd, 2011 at 6:36 am
Ram leh mipuite ven him hi sorkar mawhphurhna a ni. Khawilai mini-hydel project chhia mai mai pawh, a veng turin MR pahnih pathum a dah a, ram mipuite him nan chuan hma eng nge maw tak lak hi kan sorkar hian a ba a ni. Dah rawh se.
Report this comment
31
hmingtea Says:
October 2nd, 2011 at 4:07 pm
Nia helamah chuan sea pali lai kan nei a ka kal ve vek toh bawk a hriat chu life guards an awm vek thin.
Mediterenian sea kam ah hian khua a awm nual a chung khuaah te chuan cheibawl beachs an nei veks a chungah chuan life guards an duty tir thin hmanrua tha tak tak nen speedboat te nen tin tui cheng tur te tan thlen chin an tuk bawk thin.

Dead sea ah pawh hmun hrang hrang ah chenna tur lai bik ruat ah tui tha inbualna tur awm vek in L.G station an siam

Red sea ah pawh
Sea of Galili ah pawh sea ni ve a al loGalili hi chen a nuam ber in ka hria a tui a al ve loh vang in hak deuh pawh a zia deuh hhahaahah

Sai rangah pawh khan hmun bik ruat an siam loh chuan a lui dung ang chuan an veng him lo tawp ang.
CYMA ten mi 5 bawr ruai mai seng tihchi ang sum an ngah tho bawk a.tin lui kal loh hun bik heng furlai te hian phal loh ni seng chung chhung chuan L.G dah ngai lo seng
Helamah pawh fur lai chuan an khar veks tumah an kal ngai bawk lo
Report this comment