Tunlai chu ka hùr laklawh tlat — 
Kum 10 liam ta mah nise, nimina ka thil hmuh khan ngaihtuahna tam tak min neihtir a.
Englo a nia… Kum 10 vel liam taah khan —
Ka thianpa, kan chhungte deuhreuh ni bawk fanu – kum 9 mi chu an Taxi khalhtu-in a lo khuaikhem thin a. An hriatchhuah meuh chuan tum 4 lai a lo chetsualpui tawh lo niin!
Chutia an han inman chhuak ta chu a khaw khahin a khat a. Chu chanchin tha lo takin vengchhung titi a luah hneh hle laiin, zan khat chu kan veng Taxi stand bul, dawr pakhat kawtah ka thianpa fanu khuaikhemtu thianpa (ni ngeia ka hriat) hian “…a hur hlen hrim hrim ang…” a lo ti pûng púng a. “Tu chu maw?” ka va thla rawk a. “Aw… Pu K***a fanu saw maw le… Upate pawhin an hur hlen thin, an tia law” a lo ti sam et a. A nui tet tet lehnghal a.
“Tawng fimkhur rawh. A hur hlenna chhan tur a awm lo ve; I mawl em mai. Tin, a pa saw ka thianpa, ka mi hriatchian a ni a, fanu hur a nei ngai lo vang” ka ti ta piap a. “Chuti chu, kan inchawi dawn em niang? Kum 8 hnuah inhmu leh ila…” a la ti ta hram a.
Khi zawng khi, he post thawnthu tlangpui leh a laimu chu a ni a.
Ti chuan, nimin – 2.10.2011 (sunday) khan Hualngo hmun rama kan huan enkawltute Gas pe-a ka haw lam chu khua a thim dawn ruai tawh a. Tlai khaw thlir phahin, world bank kawngah chuan muangchangin ka rawn tlan phei a. Hmun pakhatah hian tlangval 2-in hmeichhe tleirawl 1 hi an lo kuah a. An ruih hmel hrep a.
An zawn ka thleng, tlan pelh mai tuma ka va thlek chuan ka thianpa, K***a fanu kha ni tlatin ka hria a. Ka ding a, zung tur ang takin kawng sirah chuan ka inphawrh der ta a. Hlam 5 dan vel atanga minute 1 zet ka’n chian hnu chuan, ka thianpa fanu – kum 9 mi a nih laia an Taxi khalhtuin tum 4 zet a lo chetsualpui tawh ngei kha a ni tih ka chiang ta a.
In ka thlen ve leh ka thianpa chu ka phone nghal a. Ka thil hmuh leh thil awmzia te ka zawt a; a mi rawn chhan dan chuan rilru a tihreawm kher mai. “Thianpa, tihngaihna vak ka hre tawh lo. Kum 15 a nih chhoh atang khan kan invaw tan tawh… A pawi a ni, a pawi…” a rawn ti chuai raih a. “A va pawi tak ve maw le… mahse, kan thenawmah pawh a awm a, ani chu nula fel, kohhran mi tak a nia sin…” tiin ka chhang a.
“Ni lo. Dimdawina tel hauh lo, tharum leh vauna hmanga tum 1 khuaikhemte leh duat taka thlem a, naupang mah nise thiam taka an rilru hmin a, tum 4/5 lai lo khuaikhem tawhte dinhmun a inang thei lo. En teh… thianpa, hetiang vanduaina kan chunga a thlen hnu hian, theih ang angin a lo tawng ve tawhte ka chhui chho a.
Ka fanu tawn ang tawng ka hriatte chu an hur hlen vek… Mipa ngaih veng vengna an nei tlat nia! Rikrapna, vauna leh dimdawina tel hauh lova naupang pawngsual tawkte erawh a dan a dang leh daih thung. Hei hi ka thil hmuhchhuah a ni” a ti ta a. Kum 10 kal taa ‘mawl’ ka tih em em, zu rui-pa khan a sawi dik tlat. Lo inchawi tak tak ta ila, ka chawi dawn lo ni reng a!
Hetiang vanduaina lo tawng tawh chhungkaw tan chuan, he post hi a ngaihnawm lo khawp ang. Mahse, Mizote rilru-ah (hnamdangho hian nei ve maw?) naupang/ kumtlinglo pawngsual tawkte hi hur hlen tur leh mipa lova awm thei lo tur ang hiala ngaihna kan nei fur si a.
Naupang pawngsualtu/ khuaikhemtu lah “Naupang khawihchhetu” kan ti vei rawl nen. Hei hian kan rilru put hmang leh ngaihdan a hril chiang viau awm e. Rapthlak deuh a sin.
Chuvangin, a ruh lang deuh pawha sawi-ho a ngai ta! Hetiang lama thiamna neite leh tawnhriat lo nei tawhte, ngaihdan leh hmuhdan sawi ve duh hrim hrimte kan awm ang. Hur hlenna a nih theih dan te; nih theih loh dan te; engtia enkawl tur nge tih te i sawi-ho ang u hmiang.
Similar Posts:
- Naupang pawngsual kan hmuhdan hi
- “Ânu, i thi dawn ami?”
- Pafa inbarakhaih
- Call Girl Part – II
- Ngaidam miah suh
October 3rd, 2011 at 8:02 pm
Ehee…he1 chu(h)…!!!
October 3rd, 2011 at 8:07 pm
Khi assumption khi a fuh hmel viau a ni. Fimkhur hi a va tulin a va huphurhawm zozai si em!
October 3rd, 2011 at 8:07 pm
karma ani mai. be careful, for your next life. the end.
October 3rd, 2011 at 8:08 pm
Khai aw, van pawi ve
October 3rd, 2011 at 8:13 pm
enknawl dan in a zir ang chu.
October 3rd, 2011 at 8:14 pm
ni duh khawpin ka ring ani!
October 3rd, 2011 at 8:14 pm
ehiau
October 3rd, 2011 at 8:15 pm
no comment
October 3rd, 2011 at 8:21 pm
Khai a!
October 3rd, 2011 at 8:23 pm
Naupang mahni ngeiin a khuahkhirh hi nu leh pate tihmakmawh ani ka ti. chutilo a midang kuta dah hian pawi athleng awlsambik. I thianpa pawh hi afanu tet laia akhuahkhirh dan adiklo aniang, tum 4 lai alo khawih hman tlat… Thangthar tleirawl/rawltharte hian sex hi tihchhin a, tihleh a, tihzel tur emaw kan ti tawh ania… NU LEH PA te theithur eiah fate ha atim anih ka ring…
October 3rd, 2011 at 8:25 pm
Hetianga vanduaina tawk hi an khawngaihtlak asin. Mahse mipa lova awm thei lo an awm laiin mipa hlau hlen pawh an awm. Pehlawna innei te kha…a pasal a hlau a, mipat hmeichhiatna a hmanpui thei lo a, an inthen a nih kha maw! A naupan laiin vanduaina a tawk a niang an ti ringawt…
October 3rd, 2011 at 8:26 pm
Phuah thiam thin mang e.
Nia he thil a nihphung hre deuh khan han sawi zau teh u.
October 3rd, 2011 at 8:26 pm
Sad but true!!
October 3rd, 2011 at 8:29 pm
Sawi ho teh u…lesson pawimawh tak a ni.
Pasal nei ta se, an zia-awm ang nge, uire te hi an ching tho vang?
October 3rd, 2011 at 8:29 pm
Naupang enkawl thatloh vang pawh nilo in vanduai an awm ani. Naupang in thil thalo a tawh hun kha minute tlemte ani. Nu leh pa thiamloh a puh fai vek chi a ni ka ti lo. Hetiang a lo tawk anih chuan a enkawl zui erawh nu leh pa mawhphurhna. Mualpho kan hlau, kan inzep na lamah naupang vanduai khan a dawn tur ang treatment a dawnloh phah ve thei bawk
October 3rd, 2011 at 8:40 pm
no comment
October 3rd, 2011 at 8:44 pm
a post tu hi va hur awm ve a…
October 3rd, 2011 at 8:59 pm
Hetiang a naupang kumtlinglo khawih thin tute hi khawvela ka huatberte an ni.
October 3rd, 2011 at 9:06 pm
Kan tawn theih vek a ni a, an hur hlen tak2 em? Nge, rinthu leh zeldin thu mai. Kan chungah emaw, kan unau/ kan thiante chungah emaw lo thleng ta se, engtia hmalak tur nge? No comment tiringawt lo khan, i sawiho teh ang u.
October 3rd, 2011 at 9:07 pm
A van khawngaihthlak tak em! Khuaikhem thin ani tih an hriat chhuah atang khan uluk takin enkawl chho zui ta se….tih te ka ngaihtuah mai mai a
October 3rd, 2011 at 9:14 pm
Thi an neih hma chuan an hur hlen tlangpui antia.a dik tlangpui niin a lang.mahse tha taka enkawla,Pathian thu atanga,tihtakzetna nena enkawl chuan hetiang lutuk lo hian,pangngai takin an chhuahtheih ka beisei tlat.
A reng rengin world bank kawng,falkawn-melthum,melthum to zemabawk kawng saw sual tih nan an hmang thin an tia.adik reng em?enfiah vat chi. (OT viau em o?)
October 3rd, 2011 at 9:14 pm
mihring minute khat danah lek pawha danglam thei, rilru nghetlo tak mai kan nia chutianga consistent nghal tawp, hur ngei ngei tur anga ngaih chu a dik theilo hrim hrim. Sim har anih pawhin drug addict sim har ang kha nimaia, sim thei tawhlo a ni chuang lova, chutiangin hur lo thei tawhlo a ni bik chuang nang….Tin, kan character leh seilen chhohna hian eng thilah pawh kawngro a su bawk a, kan thih hma chu kan nungchang hi a inthlak thei.
October 3rd, 2011 at 9:16 pm
Naupang te mah nise thlem heuh heuh paha dimdawi tak a tih anih a, a rilru lam enkawl zui anih loh chuan hur hlen ngei ka ring e kei ve hi chuan
October 3rd, 2011 at 9:19 pm
Hur hlen theih a nih chu ka rin zawng tak a ni. Thluak khawih tel thil a ni miau va, a hun hmaa a lo tawng a nih ngat chuan thil ni thei tak chu a nih ka va ring em. An ni vek kher lo thei tho bawk ang, a hnua enkawl leh dan a zirin… te ka rawn ti ve mai mai.
October 3rd, 2011 at 9:21 pm
Thluak leh taksa a puitlin hma a mipa in duat taka a lo khawih thin anih chuan hmeichhe naupang chuan mipa mamawhna/thlakhlelhna chu a thanlen pui ngei ngei ang a, chhungkua in an hria anih chuan a enkawl zui dan kha a pawimawh a, enkawl dan in a zir te chuan hur reng bik thu awm suh.
October 3rd, 2011 at 9:24 pm
Post tupa, tawn ve phawt loh chuan hriat thiam a har, tawn ve atan thil duhawm/chakawm a ni bawk si lo….huizzz, a mihring a zir te pawh a ni mai thei hur hlen leh hlen loh chu, ka hriat ve chu a hur zui lem lo…
October 3rd, 2011 at 9:25 pm
A zialo hle mai
Gospel camping naa counselor ang nilo, trained counselor kan kan nei hlawm em. Dream Hunter ami David kha chu HIV ho tana counselor niin ka hria a, hetiang lampang counselor kan mamawh. Chumi te panna chang hre thin tura mipui hnena thu thehdarh nasat pawh a pawimawh ngei ang.
October 3rd, 2011 at 9:44 pm
Hmeichhe naupang leh uaitir tete, tlangval emaw pathlawi emaw zei lutukin an thlen heuh heuhva an chul heuh heuh hnua duhtawka an chet khawloh pui hnu hmeichhia chu a hur hlen lo thei lo hrim hrim. Pawngsual nen chuan tehkhin chi rual a ni lo ve.
October 3rd, 2011 at 9:47 pm
caribou #28 mipa kumtling a hmeichhia kum 18 hnuai an nih chuan emaw, mipa kum 18 hnuai, hmeichhia kum 18 chunglam anih chuan pawngsual a ni hrim2 alawm.
October 3rd, 2011 at 9:53 pm
hetiang lam counsellor hi lo nei pawh ni tehreng ila, va pan a, an tanpuina va dawn ai chuan an chhungte hian mualpho hlauh vangin thup bo daih a, zep ta tlat an awm ve leh thin si hi buaithlak tak ani
October 3rd, 2011 at 10:05 pm
Vawiin a bike a an lo phurh kha a hmeltha ngeiii mai
October 3rd, 2011 at 10:06 pm
Hur hlen lah lo ve aaa..Sex hi Addict theih ani a,tumna a awm tak tak erawh chuan insum theihloh tur a awmlo.Kan thupuia a sawi Naupang khawngaihthlak tak dinhmun ang khichu mipa kan nia,kan tawng ve lo a hriatthiam pui chat chu a har khawp mai.
Enkawl seilen dantur pawh chhungte tan chuan hriatthiam a harsa khawp ang..ka ngaihdan kan sawi ve mai mai teh ang. Hetiang vanduaina hi naupangin anlo tawng anih chuan Rilru nghet tak pu thei tura zirtir a pawimawh khawp ang,Pathian thu nen nun nghet tak nei thei turin zirtir ila a that ka ring..A tuartu nihve loh chuan sawi vak theih pawh ani lo.Mi pawisawi palh pawh a hlauhawm e.
October 3rd, 2011 at 10:08 pm
I thianpa sawi khi a dik mai awm mange tih theih tur in kan veng ah hian khitiang vanduaina tawk hmeichhia khi a awm a, zahmawh rawngkai leh dawrdap lam deuh hlir hi a titi tuina lam a ni thin, tichuan nakin deuh ah chuan sawn a pawm ta nge nge a. Mahse a sawnpawmna Pa nen chuan an inthlah tak tak ta lemlo a, chutiang a a hranpa taka ‘Hur’ han tihtur chu a ni bik tawhlo.
October 3rd, 2011 at 10:12 pm
a dik hmel khawp mai. Tharum a tih luih nen cuan an inang lo top ang.
October 3rd, 2011 at 10:17 pm
A va pawi ve aw….DNA awakening chu hei hi a ni. Rilru, ngaihtuahna, imagination te hi kan hmu lem lem in kan ngai ho viau a, life-science leh bio-chemistry thil hmuhchhuah te hian an lo ho miahlo tih hi an rawn finfiah chho mek zel e.
Mi reng reng, ni a kan inngaih ang ang hi kan nihna emaw kan thlen chin chu a ni zel, hmeichhia in chhe ta thak, thianghlim tawh lo, hlutna nei tawh lo emaw a intih chuan chu chu a nihna ah a rilru in a pawm ta thlap a,mahni hlutna nei tawhlo emaw inti chuan khi khi a chantawk ah a ngai ta mai a ni. Kan rilru a message/data chuan kan thluak ah electrical charges a pe a, kan thluak in a tihtur a ti ta a, chu chu sex bik ah chuan sex hormones leh prostate leh endoctrinal glands te a lochhuak ta a, kan sensory perceptors in kan biological clock ah registry a dahlut a, kan lo hur ta mai thin a ni.
A kaikuang chu kan mind hi a ni. See no evil, hear no evil, say no evil hi a Biblical in a scientific em em a ni.
kan mind ringawt pawn kan englo **** hi a kawh tir luah theih alawm. eh…..
October 3rd, 2011 at 10:28 pm
Dik chiah, tharum a tih nen chuan a inang theilo hrim hrim..
October 3rd, 2011 at 10:30 pm
Kan hmachhawn tur hi a va han khirh ve le aw… hui ham…
Mizoram Super Model an han tih hmasak ber tum khan, ka nau, tisa a ka nau ni lo, inthian tha tak, thianghlim deuh a ka kawm thin kha a tel ve a. Top 5 thleng thak in a tel phak ve a. A thian, a tel pui te kha min rawn introduce pah in, thian tha tur angin a rawn introduce thin. Kei pawh in thian tha angin ka lo en a. Tun hnu a a thian te, min rawn introduce ten ka hnena an sawi thin chu, ‘Khatiang hun a chetsual pui tum lo a min lo kawm thin kha ka va lawm tak em’ an ti liam liam thin. An hmelthat leh an pian a nalh avanga lo khuaikhem tum ngawt khan khawvel a ti buai. Nupui fanau nei lai ka ni a, lo zat zek zek hi a trul lohna ka pawh pha ve tlat. Ka comment chhiartu tam tak, mipa ho (hmeichhia poh awm bawk ang…) ngaihdan a ni dawn lo tih ka hria. Mahse, kei chuan hmel leh pian avanga rilru thlak mai mai hi ka tum ve lo.
October 3rd, 2011 at 10:40 pm
Ka rindan tlem, hetiang lo tawk tawh chu hur hlen turah leh sual deuh turah kan dah vang hian an sualin an hur duh a ni maiah ka ngai. Kan society hian hmu he lo ila a zia awm theih ka ring tlat. Tawhsual tawk miahlo pawh hi hur viau turah ngai tlat ila a hur em em ang.
Naupang hi kum an tlin hmain thil tam tak an tawngin an hria. Mahse an ching hlen vek lo.
October 3rd, 2011 at 10:54 pm
Hur hlenna ah chuan ka puh ngam lo. Kan zu in tur min intir lui ngai ka ring lo. A awmzia chu keimah ka pawimawh. Ka duh tlat chuan ka duh a ni mai a, ka duh loh chuan a tihngaihna avang khawp ang. Taxi Driver chu kuk tawlh chi a nih chu.
October 3rd, 2011 at 11:12 pm
Mipa puitlingin hmeichhe naupang kum 9 mi hlawhtling tak leh inhliam lovin a pawl thei chiah ang em? A lo theih a nih a, vawi 4/5 vel lai an lo chesual tawh a nih chuan, a ngaìh tuahawm khawp ang, ka ring. Pasal nei lova awm thiam lo, an neih chuan fel ang reng fu, an ni duhin ka hria.
October 3rd, 2011 at 11:13 pm
Kan society ah kan value system hian min kaihruai nasa em em mai a, kan society in chhe ta der ah kan ngaih avangin anmahni pawh in chheta der ah an inngai a, chu mi kalzel chu a pawi khawp mai. Mizo hmeichhia, mipa in a lo theih tawh hi a mipa hian a duh dan dan a kutzungchal a a koh leh theih ang a inngaihna pawh hi thiah a va hun tawh tak em. Nula viginity(thianghlimna ka ti duhlo, virgin lo an thianghlim ta lo ang a ngaihna hi a pawizia leh side efefct kan sawi mek a ni si a) sawi ropui hi a tha, mahse chumi avanga virgin tawh lo chu thianghlim tawhlo ang a zuh ngaih hian side effect a neih chhiat zia hi chhut tel a hun ta bawk e.
October 3rd, 2011 at 11:19 pm
ANSWER= https://www.google.com ah en rawh : sawitu @HV
October 3rd, 2011 at 11:31 pm
zirna lam atang chuan thi an neih hma leh nula senior an nih hnu a danglam lo, than thi neih hma a nih avangin hur hlen nachhan tur a awm bik lo an ti. Naupang a ni emaw senior a ni emaw a nawmna an pawh tawh chuan emaw an mahniah verginity pride a bo tawh chuan easy deuh theihna chance a sang. Kum tling chin chuan kan hriat vek kha. I bialnu i mutpui hmasak ber leh vawi 4/5 na vel chu a inan loh em kha.. “tawh tho tho..” rilru an neih tawh chuan a dan chu dang tak a ni. Hur veng vengna emaw mipa mamawh ngawih2 na chu naupang leh pang lo, pawngsual leh sual loh lam ni lovin gene / hormone pianken lam vang zawk a nih ka ring.
October 3rd, 2011 at 11:37 pm
drake: ka click tak tak trep chu a…ka point hman thuak..haha..
October 3rd, 2011 at 11:56 pm
rape chungchanga tunlai ka vei em em chu: hmeichhe lam(victim)hi kan vengin kan aware nasa a, a tha tho. mahse mipa lam hi kan hrilh tam tawk lo. (eg. Hmeichhia kum tling lo <16 i mutpui chuan, i bialnu pawh nise, a duh ve vang pawh nise, inru pawh ni ula..a man a sawm zawk che pawh nise..etc. I mutpui chuan i rape a ni tho tho..jail-ah i tang anga i hmakhua a chhe vek ang..) tih lampang hi hrilh tam ang u. Tun sunday khan senior dept. a ka naupangte hetiang lam pang hi ka sawipuia lo hre lo an awm tlat. Kan rama rape case tamtak hi hetiang case hi a ni fur a nia.
October 4th, 2011 at 12:45 am
Hur hlen leh hlen loh chungchangah chuan sawi tur ka hre hauh lo mai a. Mahse, a tak behchhana an film siam pakhatah chuan hmeichhe naupang chu a hur hlen ngei maiah! Hur lama kal tawh vek vek chu a satin an sahal huam huamin a nia ka rin ni.
October 4th, 2011 at 1:11 am
Ahma chuan mak kalo ti thei lutuk a , Mahsela tunah chuan ani dawn mange kati rilru ve ta.
October 4th, 2011 at 1:17 am
ti ve chhin
October 4th, 2011 at 1:35 am
45 khi ka ring deuh! thi neih hma a sex lo hman avanga pawngpaw sex duh huam huam kha thil ni thei niin a lang chiah lo deuh in ka hria!
Hurna hi kap atanga in tan nilo in, thluak atang a in tan anih hmel!
October 4th, 2011 at 6:44 am
Vanduai theihna hi a tam mange maw. Hur phah deuhna chu a ni ang, sex ngaih zamna tal a thlen ka ring.
October 4th, 2011 at 7:29 am
Ka rilru a hneh khawp mai.Kan fa ngei te chungah thleng ta se vanduai na ava ni dawn rua em!Chutih rualin victim kan thlir dan tur kawngah pawh hnam tarmit hi thlak a tha khawp a sin.
October 4th, 2011 at 8:54 am
“Hur hlen leh hlau hlen an awm,” an ti. Child molesting hi a that loh avangin ZONU MAGAZINE-ah tunhma lam khan ka thuziak min chhuahsak ve chawk thin. Hnam dangin an fate hnena thuchah an neih dante — Editor Chhingpuii leh Thankhumi te pawhin min request ve thin a nia! :insawithei:
October 4th, 2011 at 9:10 am
Hur hlen lam chu lo dahtha ta ila, hmeichhe sex hmang hma, pasal nei hma lutuk hi chhul cancer an nei hma bik an ti tlatin ka hria.
52@ hlauh hlen pawh chu thavak chuanglo ang a. Zaktheilo leh mi zakzum inkar a hla khawp ang. Pathian, Pathian lam hawi se an hur hlen lo ang a, an hlau hlen bawk lo ang
October 4th, 2011 at 9:26 am
in hur!
October 4th, 2011 at 10:38 am
Naupang khuaikhem hi ka lo ekzam ve ta nual mai, ka khawngaih thei khawp, mipa naupang mawngkua a lo ti duh tawk pawh an tam an ti, pa 2 chu ka tawng tawh..kum 2 kum 3 mi lek lek an it thei hi a buaithlak ngawt reng a ni..hmanni lawk lawka thil thleng anih vangin an hur hlen nge hlenlo ka sawi thei lo, tlangthang lemlo va thil thleng hi a tam ngawtin ka hria..sodom leh gomorra kan iang zo ta e.
October 4th, 2011 at 10:51 am
Ngaihtuahna a hruai khawp mai.
Kawlhawk, november last week eng ni emaw berah chaw ei turin ts-a nen kan rawn insawm dawn. Lo inkau rawh.
I post tawh khuaino mitthla chungin…
October 4th, 2011 at 11:33 am
#56 hi zualbonez tihin kan hmuh hman thuak chu aa..
Mi thenkhat hi chu kan piangsual nasa em a ni. Hetianga kum tlinglo it tlat hi chu an piangsual nasa hlein ka hria a, sawrkar hian enkawlna te hi jail-cum-hospital ang deuh te hi nei sela tha viauin ka hria. Kan ram population atanga chhut chuan a percentage hian kan changsang khawp lehnghal tlat hetiang lamah hian..
October 4th, 2011 at 11:42 am
Vawikhat pawh casualty-ah ui pawngsual an rawn hruai a, a ui(victim) rilru na lutuk kha a bauh vak vak an ti, hahaha..ran pawngsual hian victim hi engtia ekzam ve chi nge niang, case engnge awm thei reng, khi ui pawngsual ka sawi khi chu engtin an ti lo niang,,a thanatthlak e, kan UI pawh an him ta lo, mizote hi eng kan ti zo ta nge ni..
October 4th, 2011 at 11:50 am
Than thi neih hmaa khawih ho hi chu an khawlo duh tlangpui a ni awm e..a pawi a ni
October 4th, 2011 at 1:17 pm
vakul @56, ual kham!
October 4th, 2011 at 1:22 pm
Thil ni thei, awm thei tak a ni. Naupang ven fimkhur, enkawl uluk a tul hle mai
October 4th, 2011 at 1:27 pm
Hetiang tih ching pahnih khat hichu kan sakhuana dahtha in inkhaihlum ila a zia deuh chuan ka ring mawle…
October 4th, 2011 at 1:28 pm
Hur tih ve mai awm..thlukna a awm kher khi a ngai em o?
October 4th, 2011 at 1:33 pm
@kawlhawk, i thu hmatheh a a khawihchhetu thianpa chu engvanga hnek dawp lo nge maw i nih le!!?? In Pawngsualna a ngaih pawimawh loh zia chuh!!!@#$@#!!
October 4th, 2011 at 1:38 pm
@63 malsawma, a thupuiah khi chuan thlukna ngai tehreng e aaa… Eg : I va hur ve… Kawlhawk hi hur tak a ni… Tar hur a nih saw…heta ‘hur’ ah hi chuan thlukna a ngai lo.
October 4th, 2011 at 1:43 pm
Tuna thupui i post danah khi chuan ”Huuur hlenna” tih lam a kawk zawk..a sentence a zirin thlukna chu a dah theih teh meuh mai.Tuna i thupui ang erawh khi chuan ”Hur hlenna” tih in dahla a inhmeh zawklo maw?chhiar pawh a nawm zawk ka ring??
October 4th, 2011 at 2:06 pm
Thlukna hi hmandan mumal tak kan la nei lo hrim2 a. Kan en ber Bilble leh Kristian hla bu-ah lah thluk sang emaw, hniam emaw, thluk sei emaw thlukna inang pet pet a hmang vek a. Thupuia “Hùr hlenna” pawh khi Bible ziak ang tur chuan “Hûr hlenma” tihtur a ni ngei ang. A chhiartu ngaihdan a zir a ni ber e.
October 4th, 2011 at 2:18 pm
Naupang pawngsual tute hi chu an chimawm ngawt mai. Tan sak tlak an ni..
October 4th, 2011 at 2:22 pm
#58, Ran sex hmanpui hi bestiality an tia,IPC 377 ni tlatin ka hria( ka chiang tohlo ) hmangin a hrem theih..
October 4th, 2011 at 7:05 pm
Hmmmm….