“Chung zawng zawngah chuan min hmangaihtu avang chuan hnehtu aiin kan ropui zawk” (Rom 8:37)
Vawikhat chu thir siamna khawl lianpuia pindan pakhat thir tha leh tha lo an thliarna hmah ka ding a, pindan hrang te te hi a awm thliah hlawm a. Kahpathir chu an han fiah(test) ta a, a tliah hmain a inherh tawp tawp mai a, a tliah theih chin thlengin an en chhinin, a khauh chin leh a nel chin chu a pangah an ziak zel a. Tichuan Engineer chuan thil rit an dawl zawh tur chinte chu a hre vek a. Lawng atan hmang sela engzatnge a phurh zawh tur te, in atan eng anga hman theih tur nge tih leh Leihlawn(bridge) atan hmang ta sela eng anga rit nge a dawl dawn a hre vek a ni.
Pathianin a fate chunga a tih dan pawh chutiang chu a ni thin. Pathianin Darthlalang no anga keh awla awmah min duh lova, chung thir khauh leh a tliah dawn thlenga vial tawp tawp khawpa nel anga kan awm chu a duh a ni. In luma khawi mi thlai anga awmah min duh ani lova, bungpui thlipuiin a nuai fo anga kan awm chu a duh a ni. Vaivut thli thaw hlekin a chhem len theih ang kan nih hi a duh lova, thlipui na ber pawhin engtin maha a tih theih loh lungpui chang tak anga kan awm chu a duh a ni.
Mahse, hetianga min siam tur hian, ‘tuarna pindan’ a ‘a fiahna pindanah’ chuan min hruai luh kan ngai ve a ni. Keimahni ngei ina kan tuarna hi Pathianin min chherhriamna leh min fiahna pindan a ni tih hi kan hriat thiam thin hi a tulin a pawimawh em em a ni.
Rinna thu hi sawi leh suangtuah chu a awl hle mai a, nimahsela, Pathian chuan rangkachak chu a ekchhia leh a bawlhhlawh lak ata tihthianghlim nan chuan rawhtuinaah a paih lut fo thin.
“Aw, Isua kan ngaihhlut lehzualna tura nunna hlauhthawnawm taka siamtu thlipuiin min nuai thin hi a va lawm awm em! Krista tel lova tui damduaia kal ai chuan, Krista nena thlipui tuar hi a tha zawk e- Mac Duff.
Hrehawmna I chungah lo thleng fo se la,
‘Ka thatna tur a nih chu’ tiin ngai la;
Rangkachak thianghlim nan mei an hmang angin,
Pathianin thil harin mi a siam tha thin.
I chunah khua lo dur se, ringhlel suh la,
Pathianin engkim chungah ro a rel a;
Khawdur, khawthiang nenin lei a lo tha si,
Mihring siam that nan khawdur a ngai a ni.
Pathian thu hi hmelma min beituho hnehna leh Pathian awmna ngei van kawngka kan luh theihna tur kailawn atana Pathian thil thlawn pek leh Pathianin fel taka a lo buatsaih tawh chu a ni. Thlarau ngunhnam a ni. Thlarau ngunhnam hmang thiamte chuan Setana hneh nan chauh ni lovin malsawmna ropui takah an hmang thin.
Mupui chu kham kovah a fu a, Khawdur lo thim mup mup chu a en reng a, kawlte chu a lo phe zuai zuai a, mahse che lovin a thu reng a, a mit sir chuan khawdur mup mai chu a en a. Nimahsela, thliin a rawn chhem a, thlipui nasa takin a rawn thlen hma chu a che duh hauh lo mai a, thlipuiin a rawn nuai veleh, thlipui chu hmachhawnin a thla chu a zar ta a, thli chuan chung lamah a len a, sang tak maiah chuan invawrh chhoh nan a hmang hlauh thin a ni.
Chutiang tak chuan Pathianin a fate hi hnehtu aia ropuia min siam chu a duh a ni. Chhum leh thlipui chu tawlailirah a chantir thin. Sipai pawl khatin an hmelmate tan hmun an luah sak a, an bungrua zawng zawng an neihsak vek hian hnehtu aia ropuina hmun an luah a ni. Chu chu a ni kan chang chhiar awm dan chu. Rallak lak tur tam tak a awm a ni.
Ka Misual pui duh takte u, chung chu in chang tawh em? Tuarna luikawr hlauhawm taka I luh laiin rallak I rawn chhuahpui em? Intihnatnaten an tlakbuak che a engkim chan ta veka I inruat laitein chu hmuna I luh lai aia hausa zawka Pathianin a hruai chhuah leh che I ring em? Hnehtu aia ropui nihna chu hmelma lak ata rallak chu mahni tan ngeia lak leh neih hi a ni.
England ram, Brighton khuaa Dr.Moon-a mitdelnain a tlakbuak lai chuan heti hian a ti- “Lalpa, I hnen ata he mitdelna talent hi ka pawm e, I lo kal huna I ta leh a pung chu I hmuh theih nan I ropuina tura hmang turin min pui ang che”.
Tichuan Pathianin mitdelte tana lehkha chhiar theihna Moon-a hawrawp (Moon Alphabet) chu siam chhuak turin a hmang ta a. Chu hawrawp avang chuan mitdel sang tam takte chuan Pathian thu an chhiar thei tain, mi tam tak chu ropui taka chhandamin an awm ta a ni. Haleluiah, Amen
Dam chhung mi hmuak apiang, I tirh ni se,
A nuam nge a hrehawm, engpawh ni se;
Hei ngawt hi ka dil ang, I lam lo hnaih zel hi,
I lamah min hip rawh, Lalpa Pathian.
Source : Rev.R.Ruala Monthly Magazine, ‘Thlarau leh Nunna’ 1952 a chhuak article hrang hrang atanga lakkhawm.
Similar Posts:
- Inneih hmaa sex hman hi sual a ni em?
- “Ngawi la, awm hle hle rawh” (Sunday Pual)
- Thalaite leh Sex:
- Pathian Chungchang
- Heli, Bethlehem Arsi
Ka fon hi chu charge lai tih...
October 2nd, 2011 at 8:36 am
A post tupa en hian chhiar a chakawm hle mai………. inkhawm tura insiam a hun tlat…nakinah ka chhiar mai te’ng.
Report this comment
October 2nd, 2011 at 9:10 am
Inkhawm ve loh paw’n thu tha tak chhiar tur a awm thin hi a zia mang e aw. GOOD POST
Report this comment
October 2nd, 2011 at 9:20 am
a tha hle mai Good Post
Report this comment
October 2nd, 2011 at 9:23 am
Report this comment
October 2nd, 2011 at 9:44 am
Unaupa, a ngaihnawm e. Sunday pual i ziak ziah peih hi a ropui e. Ziak zel rawh. Gud post…Kzp
Report this comment
October 2nd, 2011 at 10:08 am
Gud post..
Report this comment
October 2nd, 2011 at 11:15 am
Sunday pual hi chu ka pelh thei mai mai lo.Good Post
Report this comment
October 2nd, 2011 at 11:19 am
“Chung zawng zawngah chuan min hmangaihtu avang chuan hnehtu aiin kan ropui zawk” (Rom 8:37)
hi Bible lehlin thar i hmang a mi ?
Report this comment
October 2nd, 2011 at 11:21 am
A tha khawp mai. Kan rinna hi thangliana ti pung thei turin Pathianin min duang a. Rangkachak vawi tam tak rawh thianghlim angai ang mai hian a tul thin. Pathian chu a mite fiah hmang a ni tih Bible ah kan hmu a. Ringtu fiah dawl lo leh fiahna hmachhawn ngamlo chu an tlak bal hun a awm ngei ngei thin.
Rinhlelhna leh zirtirna diklo chitinreng in min nuai mahse fiah than tawh leh sawizawi fo tawh ringtu chuan a hlau ve mai mai ngai lova, a nuna nitina Pathianin thu a sawi hi a ngaihpawimawh ber a ni reng a. Zirtirna diklo tam tak pawh ngaithla in hriatfiah thiam harsa mahse a nitin nuna a hriatthiama inpuang thin Pathian thu chu a ngaihpawimawh ber a nih zawk tlat a, a rinna tibuai thei thil ah a ngai ve ngai lo. Fiah leh chiang taka Pathian zia, a mangan leh harsat laia a tanpui dan a hriat aia ropui tih a nei ngailo, chumi hriatna ata chu pen bo a tum ngailo bawk.
Awihawm tak leh ngaihthlak nuam tak Pathian thu lak penna, zirtirna diklo a hriatthiam rual siloh pawh vawi tam tak ngaithla mahse a nitin nuna rangkachak rawh anga Pathianin a rawhna, harsatna, dawhtheihna, zaidamna, unaute hmangaihna te aiin chung a thu hriat te chu a dah ropui ngailoa, a nghing ve mai mai ngailo.
Mi thusawi avangin a Pathian a hriatna zia a thlak duai duai ngai lova, mihring rinchhan in Pathian hi a be ngai lo bawk. Ama nun ngeia harsatna leh manganna hmang te a inpuang thin Pathian hi pawh takin chibai a buk zawk thin. Thenkhat angin an thu ngaihthlak ah hlauhthawnna leh hruai khawloh hlauhna a nei ve ngai lo. A damloh ni leh a mamawh ni a a chhunga lo che thin, tawngtaia a kawm thin, tap chunga a dil thin aia thukin Pathian a hriat loh avangin thu mak leh zirtirna mak avang mai mai in a buaiin an thu ngaihthlaka hruaibo a hlau ve ngai lo.
Mithen khat chuan tluk an hlauh lutuk luat ah tuarna an pumpelh a, rinna ah an thang lian thei lo.
Mihring rinchhana Pathian zawng tute chuan mihring famkimlo an rinchhan avangin hruaibo hlauhna in an khur a, anmahni chhunga cheng ngei Pathian aw an ngaithla thiam lo.
Report this comment
October 2nd, 2011 at 11:37 am
Mimal takin he post chu ka hlawkpui ngei mai.(Y)
Report this comment
October 2nd, 2011 at 11:53 am
A tha thin hle mai, ku pka nge nge. Pathian thu tha tak tak post a awm thin te hi misual hlawkna a ni tlat zel.
Report this comment
October 2nd, 2011 at 12:15 pm
@ EmEich, lehlin thar a ni lo, lehlin hlui tak 1950 hmalam a mi a nih zawk hi. “We are more than Congquerors” tih a ni a, ‘more than’ tih tak hi, ‘ropui zawk’ tih leh ‘ngamtu’ tih hian a lehlin theih ve ve a nih hi.
Report this comment
October 2nd, 2011 at 12:26 pm
A va han tha thin tak em..@ Pk..i taka thawk leh tuar i ni a..a ngaihnawm zual e..
Report this comment
October 2nd, 2011 at 12:51 pm
Ka chhiara ka lawm e.
Report this comment
October 2nd, 2011 at 1:05 pm
Titanic lawng bang kha a tuai a rum lutuk a a keh hma a ni an ti a. Tunlai lawng erawh chu a temper an tisang duh tawh lo a ni awm e. Thil pawh su se keh mai lovin a sawi mai chauh tawh dawn a.
Rinna kawngah pawh hian temper sang lutuk hi a tha ber lo chuan ka hre thin. Kan tui hian kan tui khu luai a, kan hnungtawlh vek vekin kan keh leh rawp mai thin. Han inchhuih palh deuh pawhin keh kher lovin sawi ve deuh bawih chaih ila a fuh zawkin ka ring thin.
Post tha tak a ni, ka ot em ka. Ka tui ta deuh.
Report this comment
October 2nd, 2011 at 1:17 pm
I lamah min hip rawh, Lalpa Pathian.
Report this comment
October 2nd, 2011 at 1:21 pm
@ vakul, i OT lo ve, Pathian thu lam leh history lam post ah hi chuan, a post ai mahin thil hrechiang zawk leh experts te comments hi a ngaihnawm ka ti thin. Asteric nen in comment pawh ngaihnawm ka ti khawp mai.
Report this comment
October 2nd, 2011 at 1:23 pm
Kan sual tlantu Krista zarah ropuia ngamtu kan ni…..
Sunday Post a awm dawn lo emaw ka ti a; i ti tha thin e!
Report this comment
October 2nd, 2011 at 1:58 pm
Mihring siam that nan hian khawdur hi angai fo reng ani. A lam kan hawi theih nan….sawizawi hmasak ngai thin mihring kan ni si a
Report this comment
October 2nd, 2011 at 4:13 pm
A tha e.
Stream in the Desert nen a thluk a inhnaih khawp mai.
Report this comment
October 2nd, 2011 at 4:17 pm
Nakin a chhiarah kan khek teh ang… Apost tu en hian angaihnawm dawn chiang..
Report this comment
October 2nd, 2011 at 4:31 pm
Pu Pk,,eitur tuihnai tak min hlui avangin ka lawm e.a tha hle mai.nunpui nghal theih sermon tluk a awm lo.
Report this comment
October 2nd, 2011 at 5:22 pm
Thlarau mi lo ber hian a van tha em…! kan ti ve ngawt teh ang.
@PKF: Han lawr zel teh khai, hranghlui ho hi live-in an thusawi kan hmu ve hman si lo!
Report this comment
October 2nd, 2011 at 5:30 pm
He post chu ka chhiar lawk hman lova, a va tha kher em
Report this comment
October 2nd, 2011 at 7:42 pm
@ Fergie, ‘Stream in the desert’ i rawn sawi lang a, ka lung a leng lutuk. 1992-3 khan bial Thalai Pawl weekly ka enkawl a, he lehkhabu Thlarau leh nunna tih leh i sawi ami hi ka la chhawng nual hman. Ka duh leh hle mai. Guwahati ah khan lei ka tum ran a, mahse ka chhuak hman ta miah si lo a ni.
Report this comment
October 2nd, 2011 at 8:07 pm
Chhiartu zawng zawngte tan Lalpan a thu malsawm rawh se. Lushai_er, ‘Rorelna nawmbar pangate’ tih a series in rawn post ka tum dawn nia. Ka hriat chian loh lam pang tak a ni a, (kan ni tlangpuiin ka hria). kan chhawr tlan ka ring deuh ngawt a.
Report this comment
October 2nd, 2011 at 8:27 pm
Malsawmnain khar leh khiap mai ni maw?
Ka tan lutuk che..
Isua hmun tinah eng lai pawhin a pangai reng a ni.
Report this comment
October 3rd, 2011 at 7:49 am
“Chung zawng zawngah chuan min hmangaihtu avang chuan hnehtuTE aiin kan ropui zawk” (Rom 8:37) tia lehlin la ni fo se —History lamah Paula kha a ngawng lo hle ang tih hriat tur.
Conquerors an hriat tawhte kha an namai lo hle hlawm. Jews-ho nuai chimih leh hrekbeh duhtute vek an ni a, chungho lar zualte chu Nebukadnezzara (Babylon); Xerxes (Median); Alexander (Greece); Antiochus Epiphanes IV (Syrian), Caesars (Romans) … Puala lehkhathawn ziak hun lai hian Rome-hovin Jews an la awpbet reng bawk a. Conquerors-ho ropuizia an hai lo. Mahse, Messia zarah ringtute hi khang Conquerors-ho ai khan kan chanvo leh dinhmun a lo ropui ZAWK DAIH TA SI! Amen.
“Ropui taka ngamtu kan ni,” tih kha chu a fuh lo khawp mai, a thu tha ve fu mah se!
Report this comment
October 3rd, 2011 at 7:50 am
“Chung zawng zawngah chuan min hmangaihtu avang chuan hnehtuTE aiin kan ropui zawk” (Rom 8:37) tia lehlin la ni fo se —History lamah Paula kha a ngawng lo hle ang tih hriat tur.
Conquerors an hriat tawhte kha an namai lo hle hlawm. Jews-ho nuai chimih leh hrekbeh duhtute vek an ni a, chungho lar zualte chu Nebukadnezzara (Babylon); Xerxes (Median); Alexander (Greece); Antiochus Epiphanes IV (Syrian), Caesars (Romans) … Puala lehkhathawn ziak hun lai hian Rome-hovin Jews an la awpbet reng bawk a. Conquerors-ho ropuizia an hai lo. Mahse, Messia zarah ringtute hi khang Conquerors-ho ai khan kan chanvo leh dinhmun a lo ropui ZAWK DAIH TA SI! Amen.
“Ropui taka ngamtu kan ni,” tih kha chu a fuh lo khawp mai, a thu tha ve fu mah se! lehlin thar paweh hi a la kimchang lo hret, tihkimchan a chakawm.
Report this comment
October 3rd, 2011 at 2:31 pm
Pu Chawnghilha alo lang leh tan ta a, a van nuam em. A thluak that dan pawh a la ngai reng e. “Chung zawng zawngah chuan min hmangaihtu avang chuan, hnehtute aiin kan ropui zawk”. A pawm awm fu mai a; a background han hriat chian chuan!
Report this comment