(He thil hi a tak taka, thingtlang khaw pakhata thil thleng a ni.)
Sihal hmutu pa kha dem chi a ni lova, dem thian pawh va ni suh. An tawng chuan Sihal kha Siel a ni miau, Sial tak takah an ngai atin nih kha. Ngai lo chi pawh va ni bik suh, Siel tih kha Sial tih nen a inang em lah bawk a.
Siel kha Sial tak takah an ngaih avangin, an khawtlang buai zova. Siel kha Sihal tihna a ni tih hria se zawng, buaina an pumpelh tihna a ni mai dawn si a. “Zu rui a man a, a mantu pawh a rui. Magistrate hnenah an hruai a, magistrate pawh a rui tho” an tih ang vel a ni. An chiang lo vel vek.
A dam that loh avanga a ramkal haw chuan, Sihal kawng kán a zuk hmu khangláng. Khua a thlen chuan a mi tawh hmasak ber hnenah, “Daiah Siel in kawng kán maw le” a ti mai si. Siel chu Sial angah changchawiin, a hrilh pung ta hluai a. An khawtlang buai tan ta…
Tlangau a rawn áu ta lauh lauh mai. “Tun maiah khán Sial lian takin kawng a rawn kán a, mipuite chhuak lo turin kan inhriattir a. Tin, patling awm zawng zawng Hmar lam veng tawpah kal khawm nghal vek tur a ni e”
Pasaltha zawng zawng an ramriak vek mai si. Silai khawih ngai reng reng an awm hauh lo. Silai awm zawng zawng an khawn khawm a, panga chauh a ni. Silaimu lamah an buai leh ta. Original pawh chu ring zo lovin, an siam tha. A zén an thun belh a, musep zawng zawng mupui-ah an thlak ta nghawng nghawng.
Thalai tlema phawk deuh lam deuh chuan, an khaw pachak nia an sawi chu a ke a man tir mai duh chin an awm. Airgun nêna a mit lo kah del tum pawl nên, sairawkherha perh pawp pawp tum pawl an awm bawk. A then khama um liam thak duh an awm bawk. An chiar nuah nuah a.
Pa pakhat a rawn dingchhuak a, phuahchawp baksakin hlado a rawn chham ta-
“Sechal lunglian huangtau e,
Dai vel e, valrual tho ru;
Thuam ang do kan ti,
Khua leh tui thlahual e”
an kut an béng hluah hluah a.
A chham zo ta. “Tunge Tualvungi ko ang?” Tuman an chhang lo,Tualvungi ko tur an ni lo tlat. “Tunge Sial káp ngam ang?.” Pakhat a rawn dingchhuak a, a hrenpereng a pawt mar ten tawn a. “Keiman ka káp ang.”
An ulhbun silai chu a ulhbung rap a, mupui ngei mai a thun. Silai chèngah a kutzungtang a rawlh, van lam hawiin a tin. A silai káwm chu a darah nghat ta mai lo chuan, a zakzeh ta chuih mai le.
Eh…..i tla…..hmm
Pakhat arawn ding leh a. A kekawr kawnghren atana a hman, mau hnang chu a tawn nghet sauh va. “Keiman le” A han ti chhin vel, a zei fu. Thlan loh phal chi a ni lova, thlan loh ngam pawh a ni tawh lo-an thlang ta. Kap ngam tur panga an nei ta a, a chan dan an remruat leh ta.
An hmaiah Commando takin, meihawlin an inziak rang nuau va. Ram hmangaih kawr an neih ang ang an ha theuh bawk a. An che na khawp ang. A kawng kanna-ah chuan, a huaisen zual pahnih an thu ang a. An hmuh rual rualin an kap thum zawt ang.
Hmar lam zawng chu kham chhengchhe tak a ni a, chan a ngai lovang. Chhim lamah chuan, silai pathum nên an cháng bawk ang. A theih anga tam chu kawngpuiah an awm ang a, silai a rik hmasakna lam lamah an tlan khawm vat ang. A thi lo a nih chuan, chempui nên an ti tawh mai dawn a ni. Fei an zum theuh bawk a, an that thei ngang lo a nih chuan khàmah an úm liam thak mai dawn a ni.
Pasaltha pangngai awm ta ngang lo chu an chhuah dawn tak tak chuan, an zam rilru leh deuh lawi si. Hetiang taka tlangnel chu a tha lovang e, kan nunna te kan chán palh ang tih a hlauhawm e. A hmutu pa zawt chiang leh phawt ang an ti a.
Dam lo khur bauh bauh chung chuan, patling awmkhawmna lamah chuan a kal phei ta. “A lian em, a kawlh hmel reng reng em?.” an ti a. “Lian lutup maw le, keimahni kap loh chuan Ar zawng zawng seh vek dawn” a ti ta heu mai.
Thinrim tak chuan, “Sialin Ar aseh ngai a mi?.” Mai mai a. “Siel lawm, amah chu zanah pawh û bak bak nia.” Sihal a nih chu. Aw, Singal chu keimah tawng chuan Siel lawm.
“Zuapa lungmawl Lambachia, ka kap dawn sial, Siel chu Sihal maw .” Tlangvalho phei chu thinrim tak an ni. An hawng tau sap sap a. An inpuahchahna zawng zawng a ho zova, nuihzatthlak maiah a chang zo ta a ni.
Khawtlang mipui titi ber a ni ta a. A hmutu lah a inthiam lo duh bik der lo. A khawlai kal pawh, naupang ber thlengin “Pu Siel-a a lo kal” an ti ta vek. Tihngaihna dang awm hel lo le, “aw keimah siel”. Khawtlang mipui buaina atan chuan, Sihal chu a nép deuh a ni e.
He pa hi a thilsawi hi a mak reng reng thin. Vawikhat pawh a Leipui-ah Sakhi a hmu a. “Keimah leipuiah Chakhi lo kal a, keimah hmu chiah lau lutup a. Amah chu zuanga zai a, zuana zai leh a, zaia zuang leh a” a lo ti leh tawh niawm tak a ni. A hûk a, a zuanga, a huk leh thin a tihna ve kha a nia. Mite nuihpui hat khawp thil hi a hmu thei reng reng.
Engpawh nise, a ni tur a ni zo tawh a. Nuih pui lawp lawp bak tihngaihna dang a awm lo a ni ber e. UFO, Bermuda Triangle tih vel aichuan a khaw mite titi sawi tam a ni a. Tun thleng hian, titi ngaihnawm a la ni ve reng tho a ni awm e. An khuaah chuan Lallianmawia, CFL Hmingthanga…adt. te an lar ve tan dawn chauh an ti…lol
October 3rd, 2011 at 10:10 pm
Chh1ar ila
Report this comment
October 3rd, 2011 at 10:17 pm
Hahaha, ngei awm duh phian dawn tak hi le.
Report this comment
October 3rd, 2011 at 10:19 pm
Ka tum aiin a ho.
Report this comment
October 3rd, 2011 at 10:19 pm
Sial pawh chu nise, chuti taka inbuatsaih a ngai dawn emaw ni le te ka tia, ka hriat loh vang nge. A ngaihnawm ve hrim hrim e.
Report this comment
October 3rd, 2011 at 10:21 pm
Ngaihnawm phian mai. Thu kalsual palh hi pawi thei tak a ni reng a ni, a bikin ral ramah phei chuan thih leh dam a hril thei tlat.
Chutih rualin Comma (,) vanga thih leh dam kara len te pawh kha ka hriatchhuah leh phah.. HANG HIM, NOT SPARE HIM tih leh HANG HIM NOT, SPARE HIM tih te kha…
Report this comment
October 3rd, 2011 at 10:26 pm
last sentence khi ka like e..!
Report this comment
October 3rd, 2011 at 10:42 pm
min dinui nada nghawp hmai aaaaa…. nghei du a dabai hian ngha like!!
Report this comment
October 3rd, 2011 at 10:53 pm
Ngaih nawm khúps mai. I thuziak a ngaihnawm tulh tulh mai.
Report this comment
October 3rd, 2011 at 10:57 pm
#8 Unaupa ka lawm e. Mi i fak peih ngawt mai.
Report this comment
October 3rd, 2011 at 11:00 pm
Nuam e,hrehawm..!
Report this comment
October 3rd, 2011 at 11:33 pm
Ngaihnawm thin e(Y)
Report this comment
October 3rd, 2011 at 11:46 pm
@9.constructive tak a criticise na tur ka hriat loh emaw, a mood a ka chen loh chuan ka comment lo mai. Literary value nei pha chin a niin ka hria. Midang pawh an awm nual, an hming sawi lan ve lohte tan a hrehawm takin an hming chu ka sawi lang kher lo mai ang.
Report this comment
October 4th, 2011 at 12:15 am
an in puahchah dan khi i ti fiamthu mah mah.. Tunhma deuha dai hnaia sapui lo tla leh sa hliam an um dawn tuma an in puahchah dan leh ro an rel vel dan kha tunlai naupangho hi han hrilh la maw le..
Report this comment
October 4th, 2011 at 12:40 am
A ngaihnawm khawp mai. ‘Siel’ chu eng tawng tak ni ang maw ka lo ti mai mai a. A hmutu chauh tawng zawk nge ni?! A taka thil thleng i ti na a, a awihawm loh deuhte’n ka hria e a!
Report this comment
October 4th, 2011 at 1:16 am
I ziak ngaihnawm hle mai.
Mahse (han ti ve khanglang ila), “An hawng tau sap sap a” tihah tak khian titawp ta la a fuh ngawt ang ka lo ti rilru mai mai a
Report this comment
October 4th, 2011 at 5:38 am
#14 Siel tih chu Chakma(Takam) tawng a ni.
Report this comment
October 4th, 2011 at 8:40 am
Pakhat mi angvaklo, tawngfiahlo pawhin Thehlei insual ahmuh kha `havawm insual` atih peka, savawm emaw tiin an buaibui hlut tawh ni awm a ni.
Report this comment
October 4th, 2011 at 11:09 am
“Zu rui a man a, a mantu pawh a rui. Magistrate hnenah an hruai a, magistrate pawh a rui tho” an tih ang vel a ni. An chiang lo vel vek.” <——– An va chiang awm lo em
Report this comment
October 4th, 2011 at 12:16 pm
Zu rui an man a, a mantu rui bawk si, a doctor medical tu tur rui bawk si, doctor chuan, ” a mantu rui bawk,a mana rui bawk, a medical tu tur rui bawk, ” a tia, zu rui lo angin ziak hmiah, police ho ngaihdan a ni lo kher an ti..taktak a nia..ka nuih a za,,i thuziak ngaihnawm phian, thil ni ve thei awm tak a ni e.
Report this comment
October 4th, 2011 at 1:17 pm
A ngaihnawm hlimawm phian mai. Mizo khaw pakhatah chakma papakhat thusawi an buaipui chiam tihna ang vel a ni maw…an buai phah hrep leh nghal. A tawpa an hriatchhuah leh khian a tihlimawm fu mai.
Report this comment
October 4th, 2011 at 1:18 pm
A tak tak a nih chuan thil thleng hlimawm tak a nih tawh dawn khi..
Report this comment
October 4th, 2011 at 3:35 pm
Hahhahah Kulikawn Tatawma min ti hrechhuak e a hairehai
“I poster chu avan sexy ve a,” a tih tum sela, ” I poscher chu avan chekchi ve a,” a ti daih zel 
Report this comment
October 4th, 2011 at 3:40 pm
American Theater pakhatah pawh, seat awl pakhat chiah a lo awm tawh a. Mi pahnihin an inchuh a. An chet dan a mawi chiah lo va. Pakhat zawk khan, “FIGHT” a ti a, an inhum pheksek chhungin, mi 103 velin an nunna an chan hman asin.
Eng dang a ni lo, mi thenkhat khan “FIRE” tia an lo hriat vang a ni! Exit door-ah an in stampede ta chiam mai a —minute rei lo te chhungin khi ti zat khian nunna an chan hman zu nia!
THU (word) hi a lo nung hle a lo ni —a chhe zawng leh a tha zawng pawhin! Sibolet leh Shibolet chungchanga thi zat kha in hre ve tho em? Thudik lo hi DAWT a ni bawk si!
Siel pawh ram-SIAL-a ngaih tlat chuan … “Wellington defeated …” tih thu ringawt pawhin Britain a tingui lungngai hman hle a; mahse thu thawn kimchang, “Wellington defeated Napoleon,” tih thu an han hmuh kim meuh khan, thawklehkhatah Britain a nui leh thei nghal!
Report this comment
October 4th, 2011 at 3:57 pm
Badura pawh khan ‘Sakhhi ka kap e’ tiin a thiante a hliam zawn pui turin a sawm a. An hmu mai silo, “I Kap fuh chiang lo a ni lo maw?” an ti a. Amah chuan “Chiang chu chiang mawle… Ke leh ke inkar takah!” zuk tia.
Report this comment
October 4th, 2011 at 6:40 pm
A za hle mai a!
Report this comment
October 4th, 2011 at 11:33 pm
Sakhi zai khian ka nuih ava ti za tak em
, Manga pawn ar tuhrik kai hnem lutuk kha khawnnge in khel thin ang aw ati vawng2 mai alawm, khawnge a tlat thin ang aw a tih ve na kha ania. Tiang tawng dik teuh deuha an hmang hian min ti hlim thei khawp mai.
Report this comment